鐵板燒雪舟

雖然不是經常吃鐵板燒，但卻對這情有獨鍾 - 坐在吧檯前吃廚師新鮮弄好的食物，互相交流飲食心得，機會真的難得。這間餐廳位於開平道，從時代廣場出發大約10分鐘便到達。雖然不是十分方便，但是仍然可以接受。為美食要是付出代價的！我們一行二人叫了兩份主廚推介套餐。頭盤(⭐⭐⭐⭐💢)沙律菜新鮮而爽口，簡單的配合酸汁已經十分開胃，令人食慾大增。旁邊的炸物剛剛炸好的，吃起來香口。茶碗蒸(⭐⭐⭐⭐💢)真的想不到連茶碗燒也可以用鐵板的形式加熱。日式蒸蛋十分嫩滑，而且有雞湯味。上面配上特製的洋蔥汁和不同的雜菌，十分特別。大蝦。帶子(⭐⭐⭐⭐⭐)海蝦一向是鐵板燒的經典菜式。師傅純熟的三兩下手勢便把海蝦起肉拆件，光是看這表演便值回票價。味道方面，蝦肉結實彈牙，簡單的配上檸檬汁已經吃得出海蝦的鮮味。日本帆立貝肥大而且肉厚。師父不是煎得太熟，吃起來還有點嫩口，配合他他醬吃起來酸酸的，更能減少油膩感。澳洲高級牛柳(⭐⭐⭐⭐⭐)主菜共有三個選擇，分別是澳洲高級牛柳、美國西冷薄燒、日本黑豚扒。店員推介我們這個澳洲牛柳果然沒有錯。我們叫Medium的熟度，表面剛剛熟，內裏還有點血水。雖然是澳洲出產，但絕對比得上日本和牛。鮮嫩，完全沒有渣，吃起來有點不像吃牛肉。吃的時候可以點一下燒汁，但是個人認為不點才能吃到牛肉的原汁原味。味噌湯(⭐⭐⭐⭐💢)味道濃郁，而且裏面的紫菜還挺多。蒜蓉炒飯(⭐⭐⭐⭐💢)最後吃個炒飯，有點澱粉質才飽肚的。雖然材料簡單，但卻體現出師傅的巧手工藝。他先把一部分飯煎成飯焦，然後再混合其他的材料炒飯。吃起來十分有層次感，而且特別。甜品 (⭐⭐⭐⭐💢)是日甜品是牛奶奶凍，嫩滑而且奶味十分香口。為今天的午餐畫上完美的句號。 總括而言，這間餐廳食物質素高，而且價錢不算太貴。下次有機會也會再來。~~~~~~~~~~~~~~~~~~~~~~~~~ 鐵板燒雪舟 銅鑼灣開平道1號Cubus 8樓推介菜式: 大蝦。帶子 / 澳洲高級牛柳👍🏻食材高級👍🏻地點方便👍🏻價錢合理…查看更多

周末計劃無需多，休閒地吃頓豐盛早午餐作開始方才是生活，鐵板燒未嘗不是一個好主意，而且中午光顧更化算！雪舟佈置得非常日本風，成功營造有質素的形象，我亦喜歡面向窗的安排，陽光透進餐桌，正能量釋放！雪舟午餐有四款肉的選擇，我們二人一豚一牛柳分享。說時遲那時快，薯仔沙律送上，本來其貌不揚，卻又非常喜歡，甜甜地的，正好提升黏黏糯糯的薯仔沙律食味，而且焦脆薯粒添咬口，為遲來的午餐作美好的開始。繼而是茶碗蒸，含海鮮，鮮甜幼滑。廚師桌的始祖之一，鐵板燒本來就是一種表演項目，看著師父切切炒炒，手法俐落，美味的大蝦及帶子已經準備好。大蝦及帶子新鮮本來就是好，沒有需要多說，欣賞的是準備過程及擺盤。澳洲高級牛柳及日本黑豚扒燒至恰到好處，喜歡提味的柚子蒜蓉鼓油汁及香草鹽，確實增分不少。最後有季節炒野菜、蒜蓉炒飯、味增湯的基本組合。咖啡及雪糕作終結。…查看更多

難得星期一放假，所以同老公去銅鑼灣食個高級午餐。餐廳係銅鑼灣利園附近，同一座大廈有數間高級食肆。下次會試一試其他餐廳。我地點左雪舟鐵板燒午餐，食物全部都好新鮮。前菜：南瓜🎃沙律🥗、日式茄子🍆茶碗蒸：非常香滑。只見廚師把冰放上鐵板，然後加蓋。不用10分鐘便蒸好滑溜溜嘅茶碗蒸。煎帶子：帶子非常大隻，煎嘅時候非常乾身，完全沒有出水。廚師話最緊要解凍夠，吸哂d水，火🔥夠大先煎到彈牙唔出水的帶子。帶子大隻之餘仲好有鮮味，外層彈牙爽口，入面剛半生熟，能保持鮮味而不會韌。煎蝦：從來無諗過蝦頭都可以食，蝦頭脆卜卜，蝦肉彈牙可口，拌上廚師即煮的牛油汁。蝦肉的鮮味配上牛油的濃香，口感一流。煎美國🇺🇸高級牛柳：牛柳絕對是重頭戲。雖然份量唔大，但好味o既食物不需太多，太多則膩，而且唔夠矜貴。廚師先煎香兩邊，然後再切開略煎。加埋鹽和醬汁，非常juicy，而且好淋又有牛肉味。米餅蒜蓉炒飯：蝦餅食得多，用飯煎塊米餅真係第一次食。廚師先把飯加上蒜蓉芝麻等調味，然後壓爛壓平，加熱煎成米餅🍘，香脆得黎有點咸香。蒜蓉炒飯粒粒分明，亦都好夠味。不過下次都係點返白飯。因為其他食物好好味，所以唔想被炒飯奪走味道。炒野菜：椰菜蘆筍爽脆鮮甜，份量剛剛好。甜品：食完咸野和熱氣野，食返件焦糖布丁🍮蛋糕🍰，中和濃膩之感，口感清新。呢餐鐵板燒連加一$350，我覺得性價比高。因為食材高質素，而且服務亦十分周到。不過晚餐應該就唔平，如果晚上要慶祝生日或周年紀念，呢間都係一個不錯的選擇。…查看更多

