全記海鮮菜館

放假除了離島，最常去的就是西貢，一落車就打算先去餐廳食左海鮮先，再四圍走走跳跳。隨意地選擇了一間海鮮餐廳，不用排隊可以直入坐低，一坐低會送上花生同魚仔，二樓地方闊落光猛。同朋友選擇了$298/位 二人餐，可以包自選4款海鮮，分別試了以下的海鮮:特濃芝士焗龍蝦 (+$40變開邊龍蝦)如果不加錢，龍蝦肉會碎上，同朋友想食啖啖肉的龍蝦肉，所有決定加錢，每個人有半隻龍蝦。龍蝦肉新鮮彈牙，加上濃郁的芝士汁，十分惹味，底下是伊麵底，伊麵掛滿了芝士汁，很美味。薑蔥炒蟹炒蟹用了肉蟹，所以有不少的蟹肉，蟹肉鮮味，啖啖肉，蟹鉗都大大隻，份量足。加上香氣十足的薑蔥爆香，味道出色，調味剛剛好。蒜蓉粉絲蒸元貝一人一隻蒜蓉粉絲蒸扇貝，味道鮮甜，扇貝上面鋪了粉絲同惹味的蒜蓉 ，扇貝不會過老，加上豉油汁，是不錯的選擇。椒鹽鮮魷椒鹽鮮魷是龍蝦以外最喜歡的，魷魚口感彈牙，有一定厚度，炸粉薄身，不會有油感，加上惹味的椒鹽，很香口，非常推薦。另外跟餐送了清炒小白菜同紅豆沙，兩樣就正正常常。茶位$20/位二樓景色不錯，海鮮新鮮，值得一試。…查看更多

又去行山啦，今次入西貢行，6點行完出返西貢碼頭，人人都話食海鮮做遊客生意，所以我就未試過係西貢食，但山友們都想食，就去食個海鮮餐，原來都幾好食，海鮮質素都幾好。龍蝦鮑魚套餐，明碼實價寫明每位$274，免加一茶芥，經輕度格價後，比較左多間都有郊外油菜同生果/糖水 送，呢間仲多左秘制鹽水雞腳，最正係用「銀聯」unionpay，可減$100，都幾抵。特濃芝士焗龍蝦伊麵，芝士稀稠適中，唔會好膩，伊麵可以掛滿醬汁，好濃好香好滑。龍蝦味唔太重，勝在厚肉肥美，而且幾大隻幾抵食。椒鹽瀨尿蝦，我第二次食，原來大隻係好味好多，難得呢度用大隻的瀨尿蝦，所以更多肉更有口感，微彈嫩滑，仲好甜。薑蔥炒蟹用兩大隻肥美大蟹，仲要用肉蟹，啖啖肉之餘，仲好鮮甜蟹味濃，而且蟹肉滑溜，蟹鉗肉厚。薑蔥爆得夠香，越食越惹味，又唔會蓋過蟹鮮味。古法椒鹽鮑魚，每人一隻好睇又好分，賣相的確好吸晴。味道其實一般，鮑魚微彈易咬，口感方面係幾好，但椒鹽蓋過鮑魚味，而且外層偏硬。用清蒸可能更鮮味。白灼海中蝦超大隻，份量也足夠，肉質鮮甜爽彈，蝦味突出，唔使豉油，直接食更重蝦味，好新鮮白灼海螺肉厚肥大，彈牙有嚼勁，一點腥味也沒有，味道好好，加上海鮮醬更滋味。豉椒炒蜆唔夠熱，鑊氣也不夠，豉椒味雖濃但也過咸，蜆肉同樣太瘦且有點沙，味道麻麻。秘制鹽水雞腳好腍滑有膠質，入口不用力已食到雞腳肉，筋位都好好咬，沾少少沙薑，味道更惹味。送郊外油菜只有上湯白菜仔/西生菜，我地揀白菜仔都脆綠吸引，新鮮冇爛葉，有上湯餵過夠味道又唔太咸。糖水係紅豆沙，微甜多豆帶點陳皮香，雖然唔太起沙，但送既當然收貨。…查看更多

