七福神和食亭

營業中

休息中

難得同哥哥撐枱腳，叫咗好多嘢食😝·蟹味噌甲羅燒🦀️🔥太多美食，所以選配鱈魚干，而配珍珠飯應該很開胃吧。鱈魚干是一大片上，可以自己玩😂 蟹味香濃，燒得很不錯👍🏻·秋鮭の石狩鍋 🍲雖然看上去食材簡單，然而簡單才是最難的，它做到了！ 極鮮 😋 日本豆腐帶出魚的鮮甜，令人一飲再飲。·花魚一夜干 🐠很講技術的一道菜，花魚是第一次試，燒得不錯，不過小編覺得如果用其他魚可能會更好。·岩鹽燒油甘魚鮫 🐟非常肥美，滑脫脫，外皮薄脆，魚肉Juicy 💦·菠蘿雪芭🍍冰鎮原隻菠蘿沙冰 🍧好新奇，小朋友同女仔九成都鍾意 ❤️ 冰鎮上碟可以玩好耐😆 啱晒鍾意影相嘅朋友仔味道酸酸甜甜 😗

充滿驚喜嘅一餐 店舖裝修一般 但食物質素不錯 欣賞佢嘅炸物 全新都即叫即整 上菜又快 當中最鐘意🦀蟹味噌甲羅燒 滿滿嘅香濃蟹膏蟹肉絲蟹籽 再配上烤香脆魷魚餅 口感豐富 好有層次✨ 🍤海老天婦羅炸粉好薄又脆口👍🏻牛舌好嫩又爽口😋其他炸物都出色 炸得啱啱好又唔油 免治雞肉串肉質可以再嫩滑一點 油甘魚刺身唔夠鮮甜 🍍菠蘿雪芭好好食又健康～ 蟹味噌甲羅燒$68 海老天婦羅$78牛舌串$38 雞軟骨$48 免治雞肉串$55 芝麻雞翼$62 油甘魚刺身$70 菠蘿雪芭$58 芒果活乳酸$48

早前食過佐敦七福神和食亭, 正好同事們搞飯聚, 建議下今晚又再次去七福神食正野!餐廳環境唔算好大, 但乾淨企理。如果一大班朋友想暢所欲談, 可以預先Book位, 設有VIP房, 多少少私隱度。七福神和食亭當然主打日本料理, 刺身、壽司、炸物、丼飯、串燒等等...款式多多, 價錢亦很合理。寫no. Click紙仔點餐, 慢慢揀唔怕落錯單。【青蘋果雲妮拿奶昔】HK$44奶昔極為幼滑, 青蘋果跟雲妮拿味很平均, 奶味很重, 青蘋果果甜中帶微酸, 整體唔會太甜。【三文魚腩】HK$68超厚切三文魚腩, 極之慷慨, 魚油很澎湃, 超正! 【芥末八爪魚壽司】HK$22軍艦紫菜上檯即食還是脆的, 八爪魚碎粒份量不少, 配上芥末, 有少少攻鼻, 過癮又好食【油甘魚壽司】HK$32油甘魚頗為厚切, 油甘魚帶甘香【金龍蝦反卷】HK$46飯卷包住吉列蝦, 脆脆炸皮包住鮮甜爽口既蝦, 口感豐富【雞軟骨粒】HK$38外皮炸得乾身, 一d都唔油膩, 軟骨位爽脆, 口感一流~【海老天婦羅】HK$75炸皮很薄而且鬆脆, 入面隻蝦鮮甜爽口, 推介!【雞翼串】HK$38雞翼外皮有炭燒香味, 香脆可口, 內裡keep到些少肉

佐敦也有許多食肆是值得一去的。這家「七福神和食亭」只要沿彌敦道一直走，走到裕華國貨附近便到。餐廳提供的日式料理花多眼亂，更重要的是價錢相當平民。三文魚腩壽司(特長)與三文魚刺身相比，三文魚腩更肥美的，油脂相當豐富，而且整塊魚肉的色澤都橙紅剔透，沒有魚腥味，肉質十分細緻柔軟，入口十分嫩滑又彈牙，口感飽滿，讓人食指大動。火炙三文魚腩壽司半熟的火灸三文魚腩壽司一直是我的至愛，三文魚表面微微燒至焦黃油亮，外層酥脆香口，肉質嫩滑又軟熟，滲出了濃郁的魚油，非常鮮美多汁，口感豐盈而綿延，其味無窮。刺身拼盤 (海膽／三文魚／蝦／北寄貝)刺身拼盤除了有2片肥美的三文魚、3件北寄貝、3隻甜蝦、還有一小板海膽。三文魚刺身都是厚切，三文魚的肉質豐腴肥美，脂肪條紋分佈平均，肥而不膩，回味無窮。海膽甘甜軟綿，入口即化，軟滑細緻，餘韻帶甘甜。蟹肉味噌甲羅燒 (配雙目珍珠飯)平時吃的甲羅燒一啖放入口中會有點膩，大多數伴以多士，但這次可以吃的時候可以伴以飯團和紫菜沾來食，蟹膏配上味噌，香味四溢。蟹膏味不算太重，但蟹肉鮮味都滲透在甲羅燒中，一口一口都滑溜溜。我推介大家試一試將飯團包紫菜包上甲羅燒和海膽，味道會更加豐富。芝