每日的生日忙忙碌碌，你享受嗎？咁可做到忙碌中享受呢？近排的確忙於奔命，並沒有好好享受生活，唯一是在忙碌中抽空吃一頓想吃的飯。今日就在週末中抽一點時間，吃想吃的鐵板燒。一出升降機會便看到介紹飛驒牛的文章和一些證書，當然不少得店名招牌。走進內裏，地方幾大，空間感十足，分為兩邊，一邊是一排圍着長長鐵板燒枱的單人座，而另一邊分了三個獨立空間，每個空間都有一張鐵板枱和設有一張四至六枱。安坐後便馬上看看餐牌，分別有商務午膳、雪舟鐵板燒午餐、日本和牛鐵板燒午餐、牛扒鐵板燒午餐和鐵板燒午餐。除鐵板燒外, 還有其他午餐、刺身壽司和一品料理，都幾多選擇。我今次就揀了雪舟鐵板燒午餐 Sessyu Teppanyaki Set ($318)，主要有七道菜，而主菜就五選一。******************************先上沙律•小鉢 Salad•Seasonal Small Dish，是日沙律為甜薯沙律，清爽的沙律菜 上放了幾件烤過的甜薯，粉綿甜美，亦有咬口 。小鉢是天婦羅菇，炸漿薄而香脆，一點也不油膩；菇 相當爽身，吃時唧些青檸汁，清新一點，簡單的美味。******************************茶碗蒸 Steamed Egg Custard由師傅慢慢在鐵板上蒸弄而成，熱辣辣送到我面前。蒸蛋 上放有爽口日本菇、清甜的甘荀絲 和洋蔥絲，淋上醬汁，用料雖不算豐富，但配搭美味。蒸蛋 蒸弄時間掌握得剛好，極之滑溜，調味亦恰當，伴着甘荀絲 和洋蔥絲，添上清甜的味道，不錯!******************************看着師傅在鐵板上燒帶子•大蝦 Scallop•King Prawn真是考功夫，巧妙地將蝦頭和近蝦頭的部位以近似炸的方式製作，用上不少時間和心機，而另一邊又在燒帶子和蝦身，忙過不停。帶子 表面燒得金黃，帶些焦色，肉厚肥大，彈牙鮮甜，再蘸些酸咪咪的醬汁，美味! 而大蝦 就更討我歡喜，蝦肉極之爽彈，味道鮮味，優質！蝦頭和近蝦頭的部位則香脆得能吃掉，脆卜卜，好滋味!******************************五選一的主菜牛肉佔了兩款，而豬、雞和魚則各佔一款，我當然揀銀鱈魚 Cod Fish。見師傅一開始直接把銀鱈魚放在鐵板上，待一會師傅放上牛油，再弄一會便上碟。銀鱈魚 大小中等，但挺厚身，表面焦黃香口，而潔白的魚肉片片分明，並不散爛，肉質嫩滑，味道甜甜地，調味剛好，不失魚的鮮香，讚! 吃時亦可蘸些香草海鹽，又吃出另一番美味，但還是喜歡不作添加，啖啖教人回味，再來一件可以嗎？ ******************************來到炒野菜 Sautéed Vegetable，師傅三兩下功夫便把它送上我面前，快靚正! 有椰菜、蒜心、豆角 和甘荀 四款材料， 算不上很豐富，但保持鮮嫩爽口，而且不算很油膩，亦不濃味，正合我口味。******************************來到尾聲，是蒜蓉炒飯Fried Garlic Rice出場，送上鐵板飯焦的驚喜。米飯加入日本高菜、芝麻 和炸蒜粒 炒，待一會便見師傅撥出一些米飯，再用力壓平，弄成一塊薄片在鐵板上燒至又薄又脆，再分成數片放上已炒好的飯面上，炒飯也有飯焦片，夠晒特別！飯焦片又薄又脆，並不會像煲仔飯的飯焦那麼硬口，好吃得多!至於米飯 粒粒飽滿，炒得乾身而不油膩，味道不會太濃，皆因炒時並沒有直接淋上醬油，而是將醬油淋上鐵板，再輕輕將飯蘸上，味道剛剛好，巧妙! 再加埋爽口鹹香的高菜、滿有蒜香的炸蒜 和甘香的芝麻，美味得連平時少吃飯的我也忍不住口。******************************味噌湯•漬物 Miso Soup•Pickles同時上枱， 味噌湯 入口暖笠笠，味道合宜，不會太鹹，配上一小碗的漬物，有白蘿蔔、甘荀、椰菜、青瓜 等，口感爽脆，味道酸酸甜甜，挺開胃醒神。******************************最後的自家製甜品•咖啡或茶Homemade Dessert•Coffee or Tea，揀了一杯熱檸茶，以茶配甜品很適合，而酸咪咪亦有助開胃消滯。自家製甜品是焦糖布丁，但跟平時的樣子和口感完全不同。焦糖布丁雪成冰條，入口冰凍，口感如雪糕般，很特別! 滿有蛋奶香，加上面層的焦糖，香甜美味!------------------------------其實這頓飯也很忙碌，忙於欣賞師傅的精湛手藝；忙於拍下精彩的場面；忙於聽聽師傅的介紹；忙於品嚐每道菜式，的確忙過不停，但這種忙碌有別於平日，是能令我忙碌中享受。…查看更多

