鳥居居酒屋

既然不可以出國旅遊，就去食一間由食物到裝修都具日本風🇯🇵嘅居酒屋，朋友是這裡的熟客，員工很親切，好似朋友一樣。食物都頗有驚喜。⭐️😋特別推介⭐️ 一試難忘的厚切牛舌一串$68，極厚極多汁的牛舌。燒味噌半殼蠔$78，廚師秘製醬汁與肥美蠔很搭配。雞翼一夜干$38一隻 ，由於經過一晚的風干，雞翼特別香脆蟶子皇$256兩隻，除了聖子的鮮甜，還有牛油及蔥香。還有毫不吝嗇，堆得滿滿的海膽稻庭烏冬$198，海膽鮮甜，配上幼滑的烏冬，沾上冰凍冷麵汁，特別適合夏天食。非常多選擇，其他菜式都可以一試😬😆😜蟹肉芝麻凍菠菜$48明太子玉子$108雞丸$116秋葵牛肉卷$32一串…查看更多

居酒屋的食物真的是百吃不厭，逛完街後當然要醫肚，餐廳環境衞生，防疫措施都做得很足，門口都有酒精搓手液提供使用，入門口前都會先探熱，令人用餐很放心，開始點菜了，清新的前菜是必要的，蟹肉芝麻凍菠菜，醬汁頗多，胡麻味十足，與菠菜很配，突然想吃海鮮，燒帆立貝，用了芝士和沙律混成的醬汁去燒焗，滋味得很，蟶子皇蒜味十足加上蔥花一絕，蟶子肉很有海水味，肉質新鮮，之後點了厚切牛舌，厚肉彈牙，咬下去中間肉質仍然非常柔嫩，燒雞腳筋感覺好似雞軟骨，但比雞軟骨更脆脆，煙煙韌韌，十分過癮，大腸煮用味噌面豉醬來炆，用白蘿蔔墊底，大腸容易咬口，很軟熟，白蘿蔔非常入味，最後以甜品作結尾，柚子雪葩酸酸甜甜，非常醒胃，日本糯米團其實就是燒湯圓，外表燒得脆脆但因為是糯米，而且中間有芝麻餡料，所以口感依次序是又脆又軟糯又香甜…查看更多

難得兩公婆撐枱腳，當然要做下準備，見逸園鳥居評價吾錯，又啱曬我地口味，仲有sake 😍😍地方算大，全店日本裝飾，很具日風，服務也是日本級，會為我們介紹食物和sake 貼心💕先來個蟹子沙律🥗打開個胃😂😂 很多蟹子呢可以自己揀Sake杯，好靚靚呀😍😍呢款安藝虎飲落陣陣花果香，店心仲特意拿上冰桶👍👍刺身點了3款，蝦超大只，jam口架，連蝦頭都吾放過，帶子厚切，鮮甜爽口😋😋海鮮系列💕活帆立貝，配上味噌，不錯的配搭，活的始終較鮮🤣網燒活鮑魚，燒完後切開一片片，方便分享蟶子皇超大隻，用上牛油蒜蓉，非常之香，未入口已經陣陣香味，cut 開幾條，細細口，啱晒啲lady😌😌😂😂第一次食鹽燒岩魚，好鮮甜冇乜骨，而且好多肉，點上特製醬汁，好好味🥰🥰其他串燒都很講究，雞翼一夜干非常之特別，外皮脆卜卜好似食薯片，肉質依然嫩滑，呢個食法超鍾意厚切牛舌同樣出色，爽口有牛味，師傅火候拿捏得剛剛好👍👍日本直送柚子雪皅，酸酸地，一解油膩感！千層蛋糕口感非常好👍總括來說，很滿意，食物種類選擇多，服務一流，食材高質👍👍…查看更多

