瘋狂小面 (佳德商業大廈)

營業中

休息中

話明係樓上小店當然無咁易搵，係樓下轉左兩圈先搵到間大廈，仲要行樓梯開幾個門先搵到，好彩佢好貼心係每個轉彎位同門口都有貼招牌，留意到就知道點樣行，首先會見到廚房，衛生還可以。聽聞中午時間呢間係要排隊既，都正常因為中環無乜川菜，一係就要高級酒樓，晚餐時間就無乜人，有幾枱都係黎食飯順便飲酒傾計，由於入座時間已經就黎晚上8點，順口問下店員係咪9點關門，佢話營業時間係咁寫，但如果想坐耐啲食都無問題，呢個就係小店既溫情吧。無影到飲品，兩個人嗌左烏梅汁同雪梨汁，兩杯都唔錯。麵叫左兩款，因為第一次黎唔清楚辣度所以全部係正常辣，因為我好食得辣就覺得辣度岩岩好，而同行友人就覺得較嗆不斷要飲野，所以佢既正常辣應該係一般街邊既中辣，唔太食得辣既朋友可以叫少辣。擔擔麵唔係平時食到上海果種花生味濃既湯麵，而係撈麵，麵條做得新鮮唔會一pat pat，根根分明都有沾到辣肉末既醬汁十分惹味。瘋狂牛肉麵，天時凍食最岩，會較擔擔麵辣少少，但佢既辣唔係辣死人果種，而係一啖就飲到覺得成個人都好暖，牛肉都煮得入味又保留咬口。麵整體都做得好出色，下次會想試下鍾水餃、麻辣串串同酸辣粉、蕃茄湯、白湯咸菜豬肚。小食嗌左蒸蛋、紅酒豬耳同蒜

印象中2017年開張，經歷左呢幾年世事變遷仍然客似雲來，午餐大排長龍，晚市較靜，收9點。經典菜依舊，新菜品也時有出現我都係最鍾意碗雜麵大大碗，少少面，干拌，多醬料（碗豆、豆泥、肉醬、花生米、青菜）我會order BB辣同走麻（唔食花椒）ABC套餐撿左飲品羅漢果冬瓜茶，不太甜，OK；再加個蒸蛋，雞蛋嫩滑，正中間點綴肉醬和香蔥，賣相不錯，營養更完整好友好食得辣，order左酸辣粉，加辣 BB麻，超大碗，賣相紅卜卜，話都幾好食（not for me）

難得準時收工，相約同事到附近的瘋狂小面食返餐，6點來到不用等位，大概7點開始滿座了。 瘋狂碗雜面套餐 $110 瘋狂豌雜面 (鹵蛋 +$9)選擇BB辣，走芫荽, 中式乾撈麵，麵質軟韌彈牙，配料放得認真工整。有軟滑的豌豆蓉、甜美的肉醬、惹味的花生、爽脆的榨菜，另加了鹵蛋作配料，質地略嚴實左少少。麵底有醬汁，撈勻後每條麵都沾滿醬汁，BB辣不太辣麻味香，麻香撲鼻口感豐富，好味道！ 蒸蛋 +$18每日限售15份，我們有幸仲點到，蛋質嫩滑，仲加埋肉燥味道更香。 瘋狂大排面套餐 $125瘋狂大排面同事怕辣照舊揀BB辣走芫荽，味道比乾撈麵辣，但辣度可接受，大排係排骨炆得好淋好入味，肉質鬆又唔會太鞋身。烏梅汁烏梅濃厚酸香，飲落順喉，解辣一流喔。 鐘水餃 +$32醬汁望落橙橙紅紅，心知不妙以為好辣，食落出奇地好味，一啲都唔辣，水餃皮煙韌，肉餡豐富。 成都老冰粉 +$10冰粉啫喱狀夠QQ，味道清甜，面層灑滿黑白芝麻，加了炸花生、提子乾和山楂餅，撈勻冰粉一齊食夠晒層次，值得一試！