契妹上週由美國回港過冬，因仍有時差問題，所以就約會小肥契哥週六午聚交收手信。可能太耐冇食亞洲菜，地點就揀去銅鑼灣o既「鐵板燒雪舟」食日式鐵板燒。步出升降機門，即見招牌下有個金魚池，睇黎老闆都應該幾信風水。魚池兩旁擺放有可愛o既飛驒牛及招財貓公仔擺設。接待處寫出店內所用之白米均為新潟米，未食已有信心o既保證。店子樓底高高，燈光柔和，裝潢簡潔雅致。兩口子被安排入座長長o既鐵板燒桌之一角，由於抽氣強勁，用餐後身上並無油煙味，衛生非常。埋位後，溫婉o既姐姐仔先送上熱茶及熱毛巾，體貼周到。席上餐具齊備，最搞笑就係墊上o既招財貓筷子座，懶洋洋得太可愛了！午市餐牌共有七頁之多。XO仔就點咗個「雪舟鉄板燒午餐」，主菜選美國西冷薄燒。點好菜，即交由幽默o既師傅哥哥喺二人面前燒煮午餐。沙律：第一道南瓜沙律意外地一啲都唔嚡口，微甜清新，甚為討好。小鉢：第二味小鉢為色澤鮮橙o既洋蔥粟米天婦羅。天婦羅甜而不溜，個人只係略嫌質感腍咗少少，唔夠香脆。茶碗蒸：原來蒸蛋係喺鐵板上蒸煮架，故上枱時連底碟都辣手過人。以鐵板蒸出o既蒸蛋十分幼嫩滑溜，而且清甜芬芳，輕巧美味。帶子．大蝦：海陸午餐中o既海鮮有兩款，分別為帶子同大蝦，師傅巧妙地喺碟邊淋上弧形調味汁，擺出一個笑哈哈，極富藝術感。碟中o既帶子外脆內嫩，鮮甜無比。蝦隻質感雖則好夠彈牙，不過個人覺得如果可以燒少兩分鐘就會更加爽潤。大廚唔講細佬真係唔知道燒至薄片o既蝦頭都可以食得。蝦頭薄片比薯片更薄，真係脆到連蝦殼都可以吞埋，實在精彩！美國西冷薄燒：餐牌上列明西冷薄燒有三件，為食客方便進食，師傅再一開為二，十分細心。西冷薄燒肉質軟腍，且肉汁豐盛，不用多點粗鹽已夠惹味，！炒野菜：炒野菜清新香脆，毫不油膩，簡單可口。蒜蓉炒飯．味噌湯．漬物：單尾細佬揀咗重口味o既蒜蓉炒飯。望住師傅喺面前炒製，炒時又再一次一開二喎，結果又一次估佢唔到喎。。。除咗有一碗蒜蓉炒飯之外，居然仲搭多塊蒜蓉炒飯！蒜蓉炒飯粒粒飽滿肥美，炒得夠乾身之餘，因混入咗蒜蓉及醃菜碎炒出，香口得黎多咗份脆口。塊蒜蓉炒飯薄片香脆入味，實屬驚喜之作:)！自家製甜品：是日甜品之自家製焦糖牛奶布丁白雪雪、滑嘟嘟，香甜輕巧。最後一杯香濃熱咖啡確真暖胃。飯前先見可愛o既招財貓筷子座，飯後再黎趣致o既奶杯，餐店老闆實在太有心思了！「鐵板燒雪舟」環境高雅衛生，服務稱心，午市海陸鐵板料理新鮮優質，價錢合理，不妨一試。…查看更多

終於完成左公司一個大Project，於是約埋同事去食餐好既慰勞下自己！我們都好鐘意鐵板燒，可以一邊食一邊望著師傅表演，傾下計咁，感覺特別寫意，所以今次揀左公司附近既鐵板燒雪舟。餐廳有幾款套餐選擇，講得係慰勞自己，今日一於食豪啲，揀左商務午膳。套餐包括有季節前菜、刺身、茶碗蒸、法國產鴨肝、南非鮑魚、澳洲和牛胸內膜、炒野菜、蒜蓉炒飯、味噌湯、甜品、飲品等等，非常豐富！　好可愛既筷子座季節前菜刺身刺身有三文魚和油甘魚，兩款同樣新鮮，油甘魚入口回甘，唔錯！茶碗蒸用鐵板蒸出來既蒸蛋真係第一次食，估唔到可以整到同蒸蘆既一樣，整得超滑！蒸蛋上放左啲菇，菇既汁在蒸既過程中同蛋溶合，超好味！法國產鵝肝口感creamy，咬落去軟綿綿咁，外脆內軟，配埋香桃一齊食，感覺更fresh！南非鮑魚鮑魚鮮甜富鮮味，口感爽口彈牙，配埋師傅煮既汁好好味！澳洲和牛胸內膜牛肉味明顯地比普通的濃郁好多，肉質鮮嫩，入口即溶，軟綿綿咁，十分美味炒野菜食左咁多肉，係時候食返啲菜中和下蒜蓉炒飯賣相好特別，尤其係果塊米餅，又香又脆廚師將部份既飯壓碎而成，真係大開張界！炒飯內有紫菜、芝麻同埋酸菜粒，簡簡單單既一個炒飯，但食落幾惹味！甜品最後以美味既凍餅做結尾，好滿足！P.S. 餐廳環境氣氛都好好，廚師亦會關心客人，會問客人意見，所以我鐘意食鐵板燒，可以一邊食野，一邊傾計，又可以望住廚師表演…查看更多

