Burger Joys (君悅居)

營業中

休息中

這間漢堡店位於灣仔酒吧林立的一條街道上，連裝修都很像酒吧，如果不看看招牌，差點就會錯過美味。先來個小吃開胃一下，芝士醬是分開上的，不會令炸雞變淋，除了芝士醬，炸雞本身已經有足夠調味，皮脆肉嫩，份量都不少。到了萬眾期待的漢堡包🍔🤩漢堡的麵包皮很鬆軟，裏面是烘過的，還有牛油的香氣😋餡料方面，有生蕃茄、生菜、酸青瓜、牛肉漢堡扒、芝士等經典的漢堡餡料。芝士溶化與牛肉漢堡結合。加$42配了套餐，有不同的薯條口味可選，我們選了奇律辣粉，加$12，配薯條很夾，停不了口。還可以選蒜蓉、芝士味的，亦可以轉蕃薯條，而黑松露味就要加$22。套餐還有飲品，我們選了無糖可樂。蒜香雞翼甜甜的，上面加了許多炸蒜，非常絕配。雞翼吃得出是焗過的，肉質嫩滑不會乾柴。

出到灣仔，朋友說很懷念burger joy的漢堡，所以我們特意來這裡重恰味道！這裡像酒吧般，坐在高枱上吃着喝着傾下計，都幾舒服！我們點了一個套餐share食，加了雞翼和薯條，再啤一啤！🔹芝士牛肉漢堡：首先講個包包，外有少少脆，內又鬆軟，即叫即做，牛肉都算厚仲好juicy，配溶溶地芝士，加了生菜，蕃咖，洋蔥更豐富好味🤤🔹蒜香雞翼：蒜香和蜜糖的味道，外層脆卜卜甜甜的蜜糖，又香又好好味👍🏻🔹甜薯薯條：炸甜薯，食得健康少少，而且我喜歡甜薯，比較好味！

情人節又遇著年初三有假放，要諗埋午餐去同女朋友食咩。記得有同事介紹過呢間漢堡包店係香港數一數二好食，於是決定同女朋友嚟食返個情人節午餐。我地叫咗兩個餐，我就梗係叫個招牌菜signature double cheese burger；女朋友就要mushroom cheese burger，兩個包都份量十足。我嗰個包嘅配料洋蔥同番茄都新鮮多汁爽脆，而牛肉都好多肉汁，反而我自己覺得可以唔使好多芝士，但當然鍾意芝士嘅朋友們可以更加enjoy啦！個蘑菇包嘅蘑菇都好似個漢堡扒咁整成一個餅狀，但食落就完全唔膩。跟餐雖然有跟薯條同飲品，但既然情人節慶祝梗要side back多份兩份小食：蒜香雞翼同埋美式炸雞。雞翼嘅辣醬有啲甜甜地，應該係泰式辣醬，個皮都炸得幾香。個炸雞係有啲似嗰啲雞寶/雞粒，有車打芝士醬點，都幾惹味。講返佢跟餐嘅薯條，我地其中一份叫咗黑松露薯條，一份原味。黑松露嘅醬份量好夠，可以話係重口味嘅黑松露。食完飲煎炸嘢，飲返啖汽水真係好正架。但係齋飲汽水係唔能夠滿足貪婪嘅我。加返個雪糕做黑牛就差唔多。呢度嘅黑牛雖然唔係用我鍾意嘅朱古力雪糕而係用雲呢拿，但佢又係份量好多，而且佢係落咗雪糕先畀汽水

情人節唔食大餐，食burger一樣甘開心。特色雙層芝士牛肉漢堡食肉獸必選，除咗有兩塊又厚又結實既漢堡扒之外，仲有紫洋蔥、番茄、酸瓜、芝士、生菜，超多層。雜菌蘑菇芝士漢堡我好鍾意呢度既麵包好軟熟。雜菌蘑菇炸到好似食緊肉甘，一啲都唔似食緊素食漢堡包。加41可以跟餐要薯條加汽水，另一個餐我地再加$21要黑松露薯條。薯條即炸就係好食，黑松露落得好多所以好夠味。美式炸雞配車打芝士醬炸雞好食，調味好惹味，外皮卜卜脆，正。蒜香雞翼雞翼亦都好食，有蒜味之餘，仲有我鍾意既泰式辣醬。加$21要黑牛雪糕特飲同我想像中唔同，原來係一杯超多份量既雲尼拿雪糕，額外俾罐可樂你自己斟。加$31要曲奇奶昔好好飲但超級邪惡，入口順滑，唔會好甜，連啲cream都好滑。

聽過burger joys很久了，但一直都沒機會去。前排和朋友在灣仔行完街，見到呢間好chill嘅burger joys，就去食下！餐廳內全是高枱設計，感覺好chill。而且這裡的burger，絕對值得一試，因為製作都頗用心的！🍔雞肉漢堡：配料十足的burger，大大塊蕃茄+菜etc配上煎得好香、肉質好嫩同大大塊嘅雞扒，還有好濃嘅cheese香味，一口咬落去真係好滿足。🍔魚柳漢堡：朋友點的魚柳漢堡同樣大大塊魚柳，而且魚肉嫩，餐廳還幫她把漢堡cut開了，更方便食。🍟薯條：這裡的薯條一點也不會感覺很油膩，而且可以看到薯仔皮的。朋友問我，你喜歡吃粗還是幼的薯條？我答，有薯仔皮的薯條就是perfect！🌟蒜香雞翼: 如果我是來睇波，一定會點多些雞翼！雞翼調味得好惹味，皮脆之餘還有甜酸醬的味道。有機會要再來吃其他高質burger，再次感受吃burger的快樂