見到《瘋狂小面》呢個名，以為係台灣餐廳，就盲中中入咗去。點知，係川菜館嚟⋯平時嘅我絕對唔食川菜，因為唔食得辣。但既然入咗去，硬住頭皮都要試下😅。不過佢哋除咗辣嘢，都有清湯嘅麵架，所以唔食辣嘅朋友都可以嚟🥰裝修好古代風，店面都幾大；仲有唔同京劇面具嘅擺設，好有四川風味😛原來「小面」係重慶人叫麻辣素麵嘅統稱，調味會用到薑蔥蒜、醬醋、辣椒、花生等等。百味交集，令味蕾打開、精神亢奮，咁就係「瘋狂小面」嘞。😆除咗麵之外，佢哋仲有個叫缽缽雞嘅餐，好似麻辣串串鍋咁，一嚟就幾十串嘢串住嚟食🤣呢到落單嘅方法好簡單，只需要揀麵嘅類型、睇下使唔使加料；揀飲品；仲可以配小食同甜品。我哋嗌咗兩個A+B+C餐 ($88)，有晒麵+飲品+小食 (D係甜品，我哋冇嗌)。＃ A - 瘋狂小面 ＃兩個麵我哋都用$9加咗隻煎蛋🍳，煎得好好食，蛋黃仲流流地心架🤤瘋狂大排面 (白湯) (煎蛋 +$9)本身想叫瘋狂燒白面，姐係五花肉麵，係廚師推介，仲要每日限售15碗，聽落好吸引🤤可惜呢晚真係已經賣晒，唯有叫第二個啦🥺叫咗呢個瘋狂大排面～滷水排骨以慢火燜熟，非常入味；入口鬆軟，嫩而不柴；肉好容易就拆到出嚟👍👍酸辣粉 (只有紅湯選擇

夜晚約咗朋友係中環等，行咗陣街就決定去食啲嘢填下肚。發現附近有呢間川菜餐廳，可能因為係樓上鋪，唔使排隊就可以入座。餐廳裝潢都幾有中國川菜店嘅風格，我自己都幾想坐卡位，可惜已經滿晒。呢度嘅食物好似全部都係以套餐點選，見唔到餐牌有散叫小食嘅價錢。因為我好想再食冰粉，所以今次試A+B+C+D套餐。-瘋狂牛肉麵可以自選辣度同麻度，驚辣到傻嘅我決定兩樣都揀BB程度就算。不過呢度嘅BB程度又真係幾輕微，下次可以揀返少辣同少麻試下。麵條質感幾軟韌彈牙，牛肉質感頗腍，細細粒易入口。-瘋狂肥腸面呢款係朋友叫，不過我無試，所以就唔多加評論啦。-棒棒雞另外加錢試呢款棒棒雞，份量比我想像中少。味道有啲似口水雞，辣椒中嘅麻度比例較重，如果雞件可以在切大塊少少會更加好。-蒸蛋口感嫩滑，面層加入肉燥同蔥碎，增加蒸蛋嘅味道層次同鹹香。-成都老冰粉唔知係唔係落單無叫後上嘅關係，第一樣上嘅餸竟然係呢碗冰粉。裏面有浸泡過嘅米粒、提子乾、冰粉等等嘅餡料，入口幾清甜涼爽，微酸。

我最愛食麵，這間是我妹介紹的，在上環中環附近。呢間餐廳喺一樓，跟登山扶手電梯，閚門一打開就係正門，店內設計用了類似居酒屋嘅感覺，有高枱、有屋簷、有屏風，滿有特色。店員都好殷勤為你介紹餐牌內的食品。我哋一共點左四樣嘢。蒜泥青瓜每次有這一個選擇，我都二話不說下班，在每日辛勞過後，吃清爽的青瓜，作為餐前食品是最好不過的。蒸蛋店員特地介紹這個不是用普通的水來蒸煮的，而是用上湯，所以吃下去香滑雞蛋的味道會因為上湯而更加有層次，加上蒸煮的火候剛好，將會是你最好的選擇！醪糟粉子平時不甚吃甜品的我，竟然會覺得這一個甜品幾吸引。粉紫嘅煙靱度剛剛好再加上有杞子嘅酒香，10分推介！瘋狂豌雜面上到枱個顏色配搭很好，配上很清晰的瘋狂小面logo，有肉碎、葱、靚靚菜心、花生。若然不是因為我媽媽不吃辣的，相信豌豆加上小辣的感覺會很吸引，而且豌豆亦是10分健康的。雖然豌豆份量其實都不小，卻不會覺得吃膩。瘋狂牛肉面我選擇BB辣原因係唔想食唔到其他配料味道，因為第一次來吃，未清楚有幾辣。侍應將牛肉麵放上枱的時候，濃湯隨即手握匙羹就喝起湯來，味道濃郁到不得了，加上少許辣更添色彩。品嚐了三分之一的湯後，梗係要試一試它的牛肉，

