逸東軒

一年多後再重臨這名店, 原來連續三年都拿到米芝連一星, 怪不得早午市, 下午茶三輪都客似雲來, 但真感到茶市太急速了, 入座至最後點菜時限一小時, 失了嘆茶的味兒🤔蝦餃, 牛肉球, 鮮蝦春捲, 炸芋角,鮮蝦腸質素合格而矣, 員工良好服務補分👏

預祝父親節，阿囡請飲茶😆。想去逸東軒飲茶，記得預早book定位，我們三位被安排坐在中間的一張圓枱，坐得舒適，地方闊落，服務很好，食物方便也不錯，特別喜歡梅子車厘茄，食完很開胃，味道清新，义燒OK，但唔係特別出眾，奶皇流心酥，熱辣辣，很香口，鮑魚和牛撻好味，但唔係好食到和牛，每件$88，其他普通的點心都係酒店正常價錢。總括來說，可以一試。O

男友家人介紹，逸東軒的點心高質又抵食！午市$38有很多款點心可選擇，而且環境舒適，所以book位後去試一試。不知為何出餐速度可以如此之快，點餐後5分鐘左右已上菜🤣🤣 放心，炸物是熱騰騰的，皮很脆，入面蝦份量不少。不得不說，平常我不愛吃蝦餃的。男友嘗了好吃叫我試，一咬，皮的確與外面不同，不是很濃的水晶皮（本人很討厭又軟又厚的皮），入面的蝦頗新鮮，好味！😋 加了帶子感覺高級呢！🤣兩者很配，好像沒平常的哪麼肥膩。也好味😋皮薄，但我不太好腸粉，沒評論。一開蓋好香！鬆軟鬆軟做得不錯👍🏻菜和蝦也很多，不錯。重點推薦🤩🤩 細細粒的，但很好味！入面很流沙，還有蛋黃呢！可惜的是，上碟時只是和暖，不夠熱。有機會會帶家人來飲茶，$38 有如此質素是很難得！😚 下次一定會再叫流沙酥和蝦餃！

逸東車已經係米芝蓮一星竟然仍然做點心推廣$38點心並唔係浪得虛名啲嘢又好食😋又唔會因平咗而馬虎真係值得一試再試今次叫咗五個點心加一碟叉燒雖然叉燒係冇優惠嘅但係無論賣相同質素都係值得嘅好美味嘅三寶（XO醬、合桃、腰果）蝦餃都好味 皮唔會厚金錢肚雖然唔係$38 但都只係$48抵食又好味😋叉燒焗餐包係其中一個推介其他中菜嘅焗餐包會用奶重做餡叉燒做餡係特別好食嘅牛肉並唔係用腐竹墊底用金菇都幾特別牛肉彈牙有馬蹄口感腐皮卷用茶樹菇做餡比較一般嘅鮮蝦餡更有新鮮感

逸東軒嘅$38點心優惠一向好搶手，疫情期間都推出過幾次呢個優惠，今次終於到我食啦😎呢個優惠只做星期一至五嘅午市，只要$38/$48/$78就可以試到米芝蓮級數嘅精美點心，好似做埋今個月就無啦，有興趣就上網預約吧✅✅佢地全部點心都新鮮出爐熱辣辣咁上枱，好好食嫁🤩🐶荀尖鮮蝦餃 $38推薦❗️皮薄餡靚嘅蝦餃🦐蝦餃皮好薄，一咬就食到啖啖蝦肉，我無認真數一粒餃有幾多隻蝦，但每一啖都食到爽口鮮味嘅蝦仁，而且係最平嘅$38，值得嗌！🐶帶子蒸燒賣 $38呢個都係人人都會嗌嘅，所以都有啲期望～我覺得佢係好食嘅，但係只係正常酒樓點心程度個種好食。帶子嫩滑，但係存在感唔高，食落口其實都只會食到豬肉餡嘅味，感覺加左帶子無令粒燒賣好食左，但佢都係餡料好鮮味，好食嘅燒賣～🐶豉汁蒸鳳爪 $38唔推薦🥲好普通嘅鳳爪🐓🐶脆皮流沙酥 $38半隻手指公咁大嘅流心奶黃酥，因為新鮮出爐，酥皮相當酥化，一咬落去就爆哂啲奶黃餡出黎，係幾正。不過食多幾啖就覺得個餡偏鹹，而且唔係鹹蛋個種鮮味嘅鹹，仲食到唔太自然嘅香精味，有啲膩。🐶金沙脆豆腐 $48好食❗️豆腐炸得好香口，個皮薄到入口即溶，配埋灑係上面嘅炸蒜好惹味，豆腐好嫩滑，要襯熱食哂佢

因為要清假.  所以決定嚟好多好評但平日限既逸東軒點心. 長話短說點心樣樣出色, 以樣樣38蚊嚟講真係超值. 只係人手有DD不足. 不過係而家既形勢嚟講都算可以接受. 最有印象係帶子賣, 蝦餃, 菜苗餃, 個皮做得好好, 餡料亦真材實料. 所以佢D腸粉都唔錯. 唯一可惜既係我得一個胃, 如果唔係我應該樣樣都想encore一次. 

每碟點心都係$38❗️超抵食book左好幾次終於book到30款點心一津$38 優惠做到五月尾咋酒店餐廳的服務又坐得舒服 真係冇得輸3個人叫左7樣點心另加招牌叉燒因為上次食過真係好出色就算係正價$238都必叫係貴既但超厚切勁鬆軟邊位焦脆蜜汁夠惹味咁高質的叉燒係值架❗️飲茶又點少得蝦餃燒賣每籠都有4件 其他酒樓通常都得3件咋蝦餃餃皮就麻麻地 太腍有點粉帶子燒賣就正 大大粒帶子裡面餡料好味包類就叫左我至愛的酥皮叉燒包墨西哥酥皮做得幾鬆化帶微微甜味同叉燒餡好夾至於邪惡脆皮流沙包原來好迷你 兩啖就冇左😂饅頭外面炸至金黃香脆 裡面有鹹蛋黃流沙流沙餡鹹香為主夾集少許甜味但就一點都不流沙 比較杰身 有少許失望最抵食莫過於小食類XO醬蘿蔔糕 上枱時見色澤白曬曬以為麻麻點知食落XO醬勁惹味 有落超薄粉漿輕輕炸過特別脆口仲有少少鹽係面吊味 好好食上海烤麩大大碟 醬汁香濃惹味烤麩索哂汁最正唔計正價的叉燒 每人都係大約$130真係太抵食啦 如果佢再extend優惠一定再去

逸東軒晚市一向保持水準, 米芝蓮一星絕對是名不虛傳, 今次試下近期大熱既午市 $38 點心. 因為疫情關係, 見到所有服務員都做足防疫措施, 另外枱與枱的距離亦很遠. 落單後, 沖了幾杯茶後便很快上菜. 三人行點了數個 $38 點心, 另外當然亦點了餐廳招牌叉燒, 的確是值得為了叉燒到此一遊, 其他 $38 點心亦偶有值得回味的. 賽後檢討一致認為午市點心有水準, 但跟晚市比較還有一點距離, 若非招牌叉燒提分, 未必會想再次登門造訪. 另外, 某部份侍應服務水平需要提升才值得米芝蓮的名銜.