一入冬就中意居酒屋，食串串燒，飲杯酒暖下個胃。今日係銅鑼灣行完街就去澳門逸園中心食居酒屋。呢度好有好多餐廳，大部分都好有質素！今日就選擇左鳥居居酒屋，食過幾次，每次都令我好回味！餐廳係全層，環境好有日本feel，燈光柔和，好適合傾計談情。中意既可以坐吧枱，仲有日本味！居酒屋梗係要食個signature salad開個頭喇。和風蒜子蕃茄沙律，有蒜既沙律真係第一次食。首先講食材好新鮮，蕃茄鮮甜到爆，加上特製柚子汁，成件事好清新！加上炸蒜口感又升華左！正！食完開胃菜，就要叫杯清酒喇，餐廳有好多選擇，食唔同食物都可以配唔同既清酒，個人中意中間個枝名為「鈴鹿川」既清酒，酒精含量15度，入口好醇，aftertaste有好濃果味，配海鮮好夾！時令海鮮今日就點左味噌燒北海道帆立貝，每隻大過手掌，味噌醬加左少少沙律醬，好香好惹味！帆立貝肉質好嫩，加左味噌醬都食到鮮甜！一定一定要叫紐西蘭蟶子皇都一樣好大隻，加上蒜蓉、蔥已經好夠好食，不行不讚海鮮方面鳥居真係好出色！時令既仲有秋刀魚，可能你會問點解$300蚊食條秋刀魚？因為呢條秋刀魚係刺身級，新鮮既程度係內臟都可以食，唔苦之餘仲好甘甜！絕對係值呢個價！餐廳正中央有廚師負責燒串燒，保證新鮮製造。呢個厚切牛舌認真一流，首先一d都唔靱，牛味仲好重！油脂好香！佐酒一絕呀另外黑牛頂葉片同樣油脂香到不行了，肉質鮮嫩，加上芥末醬，惹味免治雞肉棒一樣好正，餐廳仲有提供生雞蛋加醬油，令到雞肉更滑。外面好多雞肉棒都好乾，但呢個除左碎雞肉口感好好外，仲好juicy雞翼一夜干一樣好特別，首先用既係日本蕯摩雞肉,經過一夜風乾，再拎去燒，反而更可以鎖住左肉汁最後食返個日式果凍，果凍果汁味好濃，又出奇地好滑，清清地解下膩都係個好選擇！…查看更多

喺正銅鑼灣地標sogo 隔離既澳門逸園中心一向都多正野食, 想去居酒屋飲下野食下特式野? 17樓既鳥居居酒屋係一個幾適合既選擇因為正值係岩手縣既美食祭, 撞到黎自岩手縣既正宗日本妹黎舖頭搞有獎問答遊戲😍成功炒熱到現場個氣氛👍每枱都有既蔬菜, 主要係用黎清清味蕾同解去油膩感秋刀魚 - $328友人鍾意食燒魚, 今日餐廳時令既係燒秋刀魚, 秋刀本身魚味極重, 燒一燒脆個魚皮食落更為香口👍蟶子皇 - $128蟶子好大隻肥美, 一咬落去鮮甜到漏😍食材夠新鮮, 所以唔加調味, 配些少香蔥洋蔥就更加提鮮👍黑牛頂葉片 - $68 /串黑牛鮮嫩多汁極juicy, 加少少肉桂碎喺面, 酸酸甜甜既味道能夠有效解去肉膩感👍免治雞肉棒 - $58搞碎左既雞肉極嫩滑, 加埋點上秘製既醬油蛋汁一齊食, 又香又滑既感覺喺口入面久久不散😍岩手三文魚子蝦皮茶漬飯 - $56食完串燒唔夠飽唔緊要, 可以叫呢個茶漬飯, 56蚊大大碗而且都幾足料, 蝦味較濃較突出👍蘋果雪葩 - $78香港人有幾鍾意蘋果睇下電話就知道😂呢個切左一忽既蘋果雪葩, 加埋佢呢個咁突出既造型, 收呢個價錢都絕對合理…查看更多

