鳴越越式料理

營業中

休息中

友人剛去完華欣回港，話想同我分享下旅程，當然求之不得。因她在上環返工，所以揀了附近一間越南餐店。其實之前也來過，但也不緊要，反正已有一段時間沒有吃越南菜。眨眼看，裝潢沒有改變，全店翠綠色為主調，各塊牆身仍掛上色彩繽紛的油畫，朝氣十足。餐店以卡座為主，設有多排闊落的四人卡座。有兩份餐牌，一份精選套餐和飲品，另一份是散點菜式，全份均附有菜式相片，設計清晰。分別有湯粉類、撈檬類、越式傳統海濱、沙律、飯類、炒粉飯類、地道小食、紙米卷、湯、主食、燒物、田園青菜等等。*********************精選套餐最實惠，主菜連飲品，仲可追加小食。揀了一碗蝦頭膏酸辣湯河 Spicy shrimp paste with flat noodle in soup ($68)，熱辣辣上枱，稍稍酸辣香的味道。滿滿一大碗，面頭放了些海鮮，配上生洋蔥絲和蔥花。先嚐熱湯，有點甘香，酸酸辣辣，少少嗆喉，味道不錯。夾起碗中的河粉，份量很足，一起共享就岩岩好。河粉煮得合時，滑身而不散爛，舀一羮酸辣湯同吃，很滋味！河粉份量多，但餸料就一般。只有兩隻爽彈的蝦仁、一些柔軟的蟹柳、數粒小帶子、一些清爽的芽菜和洋蔥絲。****

今日去AIA環球嘉年華玩完之後入番中環食晚飯，雖然只係六點幾，但已經又餓又攰......因為前排去完越南所以想食越式野，於是朋友提議食鳴越，果然冇介紹錯~餐廳雖然位於地庫，但都容易搵。餐廳座位好闊落，環境舒服，有醬汁、紙巾同牙籤。朋友同我都係叫套餐，我叫咗香茅豬扒湯檬（＄66），佢就要蝦頭膏酸辣湯河（＄68），然後加＄25點越式春卷。飲品方面就各加＄10，分別點椰汁紅豆冰同椰汁三色冰。初時以為湯檬好細碗，所以見到咁大碗好滿足仲要塊香茅豬扒醃得入味，煎至微焦，最正係肥瘦適中，唔會又乾又“鞋”。另外，豬扒帶有香濃既香茅味，咬落鬆軟又多汁，而且已經去咗骨，食落唔會狼狽。蝦頭膏酸辣湯河一樣大大碗，湯底味道酸得嚟帶點微辣，好開胃。河粉爽口，而且配料豐富，有蝦、青口、蟹柳、帶子等。越式春捲（跟餐加$25）春捲餡料豐富，包括木耳、粉絲、紅蘿蔔絲等，而且炸得金黃酥脆熱辣辣，用生菜包住嚟食感覺好fresh~飲品方面大家都加咗（＄10）點風情特飲。無論係紅豆冰定三色冰，都唔會只係得個甜字，兩杯都帶有濃郁既椰香味道，紅豆亦軟腍唔會過硬。埋單每人90，冇諗過喺中環既地段食晚餐會食到抵食又高質既越式料理👍👍