中環茶記 (已結業)

門面既霓虹燈牌好吸睛，入到去係有兩層，裝修行懷舊風，下層坐滿既關係被安排到上層，見牆上掛有啲舊相🙃▪️ 香煎美國西冷牛扒（7/10）💲148睇中呢間既皇牌鐵板扒類系列，全部都係可以配黑椒汁、燒汁、蒜蓉汁🤗要左個蒜蓉汁，出到黎會微鹹比較重口味，所以唔駛落太多😳西冷牛扒五成熟，質感大致上軟腍，間唔中有啲筋位，牛味亦都夠香濃既，仲有啲薯菜伴碟，薯角外脆內軟好啖啖薯，但調味有少少偏鹹🙈▪️ 香煎美國牛柳配大蝦（6/10）💲168燒汁無蒜蓉汁咁鹹，牛柳厚身切落去比較結實，但肉質會韌，味道比起西冷牛扒遜色，大蝦未算係好新鮮，食落會有雪味，同埋質感可以爽彈一點會更好，薯角同樣係偏鹹🤔▪️ 薄荷朱古力（7/10）💲+10 (跟餐) / 30特飲跟餐只係加$10，呢杯既質感係沙冰，入口都係磨得細滑，薄荷味頗為突出，亦有彩色朱古力碎同陣陣朱古力味☺️▪️ 香濃朱古力咖啡（6.5/10）💲+10 (跟餐) / 32一樣都係沙冰質感，至於朱古力味同咖啡都係有既，不過兩者都唔算好濃咁🤤🔎 整體評分（6.5/10）…查看更多

今日女友收早，又係約飯時間，一年來已經食遍銅鑼灣，所以今日轉移陣地去中環出發😆當然啦，揸fit嗰個都係我，食我最喜愛嘅茶餐廳，就試試依間中環茶記！行到入去，正當晚飯時間，人唔算太多，侍應同經理都好好笑容，客人唔使受氣👏🏻👏🏻打開餐牌有中、西菜式，原本睇咗OpenRice想鋸扒，但係啱啱琴晚先鋸完，經理又推介小菜，所以決定食中😂例湯無花無假，真材實料👍🏻菠蘿咕嚕肉甜酸味道啱啱好，送飯一流👍🏻沙爹金菇肥牛粉絲煲非常夠味，經理推介果然冇介紹錯😆小炒王都係經理推介，好多地方小炒王都會太多油，但係依間師傅炒得啱啱好唔算太油膩🥰兩個人食晚餐，唔使$400放到一枱都係，好滿足🤣龍鳳大檸樂，第一次飲，又幾鬼正喎🥰飲完成個醒神晒柚子蜜係女友最愛😍最後女友仲要點多個薄荷朱古力做甜品，好少見佢咁好胃口😮😮總括來講，對中環茶記印象好好，係一間有人情味嘅茶餐廳🥰🥰…查看更多

早日約了朋友在中環睇戲，購票後見肚仔有點餓，朋友會帶我到一間歷史悠久、充滿懷舊風的中環茶記食飯。餐後覺得這裡值得再來幫襯。 茶記分上下兩層，環境寬敞舒適，未到7點，下層已差不多滿座，殷勤有禮的服務員便叫我們稍等，有位會即刻安排。見未有位，便八卦到上層睇一睇，原來茶記最近跟可口可樂合作，所以牆身周圍都遍佈可樂裝飾，及大量70年代的香港懷舊相片。 上層行了一圈，回到下層便有位，細心的服務員為我們安排了卡位，卡位牆身放有多張70年代的相片，彷彿帶了我們走了一趟空光隧道！ 放假心情特別輕鬆，胃口都特別好，見餐牌有中環小食、懷舊冰室常餐、自家製椰香咖喱系列……等等外，仲有超吸引的【皇牌鐵板扒類系列】，而加HKD10仲有特飲添，超正！於是我們二話不說都叫了鐵板餐+特飲。香煎美國牛柳拼大蝦 配燒汁 (HKD168)龍鳳檸樂 (跟餐+HKD10)鐵板餐賣相吸引，材料豐富，醬汁可自己落或由服務員協助。牛柳夠厚身，肉質嫩滑又多汁；兩隻開邊大蝦啖啖肉、有咬口；鐵板上的雜菜份量亦很多；這價錢在中環食到這個鐵板餐，都算好抵食！餐後本想飲杯特色【懷舊雪兔】，但因當晚售罄，所以改飲以新鮮檸檬x醃漬咸檸檬配原罐可樂的【龍鳳檸樂】，即時可以酸咸甜衝擊味覺，十分醒神。效外油菜 – 芥蘭 (HKD18)香煎美國牛扒拼深海魚柳扒 配蒜茸汁 (HKD138)薄荷朱古力 (跟餐+HKD10)朋友叫了的鐵板餐亦同樣豐富吸引，薄身嫩滑的牛扒跟外脆內軟的魚扒，加上香濃的蒜茸汁，在互相配合下，味道跟口感層次更豐富。餐飲【薄荷朱古力】有陣陣薄荷香及香濃的朱古力味，味道不會太甜，很適合怕肥又想飲朱古力的朋友仔。…查看更多

