名館 (黃埔天地)

近年唔少茶樓都相繼結業，要搵好食既點心茶樓真係唔係咁易，不過呢排比我地搵到係黃埔一間叫名館既點心小館，非常值得同大家介紹下☺️地點非常就腳，基本一出黃埔站就到，好似中環同銅鑼灣都有分店~店舖唔係傳統茶樓格局，係新式既點心菜館，但係菜式選擇都幾多，基本茶樓會叫到既都應有盡有😎不過難得黎到，我地就試左佢比較特別既菜式同大家介紹下~ 🔸鎮江水晶餚肉 ($48)水準及得上一般上海菜館，啫喱狀既餚肉加左小小蔥花同浙醋，非常開胃🤤🔹蜂蜜柚子蝦球 ($78)黎到都幾大碟，蝦球有差唔多十隻，仲隻隻都好大隻，外皮炸到金黃色，賣相好吸引😍蜂蜜同柚子好有特色既酸甜醬汁，更加突出蝦既鮮味，唔錯👍🏻🔸大良鮮奶脆網卷 ($48)大良炸鮮奶大家都應該有食過，外皮多數都係用炸漿製成,而呢到用既係脆網卷包住嫩滑既鮮奶，口感更加鬆脆😀😀🔹私房黃金球泡飯 ($78)黎到我地最驚喜既一道菜，可以講係新奇又好味😍😍正常泡飯或者湯飯，飯都會比較軟身無咩咬口，浸得耐仲可能會有稀爛既感覺，但係呢道菜係將飯事先搓成球狀，再炸成黃金球 (一開始我地見只係得湯無飯仲以為人地上錯菜😂😂😂)將黃金球拆開，同湯一齊進食，感覺非常特別，一部份係正常既湯飯，但係外表炸脆左既又好似食緊飯焦咁😮脆同軟既口感加埋湯汁，味道一流，真心值得一試😚😚連平日對泡飯冇好感的🙆🏻‍♀️都讚不絕口!😋味道 9/10 😍回頭指數 9/10 …查看更多

之前其實經已同女朋友黎過呢到食一次，發現呢到好多中菜配搭都好新鮮，功夫好好，所以今次帶多左家人一齊黎呢到食晚餐！第一道係冷盤，係一個蓮藕中間釀左糯米等，對於平時唔食蓮藕既我黎講都容易接受，同時表面甜絲絲咁幾開胃。之後係厚切叉燒皇，望落好似好瘦，開頭都怕佢好乾，但原來食落好淋滑，表面既醬汁唔會太甜，重點係厚切到，口感十足，鍾意叉燒既朋友可以一試。秋葵好多時都唔係人人岩食，呢到用蒸既方式，每條出到黎都係好靚既翠綠色，欖角都好多，怕太咸可以夾走少少欖角，一樣好食。呢款係我最推薦既呢到招牌菜，蜂蜜柚子蝦球，蝦球好大隻，炸醬又唔會厚，仲有酸酸甜甜既醬汁，食完一舊好想再食第二舊。另一道都好推薦既菜式係呢個私房黃金球，整個飯團表面充滿飯焦，浸係上湯入面就算浸左好一段時間都依然好有口感，上湯飲落都好鮮味，唔會太咸！酸菜魚，雖然價錢上係今晚比較貴既一道菜，但同一時間份量都好多，每塊魚片都剛好熟透，好滑，加入左炸蒜去令成道菜更香口，酸菜清爽👍🏻黑金流沙包，上次食完今次都要再叫，比佢個麵包吸引左，唔會有平時茶樓食既咁乾同埋好煙煙靱靱，今次由於等女朋友到有啲耐，個包放耐左，但中間依然係流沙，一啲硬塊都冇，值得一讚！浸白菜，上湯鮮甜，係唔錯既蔬菜選擇！春卷外皮好酥脆，入面好多不同款既蔬菜，食落好甜，蔬菜增加左好多口感！蝦餃，我覺得由於呢到用既都係好爽脆既大蝦球所以係好好食既，另外皮都好薄，睇到點心師傅既功夫。蒸飯開頭以為好細個但其實深不見底，用左好多去骨雞肉，個飯都好入味！最後上既係棋子酥，成粒其實都係用唔同蕃薯做成，中間有少少椰漿，冇另外加糖係佢既重點，口味好健康。總結呢間名館大部分菜式都係中上級別，份量大件，今次平日晚飯時間黎都唔算多人，點心有保證，樓面員工都充足，服務唔錯！另外值得一提係佢既麥茶好好飲呀！…查看更多

