蒸廬

🕯服務香港人嘅點心舖💛呢間點心點 相信大家都唔陌生其實之前都一直想試今次終於有機會試到佢哋嘅點心因為佢被禁晚市堂食 所以只係做外賣外賣燒賣兩籠 外賣都一啲唔馬虎 將佢放左入保溫袋之後送到返屋企仲暖笠笠 .佢地嘅蟹籽燒賣真係好大粒 一定要分幾啖食 因為會辣親個嘴佢哋嘅口感偏實 所以食落唔會太散 每粒燒賣都有一 兩粒蝦 食完唔會太鹹而覺得膩 因為我以前食過食完會覺得自己好似食緊味精咁..一開就咁大煙😂🙈.下次有機會會再試埋佢嘅其他點心希望唔洗再係外賣啦🙈…查看更多

我哋兩個一向都好鍾意四出搵好嘢食，聽講石門出名多好西食，所以襯住星期六就專登出石門搵食啦。😋今次本身目標係另一間石門知名Cafe，點知撞啱落場時間，所以就轉戰waiting list嘅另一間點心小店「蒸廬」😝我哋今次總共叫咗5款點心，第一款係「瑤柱蝦米煎腸粉」，外觀正常無特別，但味道尚算唔錯，腸粉表面煎香，加咗蝦米/瑤柱&大量蔥花，食落香口有口感又唔會太油膩。🥳第二款就係震店之寶「黑金流沙包」，菜式上檯嘅時候我哋兩個都有d驚訝，因為個包嘅size比我哋想像中巨型，本身以為會食唔曬要打包，點知食咗一啖先發現個擔心係多餘，因為個流沙包大嘅原因原來唔係因為個包太厚，而係因為佢嘅奶黃流心餡超多💛，而且蒸嘅時間啱啱好，令到個流心包做到皮薄餡多嘅效果，奶黃餡非常流心，蛋香味濃沃，味道香甜而不膩，食完都唔會有飽到食唔落其他嘢嘅感覺，但要提醒各位搣走張底紙嘅時候要小心唔好太大力，而且建議直接用手拎住食就最好。🙌第三款＆第四款就係雙皇「晶瑩蝦餃皇」＆「蟹籽燒賣皇」。蝦餃外表晶瑩，睇得出師傅手工真心唔錯， 用筷子夾起蝦餃完全唔會有就快散開嘅感覺，而且蝦餃皮厚到適中，蝦肉新鮮大隻，值得推薦。👍而燒賣一樣蒸焗時間剛好，挺身結實，用料充足，加上蟹籽令到燒賣鮮味特出。😋最後一款係甜品「養生薑汁糕」，雖然係一款甜品，但食落唔會感覺太甜，反而薑汁味特出，後勁少許薑辣，口感煙韌 ，舒服暖胃。🔥…查看更多

點心可以有幾好食？呢間即叫即整，落足料，我服！1.花膠蟲草花粟子燉土雞湯個湯有咩料，睇標題就知，唔使多講。個湯名有嘅，都真係有，冇呃你。蟲草花超多，土雞雞肉超級出奇地香！見落左好多杞子，紅棗，令湯香濃得黎又清甜。真係貨真價實超足料，湯又勁熱。不過略嫌甜左d2.蟹籽燒賣皇燒賣好大粒，大過酒樓食。每粒打得肉質夠結實，好飽滿，口感味道一流！3.鮮蝦菜苗餃菜苗塞得好滿，好有菜味又唔會有渣，蝦大大隻又爽口。皮唔算薄，但我鍾意味道一樣好好。4.瑤柱蝦米煎腸粉落左好多蔥同蝦米，加上真係即叫即煎，食落口仲係好熱，更加香口。不過就唔多覺有瑤柱。同埋本身腸粉完全冇味，係要點甜醬。5.增城蔗糖馬蹄糕出面食馬蹄糕邊可能見到咁大粒馬蹄，唔使講，足料程度何等佛心。蔗糖味香糖，食完之前幾款鹹點食返甜野令口味恢復清新，好正。普洱好好飲，好消滯。茶錢只係$4/位，仲唔使加一服務費，真夠良心吧！雖然位置較細唔會坐得好舒服，但勝價比高呢！…查看更多