喺銅鑼灣利園商場呢邊行左陣覺得肚餓, 就過左對面開平道1號呢棟Cubus, 友人想食肉, 就揀左8樓呢間鐵板燒雪舟有多款午餐set 比你揀, 有平有貴睇你自己budget好cute 既筷子座😻😻南瓜蓉個午餐包左既南瓜蓉, 冷盤黎講算唔錯, 凍凍地甜甜地啱晒夏天食😋刺身友人點果個餐就有刺身兩款, 三文魚&油甘魚, 都係新鮮既, 預期之內👍呢個脆脆入面係洋蔥同埋南瓜粟米粒, 新鮮炸起好香口茶碗蒸茶碗蒸個蛋好香好滑, 不過就要小心唔好燙親咀🙈帶子&大蝦師傅終於開爐預熱個鐵板, 第一樣燒既係呢個帶子&大蝦, 喺你面前即煎即上即食, 感覺親切😂而且可以同師傅交流意見美國高級牛柳 - $318主角黎喇, 5成熟既牛柳, 師傅拎出黎果陣已經完全解凍, 所以燒既時候絕對係keep 到d 肉汁喺入面, 一口一粒, 配幾粒鹽黎食已經足夠👍澳洲和牛胸內膜 - $338友人點呢款胸內膜, 都係5成熟, 牛既香濃味道明顯比牛柳更濃更香牛味, 不過有d 人反而唔鍾意咁重味架嘛😂滑度都係胸內膜比較滑👍炒野菜食完咁多肉, 係時候食番d 菜中和下😂可能頭先燒完牛肉, 炒野菜都有d 牛肉味😂蒜蓉炒飯個炒飯師傅做得好有心思, 特登留番d 飯喺個板度壓平掃開, 就變左插喺飯頂果塊燒米餅👍👍飯香好濃而且脆口唔油膩🤤…查看更多

一向是日本通的我對日本菜情有獨鍾。無論是壽司、刺身、吉列定食或牛肉鍋，無一不是我的最愛。今次便趁著過年收到很多利是錢，特意來這間高級日本鐵板燒，豪一豪吃一頓好的。這間餐廳位於開平道，從時代廣場出發大約10分鐘便到達。雖然不是十分方便，但是仍然可以接受。為美食要是付出代價的！餐廳是位於8樓，大約可以容納30客人。而且餐廳的佈局十分有心思，基本上每個位置的客人前面也有鐵板，方便大廚在他們前面炮製食物。由於剛剛過了年，荷包腫脹，我們便叫了豪華商務午餐好好享受！1) 季節前菜(⭐⭐⭐⭐💢): 吉列炸蠔配上日式酸菜。雖然吉列蠔酥炸過，但仍能吃得出蠔的海水味。酸菜是醃製茄子，吃起來甜甜酸酸十分開胃。2) 茶碗蒸(⭐⭐⭐⭐💢): 真的想不到連茶碗燒也可以用鐵板的形式加熱。日式蒸蛋十分嫩滑，而且有雞湯味。上面配上特製的洋蔥汁，十分特別。3) 法國鴨肝(⭐⭐⭐⭐⭐): 鴨肝十分肥美，而且煎得外脆內軟，入口即溶。配上特別烹調的酸汁和水蜜桃，感覺清新而且不覺油膩。4) 南非鮑魚(⭐⭐⭐⭐⭐): 鮑魚十分大隻，而且是新鮮從水缸拿出來的。師傅先把鮑魚燒熟，然後再切成薄片。吃起來有咬口，配合白胡椒醬汁一試難忘。5) 澳洲和牛胸內膜(⭐⭐⭐⭐⭐):主菜共有三個選擇，分別是美國牛柳 、 澳洲和牛胸內膜、美國西冷薄燒。店員推介我們這個胸內膜果然沒有錯。相比起其他地方的牛肉，胸內膜所含脂肪不太多，並且有濃郁牛的味道。我們叫的五成熟沒有血汁得來又不太硬。吃的時候可以點一下燒汁，但是個人認為不點才能吃到牛肉的原汁原味。6) 蒜蓉炒飯(⭐⭐⭐⭐💢): 雖然材料簡單，但卻體現出師傅的巧手工藝。他先把一部分飯煎成飯焦，然後再混合其他的材料炒飯。吃起來十分有層次感，而且特別。7) 味噌湯(⭐⭐⭐⭐💢): 味道濃郁，而且裏面的紫菜還挺多。8) 時令水果(⭐⭐⭐⭐💢): 這個密瓜非常清甜，店員說是溫室蜜瓜來的 。總括而言，這間餐廳的水平十分高。在這裏用膳不但能吃到美食，而且還能夠欣賞師父的巧手廚藝。悠閒的在這裏吃一個午膳真的是一件賞心樂事 。…查看更多