放工特地去黃埔吃晚飯(吃完可以去海傍散步嘛!)內裡的空間感挺大坐得舒服我一坐下來就決定了要吃這道蜂蜜柚子蝦球($78)這個決定果然沒錯!柚子醬份量十分多，甜而不黏牙配上熱辣辣又外脆內軟的蝦球，實在令我齒頰留香再上來的是私房金黃球泡飯($68)本身還在找一遍到底泡飯在哪誰知原來泡飯就在金黃球的內裡放在金黃球的泡飯沒有在湯中沉得太久，所以仍能保持住飯的口感小菜和麻醬雞絲粉皮($58)小菜加了少許辣醬，配上花生醬來吃十分惹味兩個人吃得飽飽的時候，最後才上了鮮蝦野菜春卷($38)春卷價錢相對便宜，裡頭摻加了不少蔬菜感覺好健康，但是味道方面就差了一點點總體而言，這間店的菜色都十分不口，色香味俱全下次再來…查看更多

今日約左老友去黃埔搵左呢間名館食餐飯聚一聚，食物質素唔錯，到而家都好回味🤭🤭我地首先叫左個和麻醬雞絲粉皮，都幾開胃😂跟住我地再叫多個鮮蝦野菜春卷，呢個真心正，好香口，同埋夾埋d菜幾爽脆唔油膩👍🏻食完春卷跟住就上左道金銀蒜蒸娃娃菜。呢道菜幾特別，娃娃菜鮮甜唔再講啦，蒜味香濃之餘再配上一條條既白飯魚，非常惹味叫埋個幾清新既蜂蜜柚子蝦球，比酸酸甜甜既蜂蜜柚子醬包住既炸蝦球真係好好味🤤最後上左個私房金黃球泡飯佢係個炸到外皮酥脆既飯糰 浸係香濃既上湯入面，食落去脆口之餘連埋湯飲，感覺幾特別👍🏻…查看更多

老婆近排好鍾意食中菜, 尤其係環境, 裝修同食物賣相都比較講究嘅新派中菜店, 當中我地去得最多嘅就係名館, 因為名館3間分店嘅食物都好精緻, 裝修有特色, 環境又舒適, 最重要係價錢貼地, 我地每次食每位都唔駛$200, 同一般酒樓價錢差唔多。😙今晚係北角接老婆放工之後就直接搭船去黃埔呢間名館開餐, 我地去到嘅時候雖然仲未到7點, 不過已經有唔少食客, 去到19:30左右就開始多人。餐廳裝修以木色為主, 半開放式廚房, 配以雲石餐枱, 非常有格調。😍我地因為太肚餓, 又有好多野想食, 結果叫到成枱都係, 好彩我地係坐4人方枱所以先放得落。😆姬松茸燉花膠 $58老婆好鍾意食花膠, 呢款姬松茸燉花膠味道鮮甜, 花膠大大件材料又多, 兩個人share都好夠飲。👍和麻醬雞絲粉皮 $58估唔到和麻醬帶有少少辣味, 同我地平時食嘅日式麻醬有d唔同, 味道更有層次, 非常配合滑溜嘅雞絲粉皮。 😋鮮蝦野菜春卷 $38春卷超大件, 外層香脆, 餡料有野菜同爽口嘅鮮蝦肉, 口感非常好。蜂蜜柚子蝦球 $78呢款$78嘅蝦球份量非常多, 外層薄脆, 醬汁帶有濃濃柚子味, 味道清新自然。👍私房金黃球泡飯 $68金黃球泡飯好有造型, 而且仲有火一直溫熱, 泡飯湯底微酸, 幾醒胃。😙金銀蒜蒸娃娃菜 $58同老婆開餐必定要點一份菜, 呢個娃娃菜配上金銀蒜, 非常惹味。金薯棋子酥 $68最後食埋呢個賣相吸引嘅棋子酥, 埋單每位都只係$200幾, 性價比好高。👍餐牌…查看更多