香港茶餐廳十分地道，不但食物多元化，而且餐廳仲會有濃濃既人情味。今晚帶了爸爸到中環茶記回味一下。餐廳仍保留著傳統茶記風味，但加入了好多光鮮光猛的燈，令人感覺好舒適好乾淨。餐牌上好多食物都有提供。經過同爸爸討論過，決定點兩份正餐，再點多一份多士。飲品都點了懷舊飲品，龍鳳檸樂，已不是好多茶餐廳有了味道鹹鹹酸酸的，特別醒胃另外我點了一杯薄荷朱古力，不會太甜，味道有薄荷味，好清新，涼涼地，令喉嚨好舒服。先來一份奶醬多，鍊奶跟花生醬份量不少，好正。多士又脆身，即叫即做，十分滋味。正餐來了，咖哩羊腩又香咖哩味。港式咖哩我十分喜歡，因為咖哩特別香而且微辣，十分惹味。除外，羊腩都做得十分好，炆得很腍身，已經勁香咖哩味，沒有羊羶味。再把脆脆的蔥油餅沾上咖哩汁來吃，真是大滿足。除了可配上蔥油餅外，還可以在選擇配以白飯。另一款鐵板餐都很快送到，店員好細心地提示我們把紙巾打開遮一下，以免倒汁時被熱汁彈傷。配上了燒汁的燒春雞，香氣撲鼻。春燒份量都不少，原隻燒春雞，預先已切成一半，方便食用。雞肉啖啖肉又十分juicy，仲配上了大量薯菜，十分吸引呢個鐵板餐相當飽肚，有成隻燒春雞，仲有一大堆脆卜卜薯條同埋唔同種類既雜菜。滋味吃得好滿足。下次定會再來嘗嘗其他菜式。…查看更多

前日在中環參加完美容活動後，肚子餓了，正在尋找適合的食店  ;  行下行下經過見到這間中環茶記，門面裝修新潮，不像一般的茶餐廳模式，看起來幾特別，我們就決定入去吃好東西吧 ~入到中環茶記，這裡共兩層樓，地方寬濶，裝修以懷舊風情設計，感覺好像看回舊電視劇那樣，別具特色  ;  地方乾淨整潔，這裡是一間舒適的餐廳。餐牌上除了早餐、常餐、下午茶餐及晚餐，還有鐡板扒類、焗飯或意粉、中式炒粉麵飯、咖喱飯/蔥油餅、韓式拉麵/烏冬和特飲等，種類款式不錯。香煎美國西冷牛扒     $148厚厚的大大塊西冷，牛味濃郁，肉質鬆軟，鮮嫩多汁，沾上濃濃的黑椒汁，更美味可口。熱辣辣的薯條炸得很香脆，再配合什錦蔬菜一起吃，口感豐富，太滿足了！瑞士汁炒牛河     $72醬汁味道好像是黑鼓油，濃味而不會覺得太鹹  ;  牛肉軟腍不韌，很嫩滑，而且牛肉比一般茶餐廳吃到的還要大片，很好吃。河粉爽口滑溜，充滿醬油香味，每條河粉都可以均勻沾滿了醬汁，實在很美味！  咖喱牛肉葱油餅      $62             咖喱味道像馬來做法似的，不太辣，散發多重香料味，吃起來很香濃的咖喱味 ;  牛肉嫩滑，肉味濃厚，軟淋但有些咬口  ;  伴著多款蔬菜，翠綠鮮爽  ;  烤得香脆的葱油餅，沾了香噴噴的咖喱汁，非常惹味！鹹牛肉炒蛋三文治     $28依舊茶餐廳風味，喜歡滑嫩的炒蛋，加入了少少鹹香的鹹牛肉，味道很不錯。芥蘭油菜     $18翠綠不澀的芥蘭，爽脆可口，沾了蠔油令味道提鮮，不錯。薄荷朱古力     $30濃濃的朱古力香，混合薄荷味很配合，散發著清涼的薄荷香氣，冰冰涼涼，清爽潤喉，好飲。懐舊紅荳冰     $30紅荳爽甜，粒粒飽滿，甜度適中，飲起來啖啖紅荳奶香，不錯。招牌奶茶     $22濃濃的奶茶香，冰冰涼涼，飲了一會後也沒有變淡，依然好喝，讚！…查看更多

