川花烤魚

非一般烤魚環境。一入門口就聽到輕鬆嘅音樂，冷氣夠凍仲有闊落嘅座位，牆身掛住啲暖色系嘅掛畫，幾舒服。鍾意黎呢度食因為係新鮮即烤，江團魚魚皮脆卜卜，上枱時仲冒住煙！魚肉嫩滑，筷子一夾就散，個秘製香辣湯底正到痺，豆豉香同辣椒嘅鮮辣好正。蓮藕片切到紙咁薄，咬落「索索聲」好過癮；薯粉索晒啲湯嘅精華，「𠽌」一聲就啜入口勁滑。佢嘅小辣辣度啱啱好，唔會辣到噴火，飲啖蘋果醋，傾住計食，成個人都relax晒。呢度方便泊車，環境又chill，係我gathering 餐廳list之一。…查看更多

平日夜晚係荃灣，想搵ｄ有新鮮感嘅小店試下見川花烤魚店面裝修幾有格調，烤魚主題幾吸引去食😍7點半到現場已經好滿座，一入店就聞到淡淡嘅川辣香味🌶️每枱都有個爐烘熱烤魚，熱辣辣香噴噴巴蜀烤魚or鮑魚雞煲，似乎係每枱必食之選餐廳環境都幾啱收工聚會，一邊吹水一邊烤魚坐落環境幾舒服，場面熱鬧、氣氛甚好❤️🌶️ 🐟正宗巴蜀烤魚-海鱸魚(原條)$298原來烤魚係即叫即烤👍🏻，預要等一陣先上菜大大盤烤魚，上菜時已經煎熟鋪滿辣椒同花椒等香料，滿滿香烤風味🤤魚肉食落新鮮嫩滑、肉質結實😋烤煮耐d更加入味🍜叫左個薯粉，放入烤魚湯底煮等到色澤透明就食得口感Ｑ彈，吸收了烤魚濃湯鮮味🌶️🐔辣子雞 $78整碗都是辣椒乾伴隨辣子雞味道刺激，辣得好過癮🥵當中有部份係軟骨＆雞皮，炸脆香口十分好味食到最後有種係辣椒乾中尋辣子雞嘅尋寶感覺🤣…查看更多

呢個星期每日都返朝八晚十，日日都喺度追交唔同嘅report！難得明天開始連放三日長假，今晚收工一於約班朋友出嚟食返餐好嘅！朋友話趁天氣仲未好熱，本來想帶我哋去食雞煲，但去到位於荃灣廣場對面嘅大霸街，見到新開咗呢間「川花烤魚」餐廳，俾佢門面明亮嘅燈光招牌同埋烤魚嘅香味吸引住，大家都二話不說便衝左入去！雖然見到個餐牌呢度都有鮑魚雞煲食，四人份量仲只係每煲$348，但我哋四個人都俾佢條烤魚吸引住，於是便轉向叫左呢閒餐廳非常出名嘅「正宗巴蜀烤原條魽魚」火煱（$328）。魽魚是一種鮮美的淡水魚，它的肉質細嫩，沒有刺且味道鮮美，製作烤原條魽魚火煱需要先將魚去骨，然後用各種香料進行調味，再用竹籤串起來，最後在火爐上烤至金黃色，是來自於四川巴蜀地區的傳統美食。烤魚味道方面，餐廳共提供八款味道俾食客選擇，包括有：香辣味、麻辣味、剁椒味、泡椒味、豆豉味和青椒味，每款並有不同程度的辣度俾大家揀，如果唔食得辣，亦可以揀酸菜味或者蕃茄味！我哋有朋友唔食辣，所以今次揀咗酸菜味。因餐廳待應聽到我同另一位朋友講話想試辣味，他非常細心另外俾左一碗泡椒醬俾我撈來吃，真的十分感動！整個烤魚火煱中，酸菜的酸味和魽魚的鮮味非常夾，由於魚肉去骨後，只剩下少量魚骨，因此吃起來非常方便，肉質也非常嫩滑。此外，餐廳亦提供多款火鍋配料、串燒同埋涼拌小吃俾食客點選，價錢亦非常經濟實惠！而飲品方面，值得推介嘅係餐廳自家製的四款涼茶特飲，包括有：生津李乾蘋果茶、山楂楊梅特飲、冰鎮酸梅湯、洛神花茶，每款$55/1000ml , $16/200ml。…查看更多