度度都係連鎖式茶樓，想安全咁飲啖茶、食個包都難發現石門呢間中式點心店，佢招牌係蒸飯拼燉湯，但我哋覺得點心同甜品比較好有5款燉湯，黨蔘天麻川弓燉魚頭湯係其中一種基本材料含黨蔘、天麻、川弓、白芷、杞子、圓肉、魚頭燉湯以一盅盅上枱，揭開蓋時不斷冒煙，熱辣辣驟眼睇材料豐富，不欺場，只係整體偏油，略帶肥膩燉湯顏色略深，的確係濃郁，入口即時感覺到藥材味超重，藥材有啖啖回甘味但藥材散發出微酸味，估計係杞子，桂圓肉香甜味未能中和魚頭雲滑嫩，但鮮味同香味未能融於燉湯內，就係欠缺魚味最奇怪係湯內有一件魚頭雲，但湯內竟然毫無魚味，只有極濃藥材味欣賞材料夠充足，如果湯名叫黨蔘天麻川弓湯會比較高分套餐仲有荷葉蒸飯，南瓜鳳爪排骨飯放置荷葉表面以大個竹籠上枱，籠仔蒸飯的確幾霸氣除咗鳳爪、排骨、南瓜粒，仲有菜心粒粒，顏色鮮艷吸睛飯粒黏口，偏濕潤，並非乾身，有輕微荷葉清香味油份唔算多，甜豉油另上，可自行添加豉味鳳爪配豆豉排骨份量唔少，掛列整齊鳳爪略有彈性，醬汁幾濃，排骨滑嫩帶酸甜，肥肉唔多，只係略嫌唔夠乾身菜芯粒無咩青味，幾爽甜，但最美味反而係南瓜粒，軟腍香甜，撈飯有啖啖南瓜微甜味晶瑩蝦餃皇喺套餐加小點價錢就有兩粒，出爐時脹卜卜，睇落好飽滿蝦餃皮的確幾薄，晶瑩剔透，白裡透紅，雪白蝦餃皮透視紅噹噹蝦肉表皮入口煙韌滑溜，蝦肉鮮甜，份量幾多，唔算好爽口彈牙，可以接受蟹籽燒賣皇亦似乎係招牌之一，一籠有四顆，每件都好大粒比平時坊間食嘅燒賣大一倍，加上橘色蟹籽點綴，好吸睛餡料都足夠，蝦肉、豬肉各佔一半，豬肉略肥膩，但蝦肉可以接受，質感好紮實腸粉賣晒，轉為點選鮮竹牛肉球，牛肉球反而比招牌貨有水準質感彈牙，牛味雖唔算濃，但滑嫩黏口，喼汁相當配合潮州大粉果同蝦餃相似，一樣飽滿，粉果皮、蝦餃皮比餡料出色餡料有爽口白蘿蔔同韮菜碎等，但唔太食到花生粒、蝦米薑蔥牛栢葉係周末限定，睇落夠大碟、好足料，入口味道不過不失配料較入味，牛栢葉好有咬口，有咬口，咬咗10分鐘都未咬得爛甜品比點心優勝，冰凍紅豆杞子桂花糕一碟三件件件晶亮，燈光照射特別透光，最啱天氣炎熱下食用將桂花糕、紅豆糕融合，底層為紅豆糕，上層為桂花糕，側面可睇到材料充足底層有密集紅豆粒，上層舖有桂花、杞子紅豆糕略甜，粒粒紅豆有咬口，亦幾大粒，軟心微微起沙桂花糕散發幽幽清香感，桂花味慢慢滲出，清甜味配搭紅豆香甜味桂花糕中和紅豆糕甜味，顯得唔算太甜…查看更多

