瑞記咖啡

營業中

休息中

相信唔少人聽過‘瑞記咖啡’呢個大名，香港地，有好多懷舊控，好鐘意懷舊嘢、復古嘢，蕃薯妹都唔例外，對懷舊風情嘅小店情有獨鍾。瑞記其實響蕃薯妹上班嘅地方附近，今次襯老闆出差，跟同事嚟咗朝聖店仔細細，食客滿滿。瑞記位於上環街市頂層嘅熟食區，裝修簡陋，卻滿滿舊香港風味。單單係一個手寫嘅餐牌，已經足以令蕃薯妹影咗10分鐘響上環嘅食肆嚟講，價錢已經好親民。樽仔咖啡 $15 你問我個咖啡係咪好香濃、好滑，我真係覺得唔係特別香滑，但係飲緊嘅係香港人情味。蛋牛麵 $32滑牛好滑，煎蛋係燶邊蛋，蛋黃差不多全熟，如果蛋黃係流心會更完美。 麵係出前一丁，煮得啱啱好唔會太淋。西多士 $26瑞記招牌菜 - 西多士，兩片麵包炸到外脆內軟，中間並無夾花生醬或咖央醬，就只單單加咗牛油同煉奶，但係出奇地好味火腿炒蛋 $18外表平平無奇嘅火腿炒蛋，原來都好好味！裡面嘅蛋汁未熟透，好滑漏。推薦俾大家，值得一試

依排月尾，又係勒緊褲頭既時侯了😓Lunch都係周圍搵D便野食今日行遠幾步黎到上環街市熟食中心，原來依到好多野食架，望落價錢普遍都唔貴，岩哂長期糧尾既我啦～💸我地今次揀左瑞記咖啡，因為見到佢既奶茶好得意，係用樽仔裝架，夠哂風味，飲落味道冇失望，好香既茶味，奶味又岩岩好，唔會太漏，好怕飲個D一飲落去就成啖奶個種奶茶，甜度都適中，平衡得很好上網睇人地話蛋牛包出名，一定要試，不過因為太凍既關係（仲要飲凍奶茶），於是就試左蛋牛麵，鮮牛肉好入味同稔，蛋又煎到有脆邊，蛋黃仲有少少流心😍不過見到好幾枱都叫西多士，應該係依到既名物，下次要再黎試先～🤤🤤

馳名已久的瑞記咖啡, 適逢路經上環, 順便過來一試.午飯時間, 整層上環熟食中心人山人海, 每間各有特色及招牌菜, 好不容易才找到瑞記的位置, 直至看到有玉泉樽裝凍飲的餐桌. 凍奶茶($12)除了賣相吸引外, 味道確是香滑, 茶味足, 不致過甜及澀味, 也不是茶餐廳的加送半杯冰, 故這兒的份量十足, 不會越飲越淡味, 使我連最後一滴亦要渴乾, 因為這正是我樽茶. 看到凍咖啡送到同桌的阿叔時, 才知道樽裝凍飲有其他口味的.蛋牛麵($20)一碗非常熱的麵, 若不是熟食中心有冷氣開放, 我必汗流夾背, 所以我想正確的名字應是生滚鮮牛肉蛋出前一丁麵. 煎蛋设有特別, 也没有流心, 不過約七成熟牛肉很鲜味, 也很嫩滑, 由於整碗麵温度仍高, 我留意到牛肉漸漸地轉至八成熟呢.後來人羣漸散, 结脹時我與鄰桌的食客同時給了一位阿怕服務員一百元, 只見他慢慢地給食客找錢, 我的像忘記了, 後來阿伯兩次問我是否給他多少錢, 我亦微笑回答"一百元", 當時我只覺得阿伯挺可愛, 像知我不趕時間, 跟我開玩笑似的. 後來拍照時看到牆上的雜誌訪問的相片, 才知可愛的阿伯就是老闆, 與他打招呼後聊天一會, 他說此店