7E咖喱王

營業中

休息中

旅行前要唱錢，順便想行吓尖沙咀，周末就過去咗重慶大廈附近。唱錢之後到食飯時間，見到網上話7E咖哩王好食，就上去試試。原來入面有A, B, C, D, E等好多座，唔小心好易搵錯。入面侍應招呼好好，我哋唔明菜式，佢耐心講解入面嘅食材。最後我哋叫咗魚，雞飯，咖喱角，蒜香薄餅，同芒果乳酸。芒果乳酸最快嚟到，芒果味濃，喺餐前飲酸酸的，食欲大增。依個應是素咖喱角，脆口，汁料香濃。馬德里魚有椰香，色香味俱全魚同汁去配蒜香薄餅好夾，蒜香naan值得推介，兩個人食咗三件唔夠喉🤣同埋佢啲香濃嘅咖喱汁剩低嘅時候，真係想嗌多一份😣 不過之後其他野食到我哋好飽下次有機會多啲人嚟食就會再點唔同味道嘅naan印度雞飯較辣，飯粒乾身，雞件入味，好正宗，配合芒果乳酸，消一消辣，都幾夾。今次經驗令我對重慶大廈了解左啲啲，下次都會想約多幾個朋友一齊再過嚟幫襯

為外遊做足準備，去重慶大廈唱完錢，唔想諗食咩，不如直接上去食咖哩啦。重慶大廈門口及大堂有不少人派傳單，食咖哩食咖喱食咖哩同食咖哩ge。最後揀咗食7E咖喱王，然後會有人帶你去lift口搭lift，上到7樓轉左就見到㗎啦。睇吓Menu食乜先，咖喱雞牛羊豬海鮮都有。朋友唔食羊，我近排濕疹發作唔敢食海鮮，於是揀咗雞為主。我哋最後揀咗印度咖喱角（薯蓉） （ $39 ），原汁咖喱雞（ $83 ），特汁燴薯球（ $66 ），蒜蓉烤餅（ $27 ），香烤雞塊（$106 ），瑪沙拉茶 Masala Tea （ $20 ）。主菜未黎時，會先送上威化胡椒餅及綠色醬。威化胡椒餅脆卜卜，口感薄脆有少少似豬肉紙，淡淡的胡椒香味配上微辣的綠色醬，配搭一流。印度咖喱角（薯蓉）外脆內軟，裏面包滿了咖喱未薯仔蔬菜餡料，外層香脆內裏咖喱味濃郁，真的Yummy! 然後送上原汁咖喱雞及特汁燴薯球配薄餅。特汁燴薯球味道甜甜的， 十分特別，入面有d菠蘿同雜菜越食越開胃，當然唔少得主角薯仔啦，味道出色。蒜蓉烤餅內裏鬆軟，點上特汁燴薯球的醬汁，真惹味！原汁咖喱雞咖喱味濃郁，食得出用心製作，應該是配以多種香料精心烹調而成。怕辣的我起初怕

第一次黎重慶大廈食咖哩，印象好好喎開頭都怕會太重香料太重口味，點知食第一啖，我已經同朋友講我諗我之後會再黎另一款我係叫馬莎拉燴雞，但係唔知係廚房煮錯肉定直頭俾錯左，第一件食係雞之後，其餘都係羊😂我同職員講，佢都忍唔住笑，話要換俾我，但我同朋友都已經食左，而且都已經覺得好飽無換到。如果兩個只可以揀一個，個人會揀另一款多d，因為完全係我好鍾意既咖哩味道，又夠多汁點薄餅好正不過口味好過人，意見只供參考朋友係烤餅怪，我地專登叫原味同蒜蓉味試下，我明白點解咁多人叫蒜蓉味，真係整得好食，好香蒜蓉同芫茜味