銅鑼灣的一眾居酒屋之中，這一家不論週末，還是平日晚都滿座，一看就知道一定是人氣店～加上門口亦有大量報導和獎狀，立刻對這家店信心滿滿！😛職員服務貼心，坐下來之後都主動介紹了三支清酒，特地選了不同口味的，好讓我們可以挑到喜歡的～前菜分別有一小碟的鮮菜沙律跟這個和風蒜子蕃茄沙律。平時我並唔特別喜歡蕃茄，特別係生蕃茄，因為會有陣陣嘅草青味。不過這個沙律就出奇地沒有這個狀況，加了蒜，整個蕃茄都變得好清新，更加凸顯蕃茄本身的甜味，食完更加開胃！去居酒屋又怎少得刺身呢～因為選擇太多，花多眼亂，最後決定請店員推介。首先有刺身盛，包括了螺肉，三文魚同牡丹蝦；另外仲額外加左一份帆立貝。刺身好新鮮，螺肉更是原隻放上來！當中最讚的是帆立貝，厚厚的很有口感，另外中間因為放了檸檬，所以吃下去也有淡淡的檸檬香～除了刺身，我們還點了一些海鮮。首先有燒龍蝦，龍蝦本身的肉質很厚實彈牙。加上上面是師傅特調的味噌沙拉醬，香香的，是一個在其他店裏吃不到的味道呢！因為這個特調醬料太好吃的關係，我們加單了一份粒貝，用料新鮮，一樣好吃！燒海鮮總不能只點一個口味的，所以就再點了一個時令聖子皇，聖子皇很大一條，可以分到四分。燒聖子加蒜就是一個無敵的搭配啊！聖子皇雖然很大隻，但吃起來也不會硬，火喉控制得宜，為新鮮的食材大加分！串燒也是不可少的，這個雞翼一夜干，聽到名字就覺得勵害！師傅先來日本的雞翅風乾一整天，之後才拿去燒，所以做到外脆肉嫩的效果～燒羊扒是食肉獸必選的～肉厚有彈性，裡面沒有全熟，還有一點點血，但吃起來就是剛好，也不會有羊騷味～燒沙甸魚是外面比較少有的，大概是因為比較難控制火喉吧。這個鹽燒燒得得香但卻不失鮮味，挺驚喜的～最後一道是燒牛舌～不愧是壓軸的！看起來厚得看牛柳一樣，口感十足，爽口有嚼勁卻不靭！強烈推薦！喝了一點小酒以後再來一杯白桃soda，就圓滿了～ 銅鑼灣有這個質素也這麼地道的居酒屋，難過人氣這麼高！…查看更多

朋友生日決定豪一豪，試試友人推薦的澳門逸園中心的鳥居居酒屋。蟶子皇 $128/隻先來三隻蟶子皇，大大隻鮮甜彈牙，加上牛油燒烤更添風味！明太子雞翼 $58/串明太子雞翼 ，雞翼裡釀入一大顆明太子，足料惹味！厚切牛舌 $58/串厚切牛舌 ，牛舌厚切，燒得外脆內軟，肉汁豐富，滿滿油香，相當出色！味噌燒龍蝦 $398燒龍蝦蝦肉爽甜！自製味噌醬風味十足，非常惹味！鹽燒小鯛魚 $428燒鯛魚皮很脆，肉質鮮美，沾上魚汁更是可口。燒帆立貝 $158/隻店家的自製味噌與海鮮很夾，帆立貝新鮮大隻，對得起價錢。…查看更多