兩個人想食啲小菜就嚟咗呢度，貪佢多款式，叫咗5個餸樣樣有啲以為差唔多，點知飽到反艇依家啲天氣成日都想飲啖湯，私房金黃球泡飯（HKD68）就啱晒，有少少飯焦口感唔錯。最正係湯清甜又多蔬菜。小菜就揀咗蜂蜜柚子蝦球（HKD78），蝦肉爽口又唔會有肥膏。特別嘅係柚子醬有青檸味中和返，冇咁甜添。和麻醬雞絲粉皮（HKD58）個醬有啲辣都唔錯，最鍾意佢有大大把花生碎，好足料。粉皮有啲似薯粉，幾掛汁添。蔬菜係必需食嘅，金銀蒜蒸勝瓜金菇（HKD58）有蒸扇貝咁嘅大堆蒜蓉提味，重口味得嚟又清清哋。黑金流沙包（HKD48）作為甜品嚟講好飽肚，但佢嘅流沙真係好出色，就算擺耐咗都一樣流得到㗎！唔怪得呢個係招牌甜品呀！埋單覺得貴咗少少，因為叫多咗，呢度夠3個人食囉。…查看更多

與朋友相約喺紅磡食晚飯， 要搵一間坐得舒服又可以傾得耐嘅餐廳， 黃埔入面的美食坊 都係一個唔錯嘅選擇， 名館價格唔算好貴,  晚餐小菜連飯都係七八十蚊就有交易， 裝修算舒服企理，不過有一點我唔太喜歡的係卡位的背靠太矮, 我好怕撞到後面的客人。今日叫左幾道菜: 私房黃金球泡飯黃金球泡飯原來係一個炸過嘅波波球飯, 白飯搓成一個波形輕輕地走過油, 外層飯焦非常香脆， 而湯底非常濃郁， 入面嘅材料亦都非常多， 有毛豆蕃茄肉碎冬菇 同埋粟米， 口感豐富。 唯一美中不足係如果飯嘅份量唔係好夠大伙兒食, 如果份量再多一點就會更好。蜂蜜柚子蝦球大蝦球肉質非常爽身彈牙， 蝦球輕輕裹上粉再用油去炸， 炸粉不算太厚， 配埋柚子果醬， 入口酸酸甜甜， 開胃又爽口。黑金流沙包黑金流沙包即叫即蒸 ， 話明黑金其實係指包身係黑色， 包身有少少煙韌， 而蛋黃夠曬流心夠曬滋味，味道鹹鹹香香， 食嗰陣真係要睇住個嘴仔，小心辣親。五仁口水雞口水雞雞肉嫩滑， 配埋獨有嘅紅油， 淨係睇賣相 ，口水就一直不停流流流。 最特別係餐廳加咗啲五仁落去， 有花生芝麻杏仁南瓜子等等， 口感豐富一流， 配埋雞肉嘅嫩，一軟一脆，口感非常獨特。 唯一美中不足係， 雞肉入面仲有啲碎骨喺入面要小心哽親。吃完晚飯, 朋友太高興自掏荷包比錢, 一個nice weekday 又達成! :-D…查看更多

向來都幾喜歡食中菜的，特別係有特色既新派中菜餐廳！係 Facebook 冇意中見到名館既專訪，見到菜式都好特別，加上價錢又大眾化，就係甘即刻係group 吹雞黎試下！加上分店位置都好方便，一行四人就黎到黃埔啦...私房金黃球泡飯 HK$68原來所見的黃金球散開就是泡飯，外層係香脆飯焦，入面米飯不會太黏又有咬口！加上清甜雜菜湯底，我地連一滴汁也沒有放過...蜂蜜柚子蝦球 HK$78蝦球用上蜂蜜同柚子製作，入口酸酸甜甜，加上蝦球肉質鮮嫩，食落又開胃又爽口，不錯不錯！沸騰水煮滑魚片 HK$168估不到竟然有水煮魚食！魚片超滑又冇骨，辣度又啱啱好，值得推薦呀！銀湖天鵝酥 HK$58呢個天鵝酥賣相都幾吸晴，未食前先同佢影返張合照先！哈哈！原來入面係紫薯黎，食落甜甜地又不會太滯～ 黑金流沙包 HK$48呢個流沙包堅好食呀！包又夠軟身，蛋黃又夠滋味，好食到我想自己一個食晒成籠流沙包呀！鮮肉一口小籠包 HK$58小籠包皮夠薄，肉夠嫩，汁夠鮮，一口一個好正呀～紅燒嫩滑BB鴿 HK$58呢度d 乳鴿堅係採用BB鴿，因為肉質真的特別嫰，加上骨都同樣特別脆弱，真正皮脆肉嫩呀！五仁口水雞 HK$68呢碟口水雞除左雞肉嫩滑之外，旁邊既五仁都非常之有咬口，令整體加了不少分呀～金銀蒜蒸娃娃菜 HK$58金銀蒜令本身淡味既娃娃菜味道提鮮，絕對值得一讚呀！雪梅娘 HK$38呢個甜品難以用文字來形容，薄薄既皮入面包住d cream 同士多啤梨，食落好似食緊棉花糖甘，口感好特別呀！名館值得再來呀…查看更多

