黃珍珍泰國菜館

為左做冬有最好嘅火鍋配料，今日黎到暫時未有地鐵覆蓋嘅九龍城，買齊料難得一場黎到就不如係九龍城食埋野先走。一路聽朋友講九龍城梗係食泰國野啦，「黃珍珍」啦！我同女朋友就本住朝聖嘅心態黎朝拜下！ 由於買火鍋料買晏左，黎到黃珍珍已經差唔多下午三點。如果冇做茶市，通常呢啲時間都係餐廳嘅「落場」時間，估唔到黃珍珍呢個時間都仲有兩、三枱客。例牌量完體溫店員就帶我地入座，「仲有午餐呀慢慢揀」，慳家嘅我就往午餐進發！而家疫情關係午餐堂食都有8折優惠！ 午餐有以下選擇A. 泰式海南雞飯（去骨）B. 泰式炒粉C. 菠蘿炒飯D. 青咖哩雞飯E. 香葉辣肉碎炒飯 拼 脆邊荷包蛋F. 泰式豬手飯 食得泰國野就梗係試我最愛嘅菠蘿炒飯啦！ =======================菠蘿炒飯 $78 由於餐湯轉冬陰功湯要加$20有啲貴，我就揀例湯冬瓜湯。冬瓜雞湯配雞腳，由於我唔食雞腳加上比較咸同油膩，味道一般。 黎到主食，除左炒飯外午餐包埋雜菜同小食。雜菜唔係整定，冇浸到淋，小食炸蝦餅係我至愛，蝦餅夠彈牙，不錯不錯！菠蘿炒飯配料有蝦、臘腸、肉鬆、腰果，青豆等，蝦夠彈牙嘅，炒飯食落比較淡口，咖哩味唔夠，比起坊間其他泰國餐廳冇乜特別突出。 最後餐飲叫左杯泰式凍奶茶。知道泰式奶茶相對港式奶茶比較甜，所以落單時都叫左少甜，只係估都估唔到，少甜都可以咁甜。唔飲得甜嘅我，只係飲左一半多少少，最底最甜嘅部分真係不了。 總括黎講，黃珍珍可能係我地d港島「外城」人黎講就皆知巷問，不過朝聖完就知係有啲名過其實。希望下次有機會再黎九龍城，試試其他泰菜比較下！…查看更多

一去到九龍城，就諗起食泰國菜。食泰國菜，一於去坐落九龍城好耐嘅「黃珍珍泰國菜館」。兩點鬆啲嚟到，估唔到下午茶時間都有兩、三枱客。疫情關係，午餐時段更加有八折優惠㖭～ 午餐餐牌有6款，包括：海南雞飯、炒粉炒飯、咖喱飯等等，價錢都係$78，仲會送餐湯、炒雜菜同小食。下午茶時間唔係好餓，一於叫個前菜、一個 lunch set 同男朋友 share。=========================青木瓜沙律 $98每次食泰國菜都會點，除咗青木瓜，仲有車厘茄、花生碎、豆角；醬汁加咗青檸汁，酸酸辣辣好醒胃 😮 餐廳提供生菜，可以將沙律放喺生菜中，多重爽脆口感，亦中和一下酸辣，十分 fresh！菠蘿炒飯 $78除咗有主角菠蘿之外，配料有蝦、提子乾、肉鬆、腰果、蛋、青豆，口感豐富爽口可惜味道較淡，咖喱味濃郁啲會更惹味 🤔呢個老字號相信好多人都聽過食過，所以價錢方面唔比同區餐廳便宜，不過個人覺得泰國菜嚟講味道中規中矩。=========================黃珍珍泰國菜館 📍 九龍城打鼓嶺道23號百營中心地庫至1樓…查看更多

