火夫

之前老公嘅男友人RK幾老公食生日飯，我哋臨急臨忙約噚晚（16-11-2024 Sat）食呢間，由於網上訂座時段唔太理想，而且睇到其他人嘅食評，話walk in客要等兩個鐘，所以RK約6點半Walk in。我哋去到，都已full full地，店員 話而家入咗嗰班係book咗六點半嘅，我哋要等，就mark低我哋電話，話有位就會call我哋。咁我哋決定繼續等，因為呢間都幾吸引，但係等嘅時候，我諗起如果有人book七點，七點半，佢會畀晒啲booking客入去，我哋咪要一路無了期咁等？ 於是問店員我哋依家可唔可以book7點或7點半？店員話，其實係book到六點半跟住下一批係八點三個字，所以唔會有七點同七點半嘅booking客，booking客係可以食兩個鐘，但未必一定要等兩個鐘，因為有啲人唔係食兩個鐘，walk in客食一個鐘咁我哋等啦。佢哋嘅software顯示我哋排第二，等咗幾個字，有客人出嚟，睇見店員打電話，之後打俾我話有位，我哋就即入去啦。坐低後睇menu，原來呢喥串燒係$48.00有兩串，個別串燒要加錢，我哋叫完嘢，就先放低一碟前菜，係牛柳粒，呢個用洋蔥爆香，我覺得鹹咗啲，牛柳粒口感適中。而叫咗嘅食物都陸續到嚟：1. $48.00嘅雞肝多士多士烘得脆，雞肝醬唔少，味道甘甘地，OK嘅。5分2. $128.00嘅虎蝦濃湯麵每碗都有隻炸虎蝦，都炸得幾深色，濃湯好杰身，但味道唔係想像中咁濃，炸虎蝦脆卜卜肉又厚，味道濃郁，麵嘅口感就適中。4分3. $48.00角瓶威士忌梳打RK飲嘅，睇見顏色唔深，佢話淡，正常啦。4 . $32.00嘅巨峰冰串梳打味道都係正常冇問題。3分5. $68.00嘅海葡萄鮪魚沙律食材新鮮冇問題。3.5分6 . $46.00嘅海苔魷魚鬚魷魚味濃，外脆，口感同味道都正常。3分7. +$4.00嘅海膽大葉蓉海膽唔少，食落，大葉味道極濃。3分8. 蜜瓜牛卷燒汁幾好味，同老公share食，食唔到化學作用。3.5分9. $46.00嘅雞白湯關東煮見到有大大舊蘿蔔，福袋，牛腩牛筋同豆腐。蘿蔔冇渣同煮得夠腍；豆腐滑；牛腩可能太大舊，有少少唔夠腍；牛筋正常冇問題；福袋入面嘅係煙韌年糕。4分10. - 12 +$2.00嘅雞肝啡菇，+$2.00嘅蟹肉牡蠣同+$10.00嘅白燒活鱔正常冇問題。3分13. +2.00嘅生蒜牛柳係外脆，但唔多食到蒜味。2.8分其他：好彩睇咗其他人嘅食評，話距離地鐵站好遠，話喺角落，咁我有心理準備，而原來嘅個場嘅舖頭門口係部都係向街，所以我哋都冇行冤枉路。抵食係2.7分…查看更多