夏天冇乜胃口 想食啲酸辣麻辣野🙋‍♂️ 我哋搵左呢間成都小面十強 Crazy noodles瘋狂一下🙆‍♂️餐廳設計都走中式風 紅噹噹襯晒成都麻辣氣息🙆‍♂️餐紙有唔同嘅order set仲可以upgrade小食我要咗個瘋狂牛肉麵加滷蛋加豬肝 小食就要左蒸蛋(話係限量得15份嘅咋)💁‍♀️男朋友讚碗嘅設計好靚好有質感💁‍♂️ 蛋都蒸得好滑 連埋肉燥同蔥好香💁‍♀️💁‍♀️瘋狂牛肉麵黎啦 望見個湯底都覺得好瘋狂💁‍♀️ 麻香同辣都好四川嘅口味 但其實我只係叫咗BB麻 幾辣 但過足口癮💁‍♀️ 牛肉粒連筋位都燉到好稔 豬肝一定要叫 好大塊 吸左少少辣食超爽 鍾意食辣嘅人千祈唔好錯過🙆‍♀️瘋狂燒白面男朋友要左呢個廚師推介 燒白其實就好似東坡肉五花腩咁 真係好似menu寫咁肥而不膩 入口即溶 好好食呀💁‍♂️💁‍♂️💁‍♂️ 湯底落咗小小酸菜 中和左個辣度 男朋友就係話最好面都可以揀硬度 咁就perfect啦💁‍♂️而肥腸係切開沖洗好乾淨 一啲都唔臊 不過入邊嘅肥膏都沖走唔少💁‍♂️ 所以唔會好油 不妨試吓💁‍♂️男朋友嘅小食就要左 燒椒茄子🍆 但出奇地一啲都唔辣喎💁‍♀️ 只係食到好清新嘅茄子味 唔知我味蕾係咪已經被個麵

平時好少食川菜，女友又鍾意食辣，所以今日帶佢嚟今期流行既瘋狂小面。入到去見到木枱，梳化椅，磚牆。以上都係傳統成都餐廳既裝修。之前有一段時間去成都實習，所以係餐廳特別有一種熟悉嘅感覺。餐廳有提供套餐，最貴嗰個包曬小面、飲品、小食同甜品。率先上菜既係瘋狂肥腸面，面嘅份量真係超多，面條偏向稔身。湯底既麻味突出，同時亦嚐到辣同香。估唔到肥腸入口非常爽口，唔會咬極都咬唔開，亦唔會好韌。腸入面亦清理得非常乾淨。女友叫咗擔擔面。同一般擔擔面不同之處左於冇咗芝麻香味，但同時突顯四川風味-麻同辣。入面有大量肉碎同花生。不過擔擔面叫既係小麻，但比我BB麻既冇咁麻。蒸蛋屬於少數唔辣既菜式，口感非常滑溜，頂上加左肉碎同蔥花令味道更香。棒棒雞浸係麻辣湯度，味道果然夠麻。另外肉質嫩滑。成都老冰粉入面既配料比我係成都食既冰粉無咁豐富，但一樣清甜。加左花生、提子乾令口感更豐富。上年去成都見好多當地人都食缽缽雞，但自己都唔敢食因為成都大多數啲竹籤都係重用。不過臨走前問職員，佢地話唔會重用，所以下次嚟可以放心食。今次食左BB辣，下次可以食辣啲，挑戰小辣。