老豆鍾意食辣，但又唔鍾意油膩嘢食， 所以對麻辣火鍋,川菜嗰啲興趣不大， 呢日諗起可以帶佢食印度菜， 所以呢日就特意來到重慶大廈7樓呢間好多人推薦過嘅餐廳-7E咖哩王 ( 餐廳名即系地址7樓E室， 包你唔會去錯地點👍😆)一坐低老闆就送上一客威化胡椒餅， 塊餅又薄又香脆， 胡椒味頗突出， 鹹鹹地好開胃😁兩個不太了解印度菜的傻瓜望著餐牌良久仍未能決定吃什麼， 旁邊嘅老闆決定出手， 好好笑容咁行過嚟問我哋有咩特別想食， 我哋就反問有咩推介😆， 佢話既然係咁一於幫我哋叫個前菜, 一個羊肉同雞肉咖哩，加一個薄餅， 額外每人一杯飲品， 聽落就知有幾豐富🍻🙌🙌前菜- 印度咖哩角✨喺我腦海中咖哩角同春卷差唔多， 都係炸脆咗個皮， 裏面包住啲有咖哩醬嘅雜菜絲... 估唔到印度咖哩卷個皮係香脆咁多， 外面餅皮比一般春卷厚實， 但由於新鮮炸好，輕易就能咬開， 外皮亦比我想像中"輕盈"， 一點也不油膩👍外皮冇咩咖哩味本身有啲失望， 原來咖哩嘅精華在餡料之中！ 裏面包住有咖哩香的薯仔和青豆， 完全有內脆內軟嘅效果， 食到裏面熱到冒著煙，又香軟嘅薯仔蓉，好滿足💕💕 老闆仲特意提醒我哋可以點啲薄荷醬食， 估唔到又幾清

今日約咗個好喜歡食咖喱嘅朋友飯聚，理所當然就要食咖喱啦！但係講到喺尖沙咀區有邊間好食，佢就話飛重慶大廈裏面嘅7E咖喱王莫屬雖然朋友嚟過好多次但係佢都係依然要靠企喺重慶大廈樓下的專人帶佢去搭𨋢。講多少少啦，其實只要你喺大廈嘅門口搵到派傳單嘅印度籍先生同佢講想去幫襯，佢就會帶你穿過重慶大廈裏像迷宮一樣的小巷直接去到搭𨋢。不過唔好搞錯喎，記住一定係要7E咖喱王的接應專人先好跟而且接應先生還會給你這張會員卡，用這張會員卡結帳可以免收加一服務費原來店舖是屬於私人會所只招待會員呢友人極力推介這個特式雞，說必定要試試這個菜式屬於微辣，咖喱味不算很重再配上少許的奶油味，非常惹味而且內裏的雞肉雖然不至於很嫩滑，但是口感亦很不錯，是屬於有質感的那一類型，值得一試喔另外我們也點了菠菜芝士。原以為這個會屬於比較清新的類型，但原來有着十分濃厚的芫荽和青椒味，再配合菠菜微爛的口感，雖然是重口味菜式，但卻一點也不討厭而當中的芝士和我們平常在西餐廳吃的不同，芝士味屬於比較清淡，口感亦沒有西餐廳那種芝士的濃稠，有點兒像硬豆腐，配合濃味的菠菜茸吃有另有一番風味另外我們也點了兩個烤餅，其中一個是牛油烤餅。微咸的烤餅外表烤得

成日都聽人講話重慶大廈入面有好多印度餐廳，一直都好想上去試下食正宗既印度咖哩，但又太多餐廳唔知點揀好，聽朋友介紹話食過呢間係E座7樓既餐廳唔錯，就決定去試下啦。雖然餐廳門口寫住只招待會員，但其實walk-in都可以既。一坐低就見到入面都有幾多香港人同遊客食。餐廳格局細細，裝潢唔似平時係街見到既印度餐廳，反而有啲東南亞feel，幾特別。我地叫左最多人叫既印度香料雞，原汁咖哩羊肉，蒜蓉烤餅，芝士薄餅，同埋烤雞加串燒免治牛肉卷。叫完野食就黎左份威化胡椒餅配薄荷醬。將胡椒餅點落薄荷醬到食，一入口首先食到薄荷既香味，之後就會食到胡椒既辣味，好香口，味道好有層次，口感又脆卜卜。咖哩既份量都幾多，用黎點係烤餅上面食啱啱好。朋友同我都係唔食得辣但係又好鐘意食咖哩，所以我地次次食親印度咖哩都會叫少辣，但有時啲餐廳都會無視左我地。今次一樣叫少辣，好驚喜地咖哩又真係無咁辣，但都依然好惹味。聽店員講印度香料雞係最多人叫既，試落又真係覺得唔錯喎。印度香料雞既咖哩比較杰身，味道好香，辣得黎帶點酸甜，有少少似蕃茄味，非常開胃。雞肉好入味，肉質嫩滑，唔會煮得好乾。原汁咖哩羊肉既咖哩比較稀，但味道一樣好濃郁。值得一讚既