新記雞粥 (筲箕灣道)

去鶴嘴郊遊後，搭車去筲箕灣食下午茶😋餐廳用手機落單，上菜都好快⚡️ 點咗招牌🐥生滾貴妃雞粥($62)，配炸両及熱鴛鴦。雞粥以砂煲盛載，粥底綿滑帶雞油香味，貴妃雞肉質嫩滑，好好味！鴛鴦香滑濃郁炸両油炸鬼香脆，腸粉皮滑，正！😋 見隔離枱點嘅乳鴿同鯪魚球賣相幾好，我地又忍唔住點返份🤣 兩款都要等大約15分鐘🐟蜆介鯪魚球 ($58) 熱辣辣，口感彈牙，即使唔點蜆介醬汁都好夠味👍🏽 🔥紅燒元朗脆皮乳鴿($76) 外皮幾脆 呢度亦有茶餐廳比較少出現嘅甜品🍬點咗🥚養顏蛋白杏仁茶 ($29)，暖暖地好香杏仁味另外亦點咗🟥薑汁紅棗糕 ($24)，係三層煙煙韌韌嘅熱食厚紅棗糕，薑汁味濃。兩款甜品嘅甜度適中，剛剛好😋 好滿足嘅下午茶🤰🏽…Read More

難得有Friend call去打場波🏀，玩完點都要一齊食埋飯先放佢番屋企，於是去番我地兩個既飯堂「新記雞粥」，貪佢就腳之餘又CP值高誠意推介「蜆介鯪魚球」，出色過坊間既中菜館，金黃色既脆皮，咬落熱辣辣好彈牙，完全無泥味，記得要蘸埋蜆蚧醬，好正咸鮮味呀😋😋😋黎得「新記」點會唔叫「貴妃雞粥」呀？即叫即滾，粥底綿夠熱，又有雞肉甜味，食到有輕輕用酒加少許藥材醃過，唔係普通白切雞，煮得唔過火之餘保持肉質嫩滑😙.食粥梗要配埋「豉油皇炒麵」，一上枱就出晒煙😮勁多配料：洋蔥、銀芽同埋蔥，麵條炒得好乾爽唔油膩，好有鑊氣👍🏻「酥炸魷魚鬚」好食到俾我friend掃左大半碟，我明白丫～因為完全係細個去茶樓食到既風味，粉唔多又唔太油，外脆內嫩，最怕食到又硬又靭呢，依道新鮮炸起完全無問題我friend必點「XO醬炒蘿蔔糕」，蘿蔔糕煎香左再加XO醬去炒，仲有好多XO醬料鋪面，鍾意佢可以一件一啖，少少辣，香口惹味加埋「叉燒腸粉」，腸粉薄身柔軟，包住叉燒粒，食落腸粉皮滑身同有少少煙靭感，酒樓既厚皮腸粉無得比啦😌「新記」既選擇以至味道都岩晒我地胃口，又樣樣大碟，我地兩個男人可以清晒碟🙈，不過就飽到行唔郁，睇黎頭先打波消耗既卡路里，都係白費架喇⋯😅😅…Read More

筲箕灣最多懷舊既鋪頭，今次黎試下呢間新記雞粥😝2點下午茶時間黎到，鋪頭都好好生意，座無虛席😇餐廳食物既選擇都好多，有出名既粥品麵食，又有唔同既小炒同小食🤭下午茶都有粥粉麵飯可以揀，好唔錯👍🏻🍲貴妃雞粥配炸兩（$58）黎到一定要試招牌雞粥，雞粥用砂煲仔上粥底非常軟綿，好正😍雞肉都算多，而且雞肉嫩滑😙炸兩亦都好食，油炸鬼好脆口，腸粉軟滑😋一個Set有兩樣野食真係好滿足🥳🍜鮮蝦雲吞麵（$41）雲吞麵有五粒雲吞，雖然唔係好大隻，但係蝦肉彈牙🙉我揀左幼麵，麵質爽口彈牙🤩下午茶黎講份量算大碗🥰🦑酥炸魷魚鬚（$58）小食絕對有驚喜🤩魷魚鬚即叫即炸，炸粉唔會太厚，魷魚亦唔會韌😌一咬即斷，魷魚彈牙😉必叫‼️🐟蜆介鯪魚球（$55）鯪魚球一碟六粒，全部都大大粒☺️蜆介醬亦好足料，蜆大大隻🤓好唔錯💯🧆XO醬炒蘿蔔糕（$55）蘿蔔糕炒得好香口，XO醬好足料，見到一絲絲乾瑤柱🤤蘿蔔糕炒得乾身唔會太油🤗味道亦好足夠，大大碟性價比好高😎/📌新記雞粥 (筲箕灣道) (筲箕灣)筲箕灣筲箕灣道307號地下及1樓/😋食物質素：7/10🍽️用餐環境：6.5/10💰性價比：7.5/10👣回頭率：7/10…Read More

