入座前先到街頭嘅發記海鮮檔買海鮮，再到餐廳加工。拎海鮮到餐廳的時候店員已經幫忙落單，推介不同的海鮮用不同的方法烹調。買海鮮的時候老闆推薦興記的燒鵝十分好味。所以點了例牌。另外海鮮有蒜蓉粉絲蒸蟶子&扇貝，豉椒炒花甲，白灼九節蝦，清蒸石斑仔。再幫襯指數😋😋😋😋海鮮加工得岩岩好，其他小炒都有鑊氣冷氣又充足，店員都好有禮貌👍🏻下次去三聖都會再去興記…Read More
不過為左食好味既海鮮，無計啦我哋先去榮利記選擇海鮮見到啲海鮮好新鮮，跳下跳下咁，二話不說，揀咗元貝，蟶子，瀨尿蝦，奄仔蟹，花甲。海鮮買左大概一千蚊（5人份量）然後個夥計都貼心地幫手拎d海鮮去興記（加工）去到酒家，我地無訂枱，無哂冷氣位，得返户外位。我地肚仔餓唔想等，所以照坐室外。夥計都好貼心幫我地揀左個風扇位！室外擺左好多把大風扇，所以坐室外其實都接受到，唔會話太熱既。然後我地就落單 (加工費係$68/斤)一路傾點煮d海鮮 夥計都有比意見 nice最後我地決定左嗌燒鵝半隻清蒸花甲油鹽焗奄仔蟹蒜蓉粉絲蒸元貝蒜蓉粉絲蒸蟶子椒鹽瀨尿蝦腐乳炒通菜嗌完無耐 好快已經上菜清蒸花甲完全可以帶岀花甲本身既鮮味而且一粒沙都無 
蒜蓉粉絲蒸蟶子火候岩岩好 唔會蒸到d蟶子又老又un加埋大量蒜蓉就十分惹味油鹽焗奄仔蟹喊喊地送飯一流蒜蓉粉絲蒸元貝係呀又係蒜蓉粉絲 因為我成家都好鐘意食味道同蟶子既差唔多 一樣好味粉絲索哂d海鮮味同蒜蓉香味 真係好正燒鵝半隻興記既燒鵝似乎都幾岀名於是我地都唔執輸 嗌半隻試下味道平平 唔算話特別好食都係海鮮吸引d
椒鹽瀨尿蝦超級惹味 但仍能保持到瀨尿蝦本身既鮮甜味而且瀨尿蝦淡淡口 正呀腐乳炒通菜埋單$2000內（海鮮約$1000，加工費連燒鵝約$900）總結，雖然位置比較隔涉，有車代步既話不妨黎三聖村食下海鮮！雖然興記門面平凡，但勝在有內涵，鑊氣夠，價錢公道，絕對比金壁輝煌既酒家更值得去試！…Read More
一睇就知好肥的燒鵝，諗住皮脆肉嫩，第一口食胸就十分失望，肥就十分肥，皮硬唔係脆，肉唔嫩
，髀肉還可以，不過味道唔差，酸梅醬幾好食。又是出名唔一定好。之後都是自買加工的，除了豉椒蟶子比較濃味外，其餘都偏淡味，由其蒜蓉粉絲蒸扇貝。今次海鮮都十分滿意，在碼頭買了$1990海鮮。結帳是9斤加工費加燒鵝$1044，價錢算正常價。服務員都肯換碟，環境有點迫，不過都接受到。入屯門食海鮮，當然是三聖，燒鵝？算啦…Read More
椒鹽鮮魷賣相吸引，惜炸粉極厚極多，啖啖都係粉漿，魷魚偏少；咬下時粉漿與鮮魷完全分崩離折，實為一失敗之作﹗油鹽水紅肉花蛤味清淡而鮮甜，大花蛤有紅邊，樣子有d 似北寄貝，比一般細花甲或蜆夠有肉地及鮮味，底有粉絲索味，不錯﹗馳名燒鵝名不副實，半隻售二百元，係屯門而言絕不便宜﹗送上枱時，小妹第一個反應是：
色澤唔夠金黃香脆喎﹗燒鵝賣相偏黑，一試，皮燒得不算脆，肉汁頗多，但皮下滿佈肥膏；肉質也是偏靭而欠嫩滑，鵝味也不算濃重；肉與骨也較難分離，需費牙力去撕嚼。味道不差，但說不上頂級﹗羅漢齋豆腐材料有菜心、木耳、竹筍、蘑菇、芽菜及炸豆腐卜，惜豆腐卜欠缺豆腐的清香味，以太白粉水勾芡，味道清淡。咕嚕雞球味道欠佳﹗雞球炸得不夠脆，偏淋，雞球也冇味雞味；醬汁唔夠味，不甜不酸，失敗﹗腐乳通菜味道OK，加左少少紅椒絲，有點辣；腐乳份量偏少，通菜夠嫩滑，冇咩渣滓。蒜蓉粉絲蒸扇貝煮法簡單，只要材料夠新鮮，豈會有難吃之理呢？碩大扇貝上灑上蒜蓉粒，再鋪點粉絲，慢火蒸，蒜蓉味就滲入扇貝中，最後再灑上蔥粒點綴，再淋上豉油，味道香濃之餘，也不會掩蓋扇貝本身的鮮味。扇貝肉厚，不過，可能由於較大隻，故扇貝肉質過老過韌過嚡。粉絲往往好吃過扇貝，它借了扇貝的鮮、蒜茸的香、豉油的鹹，絲絲縷縷纏繞不清的，確是美味﹗…Read More