今晚在銅鑼灣尋找我的晚餐，實在選擇太多了，最後選了我最愛的日本料理作為晚餐這間店是在銅鑼灣澳門逸園的樓上店我先點了一份沙律，菠菜十分新鮮，每一口咬下去也很爽，蟹肉配以芝麻醬，十分開胃再來一板馬糞，實在太鮮甜了！牛油啡菇很大，菇味甚濃厚切牛舌十分濃味，咬下去口感十足鵝肝火喉剛好，外層脆脆的，但吃一塊已很飽肚這個帶子很鮮甜，燒完以後還是很軟身，這間店用了秘製醬汁，很不錯的配搭，第二家店是吃不到的雞翼外層香脆，咸味剛好玉子甜甜的，配以咸的明太子，大家互相輝映蟶子是我最愛的海鮮之一，肉很厚身，燒的時間剛好，吃下去不會太難咬來到今夜的主角，一整隻龍蝦方在我前面，它是用類似芝士的醬汁煮成，蝦肉爽口彈牙，十分鮮甜這個秋葵剛好中和剛剛吃的油油的食物第一吃雞腳筋，想不到這個挺耐吃，可以吃很久，外層很脆，中間很有咬口雖然價格是貴了一點，但是食物質素高，偶然放縱一下很不錯吧！…查看更多

澳門逸園中心位置就在Sogo旁邊, 當晚跟友人購物後便到隔壁尋找晚餐, 鳥居居酒屋主要吃燒物/料理及串燒, 淺嚐,談天說地的就最好不過厚切牛舌, 上檯時店員提醒一定要襯熱食, 一串約三至四件, 每一件都有厚度, 口感十足, 但點爽口, 整體唔會太油膩自家製梅酒, 一整杯只加上少量冰碎, 就算冰塊融掉, 味道依然沒有減退, 保留香醇, 唔會太甜的味道, 每杯杯內都有一粒梅, 女士好岩飲日本白象拔蚌刺身, 即叫即切,一隻份量都好多, 每一片爽爽脆脆, 十分甜美, 無需沾上醬油都鮮味無窮, 令人一口接著一口牛油大啡菇, 用上荷蘭啡菇, 內裡的菇汁依然保留著, Juicy帶牛油香明太子玉子燒一客四件, 外層甜蛋大概有2-3層, 從中間咬開, 塞滿了橙紅色的明太子, 味道鹹鹹香香, 與玉子夾雜著, 增加口感蟶子皇用上紐西蘭蟶子, 特別大隻, 用上蒜蓉牛油作調味, 加上日本香蔥碎, 又不會令蟶子鮮味走失, 蟶子已經碎上, 非常細心燒味噌半殼蠔, 半殼蠔就是生蠔被切開除開一半殼, 面層加上少量芝士烤焗, 味道唔會蓋過生蠔, 生蠔肥美大隻, 要分開三口才能把它吃掉日本秋刀魚配酸汁, 秋刀魚魚肉不會容易散, 沾上酸汁味道更重, 店員告知內臟並沒有除去, 可以食, 味道吃起來有點苦, 但隨後會有回甘甜品點了日本湯丸, 燒香後外層煙靭香脆帶點焦香, 紅豆及黑芝麻兩款口味, 黑芝麻味道香濃, 一口一啖…查看更多

好少去居酒屋。閨蜜話帶我去試一下居酒屋，邊食串燒，邊飲酒。當然少了車天車地一番。居酒屋就在 Sogo 旁邊大廈，交通非常方便。一出 lift 門，已經好有日 feel, 仲有好多雜誌介紹佢地美食，應該冇介紹錯，好期待....店員好親切為我地介紹食物，我已急不及侍點菜。佢提議我地試下海鮮，蟶子 同帆立貝。不錯介紹，鮮甜，滋味。接住清新沙律清洗味蕾。呢個蕃茄沙律，造型很可愛，非常吸睛，真有點不捨得吃。清甜蕃茄配合蒜香，好好味⋯串燒之旅啟動⋯我嘅飛佛-燒牛舌。之前喺台北吃個燒牛舌喺薄片，好回味。今次喺厚切，不得了。油質加肉質喺口腔內起了微妙化學作用，味蕾有無窮享受。還有昵個叫黑牛頂葉片，個名好掂。焼 7-8成熟，外脆，內 juicy. 美酒配佳餚，人生樂事。柚子檸檬酒，帶點酸，配合肉，perfect match然後，刺身結束。馬糞海膽，新鮮到冇朋友，海膽控必 like。好姊妹，真的好介紹，一試難忘。還要呢度D店員，每個都好欣勤招呼，令呢餐飯吃得完美，我會再來喔⋯⋯…查看更多