元朗新記雞粥有足足三十幾年歷史佢嘅雞粥超出名 原來佢喺港島同九龍都有分店 唔使特登去元朗先有得食😽 住港島嘅我今次去咗筲箕灣分店食～✻貴妃雞粥（$56）之前喺其他分店都食過 每一次都會叫每一次都唔會令我失望因為真係好好食😋佢嘅粥底好軟綿綿而且超香雞味～～ʕ •ᴥ•ʔ仲有好多好嫩滑嘅雞件 真係必叫嘅招牌菜！✻蜆介鯪魚球 （$55）一上碟嚇親 因為估唔到咁大粒大粒過乒乓波🤣 仲要有六粒好抵食而且超足料 鯪魚肉新鮮又彈牙點埋個蜆介汁一齊食超級好食🤤✻ X0醬口水雞 例牌 （$79）佢嘅雞一樣好嫩滑 而且份量都好多唔食得辣嘅我覺得呢個有啲太辣🤣但都係幾好食啲雞好新鮮～(*¯︶¯*)✻香脆炸兩腸粉（$23）食粥必叫炸兩😆 佢嘅炸兩賣相一流！腸粉皮好滑 入邊嘅油炸鬼都幾香脆～✻涼瓜炒蛋 （$53）佢嘅炒蛋好滑身🍳 涼瓜爽脆又唔苦簡簡單單健康又好食✻七喜龍眼冰（$25）龍眼肉大大粒 甜度適中都幾解渴～✻凍豆漿（$11）豆漿好滑又唔會太甜🥰唔錯結論係雞粥同埋鯪魚球真係好好食😛…Read More

平時想食粥就會嚟呢度，今次想試吓粥品以外嘅招牌小食，估唔到有驚喜喎！鮮蟹粥 $52粥底綿滑，蟹肉鮮甜，目測係半隻蟹斬件出嚟嘅份量，半件蟹蓋丶2件蟹身丶2隻蟹鉗，而蟹鉗估唔到算大件，啖啖肉，性價比高蜆介鯪魚球 $52必食推介！鯪魚球大過個乒乓波，先蘸鹹香嘅蜆蚧醬嘅汁，然後咬一啖，肉質厚實丶彈牙，無泥味，再放埋蜆蚧肉一齊食，係享受 😋紅燒脆皮乳鴿 $65好耐無食過乳鴿喇！呢度燒乳鴿皮薄甘香，香脆肉嫩，出品好過同區嘅酒樓，推介！七喜話梅柑桔冰 $23好味！七喜配話梅已經夠夾，仲有原粒柑桔，味道更被提升炸芝麻球 $16即點即炸，熱辣辣上枱，芝麻香口，入面係豆沙餡，有驚喜！薑汁紅棗糕 $16即點即蒸，紅棗糕有5層，充滿薑汁味，甜度啱啱好養顏蛋白杏仁茶 $19…Read More

今晚想清清地食粥，於是黎到新記雞粥食粥。佢既餐牌有好多選擇，令到本身剩係想食粥既我都叫左六樣野食。必叫既貴妃雞粥，雞肉嫩滑，粥融入雞味，亦都綿滑。蠔仔湯飯好大碗，食落冇咩味精，唔會口渴。豉油皇炒麵好耐冇食過，係窮人恩物。仲有三樣小食，食粥必配既炸兩腸粉，酥炸魷魚鬚和蜆介鯪魚球。叫左甘多野食，都只係$246，非常抵食又飽肚。呢間侍應服務態度唔錯，好細心，會主動提供協助。眼見成晚做好多外賣，多街坊幫襯。…Read More