商務午膳是一個很有神秘感的名稱，但絶對可以探索，今日來到「鐵板燒雪舟」打開我心中這個謎。實木椅桌配牆壁畫，裝璜雅緻。 我的選擇........ 商務午膳的前菜，咖喱牛肉丸和赤鮭刺身。 外脆內滑肉味濃郁，享受非一般的牛肉丸的滋味。 雖然刺身不是我的至愛， 但絶對要品質優良我才會放進口腔裏， 沾上廚師精制醬汁更加美味！ 正當我慢慢品嚐美味前菜， 我看見在我跟前的大廚已經在鐵板上， 為我煮茶碗蒸，煮好的茶碗蒸加入滑子菇， 小巧的滑子菇是一種冬、春季發生的菌蓋粘滑的木腐菌， 因它的表面附有一層粘液，食用時滑潤可口而得名。 享受著嫩滑又熱騰騰茶碗蒸的同時間， 大廚已經在鐵板上烹煎法國鵝肝。 煎好的法國鵝肝淋下帶有香醋的醬汁。 配合香醋醬汁的法國鵝肝， 外脆內酥吃得滿口甘香，而且一點都不覺油膩， 我從來未吃過如此美味的鵝肝。 輪到我的至愛出出場了！ 130g南非鮑魚和配菜已經凖備就緒...... 我繼續欣賞大廚精湛廚藝..... 鮮美又爽脆彈牙的南非鮑魚一吃難忘， 配埋用滑子菇磨成粉調製的醬汁， W0W，如此精緻怎不令我垂涎！ 今天好運，入座後女待應告訴我， 今天來了鹿兒島和牛，可以免費提升級。 鐵板燒鹿兒島和牛（上） 鐵板燒鹿兒島和牛（下） 鐵板燒鹿兒島和牛伴岩鹽和蔬菜汁， 沒有血水沁出的嫩滑和牛很合心意， 我喜歡蔬菜汁，沒有搶走肉味，配合得宜。 吃過豐富的主菜，吃的滋味和心情會從高峰下滑嗎？！ 絶對不會！大廚用新鮮日本米飯、高菜和香蒜蓉炒飯， 質脆、味鮮的高菜樣子類似雪菜，但沒有雪菜的酸味， 是從日本引進的"十字"花科鹽漬蔬菜。 片刻，大廚用小量的炒飯在鐵板上反覆壓扁平， 造成薄脆，利用鏟子整理造型待用，同時開始炒野菜。 蒜香撲鼻而來的炒野菜，將我的食慾又再度提升！ 就憑大廚一雙的魔術手， 簡單炒飯成就美妙的藝術作品。 此際女待應從廚房端來味噌湯和漬物， 當我喝過味噌湯，也是午膳的尾聲， 但我依照留戀著鐵板上為我帶來的美味！ 不過，原來驚喜一浪接一浪， 冰凍的小布甸清甜可口，太棒了！ 女待應向我推介的熱咖啡，香濃幼滑， 用餐中，女待應也多次替我添熱茶，服務週到！ 接近700元的商務午膳值得嗎？！ 那就見仁見智，我覺得物有所值， 我想起我三年前在北海道吃過一隻網燒鮑魚， 已經600元了！相對這頓商務午膳是超値了！ 借此也很多謝廚師為我烹調如此美味鐵板燒， 而享受箇中吃的樂趣，廚師也分享給我材料的認識！ …查看更多

今日約了客人在銅鑼灣會面，他提議不如食鐵板燒。來到銅鑼灣近利園的附近，有一座有很多餐廳的。*雪舟鐵板燒午餐 ($318)午餐包了前菜-沙律.小鉢今日的沙律是提子甘荀沙律；提子浸了醋，所以甜中帶點酸白菇的天婦羅，香脆又不會太油。-茶碗蒸蛋很滑，上面有汁，但一點都不會過咸。-帶子.大蝦帶子很大隻，超彈牙的；蝦都是很爽口彈牙，超厚肉和鮮甜；旁邊的是wasabi 醬伴醋，可以吊一吊起海鮮的鮮味。-美國西冷薄燒牛肉味濃，不是太重油脂味；中間包了野菜絲，減少了一點肥膩。-炒野菜野菜沒有煮得太熟，仍然保持脆口。-蒜蓉炒飯這個蒜蓉炒飯很香蒜味；特別在，師傅會用少少飯壓成平的，燒做一片片飯焦；吃落味道有點似米餅睇得又食得。-味噌湯味噌湯不會太咸，不過不失。-鮮奶布甸這個自家製的鮮奶布甸的真不得了！超滑、超濃！形態是固體偏液體，所以很滑；而且應該是用了很濃的牛乳，所以很香滑。-餐茶…查看更多

好耐冇食過鐵板燒，個客介紹呢間話佢食咗好多年，質素OK。一上到嚟就已經俾門口嗰缸金魚吸引住，好得意呀8條都肥騰騰！我哋分別叫咗一客波士頓龍蝦晚膳($780)及一客和牛晚餐($720)前菜拼盤隻碟勁靚，有兩隻雀仔，如果將食物放喺佢眼前咁影相真係好elegant！炸魚：炸得好靚，好似九肚魚咁外脆內軟，但入面嘅魚肉係非常厚身炸蝦：炸蝦及炸薑絲都好香口，墊底嘅係菠菜，個對比非常好魚蛋：我叫佢魚蛋因為佢係好香嘅鮮魚味，旁邊嘅白蘿蔔及荷蘭豆都好淋身及入味刺身2款好新鮮，店員話鰹魚嘅魚味會比較重，如果唔鍾意嘅可以加旁邊嘅薑茸及葱粒一齊食會好啲，我接受到嗰隻魚味，但一齊食嗰種層次又好好味喎！魚肉非常結實，有咬口感；至於深海池魚嘅味道鮮甜，肉質富有彈性，油份充足波士頓龍蝦廚師切開大大隻龍蝦，入面有好多膏呀！！！先喺鐵板上溶一溶啲牛油，再輕輕燒一燒已開邊嘅龍蝦，跟住再拆肉燒，我哋食得好輕鬆，基本上一夾就食得，啖啖肉！！！再點啲香草汁，味道好濃郁但唔會蓋過龍蝦嘅鮮甜味，一流！！！！燒季節野菜有專登喺日本訂返嚟嘅番薯及滑子菇，平時食嗰啲滑子菇非常細粒，但呢個真係大開眼界，簡直係珍寶size，好得意！！最高級日本產黑毛和牛薄燒 用上飛驒牛，入面包住大蔥，牛肉肉質滑溜，一啲渣都冇，同大葱一齊食口感好特別，食落都冇咁油膩黑毛和牛西冷 睇住成塊脂肪豐富嘅和牛西冷喺我哋面前燒，真係勁開心！大廚將燒成半生熟嘅西冷切成7塊，肉汁豐沛又溶喺口，纖維幼細外脆內軟；眼前仲有香草海鹽、Wasabi醬及芝麻汁，不過我鍾意乜都唔落，已經好好味！蒜蓉炒飯及海膽炒飯加咗$35要一個海膽炒飯。兩款炒飯都係好特別，大廚先壓扁一啲飯，再分別加入海膽或雪菜、炸蒜及白芝麻等，然後再燒，燒到咁上下就變成徘徊在似脆又焦之間嘅飯焦片，跟住放埋一邊；再各自炒飯，原來嗰幾塊飯焦片係放喺炒飯旁邊嘅裝飾物，真係非常特別！而海膽炒飯一啲都唔失禮，成碗嘅飯都沾滿金黃色嘅海膽，香味濃郁！雖然蒜蓉炒飯味道足夠，但我當然覺得蒜嘅份量可以再多啲都得啦！麵豉湯勁足料，差不多半碗都係湯渣，白蘿蔔非常清甜，鹹度又適中，好滿足！甜品分別叫咗焦糖布甸雪條及奶凍。心諗乜野係焦糖布甸雪條，原來係將焦糖布甸變成雪條，焦糖味道超濃郁，好好好好好味！奶凍就OK啦，我鍾意食雪條多啲啊！大廚喺我哋臨走前仲送咗一包禮物俾我哋預祝聖誕節，好開心！…查看更多