前一日搵下紅磡有咩食，見到火夫好似d 相幾吸引，有拉麵又有串燒都係百零蚊，仲可以openrice 訂枱，就即刻book 左。睇過d 相見餐廳d 位有一半都會同另一枱客背貼背咁坐，因為同行有個bb，打電話問過餐廳冇bb 凳，但見佢都有d 背靠牆既位，就係openrice 訂位時remark 左。訂左星期六既1:45pm，去到門口都有兩三組人等位，由於訂左枱，我地都可以直接入座。兩大人加一bb，估唔到餐廳好好人咁安排左個6人卡位俾我地，有一邊係靠牆，咁就唔怕bb 會撞到人。假日週末都係$138起，仲包3個前菜，一個麵食，兩個條串物，加野飲，價錢黎講一d 都唔貴。但當然最熱門既虎蝦濃湯麵要另加$50。以下一品（前菜）都係以二人份上菜。估唔到青瓜同味噌都幾夾，唔會過咸。枝豆春卷既感覺好新奇，少脆既春卷皮包住成條枝豆。 雞肝醬冇左半身雞肝難入口既內臟味，容易入口。虎蝦濃湯麵（+$50)上菜速度非常快，上左青瓜之後，店員已經遞上呢個推介既虎蝦濃湯麵。可能因為差唔多枱枱都係食佢，餐廳都keep 住出。湯身好杰，用"醬"形容佢比用"湯"應該更貼切。杰身既關係，麵非常掛湯，亦食得出有濃濃蝦味同蕃茄味，但個湯都幾油，兩個人share 食都覺得飽同膩。麵黎到都馬上夾起隻蝦，等佢可以保持乾身，慢慢食。櫻花蝦包住大條既虎蝦去炸，第一啖食只係咬到炸到脆既櫻花蝦就略帶苦味，但再食連住蝦咬又冇呢個問題，但蝦本體都比較實淨。另一碗麵食叫左雞白湯素麵（+$10)先講湯，冇得同出面雞白湯比較，個甜味同鮮味都做唔到。另外佢仲配左片檸檬，淨係食到檸檬既酸味。麵身好幼，本身都冇咩咬口，浸ni兩浸就更加快淋。有兩小舊大約兩隻手指咁粗既雞肉同溏心蛋。雞本身淋，一咬就散。溏心蛋做到半熟狀態，但酒味好重。串燒叫左：白燒活鱔（+$8)蜜瓜牛卷炸串叫左：半熟卵明太子 (+$2)蟹肉牡蠣 (+2）白鱔可能未夠熟，食完個咁有d "拿拿"既感覺蜜瓜係紅/赤肉蜜瓜，但唔太甜，所以夾住牛食都冇咩特別。好似係栗米片包住隻流心蛋，一咬就流哂d 蛋汁出黎，食落有d 論盡，明太子沙律醬唔算多，都係普普通通。最後既蟹肉牡蠣反而有d 驚喜，炸皮唔算厚，中間牡蠣幾甜，熟度剛好，蟹肉都算多。4串入面最值得食呢個！環境黎講佢樓底唔高，都幾嘈雜，但座位都叫舒適。出餐有d 混亂，兩碗麵都分別再黎多左一次。埋單兩個人加埋$340左右，呢個價錢黎講都可以一試，但串物同炸虎蝦既質素好似同一直見到既食評一樣，「覺得串物未熟/普通」、「虎蝦過熟/表皮過燶」，感覺好似都冇改善，結果大家都只係慕名而來，試一次虎蝦濃湯麵，就未必有下次。…查看更多

因為住喺附近，所以都經常單拖去食呢間嘅虎蝦濃湯拉麵🤣今次終於試到佢嘅串燒啦！1. 🦐虎蝦濃湯拉麵 $128呢個拉麵絕對係火夫嘅招牌，令人食過返尋味😋湯底濃郁稠身而且味道剛好唔會太鹹；大隻虎蝦沾滿櫻花蝦再炸，脆香嘅外層包住結實嘅蝦肉，令整體口感昇華🥰最重要係掛湯嘅程度係滿分！！真係好滿足😆2. 🐂半熟牛肩胛撈麵 $98麵質彈牙，拌勻蛋黃、蔥花、鹹鹹甜甜嘅醬汁，好似食緊一個好豐富嘅香蔥拌麵咁🤤牛肩胛油脂分佈平均，食落好香牛味🫶🏻3. 