今日跟同事出開中環做野就順便食埋晚飯先各自回家，午餐時段整個中環區的食店都滿是人，但入夜後除了蘇豪一帶，其他食店都不多人，見以懷舊茶餐廳作賣點的中環茶記之前未吃過，晚餐都不貴，就入內試試。＊＊＊＊＊＊＊＊＊＊＊＊＊中環茶記佔了三層樓面，店面極大，啡白地磚配上皮梳化卡座，有濃濃的懷舊味道，不過懷舊都是仿古而非真古，所以店內比起一般茶記都乾淨企理。食物選擇跟一後茶記差不多，有鐵板、咖哩、常餐和中西式炒粉麵飯，全部都配熱飲，凍飲或特飲再另外加錢。香煎美國西冷牛扒($148)西冷牛扒非常大份，有成塊面咁大，奉上時侍者才在食客前澆上醬汁，醬汁可選黑椒汁或洋蔥汁。鐵板餐都配薯條和雜菜，薯條是粗泳浪薯條，雖然不特別香脆，但卻感重拾兒時的味道。牛扒約七成熟，沒有筋肉質亦夠腍，配黑椒汁都幾好味，不過因為份量都幾多，如果食量少的女生建議可二人share一個晚餐。鐵板甜酸蝦球雙麵王($78)麵餅上有蝦球、青椒和洋蔥，蝦肉結實不霉，麵餅入口非常香脆，配上甜酸汁開胃之餘，亦令麵餅不會太硬。菠蘿油($36)這個菠蘿油雖然定價比出面貴，但其實超大個，一個等於正常兩三個菠蘿包份量。暖暖的菠蘿包配上微冷的鮮牛油果然是絕配，不過由於菠蘿包太大，牛油相比之下有點太小，令後半部菠蘿包都沒有牛油，有點失色。薄荷朱古力(跟餐+$10)這杯薄荷朱古力雖然顏色較淺，但又想不到朱古力味和薄荷味都幾濃，比不少西餐廳或甜品店的朱古力還要好飲！熱檸蜜跟餐熱飲都不用加錢。總結，食物雖然看似不特別便宜，但份量卻十足，味道亦交足功課，食厭左翠Ｘ或老Ｘ方不妨一試。…查看更多

中環地貴人擠，經濟食肆選擇唔多，近日在威靈頓街開了一間中環茶記，周不時在附出入的我，點都要去吓嘅。門面光猛，不過在斜路之上，食飯前先要做點運動，店內塗壁多彩，刻意營造懷舊風情。 沙嗲牛肉菠蘿包 餐廳建議客人必吃，何樂而不為！ 咖喱牛肉配菠蘿包，也許創意多於懷舊，亦鹹亦甜，外脆內多汁，牛肉非常腍嫩，味道豐富，組合有趣，食味可以的，但是如果相比，還原基本步，菠蘿油更合意。皇牌焗豬扒飯 以厚切豬扒作叫號，又真係幾厚，飯底炒得香，番茄醬汁調味及芝士鋪面是茶餐廳一貫的做法，倒是沒有出錯。香煎美國牛扒拼三文魚扒 懷緬一下鐵板扒，揀了牛扒應該最穩陣，又貪心一點加了三文魚扒。出場之時牛扒半生熟，利用鐵板的熱力令其變成近熟，時間掌握得不錯，肉質亦可以，基本上鬆軟帶少許筋，三文魚亦肉嫩，黑椒汁味道濃郁豐富，配牛扒及三文魚都夾。西多士極厚西多士，真有份量！香煎香多士的外脆內軟、配合豐腴的牛油及甜蜜的糖漿，歷久不衰的組合。雙層多士，中層早已塗上牛油，面頭再配一片，再加上糖漿，極之邪惡！薄荷朱古力 冰沙朱古力，清涼可口，並不過甜，但薄荷味不足。檸檬七喜 $24另一款懷舊飲品，至今依然得到客人的心。少有服務態度良好的茶餐廳，員工年青有禮貌，真是意料之外！環境清潔，價錢非常合理，水準過得去，不失為一個抵食的好去處。值得一提，晚市的小菜套餐才$88/份，下次要來試吓囉！…查看更多