今晚同闊別兩年的舊同事吃晚飯，由於好耐冇見所以揀咗個靜啲可以暢所欲言嘅地方好好聚舊，餐廳位置位於銅鑼灣中心地帶，非常方便沙律非常新鮮侍應送上特製調味醬料， 沾上沙律吃十分開胃， 味道很清新番茄切開一片片，酸酸甜甜，而且帶點冰涼感，令人食指大動第一道菜竟然是蟶子皇，雖然是燒物但完全沒有被一貫燒物的氣味遮蓋蟶子皇本身的鮮味，蟶子皇新鮮完全不會腥，而且十分肥美多汁，惟價錢有點貴明太子玉子意外嫩滑，香濃的玉子包裹著一粒粒的明太子，口感豐富難忘厚切牛舌燒得恰到好處，外層帶有一點點脆，牛舌有彈性而且牛味濃郁第一次食明太子雞翼，雞翼本身已經去骨，大量明太子釀入雞鎚，咬落去啖啖肉令人非常滿足雞肉串由雞軟骨及免治雞肉混合而成，原本欠缺賣點，但沾上蛋漿後雞肉變得嫩滑易入口不停吃肉會有點膩，於是點了性價比非常高的秋葵牛肉卷，薄薄的牛肉卷包上秋葵，完全不會油膩，值得一讚露筍燒完仲係脆卜卜，包上豬肉片口感與秋葵卷相似，但更有咬口呢個日式甜品好好食，煙煙韌韌咁，其實有啲似中式芝麻湯圓呢個雪葩好食到不得了，番薯味十足，但又唔會好似普通雪糕咁咁快溶個人認為雪葩係呢度嘅必點自選總括而然，環境及侍應服務態度不錯，燒物屬於高水準，埋單每人約港幣＄800 ,屬於較高消費的餐廳…查看更多

到日本旅遊後發現，香港的日式食肆食物水準不下於日本當地，在香港也能吃到好的日本料理，而鳥居就是其中一間我十分欣賞的。溫泉蛋豆腐沙律 $88流心的溫泉蛋，沾上沙律菜，香濃蛋味跟鮮嫩爽甜十分配合。蕃茄鮮紅圓潤，咬落鮮甜多汁。豆腐充滿豆味，結實幼滑。明太子雞翼 $58/隻正所謂燒雞翼，我鐘意食。去骨雞翼釀入明太子，雞皮燒得香，雞肉嫩滑得來還吸收了明太子的辛咸，而入面明太子又吸收了雞肉汁，相互昇華！明太子玉子 $98鬆軟綿滑的玉子包住啖啖明太子，玉子蛋香跟明太子的辛咸香非常配合, 而明太子的辛咸又把玉子甜蛋味帶出，perfect match!蟶子皇 $256/兩隻蟶子幾大隻，鮮甜爽嫩軟彈！厚切牛舌 $58/串燒得剛剛好，能把香羶味帶出來，肉質厚實軟彈！西班牙黑毛豬 $368肉質嫩腍, 咀嚼之下感到肉質細緻度, 肉汁香羶味及油香慢慢滲出, 不用點醬汁已經十分出色！蕃薯雪芭 $68水果雪芭吃得多，用蕃薯造的都是第一次吃到，意想不到香甜味有點像焦糖，驚喜！…查看更多