串物 $48/2🍈蜜瓜牛卷蜜瓜好juicy😚牛肉呈現焦脆嘅狀態，充滿油香，蜜瓜令整體感覺清新點～🐮燒牛柳粒 (+$2)牛柳肉質唔錯，大概燒到七成熟，外表微焦但內裏少少粉嫩～🦀蟹肉牡蠣 (+$2)吉列牡蠣炸得香口之餘唔會好油，咬落去外脆內軟，配上蟹肉醬係perfect match🫶🏻🍗雞腿京蔥燒 (+$2)雞腿肉嫩滑多汁，雞皮微焦脆✨🍇葡提鴨卷一咬落去，被鴨肉包圍住嘅提子瞬間喺口入面爆開💦酸酸甜甜嘅提子中和鴨肉嘅鹹味，好清新喔🙌🏻🍆芝心茄子芝士嘅份量比茄子肉還要多🧀口腔充斥住滿滿嘅芝士味，反而唔係好食到茄子嘅味道，只係感覺到少量茄子皮同茄子肉🤣…查看更多

黃埔其實新舊餐廳都好多.而百寶坊個邊就有唔少新餐廳.火夫一直bookmark 左好耐.食串燒之餘都有唔少拉麵既款式.居酒屋平日都有好多客人幫襯建議預先Book枱就唔洗排隊.同時門口幾個立食位~➿ 虎蝦濃湯麵一上枱就聞到好濃郁既蝦味.湯麵其實似拌麵多D.因為湯底極濃厚稠身.大大隻虎蝦被櫻花蝦同炸漿包住.加上個湯好似龍蝦湯咁.麵掛河.每一啖都有幾個層次既蝦味.但真係要同朋友Share➿ 明太子八爪魚撈麵尼一款麵其實都係飽肚拌麵系列😆但難得尼到要試埋~好鐘意廚師加埋紫蘇葉.同明太子一齊食.可以減輕飽膩感.但整體都係好易滯🤓➿ 麥粒味噌青瓜每枱都有既前菜.原來係麥粒味噌.由整顆麥粒發酵而成.非常有口感配青瓜食最好不過➿ 蟹肉牡蠣牡蠣加上面頭既蟹肉絕對貪心之選.係必點再Encore.火夫串燒有廿多款選擇.基本$48兩串.有部份要另加錢.➿ 蜜瓜牛卷牛肉同蜜瓜既甜味就好似提子配豚肉一樣清新合拍➿ 海葡萄鮪魚沙律當晚有點被忽略既沙律😆滿愛沙律入邊嘅吞拿魚刺身.但海葡萄就唔係平時食開嗰一款.有啲似海帶沙律.➿ 雞白湯關東煮本身以為雞白湯係近似平時拉麵店嗰種😆但食落係淡口味雞湯.配料入味但唔係特別推薦.串燒2串 HKD 48 起.重有2小時 HKD 168 無限暢飲.如果鐘意飲酒同朋友傾計.驚串燒叫會貴又可以叫返D湯麵打底火夫係唔錯屋酒屋既可以一試🤓..➿ 虎蝦濃湯麵 ʜᴋᴅ 𝟷𝟸𝟾➿ 明太子八爪魚撈麵 ʜᴋᴅ 𝟾𝟾➿ 蟹肉牡蠣 ʜᴋᴅ 𝟸𝟼➿ 雞白湯關東煮 ʜᴋᴅ 𝟺𝟼➿ 海葡萄鮪魚沙律 ʜᴋᴅ 𝟼𝟾➿ 蜜瓜牛卷 ʜᴋᴅ 𝟸𝟺➿ 雞肝啡菇 ʜᴋᴅ 𝟸𝟼➿ 椎茸餃子 ʜᴋᴅ 𝟸𝟺➿ 麥茶威士思 ʜᴋᴅ 𝟺𝟾➿ 乳酸冰串梳打 ʜᴋᴅ 𝟹𝟸➿ sᴜɴᴛᴏʀʏ ʜᴋᴅ 𝟻𝟾.(.❛ ᴗ ❛.) foodiepoison👩‍🍳  整體味道: 7/10💸 性價比: 8/10📸  打卡指數: 7/10🤵🏼  環境服務: 7/10🤔  推薦指數: 7.5/10…查看更多

