周記點心

無啦啦想食蝦多士，上網搵到呢間好似好多人食，特登去咗西營盤🤣 我下午2:00去到，基本上都九成滿座，好多食客都係國內朋友 (可能因為大众点评榜上有名)，不過都唔見到唔少做外賣單嘅本地人叫。返番正題，其實整個餐廳嘅環境比較暗，同埋要同人搭枱，如果想要搵舒適嘅地方食點心，呢度就未必合適。啲嘢食大致上都覺得係中上，我一行兩人去，叫咗三個餸，同埋一杯嘢飲，其實已經好夠！1️⃣蝦多士 (4/5🌟)好大份！有四件！呢類型嘅食物，一塊都已經覺得好夠🤣 淨係食蝦多士已經飽2️⃣燒賣 （4/5🌟)覺得啲料好足，啲蝦都好彈牙，不過因為都係蝦，覺得要嘅食物有少少重複3️⃣排骨 (3.5/5🌟)呢個就正正常常4️⃣百香果橘蜜熱飲 (4/5🌟)個人好偏愛百香果，唔係度度地方都有得飲，所以都覺得好有驚喜…查看更多

西營盤的周記點心有流心西多士，揀咗奶黃味，切開的確好流心，但將流心奶黃連埋油炸西多一齊食，其實都幾漏，食返奶黃包會適合啲。蝦多士反而有驚喜，芝麻好香，蝦膠都唔少，係塊多士腍咗啲。點心都中規中矩，牛肉球落得太多粉，口感都幾差。總結：試一次就夠…查看更多

在南區住既，無人唔認識周記茶餐廳，周記已有多年歷史，雖然叫做茶餐廳，但其實係飲茶食飯既舊式茶居咁無錯，你唔係睇錯西環周記既食評，周記點心就係香港仔周記既後代，人係後代，但經營手法就係新一代帶中式味道既中式裝修，舒服既，而多款港式點心，仍帶住對點心既堅持，自家工場製並且即叫即蒸，睇餐牌睇到樣樣都想食食下點心先，鮮蝦菜苗餃，賣相不錯，睇得出係皮薄既入口皮幾滑，菜多而蝦同荀既調味做得相當好成個餃幾好味，感覺豐富食埋香煎腐皮卷，香脆可口而入面既料仲封到好多汁係入面，好正略嫌個皮有少少過油，不過都好ok既戲肉黎喇，勞蘇食推介 — 芝麻蝦多士賣相好吸晴無辦法，要用手試試最好風味外脆，鬆化，芝麻香，蝦滑係正到一個點，蝦味好香又濃配上煎煎既芝麻香食一百舊都得，一定要食食到漏配個驚喜凍奶茶，以為就咁飲下，點知有驚喜，好滑茶味又相當唔錯最後係傳承既代表，流心奶黃流心西多士，上枱未覺有咩特別，一切開，流到澎澎聲既奶黃出晒黎好吸引，軟諗香滑奶黄沾晒上西多士度超正超好味超邪惡但吸引到一個點，你見到到底點傳承到而發揚光大周記傳承除咗傳統點心仲好需要創意、新意咪就係做到晒，舊周記、新周記，一樣咁吸引#舊周記蒸飯一定一定要食#多人排到一個點建議下午茶去…查看更多

<跟女朋友吃飯系列•六十二>行行下西環，記得附近有間馳名的茶記，就跟女朋友來試試。印象中上次來，碰巧撞正他們休息，所以摸門釘。今次來，雖然是假日，但他們照常營業。餐廳內外頗有茶記特色，餐牌也換上了新束束的。圖文並茂，令小編很容易明白菜式。食物方面點了蝦多士和牛柏葉。蝦多士是此店的招牌菜，今次再來，味道依舊，蝦球加上多士，每一口也是蝦肉，十分過癮。至於牛柏葉，也有驚喜，湯底清，配合爽滑的牛栢葉、辣椒等，十分出色。服務方面店員主要兩個，一男一女，均服務很好，以小店來說，十個讚，真害怕百番叫人服務換來加料。…查看更多

