盈記四季養生麵館

營業中

休息中

聽喺灣仔附近返工嘅人講，呢間藥膳養生麵館晏晝通常都大排長龍，有晚經開見到唔洗等位就入咗去。叫咗個二人餐，包兩個麵兩杯野飲同一個小食。我地叫咗藥膳農場雞蟲草花養生米線同藥膳農場雞花菇養生米粉加咗麻辣。首先啲雞好嫩滑，無雪藏味，烹調方法處理得好好。花菇醃得好入味，又唔會太重口味，又厚又大塊。個湯底好清甜藥材味又唔會太濃，食完成晚都無太口乾既感覺。可以有多個選擇轉米粉，個人米線同米粉都試咗覺得米粉較為出色。認為麻辣不太值得一試，可加可不加。藥膳浸雞腳比較失色，但總括而言都值得一試佢啲雞同個湯底

今日和同事食完午餐，行經軒尼詩道，見到一間新開的米線店，主打養生藥膳米線。反正放工仲落緊雨，自己都沒有心情去街市買餸煮飯😂於是叫老公過來一齊在灣仔食完晚飯再搭車回家😎平時和同事在灣仔食米線，不外乎食南x 同x 仔，成日唔係食酸辣米線就係麻辣米線，難得有一啲另類米線嘅出現，聽個名又好似好健康，於是帶老公去嘗試一下。米線主要有三個湯底，分別係藥膳養生湯，蕃茄湯同喇沙湯底。老公選擇了藥膳農場醉雞米線而我選擇了惹味的水餃喇沙和浸雞腳。藥膳湯本身很香濃亦帶紅棗的甜味，因為叫了醉雞，個湯加了少許酒味，湯底更加清香。農場雞份量不少，雞肉軟滑😍藥膳農場醉雞米線 $64我就試自家製水餃喇沙米粉，喇沙湯非常惹味，雖然店舖主打是藥膳湯，想不到喇沙也蠻不錯。餐廳的湯底，迎合不同人士，想食清淡養生可以選藥膳，想食惹味可以選喇沙。一班人食飯，也可以滿足不同需求😎自家製水餃喇沙米粉 $78我們還叫了浸雞腳，藥膳味浸晒入雞腳，好淋，大大隻，好飽滿😂藥膳浸雞腳 $38唔使$90一位，食到飽飽，非常滿足。下星期同同事們再來!!

👉此麵店地點方便，就在灣仔修頓球場斜對面，門口對正巴士站⋯.原本跟友人也是打算叫藥膳系列的，經店員介紹下試了叻沙，估不到主打藥膳店舖，叻沙也有驚喜！🤩.📌刺身帶子叻沙湯米線 $88 + 凍檸茶 $3 ～ 有3粒厚身帶子，但不是真的刺身，為安全起見，店家會把帶子微微灼過，得以保持鮮嫩爽口。👉豆泡、烚蛋、芽菜少不了，叻沙湯底濃厚，椰漿香味突出，選了米線🍜 也輕易掛湯⋯忍不住把濃湯喝光～果然好介紹😋📌藥膳農場雞黑蒜養生湯米粉 $68 + 凍朱古力$3 ～ 雞件大大件，也有4、5件之多，全部啖啖肉。👉加入大量紅棗、杞子、黑木耳⋯一上枱紅棗味香氣四溢，內裏材料都是養生系列，湯頭棗味🈵️🈵️，感覺不喝它倍感浪費😛✅6pm前下單送飲品✅堂食全單九折優惠

放咗工和同事試咗呢間位於灣仔新開的藥膳養生店 ，呢排天氣咁乾燥真係要補補佢，聽其他同事講個湯底好正。新開張冇耐，裝修十分簡潔乾淨，衛生也做得足，店員服務態度殷勤。藥膳農場雞日本花菇養生湯米線老遠已聞到養生湯的味道， 眼見材料有紅棗、桃膠、杞子、桂圓， 湯底濃郁， 感覺真係好養生! 可以成碗湯飲曬，而且雞很嫩滑， 還有兩大隻冬菇。藥膳上湯自家製水餃餃子餡料滿滿， 大细適中，也同樣配上藥膳湯底十分入味。藥膳湯墨魚春捲我第一次食這類型的春捲 ， 肥肥長長，和藥膳湯很夾。藥膳浸雞腳雞腳炆得好冧很入味，是店員的推介的，果然冇介紹錯。