這幾天家人去旅行，唯有約朋友出街食，但又想食得健康啲，就嚟到粥店試試～一看餐牌，除咗有煲仔粥，還有不同粉麵小食可供選擇，怪不得很多人吃☺️——————————🔸海蜇手撕雞 $49 這個海蜇手撕雞分量很多，起初以為只有小小一碟，但出乎意外地多。麻醬很濃稠，所以食到一半已經有點滯， 建議店家可以落少些醬，食起來就不會有罪惡感😆🔹香脆炸兩腸粉 $23每次去粥店食，都會叫炸兩。這間炸兩腸粉算是數一數二好食，因為油炸鬼夠脆，腸粉夠薄，麻醬和甜醬不會太稠身，就算凍左油炸鬼仍然保持脆口，鍾意食炸兩嘅朋友一定要試下❤️🔸貴妃雞粥 $51黎到雞粥店，冇理由唔食雞粥～這個粥不會打到很綿很黏稠，所以食落會有啲口感，還有淡淡雞香味，好味☺️🔹星洲炒米粉 $53這個炒米粉炒得很乾爽，食落有淡淡的咖喱味，不會太油膩～不錯👍🏼🔸蜆介鯪魚球 $49這個鯪魚球外脆內軟，一咬很彈牙而不乾身，越食越滋味。但份量有點多，對於大食嘅我，食兩舊已經有飽肚嘅感覺😂…Read More

放工了，今日落雨好凍呀。。。所以黎這間出名老字號、元朗旺角都有分店的貴妃雞生滾粥店。今日去這間在筲箕灣的分店！環境光猛舒適，是落地大玻璃，出面落雨的感覺涼涼的！枱大又乾淨！可以讓客人慢慢坐！貴妃雞粥原來好出名的，是用20種藥材及香料加上等瑤柱及蝦乾烹調了！米更是用上等泰國米！有不同調味料，可以自家調味！（招牌貴妃雞，加了泥猛） 🐔🐠🍲生滾粥：好大碗，熱騰騰！雞好香又滑溜，肉味濃郁，好好味！泥猛好大條，魚肉好滑好軟，配上陳皮，更正更香又有口感泥猛魚尾啖啖肉，好軟又美味！（推介蜆介鯪魚球）6粒大大粒鯪魚球，即叫即炸！熱辣辣香噴噴送上！蜆介好足料，見到一隻隻蜆肉！好軟的鯪魚，唔鯹又有口感，啖啖鯪魚肉！唔會油膩、正牌又新鮮，不過就要小心魚骨！（炸蘿蔔糕）3大塊！好吸引哦！我喜歡的蘿蔔糕熱騰騰，外脆又野味，內面好軟熟好好食服務生好多，主動幫忙…Read More

復活節加清明長假期梗係周圍去玩下食下野啦, 黎到港島區探朋友, 偶爾見到轉角位呢間新記雞粥, 原來係之前係元朗食過新記煲仔雞粥既分店 , 當然要試下佢保唔保持到水準啦!打開餐牌淨係粥都好多配搭, 不過本人都係對貴妃雞豬潤粥情有獨鍾粥底一樣咁綿, 雞又滑, 原煲上真係冇得輸!上次係元朗食既時候偷睇其他食客點餐, 見到蜆介鯪魚球同豉油皇乳鴿都好吸引, 今次當然要試啦!鯪魚球大大粒又彈牙, 果然係小菜不二之選雖然不及炸既香口, 但依然肉嫩豉椒炒黃鱔好入味, 爽口夠獲氣叫杯七喜話梅柑桔冰下下火是常識吧唔洗山長水遠入元朗都食到新記雞粥, 港島區的人有福了…Read More

今日上午要去港島東區開會，一場去到港島東，LUNCH當然要搵老公一齊食啦。老公13:00放飯，佢推介去食係筲箕灣道嘅新記雞粥。我未到13:00就去到，攞定位等老公同佢同事。午市繁忙時間客人都好多，新記雞粥LUNCH SET選擇都好多，大部分都係唔駛$50，而且包埋餐飲，都幾抵食。不過老公同佢同事都話呢度嘅小食、腸粉好好食，結果我地只點左一個蟹粥，另外點左好多款小食同腸粉SHARE食。我地每人揀左一、兩款食物，結果叫到成枱都係，連店員都覺得我地應該食唔哂。  海蜇生腸($42)係我揀嘅，生腸比平時食嘅細少少，不過份量都幾多，而且同海蜇一樣咁爽口，非常惹味。涼伴皮蛋($29)亦係我點嘅小食，未諗過$29一份，份量竟然有咁多，3個人分每人都可以分到5件，皮蛋香濃而且唔會太咸。鮮蟹粥($48)果然係呢度嘅招牌菜之一，粥底綿滑而且好鮮甜，蟹肉飽滿蟹蓋仲有濃郁嘅蟹膏，大大煲都係$48，好抵食。豬潤腸粉($21)係老公最愛，而家係香港都好少食店會做，呢個豬潤腸粉做得唔錯，腸粉皮唔厚又夠滑，豬潤份量都唔少。之後幾款都係老公同事點嘅，大部份都係香口野，有香脆炸兩腸($17)、酥炸軟殼蟹($29)、蜆介鯪魚球($42)同酥炸魷魚鬚($42)，我唔敢食太多，而且我都已經幾飽，所以每款都係淺嚐，但係老公同佢同事都好LIKE，結果佢地都清得好乾淨。我地點左咁多款野食，仲食埋鮮蟹粥，埋單都只係$90位，性價比相當高。餐牌…Read More