午餐食得太多西餐有啲厭，晚餐決定同朋友食中菜，平時既中菜份量兩個人好難就，但名館出奇地岩岩好，可能 target 左小型家庭既市場。一坐低就上左壺茶，食到最後都唔使 refill, 幾大壺，茶既味道好特別，似係有炒香過。晚市都可以揀點心好驚喜，而且呢個流沙包夠流沙之餘又唔太甜，包既口感鬆軟唔痴牙，係近期食過好正既流沙包。蜂蜜柚子蝦球，蝦球既粉槳唔厚，炸得香脆，柚子蜜加柑桔令整體少份油膩而多份清新。欖角肉鬆蒸秋葵，估唔到秋葵可以蒸黎食，同啲醬既夾，完全冇青味。五仁口水雞， 有花生同松子仁等， 連埋雞一齊食好香口， 底部墊有青瓜。 私房金黃球泡飯，飯煎香左，個湯有豬肉，粟米，蕃茄，都幾濃郁但咸淡適中。呢度晚市好特別，點心，粉麵，海鮮，蒸飯，小菜，燉湯等都有得食，岩晒唔同口味既人。而且發現晚市套餐好抵食，下次一定要試下。…查看更多

朋友就嚟生日，要諗去邊度食飯？ 呢個朋友係鍾意食中菜，就選嚟呢間名館，精緻又有特色，味道都相當不錯！陳醋珊瑚紅海蜇頭海蜇頭肉厚，用來做涼拌菜式口感很爽脆可口，以陳醋為主來調醬汁，特別醒胃惹味，很不錯的開胃前菜！名館蝦餃皇叫得名館蝦餃皇，應該都係招牌點心吧~~！蝦餃皮薄不厚，吃到扎實的蝦肉，食完一粒想再食多一粒，可以說係皮薄餡靚！鮮蝦野菜春卷春卷嘅餡料好健康，除咗有蝦之外，有好多蔬菜喺入面，幾新鮮！私房金黃球泡飯一大個金黃色的波波？我們在鍋裡看看，說好的泡飯呢？朋友八卦就話，不如看看波裡是什麼！原來這個金黃色的波波，就是飯。外層金黃的飯焦，有點香脆，又有咬口，加上清甜湯底，更值加分。蝦球蟹子銀絲煲蝦肉爽口彈牙，粉絲也炒得乾身，很入味，不會覺得很油膩。加上蟹籽脆卜卜，口感更豐富。蜂蜜柚子蝦球有蜂蜜、又有柚子味，酸酸甜甜，夠晒清新！蝦球很爽口彈牙，喺大熱天時食，好開胃！…查看更多

放工去了黃埔巴士總站上蓋的名館食晚餐。七點多到等了一陣就可以入座。餐廳以點心及小菜為主，價錢中等，但份量十足。厚切叉燒皇叉燒帶點香甜蜜味及焦香，肉質嫩腍，不會太多肥膏。鮮蝦野菜春卷春卷有三大條，全部一開二，裏面有爽口蝦肉及雙色椰菜及木耳，咬落去爽脆又不油膩。石鍋鮑魚雞粒炒飯熱辣辣冒著熱氣的石鍋，上枱後依然聽到吱吱聲，炒飯裏面有一粒粒BB鮑魚，保守估計最少有十粒，爽口彈牙，炒飯爽口但有點油膩。金銀蒜蒸娃娃菜娃娃菜嫩腍無渣，而且蒜香味道濃郁，不喜蒜者勿叫，因為蒜味可以彌留在口腔頗久，喜蒜的就必試。蜂蜜柚子蝦球蝦球外層粉漿很薄，幾乎半透狀，柚子醬汁酸酸甜甜十分開胃，蝦肉爽口彈牙，非常新鮮。…查看更多