第三次到來這間點心專門店，之前兩次都是平日晚飯時間來吃蒸飯/點心和飲湯，今天星期六再來食點心這裡食物質素好、員工禮貌友善，是我們一再光顧的原因。小店很受歡迎，每次來到都坐無虛席。客人流轉快，拿籌約10-15分鐘便能入坐。今次我們兩人點了5個點心，看看圖片睇下點心幾靚燒賣夠大粒，蝦和豬肉比例適中，唔會係豬肥膏。芝麻包是流心的，芝麻味也很香！糯米雞賣相很特別，像蛋包飯，入面藏有一隻雞翼喝茶方面，小店也有壽眉、普洱等等幾款茶供選擇。儘管石門有其他飲茶食點心的選擇，我們還是只會來蒸蘆這裡品嘗美味嘅點心…查看更多

和家人周末放假最好一盅兩件，比起酒樓，我們更愛去點心小店光顧，因為連鎖酒樓的點心現在大多都不是即點即製，而是從大陸廠房生產，失去吃點心的意義，所以我家吃點心都挑點心店的。無飯不歡的媽媽看見這裡有籠仔荷葉蒸飯，心情無比雀躍，她立即說來個蝦子榨菜肉餅飯。肉餅在蒸的過程中釋放出來的肉汁，超級無敵下飯，新鮮的豬肉做出來的肉餅特別鮮甜，加上榨菜的鹹香，蝦子的鮮美，讓媽媽愛不釋口。懂養生的一定會喝天麻川弓白芷燉魚頭湯，魚頭湯滿滿的藥材燉煮，如天麻，白芷，川弓，杞子，桂圓，黨蔘等，非常有益，我挺喜歡的。魚頭的鮮味都煮進湯裡，且肉質滑嫩，多完美的湯品。栗子蟲草花花膠燉雞湯食材十分講究，選用新鮮雞肉，栗子，花膠，乾螺片，生茨實，蟲草花熬煮，成就了這清甜的雞湯，入口溫潤，越喝越香，滋潤喉嚨。薑汁小籠包要細心的緩慢地將它夾起來，深怕一個不小心就受傷，最美的精華因而流失。飽滿的小籠包迷人的湯汁，讓我們情不自禁去吸上一口，小籠包皮厚度適中，拿捏剛剛好，肉餡豐富，當然一口吃更是滋味，前提小心燙。鮮竹牛肉球可是飲茶必吃點心之一，粉嫩的牛肉球滑彈軟嫩，那豐沛鮮美的肉汁牛味濃厚，就連牛肉球底下的配角腐竹也不錯，嫩嫩的挺好吃。蒜蓉豆豉蒸排骨每一塊排骨都很大塊，幾乎都是肉，偶有幾塊小骨頭。排骨肉每塊都富蒜蓉豆豉香氣，非常入味，加上排骨豬肉肥瘦得宜，不會油油膩膩的，嚐起來沒負擔。晶瑩蝦餃皇一籠四顆，晶瑩剔透的外皮裡面蝦隻白裡透紅，看起來超美的賞心悅目。蝦餃餃皮滑彈，而內餡扎實的蝦隻完整的一尾，極致的鮮甜味，無可挑剔。弟弟屬於無蟹籽燒賣皇不歡之人，甚麼點心可不吃，唯獨蟹籽燒賣皇就不可。蟹籽燒賣皇一看就知它的用料實在，肉餡份量不得了。燒賣上面橘色的蟹籽增加了不少口感，燒賣裡面的蝦肉新鮮彈牙，很棒的點心。魚湯蟲草花鮮竹卷從小到大也很愛吃，鮮竹卷吸收清甜的魚湯，使它的肉餡軟嫩又多汁，加上魚湯不鹹不膩，令我忍不住多喝幾口湯。魚肚鮮菇雞扎對女生養顏極好，因為魚肚富含膠原蛋白，彈力十足，且吸收豐盛的精華，鮮冬菇肉夠豐厚，雞肉亦細嫩，很道地的雞扎。鮮蝦豆苗餃像福袋般的造型很可愛，餃皮透薄亮晶晶，被包在鮮蝦豆苗餃的湯汁潺潺流出，再靠近一看，整隻蝦都在餃中，豆苗跟鮮蝦這組合絕對合拍，吃到豆苗的甜和蝦肉的鮮，我們全家極推介吃這。紅豆杞子桂花糕受歡迎的程度超乎想像，我見到有食客只外賣這回家，就知它一定有其非凡魅力。紅豆杞子桂花糕從側面顯而易食材之豐盛，紅豆蠻有咬口，幽幽的杞子氣息與淡淡的桂花點綴，清新感一湧而上，絲絲清甜多健康少負擔。…查看更多