喜歡食鐡板燒除咗因為好吃之外，仲好喜歡望住廚師煮，有時仲可以同廚師傾吓，了解吓食乜，今晚又係一個又食又傾嘅一晚，視覺味覺一同享受，兩個人去，想食多些款式，所以點了個set，分別係波士頓龍蝦晚膳同和牛晚餐，再share 食。波士頓龍蝦晚膳$780前菜拼盤 刺身2款波士頓龍蝦 (600g up)燒季節野菜海膽炒飯（加$35）味噌湯漬物甜品和牛晚餐($720)前菜拼盤 最高級日本產黑毛和牛薄燒最高級日本產黑毛和牛西冷燒季節野菜蒜蓉炒飯味噌湯漬物甜品前菜拼盤 隻碟己經好靚，好似幅畫咁，三款前菜都係海鮮，有魚肉腸、魚天婦羅同日本海老，魚肉腸仲配有白蘿蔔同荷蘭豆，個汁酸哋，好開胃，魚天婦羅唔多油，仲保持到魚嘅嫩滑，日本海老上係炸薑絲，下面仲有一些蔥段，食落去好特別，好有層次刺身2款鰹魚︰深紅色的魚肉，薄薄的脂肪緊實的夾在魚肉和魚皮之間，配上薑絲，魚肉結實鮮甜深海池魚︰味道爽甜，有彈性又油潤，仲有油香添波士頓龍蝦 廚師先在鐵板上溶牛油，再放上已經開邊嘅龍蝦燒一陣，起肉切件再燒，龍蝦嘅其餘部份就放响旁邊燒，呢個方法好方便顧客進食，而且仲啖啖肉，真係好彈牙，配上香草汁，好清新，仲有好多膏季節野菜 今晚嘅季節野菜係季節野菜番薯同滑子菇，兩種蔬菜都係來自日本，番薯好甜，滑子菇大大粒，好有口感最高級日本產黑毛和牛薄燒 上燒季節野菜嘅同時，和牛薄燒亦一同上碟，採用嘅係飛驒牛，薄薄嘅飛驒牛燒一陣後，就同大蔥絲卷起再燒，肉質細膩，大蔥令牛更食落更清新黑毛和牛西冷 切片上，肉質細膩，油花細緻，外皮脆香內裡卻又柔軟多汁，入口即溶，仲有三款醬汁提供，香草海鹽、WASIBI 醬及芝麻汁，而我就喜歡香草海鹽，絕對可以有助提升牛嘅鮮味海膽炒飯（加$35）/蒜蓉炒飯炒飯係一道驚喜之作，廚師撥出一些冷飯，壓扁，再分別加入海膽或雪菜、炸蒜碎和白芝麻等，然後再燒，好似脆餅，又似飯焦，而本身個飯都好乾身，海膽炒飯重海膽，蒜蓉炒飯重蒜味味噌湯好多麵豉，但味道適中，加入飯焦於湯中吃別有一番風味。漬物有白蘿蔔、甘荀、椰菜、青瓜等，爽脆，微酸，很適合拌飯甜品一人一款，冰條焦糖布甸同奶凍，冰條焦糖布甸好特別，第一次食，好以食雪條咁，表面嘅焦糖仲好脆，奶凍好滑，兩款甜品甜度都剛剛好，為呢個晚餐畫上完美句號在送上餐茶嘅同時，廚師仲送上日本小吃，話係聖誕禮物，真係好窩心波士頓龍蝦…查看更多