因為要去香港大學附近，朋友帶咗我去呢一間周記點心，佢係位於西環水街，聽佢個名我以為佢淨係食點心點知原來佢有其他小食係更加出名，例如奶黃流心西多士，紫薯流心西多士，蝦多士。今日同朋友點左幾款點心同埋蝦多士，點心做得好精緻亦都好出色，蝦多士係本人食過覺得比較好食嘅蝦多士，芝麻外層及爽脆嘅蝦滑，即使係將佢煎炸過嗰陣蝦味都冇流失。覺得佢嘅蝦係好爽脆彈牙。但係佢嘅環境就比較細，座位亦都比較狹窄，除咗環境方面我都好滿意佢嘅食物…查看更多

好幾年前興起流心奶黃多士當時貪新鮮第一次黎食周記之後久唔久都會特登過海食拒但系為左拒既“蝦多士”依架蝦多士系香港已經買少見少部分離島比較復古既冰室都仲可以食到但質素真系伏既機會偏高周記既蝦多士夠大塊， 餡夠多，蝦膠彈牙， 面頭鋪滿白芝麻麵包皮厚度適中， 一咬落去濃濃既煎香左既芝麻香撲鼻， 系我食過最好味既🍤多士仲有奶黃流心多士系拒地主打， 不過個人覺得兩個人食岩岩好， 如果一個人食一件略嫌漏左少少 雖然每次黎， 門口都有人龍， 但我地最奈個次都系等左15分鐘左右， 為左蝦多士， 可接受拉 …查看更多

今日是星期六，下午一點多到了，要在門外等位，大概15分鐘就可以入座。我們點了招牌蝦多士、奶黃西多士、排骨蒸飯、鴛鴦燒賣和一杯凍奶茶。兩款點心沒有特別，味道不過不失，當然想食點心還是到酒樓會更加滿足。至於這家店的招牌就是多士，兩款多士我覺得可以一嚐，但沒有期望中這麼出色。兩款都是炸多士，老實算真的有點滯，多些人分，每人嚐一小口會比較好。蝦多士的餡是豐富的，但其中一面是佈滿白芝麻，個人認為芝麻味不算突出，食落有點似煎堆，但整體味道較淡，普普通通。我還是比較喜歡傳統的西多士配糖槳，流沙奶黃還是中式包點的好味，流沙奶黃有點過甜，西多士又有點油，兩者配搭起來就有點滯了。奶茶值得一讚是叫了少甜少冰真的有做到，但當然還是茶記冰室的比較出色。整體而言，這家店有茶餐廳元素，也有港式點心，兩者的食物也沒有很出色，但想一次過食到這兩種食物，也可以到這裡試一試，但我想，我下次還是會到茶餐廳或酒樓…查看更多

居然記得拍片唔記得影低佢爆餡嗰一幕😭奶黃流心西多(HD38)真係勁好味😭d流心勁香蛋黃味而且麵包仲要脆卜卜 真係好正😍😍😍-蝦多士🦐(HKD38)一樣係炸到脆卜卜🤤d餡同芝麻仲要勁多🤤🤤👍🏻-鴛鴦燒賣（HKD26）有黑松露同埋蟹籽黑松露醬都比得唔少😂燒賣真係好大粒👍🏻🤤不過入面最主要都要肥豬肉 蝦反而真係少😓-原味樽裝奶茶(HKD18)奶茶味道偏淡茶味都唔算濃味道反而偏甜整體黎講...唔會有第二次🤦🏻‍♀️😂😂🌟Rate: 7.5/10 …查看更多

老實說，我是看飲食節目而特地來吃的。節目裡介紹了蝦多士和流心西多士，果然讓人歎為觀止！看這個流心效果！ 餡料味道是流沙包那樣，充滿鹹蛋香！ 流心配不敷衍，雖然有點油，但還是接近完美！必吃！！！蝦多士本身不是我喜歡的食物，不過芝麻香口，同行的家人都很喜歡。唯一就是蝦膠偏軟身，而且也是比較油。春卷炸很很香脆，因為偏長身，所以相對餡料較少。鳳爪不錯，很軟很入味。馬拉糕還可以，不過唐X包點的香甜一些。菜苗餃不過不失，可以一試。鵪鶉蛋燒賣 還算不錯，可是唐X包點的比較好味。咖喱味太淡了… 不推薦… ｰｰｰｰｰｰ店員很友善啊，很親切，一定會再來的！…查看更多