最近看報道介紹此乃你講第一漢堡包店，剛好到附近處理事務，決定買一份外賣一探究竟限聚令使小店不能容納太多食客，大部分人都是外賣自取特色雙層芝士牛肉漢煲不愧為招牌菜！漢堡扒為每日手切100%美國農業部黑安格斯牛肉！份量十足的漢堡扒與芝士完美融合！還可配合不吃蔬菜人仕走蕃茄、生菜及紅洋蔥加$41可變套餐配薯條及汽水！再加$11升級為奇津辣粉薯條！幼身薯條炸得香脆，配上濃味的辣粉十分惹味小吃蒜香雞翼用了泰式雞醬和炸蒜，皮脆肉滑，味道一流原來逢星期四五點後每隻雞翼只需$3！晚一點要再來加追

週二晚收咗工，喺灣仔同酒友歡樂暢飲兩個鐘頭後就決定喺附近覓食醫肚。由酒吧行出去一直行，見到小店「Burger Joys」有位就入咗去繼續找尋歡樂的味道。快餐店四周掛滿聖誕裝飾，節日氣氛濃烈。外籍經理Steve哥哥談笑風生，見細佬好奇牆上嘅「Hot Wings Challenge」雞翼龍虎榜咩來頭，佢仲好幽默地介紹店子逢星期四嘅雞翼單售三蚊，榜上嘅人全部都係週四晚喺三分鐘內食得最多辣辣雞翼嘅高手，而佢自己玩咗三次亦頂多只能以二十二隻攞到個第五名。埋位先點咗兩杯「生力生啤」，$39以過咗歡樂時光黎講絕對唔貴。四頁彩圖餐牌中英對照，簡單易明。芝士牛肉漢堡（$109）：Steve哥哥非常好人，得悉二人有意分享漢堡，落單時自動提出幫忙一開為二，細心得很！人氣芝士牛肉漢堡層次分明，咬落中間嘅生菜芝士牛肉餡心爽脆多汁，底面兩層麵包更加係鬆軟甜美，明顯唔止普通漢堡咁簡單！原來廚房用上法國麵包brioche作漢堡包，而且造法同市面上嘅有所不同，不過人家嘅商業秘密就不便透露啦。蒜香雞翼（$59/六隻；$99/十二隻）：熱辣辣嘅雞翼皮脆肉嫩，少辣嘅蒜香調味惹味討好。薯堡（$39）：香港好少有得食嘅薯堡粒粒香

曲奇奶昔Cookies and Cream Milkshake $58特色雙層芝士牛肉漢堡Signature Double Cheese Burger $138蒜香雞翼Crispy Garlic Wings $58/ 6pcs..餐廳裝修富有酒吧嘅格局🍻，高枱、較暗而又有氣氛嘅環境、流行嘅英文歌...餐廳主要都係賣漢堡🍔、薯條🍟雞翼等小食及酒類🥃🍷🥂🥂！..漢堡包🍔真係好大個！ 亦都非常鬆軟！中間夾住果兩塊手打牛肉🐮好香好惹味，雖然唔係好厚身，但係肉質鮮嫩，每咬一啖都feel到肉汁滿瀉！💦洋蔥🌰生菜🥗蕃茄🍅都係一貫嘅新鮮，再加上半溶嘅芝士🧀簡直係錦上添花🌸..雞翼🐥熱辣辣炸起，雞皮炸得好脆！非常可口，不過我覺得香蒜汁多咗少少，擺得耐左好易令到雞皮淋晒..奶昔好creamy😋加上oreo嘅曲奇，香滑得黎又有一粒粒脆卜卜嘅曲奇口感！食完濃味嘅漢堡，甜甜地嘅milkshake係一個好好中和嘅選擇！簡直令人一試愛上😍

呢排真係食burger食上癮，所以我又周圍睇吓有冇特別嘅漢堡試下，而今次就揀咗間喺灣仔一間酒吧形式嘅漢堡餐廳"burger joys"唔抬頭望一吓真係會以為係酒吧！打開餐牌主要分兩大類食物一個係小食有炸薯條薯寶雞翼之類...另外就係burger小食一啲都唔貴，講緊咁大兜薯寶都係三十零蚊。炸到脆卜卜又唔會落好多鹽。再叫多咗一個蒜香雞翼雞翼上面有一啲炸熟咗嘅蒜蓉,蒜蓉下就加咗一啲泰式嘅雞汁！野味程度簡直可以飲多支啤酒到咗主角出場雞扒漢包用咗牛油包食落口感軟熟, 加埋新鮮嘅生菜/蕃茄/芝士本身都好多材料不過我咁貪心就緊係要加多入芝士再加隻煎蛋先夠開心啦！ 唔記得咗講原味嘅漢堡包都可以因應口味上嘅需要可以加唔同嘅材料上去