沙田石門近期成為了該區的搵食熱點之一，各式各樣的小店紛紛進駐其中，最近經朋友介紹下來到一間手工點心專門店，主打原盅燉湯和手工點心，據說口碑十分不錯，而燉湯更是長期渴市，可謂手快有手慢冇。小店位於京瑞廣場2樓的角落處，店內面積不大，座位亦不多，枱與枱之間不算寬闊，人多的時間感覺會有點擁擠，還好裝修尚算舒適整潔，有時要食好西就要遷就一下了。透過佈滿倒汗水的玻璃窺探一下瀰漫著蒸氣的工房，見到師傅們在密密手不停做的影子，完全感受到那份熱誠；加上筆者用餐當天雖是平日但亦門庭若市，不期然對這店的出品更寄予厚望。 既然主打手工點心，餐牌內的點心款式當然不會少，全部即叫即蒸，新鮮熱辣，而且還有幾款招牌足料燉湯，加上在茶葉方面亦帶來了新意思，除了一般的普洱壽眉之外，還可額外付費享用特別的新會柑普茶和人蔘烏龍茶，單看餐牌已叫人食指大動。首先當然點來兩盅搶手的原盅燉湯，酸棗仁茯神燉瘦肉湯和栗子蟲草花花膠燉雞湯。酸棗仁茯神燉瘦肉湯，十分足料標明無添加，酸棗仁、茯神、圓肉及瘦肉皆見蹤影，童叟無欺，飲得出是原盅清燉，味道清甜，感覺健康。據店家描述此湯有著寧心安神、養心養肝的功效，對健忘失眠、工作勞累的人士頗有幫助。栗子蟲草花花膠燉雞湯，滿滿的湯料有齊花膠、粟子、蟲草花和雞件，湯汁鮮甜滋潤，啖啖原汁原味，功能養顏益腎，補肺養肝，還能增強人體免疫力，真正暖心又補身。歎完靚湯，當然到一盅兩件登場的時間了。晶瑩蝦餃皇，蝦餃隻隻脹卜卜，薄薄的餃皮晶瑩軟糯，蝦肉餡爽口彈牙，入口鮮甜多汁，蝦香味美。蟹籽燒賣皇，蝦肉和豬肉的比例剛好，不會太多肥肉，口感結實滿有肉香，加入蟹籽帶來了雙重口感，鮮香爽彈，十分不錯。魚肚冬菇雞扎，腐皮包著冬菇、芋頭、魚肚和雞件，十分足料的懷舊雞扎。冬菇厚身，芋頭粉軟，雞肉嫩滑，腐皮和魚肚吸收了配料的精華，軟彈多汁，充滿著舊日點心的風味。醬汁蒸鳯爪，鳳爪炆得軟腍入味，醬香濃郁，底層放有芋件，盡吸醬汁的精華，又是另一種美味。蛋煎糯米雞，一般見到的都是將糯米雞蒸熟後，整隻蘸上蛋漿煎成金黃焦香；而這裡的蛋煎糯米雞像是只將煎香的蛋塊放在糯米雞上面一般，感覺不盡相同。糯米飯粒煙韌分明，內裡餡料雖不算太多，但仍不失美味，而可能因不是與雞蛋同煎的關係，食落感覺較傳統的為之輕盈。蝦子榨菜肉餅飯，蒸飯以荷葉墊底，一端上來即飄來陣陣荷葉清香，肉餅上灑上了蝦米，榨菜絲和菜粒，份量頗多，咬落結實帶嚼勁，肉味香濃，配上榨菜的鹹香更顯滋味，惹味爽口；佐上吸滿肉汁的蒸飯和爽脆的菜粒，增加了口感之餘亦中和了肉餅的濃膩，感覺更為健康清爽。擂沙芝麻包，包子熱燙軟綿，一咬開芝麻芳香隨即洶湧而出，黑芝麻餡料流心起沙，味道剛好不會太甜，芝麻香濃得化不開。