難得過海，去左十年都唔會去一次既西環覓食😋😋😋朋友過之前Facebook 好多人推介呢間周記點心， 加上地鐵站行5分鐘左右就到，非常就腳！我地三點多去到，門口都企左唔少人在等位。蝦多士果然唔係浪得虛名， 新鮮即炸出黎， 蝦膠厚厚的， 而且多士咬落唔會油淋淋，仲好脆口！流心奶黃西多士如果好似我咁，中意流心奶黃包既朋友，一定都係比個讚！鴛鴦燒賣普通加黑松露， 呢個可能好多地方都食到， 但松露味未必有咁香。蝦餃兩個字～皮薄！！XO醬蘿蔔糕相比下，蘿蔔糕就無咩特別。…查看更多

周末沒有特別活動, 跟老公走到西環試下新野~在open rice見到呢間周記咁多笑哈哈, D野食又夠哂邪惡, 決定黎試一試佢先!我地星期6大概2pm黎到, 門口都已經有唔少人等位,好好彩都唔算等太耐, 大約20分鐘就有2人位到我地.雖然已經2點幾, 不過我地其實未食lunch的,所以都叫得比較多野食1. 蝦多士 (下午茶餐$40連熱飲)2.  XO醬炒腸粉 ($36)3. 蝦餃 ($26)4. 鴛鴦燒賣 ($26)5. 流心奶黃西多士 (下午茶餐$33連熱飲)蝦多士 呢個即炸出黎熱辣辣非常正, 入面蝦滑份量非常足料, 又夠彃牙, 出面D芝麻夠多而且炸完好香口!! $40有4件大大件真係好抵食同好好食!!!蝦餃 & 鴛鴦燒賣  呢2個點心我地都覺得不過不失, 可能本身我地偏向中意食有菇味的燒賣, 而呢個就無落冬菇, 所以我地只係覺得普通了一點.流心奶黃西多士 - 呢個一黎到ge時候個多士好似好平靜咁, 點知一切開佢, 哇!!! D流心嘭嘭聲咁流＿個多士食落去好鬆脆, 流心奶黃又好味又夠特別, 真心覺得值得一試!XO醬炒腸粉 呢個又係超乎我地意料之外咁好食!!! 我老公就比較著重腸粉的味道 - 夠唔夠滑同有絛米香. 佢食完第一件就同我講呢個腸粉好好食! 咁到我試喇~ 又真係幾香幾滑, 而我就著重個XO醬, 因為我好中意食XO醬乜乜乜果D野食, 而呢個XO醬又真係好惹味喎! 呢個都係真心推介, 我地一定會encore的食物!!!…查看更多

茶餐廳細分有很多種:燒味，粉麪，我都曾評論。太興，銀龍兩集團分屬上述兩種。今次品評的是點心茶餐廳。全港數量不多，大有發展空間。我覺得點心茶餐廳較上述兩者難經營，因為要有較大面積的厨房。此店巧妙地把點心收窄為蒸點，蒸飯，煎炸，包和特色五大類，每類數款，並突出7大。西餐食品則收窄為下午茶套餐和突出西多士和蝦多士。我推薦哈哈，第一是蝦多士。代表此店西式食品。芝麻極多，麪包很薄，蝦膠很厚，足有1cm厚度，蝦膠不太咸，沙律醬夠酸去除肥膩感覺。等了10分鐘，應是即炸，熱度十足。比很多高級餐廳做得更出色，齒頰留香（女士則可能喜歡邪惡西多）。奶茶則太大杯，濃度不足，影響了質素（可能是沒有真正水吧師傅坐鎮）。下次單點38元便可以。另一哈是蝦燒賣，有鴛鴦兩款，很配合今日2月14。蟹籽比想像中少，黑松露的味道則突出。燒賣真是很大粒，高度與蒸籠看齊，彈力亦十足，是人手精心細作。蝦餃則無特別。早餐全是點心類，下午茶偏種西點。其實中午亦可加設點心套餐，下午茶餐加添點心。此外，茶餐廳元素很少，應發展多一項招牌西式食品。長者外賣有85折，蒸飯外賣15元一份。很希冀此類誠意小店能經營下去。因位置不就腳，建議港鐵港大B1出轉右，沿皇后大道西上斜路，見到新波記後轉左落斜坡。原來此店是6:00關門。我怱怱而去，街燈泛黃，天邊淡紅，心中空白。…查看更多