除左快餐店既漢堡包之外，我好鍾意定期去搵唔同漢堡店，食下唔同款既漢堡🙈👁‍🗨 魚柳漢堡（7.5/10）💲88見人地話呢度既魚柳漢堡幾好味，所以一於揀左個魚柳漢堡🍔🐟離試，第一啖咬落去，就已經明白點解人地會話呢個魚柳漢堡好味🤤原因係因為就算我地放左個漢堡包係度一段時間先食，佢果塊魚柳都仲係好脆，完全吾乾，魚肉亦都冇雪藏味，配埋fresh fresh 既蕃茄生菜🍅確係吾錯😎👁‍🗨 牛肉漢堡（7/10）+ 套餐（6.5/10）💲98 + 30食burger都係離吾開牛肉漢堡🍔包入面同樣都有紫洋蔥，蕃茄，生菜等等既配料，整體離講係吾差，不過個牛肉漢堡就稍為乾左少少，相比起魚柳漢堡，較為遜色😳好在呢度既漢堡包係採用較為軟身既麵包，牛肉漢堡既厚度亦都適中，就算食食下開始膩都仲可以清哂一個🤓嘴細既，又吾洗擔心個口吾夠大好難咬個包😂如果想食薯條又或者想飲番杯汽水既朋友，可以考慮下叫combo，regular fries加汽水只係$30，比起單點薯條同汽水，確係平好多🙃不過個人就覺得佢既薯條好一般，份量多，但係就好似翻炸左好多次咁太過乾🙁所以如果大家想叫套餐既話，可以試下叫其他小食，例如薯堡同洋蔥圈，可

晨早起床清新開朗.起左身星期天又唔想飲茶又約左一班人去CWB睇戲時間又未到朋友話不如食下西式野入去BURGER  JOYS食下叫左以下幾樣野雜菌蘑菇芝士漢堡(素食),芝士牛肉漢堡,蒜香雞翼,黑松露薯條雜菌蘑菇芝士漢堡(素食)--食落好清新,又唔油膩,唔好以為素食好寡..配合醬汁都絕對可以叫做美食芝士牛肉漢堡-牛味濃,配合醬汁真係正到喊蒜香雞翼--香口入味..連埋D汁好夾黑松露薯條--一上台已經聞到好香既黑松露味,第一次咁既配合既薯條,確係特別唔錯

上星期約左朋友陪我食靚lunch，行經灣仔揾食時忽然落大雨😥我地急步揾地方避雨既時候見到呢間裝修型格走外國風既burger店就決定入試下。入去既時候餐廳都有8成滿，鋪面唔係好大，主要係高櫈pub型格局，仲有兩個大電視。坐底後，睇下餐牌，除左主打既漢堡外仲有沙律薯條雞翼，又有啤酒奶醋都好多元化。朋友唔係好餓，所以我地點了一個雜箘磨菇漢堡，蒜蓉雞翼試下。店內有辣雞翼競食大賽勇士可以挑戰下😈等左一陣店員送上漢堡，店員好細心甘幫忙預先切成2份。餡料都算豐富，磨菇同傳既一片片夾落漢堡度唔同，呢度係打成扒再煎香，所以咬落有粒粒磨菇，咸咸地。但麵包望上去唔係好吸引，口感太軟，同埋有啲感覺餡料既汁令到麵包更淋。蒜香雞翼上枱時有啲驚喜，賣相有啲似泰式雞翼，蒜蓉配酸酸甜甜既泰式醬，唔覺唔覺食多幾隻。雞翼經炸過但內裏都保持到嫩滑，不錯野食份量都大份，餐廳價錢合理，可以一試。

放假出港島做下悠閒一族，行過見到呢間似酒吧既餐廳朋友仔見佢裝修幾特別，好有假日氣氛就話入去試下。餐點主要係牛肉芝士burger或雞肉，，小食都有好多選擇，我地想試多幾樣所以揀左個特別既磨姑burger 。黑松露薯條同蒜香雞翼。 值得一提呢度野飲好多選擇上致酒類下之奶醋都有，非常適合happy hour或gathering 。我既左野莓汁有酸酸地幾開胃。因為星期六所以鋪頭都幾乎滿座，大部分都係外國人同年輕男女，牆身掛住兩個大電視原來夜晚會有足球賽事睇，難怪甘受歡迎。野食好快上齊，薯條超香，勁多黑松露，心心眼。個包塊磨姑打成扒再炸脆，食到粒粒磨姑加埋芝士幾香口，同埋好厚身，包皮鬆軟唔會硬，足料。食食下到雞翼上枱即刻好忙🤣，因為我地2個都好中意食雞翼，好想快啲試下。可能有蒜香炸過下，個皮脆脆地，再加埋酸甜汁，有啲似泰式雞翼，令人可以一次過食幾隻，正。飲飽食醉滿足後埋單都係300蚊有找，係港島區開餐仲要係食西餐加環境呢個價錢性價比高呀。