住喺紅磡黃埔呢頭都冇為意原來新開咗呢間食店喺黃埔美食坊上面🤔今日同媽媽經開嘅時候見到好似幾平又好似幾抵食，一於上嚟試下佢先🤤今日係平日嘅時間，門口陸陸續開始有人等，有人被安排入座，睇嚟生意都幾好😎而且佢地既茶係蕎麥茶， 飲落好香嘅麥味一啲都唔淡❤️首先呢一客小食係涼拌貓耳朵，酸酸辣辣零舍開胃，非常之惹味🤤一咬落去啲湯汁流曬出嚟，仲好鮮甜。而且肉質非常啲鮮嫩，一啲都唔油膩😀皮薄餡靚黎形容最適合不過😎甜甜地嘅柚子蜂蜜加上小小酸酸嘅青檸，又係另一道嘅開胃菜❤️而且佢哋啲蝦非常之大隻，一d雪藏味都冇🤤加上炸到個皮好似張紙咁薄。蝦肉爽口，香脆嘅外層，同甜甜酸酸嘅醬汁，正😙唔好以為佢好咸呀，佢一啲都唔鹹，淡淡嘅蒜蓉香味加上清新嘅蔥花，幾好味嫁❤️而且啲娃娃菜亦都唔會好大份，非常之容易入口😜呢個係泡飯黎嘅，可能大家都會好奇點解有個波波係呢度，原來呢個炸波波係舊飯嚟㗎。首先師傅將飯既表面炸香，脆有啲位置仲有少少飯焦嘅香味，泡耐d佢就會散開。。。😎😎散開之後大家見唔見到啲飯粒粒粒分明，亦都唔會話淋到一pat嘢💖而且呢個湯係用豬骨煲加上啲豆，番茄，粟米，鮮肉煲，寧舍甜零舍香😎呢個甜品都幾出色，佢表層真係整到一層層，而且一啲都唔油膩😍😍而入面就係紫薯餡嚟嘅，唔會死甜，淡淡既紫薯幾清新㗎😋…查看更多

終於食到名館, 名不虛傳, 實在是好味又抵食既新派上海菜, 真心推薦! 今晚點了好幾款菜式, 先有鮮肉一口小籠包, 濃湯肉鮮皮剛好, 正! 手工蔥油餅香脆, 包鬆, 蔥花的新鮮提升了整個蔥油餅的味道! 紅燒嫩滑BB 鴿, 肉質算嫩滑鮮鮮香, 皮若能再燒得香脆多點, 更正! 要特別大讚以下三味: 金銀蒜蒸蛙蛙菜, 新鮮菜蔬配爆香炸蒜, 惹味非凡! 私房金黃球泡飯, 眼睛先吃, 有種不捨去弄破, 但又滿心期待! 湯鮮甜, 有蕃茄香, 粟米, 毛豆錦上添花, 增加咬感! 那個飯球。。天呀! 是飯焦外皮, 浸湯食, 超正! 整個飯令我迷倒! 最後是蜂蜜柚子蝦球, 蝦肉嫩滑, 皮薄到透光, 汁是清甜而重柚子味, 吃時不會膩滯! 很久未嚐好味上海菜, 喜歡的必要一試!…查看更多

