原作養生湯米線

營業中

休息中

下午放lunch，之前晚市都好想食呢間養生米線喎試一試！咁今日終於可以試番，餐牌唔算多選擇，但我覺得已經好足夠，如果係重質不重量嘅的話。我揀咗個蟲草花膠雞湯、配米線：份量都幾多，真係好足料！D雞仲好嫩滑，好多肉蟲草花、杞子、好滋補花膠都有兩三大嚿，花膠係唔同平時白色嗰隻，呢隻厚好多，而且係偏橙色，係爽口既質地。湯帶有雞味同花膠creamy質感，飲落好舒服！唔咸！冇味精味！米線同出面食既都唔同，呢隻係偏煙韌、彈牙有咬口！我鐘意！一邊食、一邊飲住湯～一d都唔口渴配料加咗黑松露糖心蛋：蛋好入味、香黑松露嘅味道都幾好餸麵！配埋嘢飲羅漢果茶：好配搭！總結：都冇失望既～ 下次可以試埋其他款式！

-{黃埔養生米線🍜}Bookmark左依間好耐 終於有機會試🤗要左個花膠雞湯🤪🤤蟲草花膠雞湯薯粉🤤 ($68)真係好足料 啲雞同埋花膠都好大嚿🤩🥳飲落啲湯有少少油不過雞味好濃 飲晒啲湯都未食曬啲料 雞夠滑同啖啖肉😋另外花膠都係偏橙色👀食倒膠質 不過有啲魚肚feel😌👖褲評: 7.5/10整體唔錯又有花膠有雞$68 但個土豆絲就一般般同行朋友嘅椰子雞湯都幾好 但花膠抵食啲😎性價比: 8/10服務: 7.5/10環境: 7.5/10🚩原作養生湯米線🚩地址: 紅磡必嘉街120號黃埔花園三期翠楊苑地下34號舖

乳酸多多爆珠 $11荔枝乳酸爆珠 $11飲品味道唔會太甜，飲品種類多過一般餐廳蟲草花膠雞湯 $68超足料，湯底🥣好濃郁雞味，花膠勁大舊，炆得夠淋，雞既份量都好多招牌海龍皇 $128超級豐富，有帶子、蜆肉、魷魚圈、花甲，仲要有大大隻龍蝦🦞，好正，而湯底都好有蝦味🦐，唔係味精湯，夠曬鮮味同健康，b涼拌沙白蜆 $58小辣，而個汁微酸，個汁夠入味，蜆肉鮮甜佢而家新開張，like 社交平台仲要送鮑魚😻😻鮑魚夠霖👍🏻

過開紅磡哩頭，見到間新開嘅米線，就想試吓。整體嚟講，用料真係明顯有用心，而且好足料有驚喜。小清新裝修又乾淨好坐，值得一試。海鮮龍蝦湯真係非常之足料，除咗見到有蝦、元貝、蜆，仲有魷魚，總之食完麵仲有剩餸😂蟲草花膠雞湯未食先呷一啖湯，好清甜，雞味濃郁，感覺好滋補。兩大舊花膠，食完大滿足！雞肉都滑，成碗麵都好出色！咁啱老闆係度，介紹佢哋嘅米線，用米比例多。唔怪得食落真係零舍爽滑，同埋彈牙，而且食落放耐咗都唔會淋。黃金雞翼咸蛋黃整嘅嘢真係冇抵抗力，蛋黃漿淋上熱辣辣嘅雞翼，好好味🤤🤤🤤舖頭d腌蘿蔔、辣椒油同菜脯係自家製嘅，菜脯最為出色。洛神花茶 & 藍莓乳酸爆珠洛神花茶酸酸甜甜，真係好消暑，適合夏天而藍莓乳酸都幾好飲

全香港有咁多間米線舖頭，到底點先可以突圍以出? 眼見呢間店只係短短開張幾日，每次行過都見到至少8-9成既入座率，自然地行去望下餐牌，主打養生湯/泡飯/米線,價錢都非常相宜，做就左第一次光臨~店舖燈光光亮，卡位/2人座/4人座/自閉位任君選擇同老公各自揀左一款米線+一款小食~蟲草花膠雞湯跟米線 ($68)  ~ 跟足商品說明條例，有齊蟲草花、花膠、切雞，湯頭味道濃郁，米線煮得恰到好處，完全有晒媽媽用心煲老火湯既味道，成碗湯飲晒都唔會有口渴既感覺，足以証明係無味精!!!!蕃茄一貝子濃湯跟米線 ($58)~海鮮份量十足，有齊帶子、元貝、鮮蝦、魷魚等等，湯頭都如雞湯咁濃郁，亦多左海鮮既鮮甜美! 鍾意惹味D既，又可以試下自家制既菜脯，又變成另一種味道!!! 一口芝士 ($58) ~其實有好多款小食揀，但作為芝士控，一眼就俾呢款吸引左，芝士即炸上台，熱辣辣而芝士咸香味十足~~半價+ 餐飲 (+$11) 荔枝乳酸爆珠~飲品除左咖啡檸茶檸水系列，更加建議一試呢度既特飲，老公加左杯荔枝乳酸爆珠，偷偷地飲左幾啖，爆珠感覺好得意，荔枝味好清新，早知我都加一杯啦~~可能店舖新開張，老闆都熱情地同客人傾計問下意