次次經過漆咸道都經過啲間放題店，見到大大個橫額好吸引，今日終於忍唔住試吓😆餐廳賣點係日式放題之餘仲可以做埋燒肉放題，一個價錢兩種體驗，平日星期一至四6點至8點只係$308，真係抵到爛！落單仲係好old school 用紙仔，不過侍應反應非常快，而且上菜速度都好快，基本上由落單到上枱都只係幾分鐘，所以建議大家一次唔洗叫咁多。先來個結論：啲餐係好抵食，食物款式非常多樣化，而且質素對得住個價格有餘，比我預期中好好多。刺生唔錯，款式夠多亦夠冰凍新鮮；燒肉類嘅質素都非常滿意，醃製味道適宜，而且唔會過咸有肉味，其中牛肉更是驚喜位，肉質軟淋而牛味濃郁，好過好多燒肉放題店。任食攻略：又要食日式放題又要食燒肉，款式又多其實試唔晒，兩個鐘唔係好夠用，所以建議只點一啲人氣食物，同埋一啲飽肚嘅食物（如天婦羅），唔洗一人一份，2個人試一件就夠。為咗控制成本，啲燒肉（牛豬）切得比較薄，所以要好好控制時間，燒肉好唔好食其實都好講廚藝😆過熟就會變靭鞋口唔好食。例如牛肉，中火每邊燒15秒就足夠，就可以保持肉嫩多汁。另外個爐係用咗一次性網格，比較幼細，所以就算切得薄都唔會痴住爛晒。沙律：肉鬆蟹籽沙律 - 肉鬆加上沙律又幾好食，推薦泰式生蝦 - 生蝦爽甜，醬汁清新帶少辣，重點推薦⭐️刺生：點咗有三文魚、鮑片、吞拿魚、八瓜魚、希靈魚、馬刀貝、甜蝦。整體質素都唔錯，三文魚⭐️都幾肥美，甜蝦⭐️係原隻亦有有鮮味👍🏻壽司：整體都可以，米飯比較軟淋，口感一般，而且好飽肚所以唔建議食太多。七味燒三文壽司幾好味，松露醬大蝦壽司都唔錯好香松露味。揚物：粉漿唔厚，而且係即叫即炸，熱辣辣夠香脆都幾好味。值得一試，不過又係飽肚之物，建議每樣點一件。榴連炸彈⭐️必點，海老天婦羅⭐️都好食，而芝士餃子⭐️都唔錯。丸類：平時食燒肉比較少見有丸類，其中澳洲草飼和牛丸⭐️係最好食，爽彈而有牛味必點。留意番點一粒係等如半粒肉類：雞牛豬都好食，醃製做得好，種類款式多，味道都好好，好過好多燒肉放題，絕對有驚喜。其中牛肉係勁好食，聲稱係和牛，而事實又真係好有牛味，而且雪花均勻，啲樣要重點攻擊😆😆 絕對推薦⭐️⭐️⭐️豚后肉⭐️又係好正，不過要注意燒嘅時間，因為切得較薄會容易過熟。雞中翼⭐️都好好食，每隻係單骨所以好快熟，而且都鮮嫩。一品料理：款式有好多 ，淨係試咗以下幾款。全部都幾正值得一試！牛油炒粟米胡椒牛骨湯爽脆腸中寶卜卜煮大蜆石鍋香茜蠔仔粥菠蘿炒飯…查看更多
壺漬牛粒,我都係覺得薄切易食dXD各式牛肉ROUND 1生啤
炸物類,炸漿唔太厚,OK豬大腸,豬粒粒同腩片再黎ROUND 2 牛肉,係好食既,薄切易燒,有汁既款式更好味.蜆,大腸,粥,炸臭臭榴槤球(好臭呀)粟米,蔬菜們(牛油冬菇,芝士翠肉瓜,菠蘿,洋蔥)2個鐘係唔夠我食既,但係以放題黎講,仲要有良知,哩個水準同店員服務,完全係100%會再返黎食,真係太好啦.