黃埔呢間人氣嘅日式串燒居酒屋「火夫」除咗有特色燒物 串炸同其他日式料理外最出名係呢個黃金色嘅超濃郁虎蝦拉麵(⁎⁍̴̛ᴗ⁍̴̛⁎)好多朋友仔都為咗佢慕名而來 （包括我）不論晏晝定夜晚都成日滿座而我經過三次ᴡᴀʟᴋ ɪɴ食唔到後今次有乖乖訂位終於食到啦(*´∇｀*)𓈒𓂃 𓈒𓌉◯𓇋𓂃 𓈒❀ 虎蝦濃湯麵 ‣ $𝟙𝟚𝟠♡作為呢度嘅招牌菜 食完之後都明點解咁出名雖然比起湯麵 湯嘅浠杰程度更加似醬汁但真係好濃濃濃蝦味 麵條偏淋身勁掛湯( ᵕᴗᵕ )炸虎蝦用咗櫻花蝦做炸衣 雙重口感而且好脆口❀ 串物 ‣ $𝟜𝟠/𝟚♡蜜瓜牛卷 / 蟹肉牡蠣 / 廣島蠔豚卷 / 芝心茄子呢度嘅串物好多款都係創意組合而唔係燒/炸單一食材 全部都燒得好香口 全部都係$48/2串 幾抵食特別推介蟹肉牡蠣同蜜瓜牛卷一絲絲嘅蟹肉號係炸蠔上面好鮮甜而蜜瓜加牛呢個配搭就有一種好清新嘅感覺❀ 雞肝多士 ‣ $𝟜𝟠迷你多士烘到非常脆 雞肝醬味道都算幾濃郁但味道相對單調普通 作為前菜不過不失❀ 雞白湯關東煮 ‣ $𝟜𝟞我地本身以為雞白湯同係平時拉麵店嗰種但食落先發現似係普通雞湯非常淡關東煮嘅腐皮同年糕福袋尚算入味 但其他配料都唔夠你入味 略嫌普通( ･-･̥ )❀ 海苔魷魚鬚 ‣ $𝟜𝟞炸粉夠薄亦炸得好脆 配上海苔粉真係好香重點係裡面嘅魷魚完全係爽口彈牙唔會韌 大推꙳⋆❀ 白桃冰串梳打 / 巨峰冰串梳打 ‣ $𝟛𝟚梳打汽水配串燒/炸串啱哂 唔會太甜而且果味好夠 仲有細細串水果仔 好得意～…查看更多

一絕嘅麵條😘，兩款麵食都好出色🍜！串燒小菜還好啦🍢～・・・・・・・・・・・・・・・・・・・・🦐 虎蝦濃湯麵 HK$128 👍・味道：虎蝦炸皮係櫻花蝦包住，非常香口，係略嫌有啲過熟。湯底好濃蝦味，甚至有陣龍蝦味🦞，但濃而不鹹。麵條食到麥味鹹香，好impress！・口感：虎蝦未夠juicy嫩滑，但都唔係鞋，可以der～麵條掛湯。🐮 半熟牛肩胛撈麵 HK$98 👍・味道：牛肩胛以微暖溫度上，所以肉味唔夠熱食咁出，但都好夠牛香～同樣出色麵底配生蛋，老實講撈唔到生蛋嘅麵條一樣咁好食，因為個麵底出色👍・口感：牛肩胛有輕微咬口，麵條都係輕微咬口，配埋香蔥爽脆，不錯。🥣 雞白湯關東煮 HK$46・味道：普通雞湯底，配料正常發揮冇咩記憶點。・口感：個蘿蔔偏淋，但以關東煮嚟講就唔夠淋。🍖 生蒜牛柳 HK$26・味道：同大阪炸串一樣，所有嘢蘸炸粉XD。但炸皮厚薄OK，肉就唔好嫌啲咩喇炸串肉冇咩特別好。係個生蒜醬幾出色，似蛋黃醬mix生蒜，但生蒜出味得嚟唔會攻鼻拿個口，小驚喜。・口感：牛肉乾身，未去到鞋口，可以接受啦haha🍈 蜜瓜牛卷 HK$24・味道：其實食唔出係蜜瓜，似係浸晒糖水嘅瓜，配牛包住，冇乜特別，想像到嘅味。・口感：er普通。🍑 白桃冰串梳打 HK$32・味道：梳打唔夠氣，不過微甜的感恩。白桃係罐頭桃味XD・口感：er冇口感可言der XD前菜正常：唔會另外收錢的～・・・・・・・・・・・・・・・・・・・・🤰性價比：高～🤰9衝度：9衝～🤰結論：拉麵嚟講其實價錢算貼地，用料同份量都正常，唔使排隊嘅話會有下次～・・・・・・・・・・・・・・・・・・・・環境：木系居酒屋環境，晚市門口仲有立食飯酒區，熱鬧吹水gathering啱晒😙daitouball …查看更多