點心到 (廟街)

點心到 (佐敦)，位於佐敦廟街286-298號華志大廈地下6-8號舖。店內環境比較逼，客人九成是遊客。蝦餃、金錢肚、流沙包、鹹水角、懷舊豬潤燒賣、牛肉球，六款點心正常發揮，味道不算特別出色。另外鹹水角外皮太硬，肉餡太少。整體點心即叫即蒸，上菜速度偏慢，但如果經過想晚上食點心，都不妨一試。🏷️溫馨提示～ 整個用餐體驗均屬個人分享意見， 只作參考😊。點心到 (佐敦)地址: 香港佐敦廟街286-298號華志大廈地下6-8號舖…查看更多

原本係OpenRice 訂左位係紅日黎的，但黎到被告知紅日同假期係OpenRice 訂左座係冇效的，要我地即場攞飛等位。咁我地都照等，原本諗住我地都有入座應該都可以幫我地計返OpenRice 積分，點知OpenRice 顯示訂座被取消，個人覺得依個位做得唔好，如果係咁點解唔係我訂座的時候同我講/取消我個位。要等到我到場先取消我個位？我地大約等左3-4個字到，入到去環境到算逼但好好彩有個大位，見其他2人位都比較細，嘢食大約3-4個字開始上。✅奶茶好香茶味，幾濃郁相當好味😋✅黑金流沙包比一般包細個，d包好鬆軟，蒸得好好，低下唔會濕，都好流心，係金沙個味道比較淡，但整體黎講都算唔錯。✅紅油抄手依個好有驚喜，幾好食，個皮幾好咬口，內餡個肉都非常唔錯，原本以為會好辣，但辣度啱啱好，非常推介👍✅蝦餃蝦餃個皮都做得好好，內餡d蝦非常彈牙大粒，唔似出面d蝦餃好大雪藏味，依度d蝦做得好好👍✅黑松露菜餃連續食左幾個高質點心，相比之下依款比較遜色，冇黑松露味，非常失望，但入面d蝦依然好彈牙好大粒。✅鵪鶉蛋燒賣燒賣個皮好薄，啲豬肉都紮實，鵪鶉蛋個生熟程度啱啱好，值得推介👍✅金沙脆皮銀蘿腸非常有驚喜，個皮好滑入邊包住類似油炸鬼嘅嘢，個油炸鬼又包住啲蘿蔔絲，係脆過普通油炸鬼，非常好食，必試！！！✅炸腐皮卷應該係即炸非常脆，啲蝦都好彈牙好大粒，但入邊有芫荽，唔食芫荽嘅朋友要留意！✅炸蝦角炸蝦角好脆，啲油應該都唔錯！唔會有好大浸油味，入邊啲蝦都爽同好彈牙！✅卡通流沙芋蓉包同金沙流沙包一樣，都係比較淡味，但都做得唔錯。❤️整體黎講，d點心做得相當唔錯，冇一個係唔好食，d點心都蒸得啱啱好，唔會濕曬，d皮都做得好好，同埋d蝦餡相當出色，炸的點心應該全部即炸非常脆口，真心值得等待！點心非常出色，好味過酒樓d點心好多！😕但服務態度真係有待改善，我地埋單果陣，攞左張卡比收銀同事，佢就講左句：我係唔會掂你d嘢！。 個語氣仲好差，我理解疫情時候係敏感d，但可以用好d ge 方式同語氣講，依ㄧ點真係好扣分😡😡😡😡雖然態度麻麻，但因為好味我都會再幫襯，但希望佢地服務可以進步…查看更多

去佐敦飲啡…飲啡前食d野。係咖啡店附近醒起隔離有間點心舖…仲記得生意唔錯…所以想試好耐…今日終於黎試下…地方幾闊落…牆上掛住點心名稱…望下餐牌…點心選擇好多…今次點左蝦餃…脆皮銀蘿腸…釀青紅虎皮椒…鳳爪排骨飯…流心芋蓉包…楊枝甘露…蝦餃皮薄煙韌餡靚…腸粉唔錯…入面放左春卷既物體包住蘿蔔…味道唔錯…豉油味道調得啱啱好。釀虎皮尖椒…鯪魚肉好味…煎得微脆好啱胃口。鳳爪排骨飯…呢個正…餸調味正…個飯真係要讚…夠乾身…粒粒分明。流心芋蓉雖未摵開流餡出黎…不過芋蓉好滑好香。楊枝甘露就不過不失。呢度坐得舒服食物質數唔錯…會而黎試下其他點心…查看更多