我成日都覺得，約朋友食飯，想約就要約，想去就要去！做咗阿媽講呢啲係幾衰，不過我哋早咗幾個禮拜約，爸爸又肯幫我湊住兩個，咁我就梗係要出嚟鬆一鬆啦！太耐冇食泰菜，我哋就相約在九龍城黃珍珍泰國菜館，我都算係半個地膽，去過九龍城嘅朋友都一定聽過黃珍珍。一坐低我哋就埋頭苦幹咁睇餐牌，我哋4位少婦，一人揀幾樣，一唔小心我哋竟然叫咗 11 個餸，兩款甜品！食物到枱，大家都一定係相機食先啦！唔係大家又點會睇到靚靚餸菜個樣，下面我就講下我哋叫乜叫咗咁多。生蝦刺身：食泰菜必叫，而且用嚟打卡一流，睇相你就知點解，真係超夢幻 (其實係啲乾冰造出嚟嘅效果)。新鮮生蝦配正宗酸辣泰式醬汁，仲要配埋呢個傳統泰式食法「生蝦、涼瓜、辣椒、蒜頭」一啖入口，層次豐富，真係睇得又食得之作。柚子沙律：超 fresh 又開胃嘅沙律，真係食完之後個胃可以裝多咗食物。燒澳洲和牛舌：牛舌絕對係嶠爸至愛，我就一般般啦！但黃珍珍呢個澳洲和牛舌，我就真係食唔停口，因為食落口超「冧」嘅，唔似平時嗰啲咁「un」。串燒鮮白鱔：呢個真心不得了，一上枱，我已經被佢嘅香味吸引住！老老實實，連我呢個唔好魚嘅人，食完一串都想再嚟一串，因為真係燒得勁香，啲汁真係同舊鱔好夾。炸單骨雞翼：聽店員講係新登場，佢哋係用無激素雞翼，配埋新鮮泰國香料醃製。食落口真係脆到卜卜聲。內層仲好 juicy，仲要係單骨食法，真係勁方便！冬蔭公湯：新鮮生猛嘅大頭蝦，煮出濃郁惹味嘅冬蔭功湯，酸酸辣辣勁開胃！泰式明爐元朗烏頭：呢個烏頭來頭不少，再經過黃珍珍嘅廚師團隊巧製泰式蒸烏頭，加入咗酸梅等泰式食材，突出魚嘅鮮味，另外仲加咗豬肉丸，夾埋魚湯一齊食，果然有驚喜。招牌咖哩炒蟹、法式麵包：法式麵包，沾咖哩食，勁正！或者就咁食啲咖哩炒蟹，一樣係食唔停口。馬拉盞炒泰國通菜：泰國通菜真係同一般通菜唔同，好爽口，再配埋馬拉盞炒，真係好香口。菠蘿炒飯：芊嶠至愛，入面有菠蘿粒，面有肉鬆，有腰果，放係個菠蘿入面上枱，真係又靚又香。泰式炒粉：估唔到個配搭咁夾，有酸酸嘅味，即便個肚已經好飽，但食完一啖都仲想繼續食🤪甜品 - 芒果糯米飯 (左) & 椰青糕 (右) 椰青糕 ：類似大菜糕，入面有一絲絲椰肉，所以有淡淡嘅椰香味。芒果糯米飯：黃珍珍嘅芒果糯米飯好特別㗎！因為係分別有黑糯米 & 白糯米，白糯米係出面少啲機會食到，但原來白糯米都幾好味！總結：對上一次食黃珍珍都年幾之前，今次再食，感覺同以前唔同，味道唔再似以前咁濃味，而且多咗啲「花神」，淨係個仙氣生蝦刺身，都已經好特別。下次一定要同老公仔女到嚟食！…查看更多

坐落九龍城已久的黃珍珍泰國菜館，係信心的保證，價錢方面雖然不比外面的便宜，但味道質素的確更勝一籌！現因疫情關係，星期一至四有8折優惠，十分抵食當日星期三晚去食，不用等位，餐廳內顧客不算少，食物上菜速度較慢。食物整體不錯下次會再來…查看更多

昨天因為一些事情聚集了媽媽和姨姨、姨丈們。晚上到一起去吃即興的晚餐。原本是想到泰國素食的。剛巧有另一組十三人的客人比我們先到餐廳。座位滿了。我們唯有到附近的黃珍珍泰國菜館吃晚餐。（姨姨曾到過那裡用餐，知道有素食餐單。）然後，我們點的全都是素菜。因為八人之中有五人都是吃素。男侍應覺得很奇怪…… 清炒椰菜苗，$86。之前在泰國素食吃過椰菜苗。很想再吃。餐單上是清炒芥蘭。椰菜苗是可以轉換的蔬菜。還有通菜、雜菜、豆角和涼瓜可選。椰菜苗和通菜都註明是泰國直送的。椰菜苗有輕微的苦味。那是它獨有的味道。像芥蘭的苦味。口感爽嫩。 泰式炒通菜（不要辣），$96。本是辣的菜式，我們不要辣。通菜口感十分爽脆。所以，他們再多點一碟通菜。這碟子是鏟子形狀。他們覺得很有趣，叫我一定要拍下來。 菠蘿炒飯，$108。兩位姨姨都很喜歡吃這個炒飯。可能有菠蘿酸甜的味道吧。有雜菜粒和焗腰果。不過，腰果不脆。整個炒飯不會太油膩。味道不錯。 酸甜炸豆腐，$88。餐單沒有辣椒的圖示。味道卻是辣的！然而，因為有酸味和甜味，也多少中和了辣味。否則是十分辣。這道菜，除了酸甜外，還可以選擇香葉炸豆腐。炸豆腐外皮不脆，但內裡非常滑溜。有西椒和菠蘿作配料。 椰汁香芋南瓜木薯煲，$108。這道菜會令人感到很飽足。因為三種食材都含有澱粉質。口感粉軟結實。我沒有吃到南瓜，或許數量太少了。椰汁的味道香。稠密度適中。醬汁可以下飯。 香葉雜菜焗粉絲，$118。這道菜也是辣的。餐單上同樣沒有辣椒圖示。粉絲很惹味。配有本菇和薑片。薑片是子薑。我以為是杏鮑菇。（媽媽也是如此認為。）整片放進口裡咀嚼，很辣呢！連媽媽也說辣。 紅咖喱薯仔，$88。看到這些咖喱汁，大家都說要白飯。於是，我們加單要了兩碗白飯，一碗是$13。下單時，姨姨問男侍應是不是很辣。男侍應說不辣。但我記得青咖喱才不辣……結果，當然是辣了！不過，我也能吃。馬鈴薯口感粉軟。咖喱味道好。 泰式炒金邊粉，$108。這金邊粉好像沒有酸味。油份也不多。有芽菜和素肉作配料。 香芒椰汁糯米飯，$63。來到泰國餐廳，這是必點的甜品。 有黑、白糯米。黑糯米會鬆散開來。沒有白糯米那麼黏糯。芒果的顏色比較淡。但味道鮮甜。…查看更多