自從上次試過鐵板燒之後對鐵板燒念念不忘，朋友知道我愛上鐵板燒都紛紛向我作出推介，我同老公研究後決定去試位於銅鑼灣開平道Cubus 8樓的鐵板燒雪舟。我地十二點到達當時剛開始營業，門面有大吊燈又有聖誕樹，已經好有聖誕氣喇，店內的裝修以時尚雅致為主，除了一排長長的鐵板可供幾位師父同時獻技外，也有一些餐桌及房是供家庭客或一班朋友圍埋一齊進餐。午市餐牌都好多選擇，有鐵板燒及壽司餐，老公選咗一份商務午膳($628)，而我就選了一份雪舟鐵板燒午餐($318)，同好多高級餐廳一樣，午市價錢比晚市親民。每組食客的食材都由一位師父負責主理，我選的雪舟鐵板午餐有: 沙律•小鉢~茶碗蒸~帶子•大蝦~日本黑豚扒~炒野菜~味噌湯~蒜蓉抄飯~漬物~甜品~咖啡/茶沙律•小鉢沙律是提子乾和紅蘿蔔絲拌勻，甜甜的好特別。小鉢是金菇天婦羅，粉漿炸得鬆脆好似一把扇咁，外乾內軟，金菇仍保留著水份。師父喺我地享受緊第一道菜時已經開始準備茶碗蒸，好快已經有熱騰騰嘅茶碗蒸品嚐。茶碗蒸純粹以蛋為主，在蛋內沒有添加其他配料，蛋蒸得好滑，比豆腐還要滑，蛋的表面鋪了一層汁，鹹鹹的增加茶碗蒸的味道，簡單好味嘅茶碗蒸。帶子•大蝦師父預備帶子和大蝦，他先把蝦用鏟子把蝦分解去殼，蝦頭和抓留下，一邊看著蝦變色一邊聞到陣陣撲鼻的香味，最後師父淋上了芥末鼓油就可以吃了。先說大蝦，蝦肉彈牙之外最特別是蝦抓，師父將蝦抓煎得非常香脆，若閉上眼吃你並不會估到是在吃蝦抓。帶子並不是全熟，外面煎香內裡仍保留著帶子的鮮甜味，入口軟腍有陣陣海水味，沾上芥末鼓油吃有點點辣是另一番感受。日本黑豚扒黑豚扒有150g份量不小，師父用鹽和楜椒調味，把黑豚扒二面煎香再細切，伴上特制的蘿蔔蓉便完成了。看似步驟簡單但若火喉控制不好便很容易會使黑豚扒變老變韌，浪費食材。黑豚扒入口有彈性，肉質軟腍嫩滑，肉味甘香，可能是六成熟的關係，肉汁仍鎖在肉裡每口都很juicy，不用沾上醬汁都已經很好味了。蒜蓉炒飯這個炒飯非常特別，除了用蒜蓉雪菜特調味外，師父會預留部份飯來泡製一張薄薄的米紙! 看著飯粒變成米紙真的好驚喜，米紙好脆又有帶有點點鹹香，和飯一起吃有雙重口感，讚!炒野菜日本野菜好爽甜味噌湯•漬物味噌湯有很多白蘿蔔等配料，味道不會很鹹，清清地入口很舒服。咖啡咖啡沒有苦澀和酸味，很不錯!冰條焦糖布甸自家甜品很特別，焦糖布甸就吃過但製成冰條來吃便是首次。表層的焦糖已經冰得有點磨砂狀，入口好似在吃雪糕，口感較雪糕結實而且帶點焦糖味，很特別!師父每道菜除了解釋之外還會主動和我們交談，感覺好好，最後還送上飛驒手信給我們，真的好窩心。我地邊吃邊傾好快就渡過了一個美好嘅午宴。…查看更多

