Owens (砵蘭街)

營業中

休息中

拍拖想食好啲又唔想食太貴， 係太子搵到呢間抵食西餐。店內的裝潢乾淨明亮，款式多選擇，套餐好抵食。♡Set Menu for two $408套餐有餐湯或沙律，一個前菜、兩個主菜、甜品及2杯飲品。前菜揀左蒜蓉&芝士焗生蠔可以每款2隻，一次試曬2種味道， 蠔亦好大隻好juicy, 焗得岩岩好。主菜揀左西班牙海鮮意大利飯&美國安格斯肉眼牛扒。海鮮飯唔會太乾， 適合香港人口味。牛扒揀左5成熟， 份量都算大塊。特別想提一下呢度嘅甜品，一定要試！我地+$38升級左新品“開心果麻糬提拉米蘇”，估唔到三種食材混合埋一齊係咁夾！麻薯有別於一般食開嘅甜品， 餐廳做到一粒粒正方形好似啫喱， 但又有麻薯煙靭嘅口感， 另配開心果tiramisu 嘅細滑， 口感層次豐富。 其他甜品亦都好吸引， 可以今次太飽， 下次會再去試埋其他甜品！

老友安排一起在Owens食午飯，他問我兩點先食有無問題？原來這間餐廳在太子人氣高企，我們時間充裕就唔好和打工仔女爭了。無問題，兩點去到，全院滿座，有客人離開，我們便入座。*餐廳簡潔明亮，服務周到。我和老友都點了午市套餐，價錢合理，由$62-$132，包餐湯或沙律和飲品，追加了前菜和甜品，非常豐富。到3點另一個老友加入，點了cake set。*這餐之後，我明白這餐廳何以能在食肆眾多的砵蘭街取勝了，它的主菜和甜品非常出色，質素媲美酒店，而價錢平得多，極力推薦。*首先龍蝦湯味道濃郁，質感滑稠，很鮮很美，湯中還有不少清甜蟹肉。其實是日餐湯都甜美好飲，但龍蝦湯實在太驚艷，加錢也值得。*前菜的生蠔大隻飽滿，雞翼酸辣惹味，最驚喜是意式白酒煮蜆。蜆肉新鮮清甜，無砂又大隻，白酒醬汁美味香滑，毫無油膩感。*主菜燒羊架有3大件，5成熟剛好，切開粉紅鮮嫩，多汁軟腍。主廚功夫屬酒店級。另一個主菜比目魚同樣煎得皮脆肉嫩，Risotto的奶油和松露香氣撲鼻，口感綿滑飽滿。*甜品來了！想不到一間小小的西餐廳竟然有蛋糕櫃，還自家製作酒店級數的甜品。價錢不但合理，簡直是便宜。🍰伯爵茶麻糬提拉米蘇 ~ 必吃！和普通Tira

哩間Owens長期排長龍，今日早少少walk in，終於可以試試。店鋪裝修得好靚，好似入咗花園咁，晚市提供好多款晚市套餐，兩人套餐最抵食。熱香茅生薑蜜，飲落薑味好濃，成杯飲完好暖身。凍檸檬茶，茶底好香，似錫蘭茶底，唔會好甜，唔錯。今日餐廳係南瓜湯，飲落好creamy。沙律好特別，醬汁落咗wasabi，食落有少少辣。蒜蓉焗生蠔，生蠔有成個巴掌大，蒜蓉比得幾多下，生蠔食落好肥美，好味。海膽汁北海道帶子義大利粉，大大只帶子有3只，意粉煮得啱啱好，海膽汁好鮮甜，搭配埋意粉好味。露絲瑪麗香草燒羊架，揀咗羊架8成熟，切開仲見到少少血水，8成熟都唔會燒得好幹身。羊架處理得唔錯，食落冇膻味，啱曬女仔食。原來晚市套餐甜品都係2人份，Owens牛角窩夫伴雪糕，窩夫即叫即整，送上來仲熱笠笠，搭配埋雲尼拿雪糕，好味。加咗38HKD升級一個甜品為伯爵茶麻薯提拉米蘇，提拉米蘇伴有好Q彈啲麻薯，口感都幾特別。提拉米蘇唔會好甜，食落好smooth，唔錯。成份套餐買單唔夠500HKD，包埋餐湯/沙律，嘢飲，主食同甜品，質素仲好高TIM，難怪長期排長龍啦！

