Ann Mamma Thai kitchen by 張秀玲

呢間收藏好耐好耐好耐既泰國菜🇹🇭原來份量是真心大大份 無花無假呢日終於捉左兩個朋友黎試.疫情期間呢個午市不提供單點服務 只能在套餐牌上選擇了┈┈┈┈┈┈┈┈┈┈┈┈┈┈┈┈泰式燒豬頸肉飯 $78都幾大塊既豬頸肉滿心歡喜非常之咁有o趙頭質感偏Dry 所以要沾汁先可以食….黃咖喱牛腩配白飯 $78未知正宗黃咖喱係咪唔辣再加上偏甜佢呢度就係牛腩肉質都偏軔 蝦餅 跟餐加配 $28啖啖蝦滑 這個算係不錯 串燒 +$28一個字 超級Dry 同軔 同樣要沾汁先食到同朋友分享有難度🤣柚子沙律 +$28呢個價錢加呢個份量 問心無得挑剔柚子肉大大舊 酸酸甜甜的我都幾鐘意斑蘭芒果糯米飯 +$28對我黎講食泰國菜既必食佢呢度用上斑蘭 為本身白雪雪既糯米飯添色彩同樣係加入煉奶 甜甜der芒果不酸 再加甜甜地既飯 如果唔係胃口唔夠大 其實都會Ko 埋⚪️人齊先可以入座⚪️無加一服務費…查看更多

約朋友食飯泰國菜係不二之選，早前就同兩位前同事到訪隱藏於荃灣香車街街市旁嘅 Ann Mamma。呢間泰菜一向有口碑，經常要排隊等候，而且週末不設訂座，想試嘅話要留意吓 👀小店樓高兩層，地面座位相對逼狹，同隔籬檯距離有啲近，同整體嘅悠閒感覺頗有對比 🙈食物質素無得挑剔，青咖喱雜菜 ($68) 中有西蘭花、椰菜花、豆角同紅蘿蔔等 🥕 椰香中帶陣陣辣勁，咖喱汁雖然稀但味道一樣香濃，輕鬆撈晒一碗飯 🍛泰式燒豬頸肉飯 ($78) 焦脆爽口，配以酸辣醬汁同乾蔥酥，好好食 😋即使加配小食都好有心機，蝦餅 (+$28) 份量大大件，咬落脆卜卜超彈牙，帶粒粒蝦肉口感，絕對唔係雪藏行貨❣️芝士醬薯條 (+$15) 俾佢份量嚇親 🍟 多到就嚟瀉出嚟，鋪滿厚厚芝士醬同沙律醬，極邪惡！🤤最後有少少批評 😮‍💨 本身揀泰國菜係為咗方便大家 Share，遺憾嘅係當時店內只提供午市套餐，而且不斷有店員大嗌「賣晒」，9 款 Item 入面有 3 款都售罄，選擇十分有限 😥 仲要返到屋企先發現，店員十萬火急話仲有最後一份海南雞飯，叫我哋要埋，結果無上到檯但收咗錢 🥺 亦都好認同網上 Review 話態度一般，場內其他客人 Keep 住被催落單仲要漏單，需要改善 ❌📍 Ann Mamma Thai kitchen by 張秀玲荃灣曹公坊 11 號地舖…查看更多

掛住泰國嘅味道，一於搵間荃灣隱世泰國餐廳，舒緩下思念嘅心情。呢間餐廳雖然唔近地鐵站或大街， 但好多人都會黎揾食，平時成日大排長龍。今次獲安排樓上雅座，坐得舒適，空調好夠！椰子開心果沙冰-開心果同椰子味都好香，食落有不少椰絲同開心果碎-唔係太甜，唔似人造椰子糖味，真材實料泰式蝦餅-形狀好似心型，好可愛-外面炸得香脆，蝦肉非常非常非常彈牙！點上泰式甜酸醬味道一流泰式燒豬頸肉-燒得啱啱好，唔會太乾或者太韌-每一塊都切得夠厚, 每一啖都好厚肉-上面嘅炸蒜， 又香又脆，加埋一齊食好正香芒軟殼蟹沙律-軟殼蟹好大隻，炸得香脆可口，完全唔會油淋淋-沙律絲酸甜爽口，加上少少辣味，姐不吃辣都覺得惹味開胃！泰式蟹肉炒飯-每粒飯粒乾身且分明, 重點唔會好油！-蟹肉非常足料，每一啖都食到滿滿的蟹肉，下次一定會encore !每個菜都份量十足，2個人都食到百二分飽，真係大滿足呀!…查看更多