年初二那天，我們一家去親友拜年，拜完年之後，親友話帶我們去西貢食海鮮團年飯，這麼多年都未去過西貢行逛，於是一行人就到西貢米芝蓮推介的食府試下，可以食到海鮮大餐，真是十分開心。我們點了一個四人海鮮餐，再到外面的海鮮池選了聖子皇，並點了一個橫財就手（即發菜，豬手，生菜）和全記炒飯 ， 四人海鮮餐有很多海鮮菜式可供選擇，這次我們選擇了薑蔥炒蟹，蒜蓉炒絲蒸扇貝，古法煮鮑魚，芝士焗龍蝦伊麵，清蒸沙巴龍躉，白焯海中蝦和蒜子炒小白菜。首先說蒜蓉粉絲蒸聖子皇， 聖子皇很嫩很新鮮，配蒜蓉粉絲，突顯出聖子皇的鮮甜美味；薑蔥炒蟹亦很惹味可口，  姜蔥炒蟹是廣東傳統名菜，蟹，生姜，蔥和蒜片，要用猛火炒蟹；蒜蓉粉絲蒸扇貝，蒜蓉和粉絲雖是配料，但卻能夠突出海鮮的鮮味，蒜蓉與鹽的鹹味，還有粉絲伴新鮮扇貝非常鮮甜好味。白焯海中蝦，海中蝦唔太大隻，份量唔太多，但亦鮮味十足；芝士焗龍蝦伊麵，沒有想像中那麼油膩，芝士味卻很濃郁，比平日食到的濃，龍蝦十分新鮮，龍蝦的鮮味沒有被芝士蓋過，芝士汁唔會好像漿著，大快朵頤。古法煮鮑魚，起初十分期待，可惜原來是椒鹽鮑魚，把鮑魚炸過之後，雖則很香口惹味，但鮮味全失，有點失望，清蒸沙巴躉肉質很嫩滑，但份量唔多。全記招牌炒飯，炒飯有蛋花，蔥花，蝦，蛋白等，炒飯很乾身，味道不俗， 橫財就手則德國豬手，感覺有點膩，最後是食甜品，甜品是蓮子百合紅豆沙，紅豆沙很綿很夠甜，有果皮香。食過豐富的團年飯之後，遊覽西貢，有一個美好的新年開端。…查看更多

今日約左HONEY入西貢食海鮮晚宴...去到西貢, 考慮左一陣, 我地最後揀左全記~!!選擇原因係因為之前o係萬年街分店食過...感覺很不錯!! 所以今次決定試下海傍街分店...點之...令我失望~!!6:30去到全記...已經見到有幾個人在門口等位...因為我地book左位的關係, 所以等左5~10mins就有位la~!! 一入到去...見到張枱...覺得位置不太好...在路中心...(d人行黎行去, 個位又窄喎!! :()不過2人枱...冇辦法la...都唔可以咁高要求...!!我地點溫馨世界2人餐...有4海鮮+1碟菜+糖水 ($348全包)海鮮方面, 我地揀左:1) 芝士焗龍蝦(伊麵底) - 份量ok, d龍蝦都好肥美, 但唔夠芝士汁...不過最大問題係碟海鮮係微溫的!! (好似 擺左好耐咁!!) 2) 清蒸海上鮮 - 魚唔係好大條, 2人食剛剛好...味道OK LA!! :)3) 香蒜椒鹽游水墨魚 - 好普通, 坦白講...廟街的椒鹽魷魚好食D...:(4) 薑蒽炒蟹 - 有2隻蟹仔, 味道OK, 但冇乜肉菜我地就揀左西蘭花...都係冇乜特別...不過值得一提的是甜品, 是日甜品係薏米水...我地食左2,3啖後就放棄左了~!! 因為實在是太甜了~!! 係名符其實的「糖水」...講完野食, 講下服務同環境...因為我地坐個位o係CASHIER旁邊的行人通道...成日都有D員工行黎行去....每次都好驚會撞跌D餸...(太多餸而張枱唔夠大)另外, CASHIER位有個桶係裝污糟碟的...但D員工不夠溫柔...放碟時總會整到好嘈...有點破壞氣氛!!:(睇返成篇食評...好似全部都係踩咁...不過呢個價錢能夠食到咁多海鮮...都算幾抵食!! 實在不能要求太多呢~!!所以總括而言, 都OK LA~!!下次食海鮮都係去返萬年街分店算啦~~WAKAKA~~^^…查看更多