紅豆杞子桂花糕，透明深啡色的賣相不甚討好，但望真點原來十分足料，紅豆杞子滿佈在桂花糕內，紅豆香夾上桂花的清香，味道清甜，健康清新。小店整體出品的質素都十分到位，尤其那燉湯更是滋補足料，加上價錢合理，全日不收加一服務費，性價比算高！今次發現了這間高質又超值的點心專門店，以後除了全日都可以嘆到一盅兩件之餘，要飲靚湯的話亦多了一個好選擇。…查看更多

較早前在友人介紹下, 才知道石門開了各式各樣食店，之前趁放假去了蒸廬嘆一盅兩件。 這間食店唔係好大, 所以座位也不太多. 見到茶有一款係十年新會柑普茶, 幾特別, 便點了一壺試下. 入口有淡淡的柑的清香味, 令人感覺舒服. 我地點了一個全日套餐, 主食點了雙菇雞粒籠仔飯, 燉湯點了栗子蟲草花花膠燉雞湯, 再加錢配多兩粒蝦餃. 另外, 點了幾款即叫即蒸的點心, 包括蟹籽燒賣皇, 鮮蝦豆苗餃, 客家蘿白絲湯包. 店員先奉上原盅燉湯, 賣點為原味無添加. 我自己鍾意飲湯, 這個啱晒我. 非常足料, 由於係原味無添加, 味道相對較淡, 有需要可以加入少許鹽調一調味. 我自己無加鹽, 估不到個湯幾大碗, 飲完也不覺得口渴, 而且配料也不要錯過. 鮮蝦豆苗餃. 賣相精緻. 蝦肉幾彈牙, 菜又多, 兩者好夾. 蟹籽燒賣皇. 饀料唔會太多肥肉, 偏外瘦一點, 無咁油膩, 多了蟹籽, 入口帶點卜卜聲, 雙重口感. 雙菇雞粒籠仔飯. 份量足夠兩個人食. 鼓油係另外上枱, 客人可以因應自己喜好加入飯中. 飯面加上菜粒, 與雞粒一齊食, 多一份口感, 雞肉也不會太硬身. 蝦餃. 皮的厚薄尚算適中, 蝦肉的比例也不錯, 唔會太少饀. 客家蘿白絲湯包. 平日飲茶無見過, 所以點來試下. 個湯相當清甜. 皮是糯米整成, 饀料也豐富, 加入蘿白, 特別爽口. …查看更多

上個週末的放假家庭樂，相約了家人去附近的沙田石門號京瑞廣場內的蒸廬，一起飲茶一盅兩件。店內環境比較狹小，人多時會坐得有點擠。點心款式頗多，即點即蒸，確保新鮮熱辣辣，全日不收加一服務費，價錢亦算便宜。星期六日會收$4茶錢，一至五則免收茶芥，更加抵食。精選燉湯B 栗子蟲草花花膠燉雞湯 $48雞湯味道鹹鮮香濃，喝得出沒加味精，不會過鹹，在寒冷冬天來一碗滋補雞湯，真是暖身又暖心。蟲草花性質平和，不寒不燥，可以補肺、益腎、養肝，增強人體免疫功能，口感煙韌有嚼口。蛋煎糯米雞 $22平時都很少見這款懷舊點心，將糯米雞蒸好後點上蛋漿煎脆表面，煎成金黃微焦。糯米雞質感較平時結實，不易散開，煎後口感更加煙韌有度，不過內裡餡料不多，不會很多汁而過份油膩。豆沙煎軟餅 $14以糯米製成口感QQ軟糯的外皮，煎至兩面金黃更香脆，變得外脆內軟。豆沙綿密細緻，甜度亦是恰到好處。