今天想去尖沙咀天星碼頭。所以想在這邊飲茶。因為尖沙咀飲茶應該唔會平。旅行網介紹這間點心店。原因係因為新開店面光鮮亮麗。那今次就去試一試啦今日比我想像中晚到。但其實去到都未開門只是準備中。我問職員佢地話疫症期間開放時間都會變。其他原因我都唔太明白。因為之前已經睇咗食評。知道這間店會有孖寶。但完全唔見餐單有介紹。就問職員還有沒有？他們話疫症期間暫停⋯我更加唔明白。疫症和食平價點心有咩關係？門口雖然光鮮。但其實都有很多貨在門口。是隔離的上落貨。所以如果要去食點心就要留意。可能有機會要行出馬路⋯講返食物-今次和男朋友點選了五款點心。都算大膽因爲平日未試過的食物我地都唔敢點太多。因為怕浪費食物⋯食物價位接近香港其中一間連鎖點心店-功夫點心。但如果用平日計功夫有早茶優惠就比佢地抵食。男朋友想食粥。幾款粥價錢差唔多。所以選擇食雞粥。但其實係失望的。因為雞件細和骨多過肉。雞和粥都唔太入味。但價錢真係幾吸引。想食粥可以來這裡點外賣。蝦餃燒賣都可以只選2件。不過不失有進步空間。價錢可以接受。山竹牛肉都好吃值得一試最後來的這個。我在最後才點的。因為怕如果放太久就沒有流沙的感覺。但其實送來時已經沒有流沙的了。老實說我只係為咗佢的做型所以才試一次。但如果只為吃點心。我強烈唔建議。因為超難食。食落去味道好似變壞了一樣好恐怖⋯當時真係好想和職員反映。但又怕係自己食唔慣。當然最後自己都沒有咩事。所以應該只是味道問題。老實說如果午餐時間的確幾抵食。但如果早茶或下午茶時間，這附近都很多選擇。這裡的茶只有一款。其實都飲唔出係咩茶，因為真係無咩茶味⋯…查看更多

同朋友經過仲見到新開左一間點心店，咁岩星期日早冇人排隊就入咗去食。鋪面算歡堂，座位都舒適，點心叫完都幾快送到。黑金流沙包一眼睇落去覺得好吸引，可惜入面既醬唔係太流沙，包比一般點心店細，味道算okay。卡通流心芋蓉包 個樣好得意，比起黑金流沙包，芋蓉包既流心做得好好，又唔會太甜，推介！金沙脆皮銀蘿腸 有豉油浸左一陣，腸粉好滑，入面仍然好脆，相信係好新鮮咁即叫即整，推介👍蜜汁叉燒腸叉燒好足料之餘，腸粉亦都好滑👍蝦餃 蝦肉夠爽，仲有兩粒同四粒揀，就算少人黎叫都冇問題！五香鹹水角 上出黎仍然又熱又脆，入面煙煙unun，好食👍燒汁釀虎皮椒 鮮蝦腐皮卷 醬皇金錢肚籠仔煎蛋牛肉飯飯蒸得粒粒分明，到食左先記得影相😂。椰絲香芒卷芒果夠大夠足料，飲完茶仲有甜品表示滿足😋點心到價錢適中，唔算太平或太貴，不過點心份量普遍比較細，建議數量可以預多少少。…查看更多

佐敦食店一間開完又一間，所以一有新店開，都會吸引同事去試，今天一行三人，來這裡吃點心就最恰當，原因多款點心都是一籠有三件。蝦餃~新張期，每人送一粒蝦餃或燒賣。由於試食，覺得特別好食。潮州粉果~皮未算薄，但那配角辣椒油令這粉果增加不少分數。金沙脆皮銀蘿腸~新鮮做出來，腸粉皮夠滑，這款點心可算是蘿蔔絲酥和腸粉的化身，筆者很喜歡內脆外軟的口感，值得推介。金粟花姿餅~花姿餅夠彈牙，油夠新鮮，吸引薑蔥牛柏葉~有𡁻頭，夠入味。醬皇金錢肚~和牛柏葉一樣出色。籠仔金汁雲耳蒸雞飯~$32有這份量，抵食之選，見很多鄰座，一支公點一個飯作午餐。黑金流沙包~甜度適中，夠流沙，唯獨質感太腍。整體來說:由於新店，每位店員都很落力，熱情招待，店長不時詢問食客意見，茶錢每位$3 , 如結賬時在Facebook 專頁內按”讚” 的話，可免茶錢，另外沒有任何醬芥收費，而且免加一，中午飯市時段，唔需要有嘆茶的感覺，只著重吃點心的話，這裡算是一個好選擇。…查看更多

肥妹妹返咗嚟香港咁耐，但都未飲過茶所以佢走以前帶佢去飲茶，滿足下佢啦！冇點到飯類，專食點心。腸粉皮很薄很滑夾住左的油炸鬼，同清甜嘅白蘿蔔口感好有層次。蝦餃係試業期間免費送。蝦餃皮薄彈牙，蝦肉都是爽口新鮮，不同於大型酒樓嘅工廠製造真係食得出係手工。黑松露餃都好好食比蝦餃仲多咗一層菇味真係齒頰留香，仲有黑松露都算俾多足。黑金流沙包食嘅時候要用筷子，如果唔係隻手會黐到金粉，同埋佢嘅流心效果好強勁，係爆汁咁！湯係真係老火湯，依個價錢來講10分抵飲。原隻蝦燒賣都好好味，好足料；仲可以兩粒咁叫 沙律明蝦角，細細隻，剛好一口一隻仲未夠喉，所以想加點點心同甜品。不過好可惜，原來榴槤食品係暫時未有，想食的黑天鵝榴槤酥要留返下次食啦！鮮蝦腐皮卷都好好味，外皮炸都好鬆脆，入面嘅蝦亦都好新鮮。薑蔥牛柏葉，好入味亦都好爽口，墊底嘅蘿蔔亦都好甜。環境乾淨企理，服務都好親切，反應又夠快。重點好抵食，仲要係即叫即做既手工點心，正！…查看更多