//< Owens >小編有日去太子，發現好多以前食過幾cafe都結業了🥺 呢間超近地鐵站，見到好評滿🈵️仲要連weekends都有set🥳 CP值很高呢！當日小編2點去到，大概等左1hr～～————————————- 是日餐湯/沙律 -當日係番茄🍅忌廉湯，都幾Creamy😀沙律🥗既菜好清新，配上酸酸甜甜既沙律醬～————————————- 海膽汁北海道帶子意粉 $88 -海膽汁幾香濃但不漿口，無腥味😆帶子煎得香口剛好～ 意粉🍝不會過淋，好食😋————————————- 泰式醬燒原隻魷魚一夜干 $98 -好少見到有魷魚一夜干食🤤魷魚一啲都唔韌，好嫩好好食😋跟餐薯條亦炸得香脆可口🥰 個人認為配既醬汁如果酸d仲正🤪————————————- 水牛城雞翼 4隻 +$38 -呢個價錢其實幾抵食！雞翼大大隻煎得好香口，水牛城汁亦都好惹味😝————————————- 蒜蓉焗生蠔（2隻） +$38 -蠔肉🦪焗完都仲飽滿，唔腥幾鮮同juicy～ 上面既蒜蓉份量極多，好正😏————————————- 伯爵茶麻糬提拉米蘇 +$48 -份量幾大，為咗麻糬而叫伯爵茶味～ 個人會鍾意普通提拉米蘇多

臨近大時大節 梗係想同摯愛好友食餐豐富嘅大餐😙 今日就嚟同我最好嘅朋友嚟咗一出太子站就到嘅呢間波希米亞風嘅cafe食晚飯 叫咗個好豐富嘅二人餐😉前菜沙律或是日餐湯 我哋兩款都想試 所以每人揀咗一樣 沙律幾新鮮 加上胡麻醬做配搭🥗 今日嘅餐湯係南瓜湯 都幾Creamy🎃蒜蓉焗生蠔 呢個小食有成四隻咁多 蠔本身都幾大隻 幾厚肉🦪 面頭嘅蒜蓉好多 我本身比較鍾意食燶啲 所以覺得可以再焗得耐少少😛龍蝦汁虎蝦意大利飯個人幾鍾意佢個龍蝦汁 因為唔似坊間一啲餐廳嘅味道咁人工😂 同埋呢個意大利飯唔會太硬 完全唔擔心消化唔到蝦肉彈牙 仲有蝦膏㗎😙 整體味道又唔會太鹹 幾好美國安格斯肉眼牛扒我哋揀咗五成熟 所以切開都好粉嫩 咬落唔會有筋🐮 特別鍾意食扒邊有少少脂肪黐住嘅部分 牛味更加香濃 側邊都有燒汁同黃芥辣可以點 呢碟仲有焗薯做配菜 焗薯有黑椒做調味都幾易入口🥔Owens 牛角窩夫配雪糕呢個係跟餐嘅甜品 牛角窩夫好脆口 但係都食到牛角包嘅鬆化層次 牛角包上面有朱古力醬🍫 配埋雪糕同旁邊嘅脆脆一次過食 唔會過膩 口感仲好豐富🥐Tiramisu唔想要跟餐嘅甜品就可以加錢升級另外嘅甜品選擇 我哋就將其中一份甜