晶瑩蝦餃皇 $26每一顆看起來都被餡料撐得脹鼓鼓，蝦肉不會霉爛，肉質爽口，富有鮮味。鮮蝦豆苗餃 $22這款餃皮比蝦餃略厚，內裡餡料豐富飽滿，加入幼嫩的豆苗，讓口感味道更富層次。蟹籽燒賣皇 $26豬肉的比例比蝦肉為多，肉餡的香略為蓋過了蝦肉的鮮。蜜汁叉燒包 $18麵皮蓬鬆，稍為裂開露出叉燒餡料，不過內裡的叉燒餡似乎少了點。雷沙芝麻包 $18包子熱得燙口，一咬開軟綿不黏咀，芝麻芳香隨即撲鼻而來。內裡的黑芝麻餡有如擂沙湯圓般，粒粒芝麻磨到起沙，芝麻香濃得化不開。瑤柱蝦米煎腸粉 $26煎腸粉未有煎得過於焦燶，加上有蝦米及蔥花混在其中， 鹹香四溢。臘味蘿蔔糕 $18蘿蔔糕煎得香口， 吃下去似乎粉份量會佔多一點，口感比較結實。魚肚冬菇雞扎 $22以腐皮卷著雞肉、魚肚、芋頭及冬菇，足料大大份，吃完會感到超飽足。客家蘿蔔絲湯包 $22想不到原來一個都很巨型，熱騰騰非常暖胃，只是湯頭的油份略重。外皮比較厚身，內層盛載著滿滿的蘿蔔絲，爽脆又清甜，既沒渣也不苦澀。…查看更多

在沙田石門找到一家點心專門店家庭式小店服務特別熱情以老火燉湯作主打我們就不客氣地點了兩客天麻川弓白芷燉魚頭湯非常香獨特的氣味我很喜歡味甘帶苦很順口朋友則點了花旗蔘石斛烏雞湯湯頭清澈但要自行加鹽巴調味點了南瓜鳳爪排骨飯份量絕對夠二人食用灑上甜豉油美味就是這樣簡單煎腸粉一直是我的最愛晶瑩蝦餃皇和蟹籽燒賣皇緊接蝦餃皮稍厚但餡料豐富咬下去就見到兩大隻蝦仁燒賣做得相當出色肥瘦肉比例不多不少一席好點心加上好服務請繼續加油為沙田人煮出好味道…查看更多

記得細個嘅時候，逢星期日都會一家人去茶樓飲茶食點心，但人大了，兄弟姐妹各自有家庭，好少再一家人去茶樓了。所以而家無咩機會食點心，一係就去買叮叮點心返屋企叮，但叮嘅點心又乾又硬，味道更加無得比。於是的起心肝，上網搵下邊度有全日供應點心，就約埋阿爸阿媽一齊去啦。今次搵到呢間喺沙田石門嘅蒸廬，喺馬鐵石門站過對面京瑞廣場就係了，非常方便。夜貓一族要注意啦，呢度係9pm last order，太遲就無得食架啦。不得不提除左全日供應點心外，原盅燉湯都係呢度嘅招牌菜，共有5款選擇，可能我地都晏左了，A-D款全部賣晒，只剩E款，我呢個湯怪當然唔會放過，即時ORDER一人一盅先，落完我地張單，店員大呼一聲「燉湯全數賣晒」，門外等緊嘅人都無奈「唉，賣晒啦」可能爭番黎嘅特別好飲，呢個酸棗仁茯神燉瘦肉湯原盅上檯，標明原味、無添加，又夠足料，飲得出係用心製作，一定要試。話明黎食點心，梗係想試多啲唔同款式架啦，呢個蒸廬拼美點絕對係必叫，一籠有9件，兩個义燒包、蝦餃、燒賣同豆苗餃再加件馬蹄糕，睇見都吸引呀。呢個臘味蘿蔔糕唔會太粉，煎得又夠香口。而家四圍都叫自己做蝦餃皇，但呢度絕對配得上呢個稱號。蝦餃裡面起碼有兩隻蝦，加上蝦餃皮薄，撐起成隻蝦餃漲卜卜，睇見就想一咬落去呀。