興記為一般「冬菇亭」改建而成，除了見慣的大牌檔位置，還特設空調「雅座」。而小店為了應付慕三聖海鮮街之名而來的客人，在狹窄的通道兩旁位置也擺設桌椅，環境較係擠迫，而出入要小心之餘，不熟地頭者更可能會迷路哩。 甫坐下，我們把預購的海鮮交由店員處理，而因做慣來料加工的關係，店員不用半分鐘便提出不同海鮮的烹調方法，非常熟練。最後我們再加個馳名燒鵝和幾道小菜，便成了今晚的即興海鮮局。
蒜蓉粉絲蒸扇貝：巨型扇貝以最普通的蒜蓉粉絲蒸，蒜蓉味略略滲入扇貝中，味道香濃之餘，也不會掩蓋扇貝本身鮮味；而清蒸的火候掌握得好，不會過老過韌，加上扇貝有近豉油碟般大，故除了味道好，口感也極佳，當然食材新鮮佔了很重要的一環吧。 椒鹽瀨尿蝦皇：同屬巨型的瀨尿蝦皇以椒鹽處理，再切成頭尾二段。椒鹽味沒有想像中段重，但瀨尿蝦本身鮮甜肉厚，加上蝦膏多，鮮味絕不比扇貝遜色，惟吃時要小心被尖刺所傷哩。 
豉椒炒蟶子：撇去貴價的巨型蟶子皇，單以豉椒炒蟶子肉，賣相當然稍遜，但味道卻絕不差。蟶子新鮮，乾淨無沙，濃郁豉椒味道完全滲進蟶子內，惹味得來帶點微辣；加上去殼蟶子特別足秤，一大班人吃極也吃不完，抵食又美味，一流。 油鹽水蝴蝶蚌：資金有限，不可再選海斑肉蟹等高價貨，於海鮮檔見有少吃的蝴蝶蚌，似乎頗新鮮，就來了一斤，以油鹽水煮。蝴蝶蚌與蟶子一樣乾淨無沙，比吃慣的大蜆較肉厚，入口更為鮮甜；油鹽水處理後也變了啖啖海鮮湯，單喝拌飯也可，正！ 馳名燒鵝：馳名燒鵝每隻售三百元，以大牌檔而言絕不便宜，我們來了半隻。上檯賣相甚佳，入口皮不算脆，肉汁較多，但肉質卻不太嫩，而鵝味也不算濃重，味道不差但說不上頂級，以鎮店之名無疑有點名過於實，較為失望吧。 香酥炸大腸：大腸外皮炸得不夠脆，可口不足還有點硬，加上也炸得不夠透，內裡脂肪仍呈膏狀，沒有綿軟口感，反而有點膩，水準之下。 中式肉排：味道和質素與一眾大排檔相近，中規中矩，不見突出，算是為「食肉獸」添點合符口味菜式吧。 蝦乾小炒王：除蝦乾和腰果外，其他食材沒有像坊間般切得細碎，感覺比較怪。而味道亦可能食材較「大件」而難以滲進其中，變得相對淡口，不能像平常作為佐酒小吃般品嘗吧。 砵酒焗桶蠔：桶蠔略作煎炸，但粉漿較厚增添膩感，砵酒味也沒有想像般濃郁，最後薯片變了主角，成了搶手的佐酒小吃哩。 以海鮮來料加工而言，這裡處理很得宜，絕對沒有浪費新鮮的食材；但單點店內其他小菜，水準則較為飄忽，有點顧此失彼的感覺。有聞邨內酒樓質素也不錯，而且價錢不高亦坐得舒適，有機會必要一試，再戰三聖。 …Read More
炸鮮魷 - 唔錯,唔係好多炸粉,食到鮮味豉椒炒蟶子 - 蟶子肉好大件,好好食,眼前一亮豉油皇蝦 - 好大件,唔錯係有鮮味蒜蓉粉絲蒸扇貝 - 扇貝同蒜蓉粉絲好夾,好得西芹炒斑球 - 較為普通一點炒蟹 - 可能唔係好食蟹,所以唔識比較骨腩 - 唔錯,但可能已太飽,所以食得較少其實但海鮮次要,食個氣分為主,希望呢位同事喜歡今餐啦!…Read More