想品嚐平價日本料理大多聯想到放題，不過放題種類十有八九都大同小異，吃多了總有點厭倦，何況總不希望常經歷放題吃得飽到撐的痛苦吧。在油尖旺區，撇除所有放題餐廳後的平價日本料理似乎不多，想品嚐高質素的料理固然可以到尖沙咀，選擇之多更是數不勝數；但只想輕鬆吃個便飯的我們最後還是選擇了七福神，至少曾經光顧覺得它在平價日式料理當中質素算是穩當。餐牌上選擇繁多得令人眼花繚亂，價格都相當親民，絕大部分菜式都只是數十元。士多啤梨煙三文魚果醋沙律 ($68)沙律份量幾乎有洗臉盆大小，煙三文魚肉厚不過略為硬身，士多啤梨切成薄片，加上果醋及沙律醬更加酸甜清新。燒魷魚 ($68)原條魷魚配上鹹中帶甜的燒汁，肉質不會堅韌難嚥。瀨風鮭魚燒飯團 ($42)三文魚碎混入飯粒當中，外層燒至金黃香脆，對於熱愛飯焦的人如我無疑是正中下懷。和風黑糖番薯燒 ($36)番薯灑上黑糖燒至焦糖脆面，不過番薯口感乾硬不夠粉糯，而且帶有苦澀味。芝士肉醬燒茄子 ($45)茄子較少配搭芝士肉醬，雖然不及蒜蓉與茄子來得天衣無縫，但整體並沒有太過怪異，茄子亦燒得透徹軟腍。菠菜玉子煮 ($36)炒蛋覆蓋於菠菜之上，不過兩者貌合神離，屬清淡健康之選。

七福神講真唔係第一次食，但被朋友問起， 原來我冇寫過一篇食評關於呢間餐廳，諗起都有啲唔好意思，今日專登補番。壽司方面叫左蟹子壽司，三文魚腩壽司，因為佢壽司係兩件上，所以價錢相當抵，個特長三文魚腩壽司都係24蚊， 雖然唔厚肉，但長度搭夠，份量ok小食方面叫左咗酥炸魷魚鬚，芥辣八爪魚。 八爪魚炸得有啲over，好太熱氣呀。 芥辣八爪魚嘅份量有大約有四個軍艦， 好抵食另外根據推介叫咗，蟹肉味噌甲羅燒， 芝士燒天婦羅蟹腳卷。 甲羅燒係比較特別嘅菜式，可以將飯團包紫菜沾來食， 如果淨係可以推介一味餸嘅話我會建議大家試呢個。芝士燒天婦羅蟹腳卷 都好食但係覺得有啲“漏”串燒叫咗兩樣最愛，厚燒牛舌同埋雞翼， 雞翼味道來略淡，但整體唔錯，大份抵食。朋友最愛呢度嘅泡菜海鮮湯，野味又有菜食，底仲有啲薯粉， 海鮮有蝦，蜆，帶子及 青口甜品以菠蘿雪芭做總結完滿嘅一餐。呢間嘅食品價錢好抵食， 食物多元化又好食 ，menu都有三，四張， 睇到有啲眼亂。

友人係呢頭做完野, 相約係呢間和食亭開飯, 日本菜從來我都唔會拒絕, 依時赴約!地點相當容易搵, 上一樓就係, 望下餐牌, 換左新餐牌喎, 價錢都有調整下食物選擇都係分開幾大類: 刺身, 壽司, 沙律, 串燒, 天婦羅, 溫野菜, 揚物, 新加左韓風料理等....................每次黎呢度, 一定要試下呢度既大件夾抵食蟹籽沙律, 呢客係細份量 ($45), 足夠2-3人分享, 爽口多汁既青瓜絲及甜味蟹柳, 加上面層一大堆脆口蟹籽, 相當抵食!食日本菜又點少得刺身, 呢客刺身拼盤(B), 包括牡丹蝦, 三文魚, 吞拿魚及八爪魚 ($118), 刺身顏色相當靚仔, 目測都非常新鮮, 食落都幾鮮甜, 唔會食到未完全解凍既冰味, 最歡喜隻牡丹蝦, 夠大肉鮮甜!跟住到卷物出場, 首次食呢個芝士燒天婦羅蟹卷 ($35), 一客三件, 以芝士包住天婦羅蟹肉, 食到芝士既香滑感及蟹肉既鮮甜味, 飯既份量唔會太多, 唔怕食好飽!燒魷魚係友人至愛, 一客汁燒魷魚切成一件件, 甜甜醬汁搽上去彈牙既魷魚身上燒, 配埋蛋黃醬一齊食都幾夾, 但略為再熱返D會仲好!醬油燒京葱鷄肉 ($38), 一客