跟住黎燒賣皇，同蝦餃皇一樣又係大大粒，加上蟹籽同蝦嘅鮮味，好味到停唔到口。有蝦餃、燒賣又點可以少呢個牛肉球呢。沾上喼汁嘅牛肉球，肉質鮮嫩，口感十足。呢個蒸飯用籠仔荷葉去盛載，整個飯都有著荷葉嘅香氣，加上份量十足嘅排骨，都只係賣$45，好味又抵食。呢個蛋煎糯米雞，佢一上檯已經比佢外層嘅蛋香所吸引，切開就見到糯米雞裡面好足料，諗到用煎蛋去包糯米雞，十分聰明。一定要試呀，呢款仲要係限量供應架。特別要讚下佢地嘅服務，幾位店員都非常有禮，點心不斷出，見佢地拎住疊起左熱辣辣嘅蒸籠去分派比食客，每次放低完都捽下隻手指，睇見都覺得熱同辛苦，但你喺佢地面上搵唔到不滿，仲會掛住笑容去落單、送餐同埋安撫無燉湯而不滿嘅客人，真心配服佢地嘅服務態度，絕對值得比個…查看更多

香港人有多喜歡喝湯水？大家來一趟蒸廬就會知道了﹗很久沒有上茶樓吃點心，今晚心血來潮帶著老爺奶奶駕車來到沙田，主要原因是蒸廬不單有全日點心供應，還有多款燉湯⋯開業不久，店舖面積雖然不大，但門外已站門輪候的人，大家的目標一致，就是喝一盅燉湯，可能我們入座已經遲了，六款燉湯已賣淨一款，我們立馬果斷地每人要一盅，幸好下單快，接下來其他枱的客人開始鼓燥了，就是因為燉湯賣光了，而門外仍然等位的客人也非常失望，一盅燉湯的魔力何其大，下次一定要再早點入座才可以試其他款式的燉湯了⋯燉湯外，當然點心也是主角，蒸廬的點心全是在場師傅製作，不向外訂貨，而且即點即蒸，要食靚點心當然要花點時間⋯晚巿小點$16、中點$20、大點$24及特點$28，全一免加一我們下單點了四款燉湯，結果原來只餘下一款酸棗仁茯神燉瘦肉湯，我們每人一盅，真的手快有，手慢就沒有了，酸棗仁茯神燉瘦肉湯味道清甜，滿滿的湯料包括酸棗仁、有心茯神、圓肉及瘦肉，有寧心安神、養心養肝、健脾利水、對健忘、失眠、工作勞人士有幫助，可以說是盅湯適合我們四個人飲用，暖一暖胃再開始食點心⋯蕾莎芝麻包有黑白芝麻，芝麻味很香，包身軟腍有彈性，熱辣辣的份外美味﹗蟹籽燒賣皇大大粒，蝦味十足⋯除燒賣外，蝦餃當然也是必吃點心，晶瑩蝦餃皇內裡大大隻鮮蝦，蝦餃皮厚薄適中⋯要推介這個鮮竹牛肉球，絕對有驚喜，非常彈牙﹗香辣銀魚排骨飯原來份量都不少，以荷葉墊底，蒸出來的飯滲著淡淡荷葉清香，排骨滑滑的，配合香辣銀魚，正﹗豆沙煎軟餅也是必食推介，熱辣辣上枱，將軟糯的表層煎香，令整體口感更豐富，豆沙滑滑的不會過甜，甜度適中，這個令我想再加單﹗茶錢每位只需四元，而且沒有加一服務，店員超有禮貎，落力展露笑容來安撫喝不到燉湯的客人，確實不易，我們8時入座，9時Last order，用餐其間門外都是等候的人潮，大多是為了燉湯而來，可想而知燉湯的魔力是多魔的強勁，希望蒸廬繼續推出更多燉湯來滿足各大客人吧﹗…查看更多