喺中環返左好多年工，最近一年先搬離此地，但依然掛住呢區既美食。話說中環美食選擇多，但價碼同地價成正比，要搵到CP值高既餐廳並唔易。近日同女友返來行下，發覺X華條街多左間幾有趣既茶餐廳。近年好多茶餐廳都愈來愈注重裝潢，但好多食物水準一般，好多都係得個樣！但呢間就完全唔同，係從內涵上convince到我。呢間野既舖位以前係一家佔地3層既餐廳酒吧，冇做後原址全部變成呢間茶餐廳，所以淨係講面積都大過人。懷舊得過份既裝修好似帶我返去80、90年代黃金時期既香港，倍感親切；更值得表揚既係連餐牌上所有食物都彷彿時光倒流咁，我可以食返果陣時周街都係、但依家近乎沒落既鼓油西餐。經典之一係果時好興既鐵板牛扒餐——女友叫左一份香煎西冷扒5成熟，厚切既西冷用鐵板上，Waiter會喺你面前淋黑椒汁，即時煙冒瀰漫，塊扒腍得來質感很好，濃郁既肉汁非常入到塊牛扒，肉香亦不俗，絕對高質過以前既扒X之王，薯條係用舊酒樓食到既扭紋粗薯條，炸得香脆可口。整體對得住個價錢。另一經典係小弟叫既肉絲炒面，同樣係用鐵板上！面餅炸到脆一脆，正！令我驚喜既係啲銀芽全部都搣得乾淨，呢點好多高級餐廳都做唔到。肉絲、冬菇、韮王等材料都好傳統，如果有芥辣醬就Perfect。要講懷舊，呢度既飲品更有Feel。我試下嗌左杯「薄荷朱古力」相信依家好少地方有得飲。睇賣相已非常IGable，飲啖真係不得了，平時唔係太好薄荷既我都覺得好飲，兩種帶苦既野沖出來既飲品，竟然完全唔苦，而係衍生出另一種甜。從來唔知薄荷同朱古力可以咁水乳交融！…查看更多

有日本朋友來香港遊玩，今晚帶她到呢間又潮又懷舊既中環茶記，比日本朋友感受下懷舊風既感覺不過就算係我呢個地道香港人，都覺得呢度好新奇，好喜歡呢度既懷舊裝修，好有港式味道首先門面已經好靚，好多唔同顏色既燈泡，好靚好豪華，好閃。遠遠都已看到呢間餐廳的名稱餐廳內十分乾淨，而且有懷舊既長長樓梯，仲有好多卡座牆身都以懷舊磚砌成，以懷舊的手寫餐牌來展示餐單真是愈來愈難搵到呢種風味了除了讚一下這裡的裝修外，這裡的食物都很不錯一般茶餐廳的食物都應有盡有各式炒粉麵飯，仲有港式既鐵板。我當然推介給我朋友啦我們一人點了一份鐵板好滋味呢我所點的是澳洲羊仔扒餐鐵板熱辣辣的，店員會小心地把汁淋上，滋滋炸炸的聲響隨即送上，當然感到十分開心朋友都急不及待要拍片留念港式的鐵板的確是十分特別，因為鐵板夠熱，所以一淋下醬汁，畫面相當壯觀煙霧瀰漫羊扒有兩大片，肉質彈牙而十分多汁，超惹味啖啖肉仲配上脆脆薯條呢個鐵板餐好惹味朋友所點的西冷牛扒配上了黑椒汁，黑椒汁十分惹味正牛扒好juicy,而且肉汁好多，鐵板更有效地鎖著肉汁鐵板餐十分吸引又大份又多肉，而且夠曬震撼食鐵板最緊要夠熱，夠飽肚呢度完全做得到朋友看到隔離檯吃三文治，她又想試一試所以我們點了一份火腿炒蛋治一人一半雙拼三文治是$32，但烘底會特別一點，因朋友都未吃過這款港式三文治，所以加了$2烘底這兒的三文治超多料，絕不馬虎厚厚的炒蛋，又嫩又滑仲有火腿夾著麵包鬆鬆厚厚且塗滿了牛油，份外滋味除了食物外，我們有點了特飲薄荷朱古力，朱古力味又香又濃而且仲有好多cream,令朱古力更為幼滑淡淡的薄荷味，令喉嚨變得涼涼，十分有趣懷舊紅豆冰配上了椰奶，椰味香濃。紅豆又綿又香甜的確係茶餐廳必點既飲品之一…查看更多