現今繁忙的都市人都很少會在家𥚃煲粥，因為要煲好一煲粥，除了材料新鮮外，時間和人力才是重點。因為用明火煲粥，要不時攪拌以免䅻底和煲燶，而且起碼要煲兩個小時以上才有軟綿的粥底。其實自己對粥都有一種情意結，因為每次自己無胃口，媽媽都會為子女煲粥，所以粥對我來說都有一種幸福的感覺。今天本想到筲箕灣東大街搵食，但一下車便下着毛毛細雨，加陣陣寒意，行經筲箕灣道看見一間新開的粥店，招牌寫著元朗老字號新記雞粥，馬上想到吃碗熱騰騰的粥。貴妃雞粥$48+田雞$12這個鴛鴦雞粥用了瓦煲上，可以保持溫度。粥內除了有招牌的貴妃雞外，我們還另加$12 的田雞。田雞肉質鮮嫩，味道鮮甜。貴妃雞皮薄肉厚，根據枱墊上資料原來貴妃鷄是用了二十多種藥材和香料，加入瑤柱和蝦乾烹調而成。鮮蟹粥$48+泥鯭$12蟹的份量有半隻，蟹蓋還有很多膏，蟹肉鮮甜。泥鯭原條已去頭，肉質鮮嫩不多骨，味道鮮甜。粥底是整鍋粥的靈魂，用了泰國絲苗米煲成綿綿滑滑的粥底。蜆介鯪魚球（$42）炸到金黃色的鯪魚球，乒乓球咁大，咬落有彈性，配合蜆介醬的鹹香，更能凸顯鲜味。炸蘿蔔糕 （$29）煎的、炒的或蒸的蘿蔔糕都吃過，但炸的蘿蔔糕則未試過！炸蘿蔔糕炸得外層每一邊都香脆，但裡面還能夠保持軟滑。香脆炸兩腸粉（$17）食粥的最佳拍檔，腸粉和油炸鬼，兩者合而為一的炸兩就最合我心意。幼滑的腸粉包著脆脆的油炸鬼，一滑一脆，點些豉油和甜醬更美味！菊花蜜（$14）柑桔蜜（$14）秋冬季節，飲杯熱的果蜜，潤喉暖胃。枱上放了醬料和調味料餐牌…Read More

係筲箕灣天悅廣場對落電車路開左間賣元朗雞粥嘅新記，但由於有一位同事唔食雞，所以一直未有機會去試試。今日下午我地有一半同事要去Training，剩返我地3個全男班出去食lunch，我地當然趁機去品嚐呢個元朗老字號新記雞粥。我地大概13:00去到新記雞粥，客人都幾多，我地被安排坐係一張4人枱，餐廳座位都幾寬敞，裝修簡潔明亮，全落地玻璃，採光度高。午餐有5款，價錢同散叫差唔多，只係多左1杯餐飲。主餐牌選擇非常多，最後我地3個人點左6樣野share食。來到新記雞粥當然要食招牌貴妃雞粥啦，雞肉好鮮嫩，份量都幾多，粥底好綿滑，唔會太咸味道剛剛好。呢度嘅蒜泥白肉蒜味唔太重，豬肉好入味唔會好乾，青瓜好爽口，味道唔錯。不過我比較鍾意白肉上面佈滿蒜泥。酥炸軟殼蟹我地3個人點左1隻，每人試到少少，味道濃郁，好香脆，$29都幾抵食。呢度嘅鮮蝦腸粉好有水準，腸粉好滑，蝦好大隻，爽口又彈牙，$23堅抵食。蜆介鯪魚球亦係水準之作，好大粒，超彈牙，沾上蜆介汁非常惹味。最後食埋材料好豐富嘅新記XO醬炒飯，唔駛加一，埋單每位$79，性價比好高。餐牌…Read More