新年果陣行山行到黎荃灣已經想食，可惜當時未開市，結果係附近食左間麻麻地既餐廳☹️。今次黎荃灣，終於可以試到呢間人氣店😀。餐廳名「張秀鈴」三隻字雖然細粒，唔起眼，但佢別樹一格既門面設計同外面個街市已經形成強烈對比，加上白色既外牆，令佢更顯眼😃。星期六下午1點黎到，無需等位可以直入🙊。不過，始終都係週尾，大家都瞓得比較晏，過多半個鐘門外就有人等位。餐廳樓底好高，有閣樓，但唔似有座位，唔知係咪貨倉呢?!店內café 式裝修，淺色系既配搭，木系玻璃摺門，增加店內透光度，加上當日陽光普照，令我同友人有一種身處異國既感覺。午市套餐選擇雖然唔多，只有9款，但貴精不貴多，就如今次試既兩個餐，質素相當高，無論係份量、賣相、味道、價錢、上菜既速度等都值回票價，加上而家做緊午餐每人減$8優惠，即使有人龍都要等!!黎之前已經睇過食評，有關烤雞飯既食評好少，但自己想食木瓜沙律，所以無點大熱食物。好彩食物出乎預料既好，完全無令我失望😋。烤雞青木瓜沙津配飯 $68本以為沙律只係伴碟，無諗過居然係主菜，份量同雞扒一樣多!! 老實講，我個人覺得唔配白飯都得，因為根本食唔哂!!烤雞扒雖然稱唔上嫩滑，但調味剛好，有香茅味；沙律偏甜、少辣、少少酸，內有脆花生添加口感；連普通既白飯都煮到粒粒分明，濕度剛好，根本無野可以挑剔!!泰式無骨滷水豬手飯 $88呢個飯量非常多，連好”臭米氣”既碳水朋友都表示多。滷水豬手係我食過最好味，豬手炆到又淋又入味，滷水汁帶有五香粉、八角香，點埋個酸汁，完全無油膩感。蝦餅 $28大大件又厚身，熱辣辣，脆卜卜，蝦肉彈牙，唯一缺點係鯨油時間唔夠，入口比較油。串燒 $28 (一豬一雞)兩款都比較乾身，但可以接受，個人覺得豬比雞略勝少少，乾得黎帶點咬口。芝士醬薯條 $15見到價錢唔貴，所以忍唔住點左一份，估唔到份量咁多!! 仲要係我地中意既波浪粗薯，雖然未炸到金黃色，但外層已經好脆。不過個醬就無芝士味，個人覺得似沙律醬多。每個套餐都包一杯餐飲，飲品選擇好多，重點係唔駛加錢就可以飲到出面舖頭既特飲。朋友點左青檸梳打，而自己就點左蝶豆花蜂蜜茶，後者係特別既紫色，影相幾靚。當日用餐體驗好好，期待下次黎荃灣。…查看更多

又來了這家好吃的泰國食了(๑>◡<๑)主食MENU好像有點更新了，而這邊很好草草木木裝修也是好美好CHILL的～同事點了的泰式燒豬頸肉飯超吸引的，燒得剛剛好的有點脆再加上醬汁(*≧∀≦*) 上次試了的咖哩好好吃這次食了湯米線，超好吃的米線會有點辣辣，而且感覺超健康的因為有超多菜～最重要還是小吃真的很讚啦(°▽°)(°▽°)蝦餅大大舊又彈牙又脆又真的超超正呀，而串燒也是燒得剛剛好的好吃，再加上醬汁巴左上面超正呀～…查看更多

千奇唔好叫海鮮湯粉絲！勁難食，係勁難食！所有野同白烚係無分別，我無諗過可以有咁難食嘅野出現係張秀玲，我之前食過依間野d飯， 覺得ok, 所以試下，點知中曬大伏！先講個湯，係甜架！我以為會酸辣或者至少會辣（佢menu有條辣椒）， 完全唔辣，仲要甜，成件事超核突，同海鮮完完全全唔夾， 但佢d海鮮算ok唔腥，係d蝦有d「枚」但放落個湯真係無敵奇怪同唔夾.....點解會係蛋花湯，超奇怪，佢成個味，直情係似用泰式甜辣醬加水混合而成，極度奇怪，成碗湯渣咁， 仲要收我$88望落去好似好多料咁，但下面全部都係生嘅娃娃菜個蝦餅係幾好食嘅，加$28 都唔貴如果大家去食可以食其他，豬頸肉，豬手，木瓜沙律果d都幾好食，湯粉真係不可一不可再…查看更多

之前路過經過呢間小店被佢嘅清新格局同門口裝修吸引。所以今次約朋友食飯專登嚟呢度試吓!3個大人加一個小朋友叫咗好多野食再加3柸飲品都係7百蚊埋單。 價格性比高。 食物出色冇味精，用心的泰國菜。 值得推介…查看更多