我哋大約18:45左右嚟到，估唔到咁快餐廳就已經座無虛席。食物選擇超多，而且價錢唔算太貴，餐牌上仲有圖片比我地參考。食物由落單至上枱都好快，我地叫左甘多野，侍應一樣不漏。🍣刺C：海膽、三文x3 +甘蝦x2 $128件件均厚切肥美，大致上都新鮮，甘蝦鮮甜，厚切三文魚、劍魚腩都好肥美，海膽份量唔少，配埋紫菜同埋飯團食味道更好。🍤甜蝦刺身（10本）$40刺身之中我最鍾意就係食甜蝦，好快就清哂lu～🧀🍆芝士肉醬燒茄子 $38好香嘅芝士同肉醬味，配埋茄子食邪惡之選。🍴風味椒鹽本菇 $42鬆化香口，份量多。🐖黑蒜油豬骨湯沾麵🍜 $58拉麵就食得多，沾麵第一次食，麵有彈性，份量都幾多，黑蒜豬骨湯味濃，不過同叉燒一樣，太油。🦀軟殼蟹手卷（2件）$36外脆內軟，軟殼蟹有蟹香，壽司飯份量適中，滋味。🐂露筍牛肉卷 $52味道口感絕對唔會比金菇肥牛卷差，燒汁甜左少少，但整體尚算好食。🐥芝麻雞翼 $62賣相一般，但食落有驚喜，外皮炸得金黃香脆，雞肉鮮嫩，必試。🍊香橙雪芭 $40清新酸甜既雪葩入面，有粒粒橙肉。消膩清滯既最佳飯後甜品。🍍菠蘿雪芭 $48菠蘿較橙味甜一點，好開胃丫。叫咗咁多嘢食價錢同放題差唔多，但我

整晚的食物,都可以用好食,超值來形容,食物由落單至上枱都不超過5分鐘,抵讚,待應們也很有禮貌!刺身~四款選擇，大致上都非常新鮮，size也很大 ，厚切三文魚，劍魚腩也很肥美,海膽份量也很多,海膽加埋紫菜同埋少少飯海團膽味更加出!三文魚壽司水準一流燒蠔:芝士鋪滿生蠔的表面，軟滑的芝士同生蠔混為一體，非常香口ORDER了串燒五品盛合＄68, 裏面有冬菇, 雞肉串,豬頸肉, 青椒同雞翼, 冬菇燒到好乾身好香口!最期待的和牛刺身, 一點腥味都沒有, 脂肪帶粘性, 享受不同層次的鮮味, 相當特別!菠蘿內是酸酸甜甜的菠蘿味雪葩, 味道開胃, 吃後有消濟作用呀這裡款式多,座位又舒適, 重點是價錢又抵食,味道又好

呢間和食亭, 每次去都係全場爆滿, 好在友人一早訂左位先可以唔駛等就有得食.....哈..哈...基本上和式食物呢度都有所提供, 選擇可謂相當多, 連甜品都有唔少選擇, 無需另找地方食甜品每次黎到都一定點我最愛既蟹籽沙律, 超抵食, 呢客細既都只係$38, 但份量係超大囉, 足夠2-3個人食, 大量爽口多汁青瓜絲配以蟹柳絲及脆卜卜蟹籽, 略為沙律醬多左D, 下次可以叫少醬會好D!和食又點少得刺身, 呢客六點刺身 ($168)款款厚切又大片, 最愛佢既帶子, 鮮甜味美; 另外再叫呢度好出名既活赤貝刺身 ($84/2), 一隻可以切成片, 食落爽脆唔腥, 好味道!串燒點左呢串醬油京葱鷄肉串 ($35/2串), 京葱燒得甜味出晒黎, 鷄肉稍為唔熱, 食落都有少少肉汁呢係大蝦雜錦天婦羅 ($58/6件), 大蝦有2隻, 另外有冬菇, 茄子, 青椒及南瓜, 計落相當抵食, 個炸醬幾薄身唔會食到成口粉醬, 水準相當唔錯!有炸物當然可以配一個蕎麥冷面 ($38), 口感幾爽滑, 冷面汁又夠凍同濃淡適中, 最怕會有甜既味道最後黎多個甜品過下口過癮先, 呢到既雪芭有幾款, 最喜愛都係呢個菠蘿雪芭 ($4

