米子燒肉家 (已結業)

今日落大雨晚上好涼想食啲野暖下肚但前排成日打邊爐今日都係想食燒肉搵左間日式燒肉放題店試試野飲係任飲有各款啤酒 5♥️/5紙包飲品同汽水最特別係啲茶試左玄米綠茶5♥️/5好解膩有兩個飯同前菜和風豆腐同海蜇都好好味 好開胃5♥️/5紫菜同櫻花蝦飯都好好味食日式燒肉一定要配飯咁先至一流5♥️/5我地每樣野食都點左黎試下 啲肉有腌過 幾入味 燒完好好味 海鮮都有幾款 青口 多春魚 三文魚 最特別係魷魚鬚 燒完好香 好好味5♥️/5最正路既雞牛豬都好多款式雞肉好嫩滑 好好味👍🏻5♥️/5然後蔬菜方面 有翠玉瓜 菇 最正係菠蘿同秋葵同日本蕃薯5♥️/5仲有一兜芝士可以配啲肉食😋😋醬汁就一定唔少得架啦 中間個醬味醬最好味 我地用得最多 少少咸又有少少甜味咁 然後另外都仲有七味粉 海鹽等等餐廳都好大 好舒服同埋抽油既設備都好完善食完都唔會成身一陣味👍🏻👍🏻…查看更多

呢間店成日都有人排👯‍♀️👯‍♂️,母親大人都食過話唔錯~原來呢度都有任食,一於嚟睇下有咩燒肉食先🔥~今日食嘅係268嘅放題餐,佢無論嘢飲嘢食,任部都任食🤪!飲品方面可以自己喺雪櫃拎❄,一般嘅汽水🥤,紙包飲品都有🧃~亦有自家製飲品,我飲咗焙茶🍵~母親大人飲咗洛神花,酸酸咁甜,食燒肉解下滯都好~嘢食方面,我個人非常鍾意佢嘅前菜海蜇沙律🥗,爽脆嘅開胃前菜~而啲肉類有勁多款式,淨係牛都有十款🐮~我最愛都係牛舌👅,另外Prime角切都肉厚有牛香~豬肉🐷同雞肉🐔選擇都多~豬腩片仲有跟埋泡菜上,泡唔太辣🌶而偏酸,夾埋肥膩嘅豬肉好適合~雞肉類都好滑,最愛燒雞翼!海鮮有扇貝,青口呢啲🦪~最正有甲羅燒🦀,撈埋啲蟹膏落飯食🍚,真係甘香四溢~蔬菜類選擇都多,有雞髀菇🍄,秋葵,金菇之類~仲有一兜芝士🧀,融咗佢撈埋金菇食超正!呢度任食選擇多,每樣食一件其實已經飽咗,因為佢仲有飯🙈~但總體肉嘅質素都唔錯,相信佢其他單點肉類嘅餐都幾好🥩,難怪咁多人排~…查看更多

今日返粉嶺娘家，抽空行吓街，發現到粉嶺中心開咗一間新嘅日式燒肉店 "米子燒肉家"，所以同屋企人試一試。未到七點，已經有人排緊隊，應該都唔錯。我哋點左$268放題套餐，可以任食任飲120分鐘。有豬、牛、雞、海鮮、蔬菜、日本飯麵、多款飲品，晚餐價錢嚟講都算超值。如果你係牛魔王，真係可以俾你食到返本。淨係牛都有10種。上等牛舌(厚切)、牛仔骨、牛腹肉、角切、肩胛牛肉眼、特上牛柳、牛板腱、鮮滑牛(壺漬)、美國牛脊肉、牛五花肉。肉質唔錯，唔會雪到硬梆梆，一浸雪藏味，不愧係Prime牛。點埋燒肉汁，味道再提升。豬肉同雞肉加埋都差唔多有10款，而且仲好鮮嫩。我最鍾意就係嗰個辣醬雞肉，肉質爽口彈牙，推薦推薦推薦。海鮮有青口，三文魚鮎，多春魚，同埋魷魚。海鮮都好新鮮，唔使怕腥味。估唔到放題嘅白飯都有四款，飯桶朋友絕對唔使驚淨係食燒肉 XD 亦有烏冬同埋麵。我自己就幾鍾意前菜嘅海蜇野菜沙律，海蜇非常爽口，而且平時出去叫都唔平。蔬菜有翠玉瓜、杏鮑菇、金菇、秋葵、菠蘿，另有芝士燒溶後變芝士漿，點金菇就一流。飲品方面，除咗一般都有嘅汽水同茶，竟然仲有啤酒任飲，唔係平嘢添喎！點嘢食好方便，同枱各自用電話scan QR code就OK，唔使爭iPad。餐廳非常之闊落，地方又乾淨，而且每個爐上面都有個抽氣扇貼近個爐，唔會成間舖頭都油煙味，值得一讚。服務員都好殷勤，好快清走枱面用完嘅碗碟，食都食得舒服啲。如果想食好啲，仲有個$398嘅A4日本和牛放題。而且佢哋仲有學生限定嘅燒肉套裝，真係屈機。喺粉嶺可以有一間唔錯質素嘅日式燒肉店，真係好開心，終於唔使就出去都可以食到好嘅日式燒肉！🍲 米子燒肉家🍲 粉嶺新運路33號粉嶺中心地下145-146號舖🍲 Tel 6390 9968…查看更多