朋友係中環返工話最近見到間好特別既麵館，於是我地就去試下🤔入到去個裝修好特別，好有上深圳食麻辣野個d小店feel😲真係有辣野食，最衰今日有少少喉嚨痛，唔係可以試下佢既辣有幾正😭 不過小食都係忍唔住叫咗個棒棒雞食，佢個辣好正係慢慢出黎🙈 個朋友一開始仲話唔辣，點知食食下咀都紅埋😂 再叫個蒸蛋試下因爲見佢係限量🤔 點解蒸蛋都可以係限量？！因為佢真係好滑，可以滑到好似飲野咁就咁呑落肚🤣我叫咗碗白湯牛肉麵，另加鹵蛋同牛肚☺️ 牛肉同牛肚都好腍，連平時唔中意食牛肚既朋友都係咁偷食我d牛肚😤 下次真係要再黎試下紅湯先得朋友叫咗酸菜豬肚面，個酸菜好好食好開胃，搞到佢食食下都要再另加多一份酸菜😆估唔到中環都有呢款麵店，中環返工既朋友又多一個選擇啦👍🏻

呢間餐廳好多人食，而且室內設計都好有中國特色佢有套餐價，$78、$88、$98 不同的配套我就叫左$98酸辣粉、升級飲品&小食、甜品🔶酸辣粉（一個加牛腩&煎蛋、一個加豬肚）薯粉好煙韌；牛腩細細舊有三舊、肉質好淋；豬肚切到薄薄一片、易入口；煎蛋好有蛋味）點左中辣，都幾辣下，唔食得辣唔好叫咁辣🔶涼拌木耳（不用加錢）少少辣，木耳爽脆，凍凍地，令胃口增加🔶蒸蛋（加$18）蒸蛋都好滑，好有蛋味，加上有少少肉碎咸味適中🔶醪糟粉子（熱）湯甜甜地，粉子好煙靭，值得試下🔶紅棗銀耳湯（凍）有兩粒大大粒紅棗好甜好多肉木耳爽脆，甜甜地好清涼滋潤🔶兩杯飲品各加$10，清甜易入口總括來說，好味會再返來食，不過貴左少少

好多好多人-而且很多在附近上班的內地朋友，估計味道會比較辣跟濃。瘋狂豆雜麵：點左正常辣，加麻。肉燥多，牛肉唔多，有d韌。麵嘅軟硬度ok，麵下麵好多有， 有太油。食完好口渴。涼拌木耳：正正常常，冇特別，少少酸辣鐘水餃：似紅油抄手，望落去啦食落去唔辣，甜甜地，不過餃子質素一般蒸蛋：都係冇乜特別，正常水準成都老冰粉:推介！有提子乾花生，桂花糖水調味，唔係太甜，夠凍，好解辣上菜速度：好快 - 30mins 食完消費：120 per head有D over priced ，用料唔係特別好，同埋好口渴，未必再回頭

香港有林林總總嘅四川餐廳，而真正正宗嘅其實唔多。今次嚟到呢一度晚餐，終於可以再次食到真正四川風味，令我即刻回想起兩年前嘅四川回憶。呢度係價錢係中環來講算係非常平民，裝潢亦都充滿四川特色。初次嚟到，其實每一樣菜式都好想嘗試。朋友叫咗瘋狂牛肉麵加麻，令到湯底香上加香而我就揀咗瘋狂肥腸面，我本身其實對肥腸冇乜好感，呢度嘅肥腸完全冇腥味，同埋比市面上嘅肥腸更嫩滑彈牙！招牌菜-棒棒雞雞肉超級嫩滑，加上大量芝麻，香到不得了。後勁強烈食咗咁多辣野一定要叫返嘢飲佢中和返，雪梨汁加上藍蝴蝶，除咗視覺上加分之外，味道亦都更加清新另外都加左啲小食，青瓜入邊嘅蒜泥極多，感受到廚師嘅刀工絕對非凡。青瓜好爽脆極度推介！超滑身再加埋肉燥，令我忍唔住即刻追加多一份原本以為賣相比較乾身，但係一沾上辣粉，成件事即刻唔同晒解辣精選唔會太甜，加埋花生好有誠意啊！總括來講，香港人可能未必習慣川菜嘅油膩，而油其實先係川菜最重要嘅一環。