今日黎到佐敦衣間日本餐廳,早前預約左6點鐘,地點非常近地鐵站款式都好多,又有生蠔刺身set,又有炸物,串燒,天婦羅,燒物,烏冬拉麵飯類等..........枱上有order紙自行寫上號碼先落單!款式太多,不能盡錄!另外飲品選擇,個人都幾中意,價錢亦都唔貴!酒類都有日本酒,啤酒,apper cider.........不過今次揀左杯芒果活乳酸$30,衣杯真係由第一啖讚到食完餐飯應該本身都好好飲,再加上天氣熱~飲完真係好透心涼!!6點坐低,叫完食物..........6點半左右突然發覺由本身冇乜人變成整店都滿座我諗BOOK左都係明智既選擇座位有梳化位都坐得好舒服.頭盤當然叫左個生蠔刺身SET B $118先啦,平時我地都係食開來自法國既Gillandeau....咁就試一試佢啦!Gillandeau其實真係冇得輸呀不過SET就只有1隻,所以只有我一人獨食,亦都可以散叫$50/隻!都唔算貴!其他刺身都OK啦,不過個人覺得唔太夠凍,冰凍D就口感好味D啦刺身盤裡冇供應WASABI,要自行問店員拎.........不過一大舊都唔太有料到!再黎碟燒河豚乾$32,即係雞泡魚乾OK啦....今次由於2人

最近天氣太熱, 經常都想吃日本菜.放工就約了好朋友吃飯, 早前經過門口發現有好多款式選擇.一於就試試餐廳在一樓7點鐘到達已經好多人, 店內環境都很乾淨由於真的很多款式, 跟朋友都揀了好一陣子, 可惜只有兩人.不能選太多.選擇好就自己填落點菜單先來兩杯凍飲, 荔枝青蘋果梳打及荔枝香桃梳打每杯入面都有一粒荔枝肉食物都很快上菜, 這個蟹籽沙津是細SIZE, 但真的十分大, 我覺得是4人份量而且很足料, 很多蟹籽和蟹柳肉.日式炸蝦餅, 剛剛炸起, 很脆很熱, 而且蝦肉彈牙七味軟殼蟹飯卷, 有6件, 軟殼蟹很香口, 不會太油膩炸雞軟骨粒, 又是新鮮剛剛炸起, 配埋沙律醬, 香脆很有口感食日本菜當然要食刺身, 我們叫了6品刺身盛盒有三文魚. 鱆紅魚, 吞拿魚, 北寄貝, 帶子, 甘蝦, 各3切全部都是厚切, 很肥美新鮮爽甜再加多一板海膽, 價錢抵食, 一板都有7-8行, 而且都很鮮甜最後女生們都一定想吃個甜品- "菠蘿雪芭"不過雪芭有些少硬, 要等大概10分鐘後吃會比較好內裡有菠蘿肉, 很清甜,夏天消暑一流這裡有很多款式, 價錢親民價, 質素中上, 不錯啊

同事介紹佐敦有間日式餐廳, 款式應有盡有, 價錢比起集團式餐廳既為平, 於是約左班舊同學今晚一齊去聚舊同大吃一番。平日既六點多, 店內未算多人, 人流漸漸係7點後就開始多, 幾乎全場爆滿。呢度落ORDER係自己寫紙仔的, 所以唔怕有落錯單既情況出現。呢度既款式應有盡有, 刺身、壽司、炸物、串燒等等...幾乎比起一般放題既款式更多! 就算我地放縱咁Order, 價錢除返開其實比起食放題既仲平少少tim~【魷魚鬚唐揚】HK$45係街頭小食通常都會炸得油林林, 呢度既炸魷魚鬚炸得表面較為乾身, 入口幾脆, 炸皮脆得偏向硬少少, 入面既魷魚帶點爽, 唔會硬到扯唔開。【雞軟骨】HK$28串燒燒得金黃, 唔會太乾身, 爽脆口感【炭火燒泡菜雞翼】HK$48雖然唔太食得出炭燒味, 表面色澤金黃, 無骨雞翼釀入泡菜令賣相脤卜卜, 一咬開表面香脆, 入面有唔少既泡菜絲, 酸酸辣辣, 幾開胃【墨魚咀唐揚】HK$38呢款反而表面冇咁脆口, 帶些少濕潤, 細細粒墨魚咀帶點爽【忌廉蟹肉薯餅】HK$42鬆脆既炸皮, 入面有好重既忌廉香, 外脆內軟正好形容呢個薯餅【三文魚腩(5切)】HK$60超級肥美, 厚切, 魚油