雖則吃鐵板燒的數次不多, 但每次都總令我大開眼界, 望着師傅們每一個舉動, 功架十足, 令我目不暇給, 真是不單止食得開心, 亦睇得興奮。今日心血來潮, 突然很想來一頓鐵板燒, 一於重拾它的美味。一出升降機會便看到介紹飛驒牛的文章和一些證書, 當然不少得店名招牌。走進內裏, 地方不算大, 但空間感十足, 分為兩邊, 一邊是一排圍着長長鐵板燒枱的單人座, 而另一邊分了三個獨立空間, 每個空間都有一張鐵板枱和設有一張四至六枱。我一人到訪當然坐在單人座那邊, 馬上看看餐牌, 共有兩本, 一是剛推出的飛驒牛精選套餐, 另一是多款的午餐, 分別有商務午膳、雪舟鐵板燒午餐、日本和牛鐵板燒午餐、牛扒鐵板燒午餐和鐵板燒午餐。除鐵板燒外, 還有其他午餐、刺身壽司和一品料理, 都幾多選擇。我今次就揀了雪舟鐵板燒午餐 Sessyu Teppanyaki Set ($318), 主要有七道菜, 而主菜就六選一, 亦可加錢轉更高級的食材。******************************先上沙律•小鉢 Salad•Seasonal Small Dish, 是日沙律為烤牛肉沙律, 清爽的沙律菜 和洋蔥絲 上放了兩件薄切牛肉, 別以為它是一般貨色的牛肉, 而是選用飛驒牛肉, 既有咬口, 牛味亦很香濃, 單單第一道沙律已令人很滿意!小鉢是伴上蝦乾子、蔥花 和脆米 的茄子, 茄子腍嫩入味, 帶有蝦乾的鹹鮮和蔥花的青香, 味道不會太濃, 吃起來幾清新, 簡單的美味。******************************茶碗蒸 Steamed Egg Custard是第一道驚喜之作, 別以為它是由廚房蒸爐蒸出來, 而是由師傅慢慢在鐵板上蒸弄而成, 又加水又蓋上蓋子…..原來鐵板也可做出茶碗蒸, 真是大開眼界。熱辣辣送到我面前, 蒸蛋 上放有爽口日本菇、清甜的甘荀絲 和洋蔥絲, 用料雖不算豐富, 但配搭美味。蒸蛋 蒸弄時間掌握得剛好, 極之滑溜, 調味亦恰當, 沒有蓋過蛋香, 伴着甘荀絲和洋蔥絲, 添上清甜的味道, 不錯!******************************接着又出現第二道驚喜, 看着師傅在鐵板上燒帶子•大蝦 Scallop•King Prawn真是一點也不簡單, 巧妙地將蝦頭和近蝦頭的部位以近似炸的方式製作, 用上不少時間和心機, 而另一邊又在燒帶子, 真是要分身。製作用心, 擺放亦富心思, 再以芥末酸汁 畫上一圈, 單單賣相已很吸引。帶子 表面燒得金黃, 帶些焦色, 肉厚肥大, 彈牙鮮甜, 再蘸些酸咪咪的醬汁, 美味! 而大蝦 就更討我歡喜, 蝦肉極之爽彈, 味道鮮味, 正! 蝦頭和近蝦頭的部位則香脆得能吃掉, 而蝦頭亦藏有不少甘香的蝦膏, 非常好味!******************************六選一的菜式牛肉佔了三款, 而豬、雞和魚則各佔一款, 身為魚痴的我, 銀鱈魚 Cod Fish當然是囊中物, 哈! 見師傅一開始直接把銀鱈魚 放在鐵板上, 待一會便墊上葉子, 原來是想先將魚肉的表面燒至金黃香口, 而期後墊上葉子是以免燒得太耐而燶, 真是巧妙。時機一到, 師傅到放上牛油, 再弄一會便上碟, 散發着陣陣牛油香, 很誘人!銀鱈魚 大小中等, 但挺厚身, 表面焦黃香口, 而潔白的魚肉片片分明, 並不散爛, 肉質嫩滑帶爽, 亦嚐到甜甜地味道, 據師傅所說, 其實這道是西京燒銀鱈魚, 用了白麵豉醃了三天, 難怪如此入味, 而調味亦剛好, 不失魚的鮮香, 讚! 吃時亦可蘸些香草海鹽, 又吃出另一番美味, 但個人還是覺得不作添加最美味, 啖啖教人回味, 一件真的不夠喉。******************************來到炒野菜 Sautéed Vegetable, 師傅三兩下功夫便把它送上我面前, 厲害! 有椰菜、蒜心 和甘荀三款材料, 算不上很豐富, 但保持鮮嫩爽口, 而且不油膩亦不濃味, 正合我口味。******************************來到尾聲, 是蒜蓉炒飯•味噌湯•漬物 Fried Garlic Rice•Miso Soup•Pickles出場, 而驚喜又再次出現。還記得之前吃鐵板燒的炒飯只是簡簡單單加蛋加蔥, 調一調味, 炒一會便成, 但這餐廳的蒜蓉炒飯絕不簡單, 是用心之作, 亦是驚喜之作, 大家有沒有吃過鐵板飯焦? 煲仔飯飯焦就吃得多呢….米飯 加入日本雪菜 和炸蒜粒 炒, 待一會便見師傅撥出一些炒飯, 再用力壓平, 弄成一塊薄片在鐵板上燒至又薄又脆, 再分成數片放上已炒好的飯面上, 炒飯也有飯焦片, 夠晒特別。飯焦片 又薄又脆, 簡直是一塊脆片, 並不會像煲仔飯的飯焦那麼硬口, 好吃得多! 至於米飯 粒粒飽滿, 炒得乾身而不油膩, 味道不會太濃, 皆因炒時並沒有直接淋上醬油, 而是將醬油淋上鐵板, 再輕輕將飯蘸上, 味道剛剛好, 讚! 再加埋爽口鹹香的雪菜、滿有蒜香的炸蒜 和甘香的芝麻, 美味得連平時少吃飯的我也忍不住口。味噌湯 辣辣上枱, 散發陣陣麵豉香, 又有些不同, 它加入了不少蔬菜, 如蘿蔔、椰菜、海帶 等, 有助中和麵豉 的鹹味, 喝起來清新一點, 配搭合宜。一小碗的漬物 有多款蔬菜, 包括白蘿蔔、甘荀、椰菜、青瓜 等, 入口冰涼, 口感爽脆, 味道酸酸甜甜, 挺開胃醒神。******************************驚喜真是一浪接一浪, 最後的自家製甜品•咖啡或茶Homemade Dessert•Coffee or Tea也很特別。揀了一杯熱檸茶, 以茶配甜品, 很適合, 而酸咪咪亦有助開胃消滯。 自家製甜品是焦糖布丁, 但跟平時的樣子和口感完全不同, 單看外表, 真是好似一件脆卜卜的乳豬, 哈! 焦糖布丁雪成冰條, 入口冰凍, 口感如雪糕般, 很特別! 啖啖蛋奶香, 加上面層的焦糖, 香甜美味! 將焦糖布丁變成焦糖布丁雪糕, 夠晒驚喜!------------------------------一心只是邊欣賞師傅的鐵板燒功架, 邊品嚐美食, 估不到還送多重驚喜, 有別於一般的鐵板燒技巧和製作, 鐵板上的茶碗蒸、鐵板上的香炸蝦頭, 還有鐵板上的飯焦, 今日鐵板燒上的驚喜真令我大開眼界, 既大飽口福, 大飽眼福, 真是非常滿足。…查看更多

上年11月食完，一直好想再黎。尋日再食，依舊好好味。服務好，又唔多人，好清靜☺️大蝦唔係重點，個汁先係重點，咸咸地，真係好正。鮑魚比上次又再大隻左，同樣係個汁好好味。我估應該係香草牛油？not very sure.我朋友食5成熟，我個人唔中意見到生肉，要求8成熟嗰時都唔係幾好意思😂不過雖然8成熟無紅肉，但係一啲都唔硬，仲入口即溶甘☺️☺️☺️順帶一提：甜品都好味，焦糖tiramisu唯一要彈係杯餐飲太少😂…查看更多