今晚約了兩位好友去黃埔嘆茶係呢度食晚飯，食了不同款色的點心餐廳座位數目多，而且環境十分光猛，乾淨衛生這裡不但有多款點心可點選，還有不同的小炒，飯麵，燉湯等等，應有盡有我們點了數款點心小菜一同品嚐第一次吃鴨舌，麻麻辣辣的十分滋味，而且舌部有點肉，咬下來彈彈牙的，惹味而且當中的軟骨都十分好咬，跟食一般的肉類口感大為不同這客泡飯十分特別首先，我已十分欣賞這個容器，上層的兜子放了湯，內裡有個又大又圓且金黃色的黃金球。容器底部不停加熱，所以飲到口中的湯跟飯，全都是熱熱的把黃金球慢慢融開，清楚看到這是一個飯球外皮煎得金金黃黃，所以吃起來，外皮像是飯焦的口感十分滋味內部的飯粒綿綿的十分惹味滋味無比很喜歡濃濃的湯配上了飯來吃十分特別的一個菜式蝦球香脆可口而且外皮沾上了蜂蜜柚子汁，所以賣相閃閃的，十分光亮。味道甜甜的且有柚子香味，吃起來香香甜甜酸酸，多重味覺秋葵很新鮮，而且黏液很多吃起來清新巨型大蝦餃用料份量十足，皮薄蝦肉量又多又彈牙十分滋味，而且不會好乾身，濕濕地味道不錯很喜歡這個點心賣相很得意和精美中間部分的酥十分香脆，上層為層層分明的酥皮，而中間的餡子是紫薯吃起來甜甜的，像是在食甜品的感覺而底部更沾上滿滿的芝麻，所以吃起來味道一流湯用料十足，內有雞肉，豬肉，鷓鴣⋯等等肉類，所以湯飲起來十分鮮甜，肉吃起來都很腍身很入味最後吃了雪梅娘作為晚餐的結尾這可說是fruit mochi外皮粉嫩，彈牙，中間有滿滿的cream跟果粒，吃起來甜甜的且清新…查看更多

自黃埔有港鐵後, 真係方便好多黎探朋友都快捷咗, 願意咗XD果度最出名就係黃埔船, 而唔熟悉果頭嘅我, 搵食緊係去返呢頭啦見到有間新餐廳"名館", 食中菜, 望埋網民post出來的食物照片都唔差, 所以來試試平日晚市都有d人流, 8點都差不多人滿今晚好想飲燉湯, 於是點了一客"姬松茸燉花膠", 喂...都係$58咋仲要唔細份喎, 呢個足夠2人份量添雖然花膠只得一隻, 但入面超多料, 一打開個湯蓋超香濃味道, 連平日唔係點飲湯嘅朋友都肯飲又有雞, 又有豬肉, 又有姬松茸, 所以個湯非常清甜香濃而佢真係真材實料, 飲完唔會口渴, 相信係無味精! 推介!飲完其實都飽飽地, 再加上食埋d湯料, 細食嘅人真係一碗夠哂!呢度有小菜又有小炒, 連甜品都有好幾款, 夠多元化, 我鐘意~男友是乳鴒控, 差不多去親中菜館都會叫燒乳鴿 聽講呢隻乳鴿都出名, 上檯時熱辣辣, 好香, 仲送埋2片好cute既濕紙巾~皮脆肉嫩, 男友都讚! 鮮肉一口小籠包, 一籠5隻, 皮唔算太薄, 入面唔算太多肉汁不過入面既肉唔會實的的, 味道都夠鮮嘅, 也是合格的菜式 蜂蜜柚子蝦球, 未入口都感到甜甜酸酸的味道, 比檸檬無咁酸, 很香的柚子味, 份量也不少外皮有點脆口, 皮也不算厚身, 蝦身都幾大隻, 仲係爽口的聽說淮山對身體很好, 有益氣養陰, 補脾肺腎, 平日媽咪會用來煲湯, 很少會用來做餸 自製菌皇醬蒸鐵棍淮山淮山本身是無味, 加入佢自家製的菌皇醬, 仲有好似我媽咪平時蒸魚時落的豉油熟油再加少少蔥粒, 味道一d都唔淡淮山有少少爽口, 有些又有d粉, 健康的食物都很啱我口味, 差不多我自己食哂成碟, 哈哈最後, 緊係要來個甜品才是滿美 杏仁豆腐, 估不到是原個木筒上, 好decent面頭仲有d芒果汁, 酸味味的, 而豆腐唔會太甜上面的杏仁豆腐好香杏仁味道, 整個甜味都唔會太甜, 啱哂而家愛健康嘅香港人口味!總括來說, 名館的菜式都幾啱我地口味, 而且價錢又唔貴, 很公道的好懷念佢嘅燉湯~…查看更多