星海薈﹒譽宴

早幾日皇太后同親戚係沙田𝐒𝐡𝐨𝐩𝐩𝐢𝐧𝐠🛒叫後𝐉𝐨𝐢𝐧既我搵間好好睇睇既點心同大家飲個茶🫖我就揀左依間係酒店🏨入面，夠晒得睇啦🫶🏻佢地沙田新城市廣場掃完貨過黎勁方便😎𝐋𝐮𝐧𝐜𝐡☀️都幾爆埸，好多大枱聚會 • 飯局🥢~•~•~•~•~•~•~•~•~•~•~•~•~•~•~•~•~•~•~• ▪招牌胡椒濃雞湯灌湯餃 胡椒味真係超級濃郁🧂隻餃又超大隻，配埋紅醋超正🥣.▪晶瑩鮮蝦餃 大大粒脹卜卜，外皮唔會過厚🥟.▪蟹籽燒賣皇又係超大粒，唔會實的的💛.▪脆皮鮮蝦腸 好鍾意依種滑滑腸粉🤲🏻包住膽春卷，𝟐重口感，仲係用米網皮，更加鬆脆💥. ▪ 懷舊棉花雞好耐冇食過棉花雞，真係有種回憶💭棉花勁厚身，雞件🐔夠滑，面頭隻冬菇都好香🍄. ▪黃金流沙包 次次都話依個點心，一定要趁熱食🔥因為驚佢中間餡凍左會凝固，但係咁鍾意打卡既我，影完一輪相📸先去搣，都仲係爆曬漿🤤. ▪蘿蔔煎蝦餅 圓圓薄薄一塊，都幾香口，配左千島醬汁🧡. ▪鮮蝦腐皮卷你望落去都知道全部係蝦🦐外層都係勁脆，點喼汁一流🤎.▪桂花蜜脆蛋散 依個勁出色呀，真係要輕手夾🥢因為佢真係超級鬆✨酥✨脆，用蜜糖感覺比較滋潤🍯都唔係好邪惡姐🫢. ▪千層薑汁榚 師傅👨🏻‍🍳好有心機呀💕分左勁多層。而且每一層都係厚薄均勻🫡.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費🔺 天花個裝飾 • 舞台🏟佈置都好靚，適合婚禮🤵🏻‍♂️👰🏻‍♀️~•~•~•~•~•~•~•~•~•~•~•~•~•~•~•~•~•~•~• …查看更多

放假第一擊，訓到自然醒然後同屋企人飲個茶媽媽喜歡到呢間星海薈飲茶，佢話好坐又好食，咁就陪下佢順便見識下。確實環境又真係幾靚，坐得舒服。唔係傳統酒樓嘅格局，係適合做婚宴嗰種，所以燈光、佈置、設施等都較為時尚。店內設施簡約而高貴，配合大型幻彩水晶燈，配合瑰麗而優雅嘅舞台，喺度擺婚宴確實唔錯。酒樓點心嘅選擇都幾多，飲茶必點嘅當然係有蝦餃、燒賣同牛肉。另外叫左小籠包、蝦腸、鮮蝦腐皮卷。而老公就想食椒鹽魷魚鬚、蜆芥鯪魚球同xo醬肉鬆四季豆。晶瑩鮮蝦餃，皮薄軟熟，晶瑩剔透。咬開肉餡見到大隻蝦肉，爽口彈牙，蝦餃入面有少少肉汁，食落去唔會乾爭爭。蟹籽燒賣皇，餡料有豬肉蝦肉冬菇，份量十足，粒粒都大大隻。肉質嫰滑不肥膩，加埋冬菇嘅香味洋溢，新鮮好食。山竹牛肉球，我嘅至愛。做得非常好食，係我小時候第一次飲茶食嘅牛肉味道，充滿回憶。牛肉球肉質彈牙，除左嫰滑，仲有爽口嘅馬蹄粒，增添爽口嘅口感。南翔小籠包，小籠包肉餡多肉汁爆滿，要夾起小籠包好講技術，如果唔係好似我咁，爆開了嘥晒d精華，食唔到入口爆湯嘅感覺。鮮蝦腐皮卷，外面嘅豆皮非常酥脆，蝦肉加入芫荽令香味提升，咬落去鮮香味濃，唔洗點任何醬汁，味道已經好好。蝦腸切開細細件，方便食。口感柔軟，內餡有蝦肉外亦加入脆肉瓜，賣相靚之餘亦可減少膩感。椒鹽魷魚鬚，粉漿夠薄，炸到乾身唔油膩，外表脆脆而內裏嘅魷魚鬆軟唔韌，鹹香可口。蜆芥鯪魚球，新鮮鯪魚肉內有果皮香味，柔韌q彈。每粒都炸至漲卜卜，圓碌碌；而蜆芥汁鹹香味濃。xo醬肉鬆四季豆，呢個又係好好食，因為個四季豆超級新鮮，食落嘅口感係似食鮮嫰嘅粟米，鮮甜無比，絕對冇比xo醬搶左風頭。感覺呢度嘅食物質素唔錯，比起平時食開嘅點心好食多，果然一分錢一分貨。…查看更多