近排每逢周中，老婆都要返學，所以，就約啲朋友出嚟食吓飯，但今次就專登等埋佢放學，同佢食餐好嘢，因為，早前晌IG睇到呢一家波希米亞風嘅餐廳，裝修好，食物嘅風評亦好唔錯，故此，先帶佢一試。 餐廳嘅位置好方便，一出地鐵唔使一分鐘就行到去，加上門面亮麗，一眼就認到。唔喺講笑，等埋老婆放學都成8:30pm，呢個鐘數都9乘幾滿，好在我哋得兩個，唔使等，如果多一個都需要等張4人枱。 餐廳嘅環境確喺幾特別，雖然，唔喺好知點為止喺波希米亞風，但感覺好舒服，一室以白色為主調，襯以一牆植物畫作，加入別緻嘅吊燈同牆燈，感覺清新，小弟就覺得好有文青風。 自主啲，就梗喺晌散點餐牌落手啦，所以，先貼出嚟俾大家參考吓。選擇非常多，由沙律、湯品、頭盤、主食至甜品，都一應俱全。 當然，飲品款式亦多，基本嘅茶啡檸水就梗架啦，仲有唔同嘅特色咖啡、乳酪系列、朱古力系列、梳打系列、奶昔系列，實在選擇多多，又唔簡單。 想慳啲，又唔想太煩，就一於揀套餐啦，一人套餐就隨餐包是日餐湯/沙律及飲品，而定價視乎所揀嘅主菜，由$102-$228，更有好多追加、升級優惠，彈性非常之大。 此外，仲有一款二人套餐，其實都好抵，$408而已，已包是日

呢個係晚市套餐 $408 (未計升級產品)：.Starter：🦪蒜蓉焗生蠔 4隻Main：🥩露絲瑪莉香草燒羊架推薦👍🏻 香羊味，燒得好Juicy，而且油脂分布都幾豐富😂 邪惡但好滿足🍛 紅酒汁燴牛胸腹肉意大利飯因為知佢新開張，一路同朋友討論其實佢哋咁樣做會唔會蝕本😂 因為好足料，佢啲牛空腹肉好Juicy，飯都粒粒分明.另外到「正餐」啦😍🎂自家製蛋糕_焙茶卷蛋正常，但有特色嘅係有埋麻薯🎂心太軟比較少食心太軟😂 但又冇人堅持一定要一啖雪糕一啖心太軟😂 呢個流出流質流好誇張，我諗焗多幾分鐘會好啲.重點Waitress禮貌好好，而且都有打卡位👍🏻

距離太子站只需幾分鐘，好方便。建議晚市去要訂枱，因為都幾爆場。人均約 $250，已經可以有湯/沙律、小食、主菜、飲品同甜品。甜品仲要係全自家製，唔係啲叫貨死甜既蛋糕。整體食物質素都唔失禮，係慶祝、約會既好地方。🔸紅酒汁配燴牛胸腹肉意大利飯 $112足料! 牛胸腹肉份量多，切到正正方方，容易入口。每粒意大利飯都被紅酒汁包著，入口偏軟身，加入香菇、洋蒽等香料煮，夠入味。🔸香草燒羊架 $198 !!推薦!!上枱已聞到羊肉香，Rosemary可以辟走過多羊羶味，但中意羶味既，仍可以係咀嚼開後嘗到羊羶，恰到好處。簡左七成熟，切開肉質呈粉紅色，剛剛好，冇過多血水流出。薄荷醬配羊肉一流，酸酸地既薄荷醬係畫龍點睛，令整體味道更完整豐富，可惜份量少，唔夠點晒三塊羊塊。值得一讚用心製作既配菜，薯仔開邊，兩邊都煎焗過，食落外層微脆。🔸蒜蓉焗生蠔 (跟餐加 $38)可以簡用蒜蓉/芝士焗。比起芝士，個人覺得蒜香更可以吊出生蠔既鮮味，面頭鋪滿蒜蓉，一下就滑左入口，好滿足。🔸朱古力心太軟伴雪糕 (跟餐加 $28) !!推薦!!心太軟流心係基本。值得一讚，外層同流心比例一流，焗到外層薄脆，入面超多流心醬，入口濃稠，但