#歡樂中式點心 以前喺新蒲崗返工，好多時都會行過大成街街市，不過就從來都冇上去，聽說好似有一間只做早市嘅傳統點心，於是特登去試下。從街市入去兜咗幾個圈都搵唔到條路上熟食中心，原來喺行人天橋旁邊就有一部升降機直上方便好多，加上行程延誤，去到已經十一點過後，老闆正在準備收工💔當時點心所如無幾，如果老闆同我講下回請早我都只能接受。點知老闆問我想食乜，我話蝦餃燒賣雞扎嗰啲，老闆竟然話ok我蒸畀你，嗰一刻真係幾開心又感動，香港係仲有人情味的❤️新鮮蒸出嚟嘅點心好難會唔好食，所有點心都只係$20，一般喺出面酒樓都冇乜可能食到，蝦餃有四粒晶瑩通透，最重要係有筍，蝦肉亦夠鮮，好食。燒賣同樣係四粒，雖然唔見有蟹子，但同樣有大件蝦肉，肉質非常新鮮。雞扎材料豐富，雖然雞肉稍為結實，但整體味道都算幾好，芋頭夠粉，豬皮爽口，火腿正常，腐竹入味。茶錢$5，埋單$65。老闆非常之好人，雖然我可能阻住佢哋收工，但佢哋都願意做埋我呢單生意，我好感激佢哋，希望佢哋繼續生意興隆長做長有。歡樂中式點心黃大仙彩虹道121號大成街街市2樓…查看更多