離開舊公司都有一段時間，一直都有跟舊上司保持聯絡。是夜舊上司突然約晚餐，當然不會推辭啦！餐廳在希慎對面的大廈，入面不同層都有很多日本餐廳，舊上司在芸芸餐廳中選了這間，十分期待呢！門口頗有日本居酒屋的風味。一入座先來一客沙律。侍應特意介紹可點自家制的麵豉醬。一試果然夠特別，甜甜的很有質感，配合爽口的菜吃是一道醒神的前菜。再來一個大蕃茄，偏淡味，吃到底有很多蒜容，是一個驚喜位。舊上司喜歡海鮮，一見到這樣大的蟶子已經食指大動。我只吃了少許，都感受到它的鮮味，而且彈牙，沒有燒到過火。雖然上面舖滿了蒜容，但吃下去比想像中淡，也不會掩蓋了蟶子本來的鮮味好像未試過吃這種日式煮法的沙甸魚。點的汁有少許酸酸的，燒得肉質很嫩滑，又不會太乾身，吃得我們很滋味。表面加了鹽調味，裡面釀了很多明太子，份量十足不欺場。雞翼拆了骨所以吃下去很方便。師傅將雞肉打碎再做成雞棒，點蛋汁吃，吃下去很有嚼勁，一點也不淋牛舌果然十分厚，但一點也不韌，充滿肉汁十分嫩滑，熱辣辣一口吃下去滿滿的明太子湧出來，加上蛋甜甜的，充滿蛋汁，十分好味！甜品選了兩款。糯米團十分煙韌，因為是即燒所以也很熱呼呼，吃下去有點像湯丸我們在柚子和蕃薯之間選了蕃薯，一開始吃有點甜，但吃下去越來越重蕃薯味，有蕃薯蓉。價錢不便宜，但食物真的有水準，食材也全是昂貴。餐廳很適合靜靜閒聊，十分舒適。多謝舊上司款待…查看更多

說起日式串燒，不得不提銅鑼灣「鳥居居酒屋」（下稱鳥居）～ 除了裝潢佈置十足日本居酒屋外，食物也富有日本風味！🇯🇵  很多人會以為「鳥居」（「燒き鳥」）只吃「鳥」（雞）， 但其實「鳥居」的意思只是串燒，絕不止雞！🙈😂  每次食日式串燒前， 我都會先吃沙律， 因為先吃蔬菜，可以refresh一下口腔，清一清其他味道， 又可以健康一點，撐一撐胃，免得之後吃太多肉，而忘記吃蔬菜。🙈 鮮菜沙律（$28） 青瓜、紅蘿蔔和椰菜都很新鮮，咬落「sok sok」聲，🙊 蘸上日本的味噌醬和海鹽， 十足十在日本吃的味道！😏 和風蒜子蕃茄沙律（$48） 原個新鮮日本蕃茄🍅上陣，😳 配上清新雜菜和特調的和風醋，很開胃！  灑上少許蒜蓉粒，味道更有層次呢～ 食完前菜，就到海鮮啦！ 餐廳食物上菜先後次序安排得很好， 因為海鮮相對地比較味淡， 所以先吃海鮮，再吃紅肉，好讓我們可以品嘗海鮮的鮮味，餐廳很細心呢！😳 店員為我們介紹了是日剛從日本運到的海鮮——粒貝（$368）， 愛吃海鮮的我們當然不會錯過啦！😏 粒貝即香港人俗稱的響螺， 原隻粒貝切粒， 和海苔、日本本菇和清酒一起在貝殼裡烹煮，很原汁原味呢！😳  粒貝肉的口感爽脆彈牙， 海苔的清新和清酒的清香更直迫粒貝， 令粒貝味道更鮮甜美味，值得一試！👍🏻 蟶子皇（$128） 蒜蓉蒸蟶子是常見的家常菜， 雖然價格不便宜，但勝在紐西蘭蟶子新鮮又大隻，  入口富有蒜蓉和蔥花的清香，但沒有蓋過蟶子的鮮甜，不錯呀！😋 龍蝦（$298） 平時食龍蝦，唔係芝士燒就係蒜蓉蒸， 今次終於可以試下新口味，用味噌醬燒龍蝦，很日式呢～🇯🇵 店家用上本地新鮮龍蝦， 塗上特調味噌醬燒至金黃，  龍蝦肉彈牙嫩口，入口鹹香惹味，正！ 小編最愛吃雞🐔，所以雞絕對少不得！ 而「鳥居」正正有一系列「雞，全部都係雞」的串燒，刁鑽部位如雞腳筋、雞頸等都有。 我就選了「鳥居」名物——雞丸（$58） 吃前先把鮮雞蛋和醬汁混合，再把雞丸蘸上醬汁享用。  雞丸用上日本鹿兒島赤雞的免治雞肉製作，肉質比一般雞肉更細嫩有嚼勁， 燒烤後帶微微的香烤味，加上香甜醬汁，很滋味呢！😋 明太子雞翼 ($58)  外皮燒得香脆，裡面的雞肉保持嫩滑多汁， 軟嫩的雞肉藏着微辣惹味的明太子， 明太子粒粒卜卜脆，很有趣的口感呢！😙 露筍豬肉卷（$32）  薄薄的一層豬肉，捲著幼嫩爽脆的露筍來燒， 燒過的豬肉油份被迫出，入口香脆可口， 露筍去掉豬肉的油膩感，很不錯的層次感呢！ 厚切牛舌（$58） 比坊間的更厚切呢！有足足2cm的厚度。😍 有着牛舌特有的結實彈牙口感， 只用上少許胡椒吊味，牛味突出又多汁，好吃！😋 黑牛頂葉片（$68） 頂葉片串燒並不常見， 但如果喜歡重牛味的🐮牛魔皇就不可錯過了！😏  頂葉片是牛肩和牛脊的中間位置， 肉中夾着一層薄薄的軟筋，是所有牛部位中最嫩滑的位置。😳 頂葉片燒至7，8成熟， 外層焦香，裡面則保持肉質柔軟多汁， 牛味更是濃郁，好食到絕對要食過返尋味！😋 最後食返個椰子雪葩（$48）作為總結～ 椰子雪葩香滑，椰子濃郁，價格合理。 整體來說， 「鳥居」用料講究不馬虎， 而且串燒無論海鮮或肉類，火候都控制得剛好， 味道出色！👍🏻是一個可以與三五知己開懷小酌的好地方呢！🍻…查看更多