瘋狂小面晚上同朋友2個女仔去呢間店食四川菜我地叫既食物如店名一樣咁瘋狂(如圖)介紹下D食物有幾瘋狂先!•瘋狂牛肉面• 另加魯蛋我係一個牛癲，極度嘗牛！呢個面有一個幾重口味既湯底，同棟起四川果度食係一樣味既！牛肉用左牛𦟌部分，跟埋個湯底一齊食！好麻囉～食上癮～記得攪勻先食，因為會愈食愈辣! 隻魯蛋就不過不失吧！成件事重點係個面，佢係用水面，做水面過程好麻煩，所以香港係好少面舖用水面既！係咩舖用成本自然高，面質要細嘗先會分到特別之處，係的確唔同一般既面，同湯底好夾嫁都～好四川丫！•蒸蛋•呢個蒸蛋就不得了！滑到你欲罷不能～唔係講笑...個蒸蛋上面仲有一堆仔既肉醬，少少麻咁啦！愈以為佢無驚喜，佢就愈有驚喜！•凍冰粉•本身見佢奇貌不揚唔多想試，但3款甜品之中只有佢係凍既，咁無計啦！硬食～點知～～～佢又勁好食！最最最重要係佢係用黎解辣既，佢會起你一落完單就上俾你，所以唔好投訴佢上甜品上得咁快喇！•瘋狂大腸面•湯底就已經介紹左！講下佢條大腸啦！好好食啊～原來四川人食大腸係會走腸入面既肥膏，所以呢度既大腸係無膏既，岩哂我心意！如果你都怕果Pat野的話，呢個面你走唔甩，必叫！呢間店仲有其他四川小食既，一

收工後決定約埋朋友一齊試下呢間來自中國既大型連鎖四川菜 瘋狂小面🍜餐廳位於中環商廈一樓，裝修特別，融入了中國風味係網上見到好多人叫缽缽雞，於是我地都叫左個兩人份量黎試下，係由30串肉同30串素蔬所組成，選配了藤椒湯，辣度選了小辣。店員說正宗食法其實是配凍湯，但亦可以選擇加熱，由於天氣凍 我們選擇了暖湯🍵湯底係由豬骨同雞骨每天新鮮熬製數小時，所以味道十足！每款食物都有兩串，好貼心。廚房特意把食材薄切，讓食物吸收湯底精華，每口都是麻辣香，吃個不停，而且辣度適合我呢個唔食得辣既人另外叫左個瘋狂套餐，選了干撈麵類中的: 瘋狂豌雜麵🍜另加了大排，牛肚和滷蛋🥚干撈麵條口感煙韌，配上蔥花 芫荽 花生，好惹味！又讓人吃個不停小食揀左蒸蛋🍳非常嫩滑飲品則選了雪梨菊花茶，清甜潤喉的雪梨菊花，不會太甜，好好飲為美味的晚飯畫上完美句號平時返工中午都會再黎食

其實我一向都是無辣不歡的「辣妹」很喜歡吃川菜。本以為在中環吃川菜會很貴，但原本中環都有些川菜價格合宜，味道又好重要的是－有誠意一到餐廳門口已經很impressed中國風的感覺。好像去了一趟成都以麵類為主食，可選不同的套餐組合，不過價格都挺合宜，愛吃辣的中環OL有福了雖然說起川菜總會聯到辣，不過這裡照顧了不吃辣的人，湯麵類分了紅湯白湯。白湯都同樣滋味，湯底濃郁，每條麵都吸收了湯底精華，好入味點了少辣，好香麻辣味道很合我的口味呢。滿滿的麻辣汁加上了碎肉，令蒸蛋不單調去了一趟成都