好姊妹結婚約出黎派帖, 相約了沙田萬怡酒店內的酒樓-譽宴．星海薈。呢間酒樓跟其他譽宴分店一樣, 都以寶藍色做主調, 再襯托埋天花裝修, 更顯氣派。下午茶2:00開始, 價錢當然比起午市再平一d。供應了多款點心、冷盤、麵飯等等....晶瑩鮮蝦餃: 蝦餃圓潤脤卜卜, 餃皮薄得晶瑩剔透, 蝦肉餡料鮮甜爽口, 真材實料, 推介!蟹籽燒賣皇: 燒賣同樣皮薄飽滿, 豬肉同蝦肉餡料鮮味juicy彈牙。山竹牛肉球: 牛肉球多汁夠林, 夾集莞茜、馬蹄, 多一點清香、層次。豉汁蒸鳳爪: 鳳爪皮唔會好乾, 很入味, 豉汁亦唔會過鹹碧玉鮮蝦腸粉 : 腸粉薄又滑, 每卡腸粉都隱藏著原隻爽口大蝦, 加上了甜豉油, 味道更提升。鮮蝦腐皮卷: 腐皮煎得鬆脆不油, 夾住鮮甜彈牙蝦肉餅, 其中更有蝦粒, 口感、味道一流!黃金流沙包: 包好軟熟, 流沙湧出, 奶黃味濃郁。咕嚕蝦球香煎脆麵 HK$148脆麵餅跟咕嚕蝦球分開上, 脆麵炸得極之脆, 就算加咗汁落麵餅, 都唔會好快林, 個汁好滑杰杰地, 甜甜地, 蝦球有吸了茨汁嘅炸皮包住, 蝦肉大隻爽口。 豆沙糯米糍: 微微煙韌糯米皮表面平均沾上椰絲, 入面有甜甜地嘅豆沙, 整個入口亦唔會過甜。…查看更多

一盅兩件，是不少香港人的生活日常，傳統的粵式的點心配合一杯濃香的中國茶，悠閑地飲杯茶、食個包，的確是一件賞心樂事。屯馬綫開通後，石門變得更方便，今日和朋友來到石門萬怡酒店內的譽宴.星海薈飲茶，午市有點心、小炒、飯麵、燉湯、特色小食之外，還有多款商務套餐、午市孖寶等可供選擇。木魚花燒茄子（HK$28)👍👍👍👍👍茄子上饟了一層厚厚的蝦膠，所以口感比起常用的鯪魚肉較為彈牙。茄子先蒸然後再煎，所以裡面的肉十分軟糯，配合日式的木魚花和燒汁，增添了一點日式的元素。黑松露蝦餃之王（HK$38)👍👍👍👍👍飲茶必點的點心，一定是蝦餃。這個蝦餃之王更加入了黑松露，松露的獨有香氣令蝦餃的味道更加提升。蟹籽燒賣皇（HK$33)👍👍👍👍燒賣是蝦餃的好拍擋，有蝦餃就必定有燒賣。燒賣皇大大粒，蝦肉和豬肉的比例均勻。脆網蘿蔔絲腸粉（HK$33)👍👍👍👍👍簡單的腸粉有三種口感，腸粉皮滑，脆網脆口，蘿蔔絲軟滑，配合甜豉油，味道已很足夠。芝士蝦春卷（HK$33)👍👍👍👍金黃香脆的春卷包著鮮蝦和芝士，把春卷拉開可以看到芝士拉絲的狀態，長長的拉絲令春卷增添趣味性。麥胚芽馬拉糕（HK$28)👍👍👍👍👍原籠的馬拉糕，香香甜甜，可作為餐後甜點，分為四件，份量足夠四人分享。茗茶/小食（@$16/$20)StorefrontInteriorMenu…查看更多