來西環一定要試試手製的點心，我已經不是第一次來吃，但想到蝦多士和流心西多就想要再來。這裡早點來就不太要排隊，但兩個人就跟心搭了台。 芝麻香脆！蝦肉又多，香口跟沙律很搭！值得一試！惟有一人吃兩塊，真有點膩。$35（8/10）叉燒包比普通酒樓的鬆軟好食，又不太肥！$14（7.5/10）反而糯米雞就顯得有點失色，普普通通。$10（5/10）鵪春旦燒賣正正常常，不過不失。$18（6/10）可看看餐牌呢～相信不久，我又會再來食呢。 …查看更多

由於地鐵以每個月第一個星期六半價來取代回程九折,所以我倆決定這星期六早上去西環一嘗”周記”, 店內面積跟一般茶記一樣大細, 沒太大空間, 招呼客人的主要由兩位阿姐主導,其餘的都是後生仔, 兩位阿姐身形瘦削絕對同呢間鋪匹配得到, 但做起事來各走極端, 一陰一陽, 兩個後生仔就差不多每個動作都被人質, 見到仍地都感覺到那份壓力, 不過估計兩個後生都可能係店主直系親屬, 將來可能係揸FIT人嗰種, 今日只係一種磨練, 被人噫哦兩句沒什麼大不了,我們叫的大部份都是這店名物, 蝦多士$40, 相當多嘅蝦膠有點不計成本似的, 兩片麵包夾住厚蝦膠,上面再沾滿白芝麻攞去炸, 邊會唔好食呀, 新鮮製作夠香口, 一人兩件實在過份,雖然明知係油炸但食落口唔覺油膩, 炸的功夫有一手!紫芋西多$37係另一佳作, 一刀切下將西多分開隨即泡出稍稍杰身的紫色漿糊, 有趣同時又漂亮, 其實唔一定要做西多, 可以變化出N咁多樣花款, 不過傳統中國人諗法(又或者講大部份人)千辛万苦試成功一個菜式後, 唔會想再花時間落去精益求精都係正常嘅, 但如果這事發生在一個日本師傅身上,可能會變出十個變身, 呢d都係文化差異吧!炒銀針粉$40, 粉多配料少, 呢樣都屬於正常嘅, 因為呢個單價唔高, 味道有丁點兒辣,不過又因為配料少的關係無咩味道, 亦可能跟潮流調味料盡可能少啩!銀芽加上白米色銀針粉, 顏色上是絕不起眼, 如果能有點紅紅綠綠的話,即使味道一般外觀都可以攞返些少分數呀!燒賣, 比較少蝦肉的豬肉燒賣, 都唔錯的一品, 下 次再試蝦餃…查看更多

近日秋高氣爽，難得同兩老一齊有假放，當然要行下山活動一下，就前進香港島去下薄扶林水塘。郊遊前要填肚，先係西環落腳。大清早，又同屋企人一齊，自必然首選飲茶食點心。蝦餃、燒賣為必然選擇。鮮蝦大大隻又爽口。燒賣好足料。鳳爪排骨飯，亦都水準中上。蝦多士係招牌菜，外層炸多士香脆，芝麻滿鋪，食落特別香口，蝦膠當然亦係啖啖肉，再點沙律醬，一流！果然係必食推介！唯獨是炸野始終比較熱氣，一件就夠晒數。 春風得意腸，即腸粉包春卷，亦都好味，腸粉皮薄，春卷入面都係啖啖蝦肉。不過兩樣熱氣野食，要二揀一既，都係非蝦多士莫屬。最後唔少得既，當然係紅極一時既奶黃流沙西多士！估唔到朝早都有得叫，幾飽都要試埋佢！睇住佢一切開，入面既奶黃餡湧泉而出，再食佢落肚，實在為人生一天樂事。雖然有些許熱氣，但都值得一試。好味既流沙奶黃包唔多，但總會搵到，而好味既奶黃流沙西多士，就真係只此一家。對住咁邪惡既食物，三個人竟然食得晒。食到肚滿腸肥，好彩最後都行左四五個鐘去消化。…查看更多