洪記海鮮酒樓

營業中

休息中

早上在土瓜灣食完個late breakfast後，趁平日放假就入西貢行下。搭船等候入去完鹽田梓，正正就是在洪記門外，睇到2人海鮮餐都幾實惠，都心思思想試吓，於是一回程上岸後就入去食個early dinner，果時大概4點20分左右😅😅呢個時段，餐廳冇咩人，我和男友揀選坐室內。$498免收加一但茶位收$15/位，包括花生，橋頭各一碟。椒鹽鮮魷- 炸粉厚左啲，亦冇想像中脆口，真係有點失望。豉椒炒蟶子 - 有3大隻，豉椒味佐料都幾香口，但蟶子肉質都係一般，又係有啲失望。清炒菜心 - 炒得唔錯，唔會過熟。2人餐再送碟菜，算唔錯架啦。薑蔥焗蟹 - 有2隻，有肉，冇霉，有薑蔥未，比想像中好喎😲 都惹味既。芝士龍蝦伊麵 - 主角最後上場。職員話已轉晒西澳龍蝦喎🙄 份量比預期中豐富，肉質都彈牙，而且啖啖肉。伊麵硬身左少少，芝士汁可以多返啲就好好多。整體而言，CP值高既😋。用$498食到海鮮餐，有龍蝦，蟹，蟶子⋯再加碟菜，兩個人食都幾飽肚，而且質素算係咁啦。出去市區邊可能食到呢？同埋呢個時段冇乜人，廚房都煮得算唔錯架啦😆😆Overall, 我會比3.5分。食完都只不過5點半，但開始見到有其他食客入場了

不嬲自覺西貢海鮮是遊客專享……又貴又唔好食, 沒必要真的不會在西貢吃海鮮, 今日行山比預期遲了2-3小時完成, 出到西貢己6.30pm, 大家又累又餓, 便入了這家, 心諗…能在碼頭附近頭2間鋪站得住, 應該不會太差吧, 結果…大家想快, 叫了個$2180/8人餐.白灼海蝦好新鮮, 蝦肉爽甜有彈性。薑蔥焗蟹大量薑蔥炒得好香, 蟹肉實淨爽口, 有少許鮮蟹應有的海鮮甜味。芝士龍蝦伊麵食海鮮食剩龍蝦真係前所未有, 今日還是第一次, 龍蝦像用處理雪藏食物之飛水法處理過, 烚完龍蝦後加芝士汁撈混上檯, 龍蝦完全無蝦味, 蝦肉又老, 芝士汁不香不濃, 無里味道。椒鹽賴尿蝦餐牌又話大賴尿蝦既?! 你地望也望得到賴尿蝦殼內, 是無肉的, 打開蝦殼只有一片薄薄的賴尿蝦肉, 還梅梅地的  椒鹽味道正常。清蒸海上鮮這條應該是班, 上檯時己骨肉分離, 魚肉爆開了一梳梳, 一看便知過了火喉很多很多, 老得很, 豉油汁也不討好.蒜茸粉絲蒸扇貝白白的上檯, 連最基本啤油廚師也省卻, 扇貝也像白烚完放些豉油再加蒜茸粉絲便上檯, 扇貝其實好大粒肉, 但老過我, 怎樣形式好呢? 像浸過的江謠柱, 抽走了江謠柱的所有味道剩

郊遊後返西貢市中心晚飯, 好在有book位, 7點已3/4full, 其實真係好少向西貢食海鮮, 聽過太多人話好貴, 好易比人搵笨, 但朋友經常黎食, 亦講到明食餐最抵~~我地揀左$2180 8人餐, 鮑魚仔就轉左豉椒炒蟶子皇~基本上碟碟都好大碟, 當然食餐就預左唔係原隻, 但overall真係抵食夾大件, 而且味道ok, 起碼唔會過咸~~ 亞姐d服務都唔錯, 最後個果盤仲多左菠蘿同提子, 之前其他檯得橙 每人唔使$300 就有咁多樣海鮮, 一定比散叫平~~~