公司三月出雙糧 即刻同朋友黎食好野之前去日本覺得日本居酒屋每樣燒物都好好味今次估唔到係香港都比我搵到前菜 蟹肉芝麻凍菠菜  $48個人好鐘意食日式芝麻醬 配埋凍菠菜食好爽口 清清地  係一個好好的開謂菜  粒貝 $368上枱個陣有個火熱住 等佢一滾要即刻食 唔係會過左火入面的肉好彈牙好爽口  個湯用清酒煮  鮮味出晒黎食完之後一定要倒返D湯出黎飲返雞丸 $116/2雞肉 雞皮 雞軟骨等等唔同的材料打成  肉質非常淋配埋個雞蛋鼓油食好夾  甜甜地  幾本上唔洗咬都吞到 蟶子皇 $256/2原本只叫兩條  但可能其中一條太少  所以佢比多條好老實的居酒屋蟶子好鮮甜 淡淡肉 煮得岩岩好 唔會過老黑牛頂業片  $136/2居酒屋一定要食燒物  個牛燒得岩岩好 唔會老  夠嫩食落完全無根  個味調得好好  野味 鐘意食牛一定要叫厚切牛吞 $116/2厚切牛吞必點 基本上唔洗任何調味料 食落口好似同佢KISS緊咁  好嫩  龍蝦 $338/2上面個汁係師傅自己調制 出面食唔到個汁好特別  鹹鹹地 的芝士汁 有小小似PIZZA 味薯片的味道個龍蝦肉好結實 好新鮮喜知次  $680今餐重點係呢條魚之前食過刺生已經過得呢隻魚好正今次第一次食燒魚食完終於知點解賣咁貴 貴得有理條魚真係非常非常滑  入口即溶  肉質真係一流明太子雞翼 $116/2個人好鐘意明太子 呢個雞翼整得好好主要係個味調得好  將明太子饟落雞翼到都幾晒工夫柚子雪芭, 椰子雪芭 $48 /1柚子雪芭個味好清 酸酸甜甜 可以清清味食完個口好清新    …查看更多