泰簡單

營業中

休息中

原來喺銅鑼灣總統戲院頂樓嗰度有一間好正宗嘅泰國餐廳，廚師同侍應都係正宗泰國人，夜晚仲開埋室外嘅位置好有feel添，啱晒打卡，室內就坐得好闊落，食物都好正宗，啱哂好耐冇去過泰國既我啦🤣木瓜絲蝦沙律 🥗呢個係一個甜甜酸酸嘅沙律，有木瓜絲、蝦同埋花生，有少少辣幾開胃，仲可以用脆卜卜嘅生菜包住嚟食添 😌椰汁雞湯 🥥 想飲一個熱辣辣熱唔辣嘅湯可以揀椰汁雞湯，比較清甜啲，椰汁味好香濃，再配埋香料好惹味😇菠蘿炒飯 🍍 食泰國嘢一定要食菠蘿炒飯，當然係係一個新鮮菠蘿端上嚟啦，有蝦又有肉鬆，好食！飛天通菜 🥬蔬菜方面就揀咗飛天通菜，都係一個必食嘅泰國菜式，少少辣辣地好好食😄黃金夢 🥭 佢嘅果汁係鮮榨㗎😍😍 黃金網係用鮮菠蘿汁同鮮芒果汁整嘅，飲落好鮮甜🥰鮮番石榴汁 🍋‍🟩另外試咗佢嘅鮮番石榴汁，一樣好新鮮🤩

依家天氣轉涼，坐喺露天位，微風吹過真係舒服㗎。佢地嘅泰菜都好地道㗎，廚師同侍應都係泰國人，不過唔使擔心語言問題，佢地識講廣東話㗎。🍲 椰汁雞湯 Spicy & Sour Chicken Soup - $75 酸辣平衡，椰香濃郁，是一道開胃的湯。🍍 菠蘿炒飯 Pineapple Fried Rice - $128 甜鹹適中，菠蘿的清甜與其他配料融合得啱啱好。🥖 蒜蓉包 Garlic Bread - $37 好香脆，蒜香濃郁，非常適合用來沾紅咖哩。🌶️ 泰式紅咖哩 Red Curry Paste - $108 香濃微辣，咖哩醬汁濃稠，配飯或蒜蓉包都非常美味。🍹 心有靈犀 Mixed Fruit+Soda+Pearl+Grenadine - $48 清新解渴，水果的甜味和珍珠口感豐富。🍇 柚香鮮提子冰 Honey Citron & Grape - $48 酸甜平衡，柚子和提子的清香清爽。泰簡單 (銅鑼灣) 📍 銅鑼灣謝斐道517號總統戲院頂樓

秋高氣爽，最適合便是到有戶外露天座位的餐廳唞唞氣位於總統戲院頂樓的泰國餐廳充滿東南亞風情有一部專屬𨋢直達，裝潢以木系為主 ，適合打卡環境舒適寫意，提供多款正宗泰國菜式及特色調酒冬陰功湯融合了香茅及鮮蝦等各類食材，酸辣開胃小食燒豬頸肉肥瘦適中，外焦內嫩，配個可口的泰式醬汁菠蘿炒飯原個菠蘿直接上桌特別吸睛，賣相一流蔬菜鹹魚炒芥蘭好鑊氣！口感爽脆，咸香味十足特飲黃金夢由鮮菠蘿和芒果鮮搾而成！水果味突出暖意洋洋熱香茅南薑茶有泰式風味，芳香暖胃

▫️呢間泰國菜十幾年前已經有同朋友gathering食，估唔到質素都仲keep住幾好。餐廳環境好，有室內同室外座位，裝修好有泰國風情，打卡一流～ 坐outdoor飲住泰國啤酒或者Cocktail更chill💕▫️佢哋嘅侍應同廚師都係泰國人，想食正宗嘅泰國菜一定要嚟試吓！✰椰汁雞湯 $135/M▫️有大中細size揀，我哋四個人叫咗中size。上枱有個煙囪鍋盛載住雞湯，有火爐熱住個湯可以慢慢飲。✰柚子沙律 $98▫️滿滿柚子嘅泰式沙律，清新開胃。✰燒豬頸肉 $96▫️有炭燒香，口感彈牙好味。✰椰汁青咖喱 $108▫️可以揀豬/牛/雞，我哋揀咗牛肉。個汁都幾特別幾惹味，如果嗌蒜蓉包或者白飯一齊食更好。✰菠蘿炒飯 $128▫️用菠蘿盛載嘅泰式菠蘿炒飯，炒飯炒得夠乾身粒粒分明，幾好。✰飛天通菜 $95▫️食泰國菜必食飛天通菜😋 好惹味。特飲：✰鮮青檸特Shake冰 $45▫️有埋個Shake Shake壺自己搖完酙落杯，好特別😆✰黃金夢 $60▫️菠蘿加芒果特飲，唔會太甜。✰漫天飛花 $48▫️火龍果加橙汁特飲，火龍果粒粒有啲咬口幾好味。▫️坐坐吓我哋仲覺得幾好feel，叫咗泰國啤酒同埋蝦片飲番杯傾吓偈🍻 ✰蝦片$1

🙋🏻‍♂️餓底探員今晚去咗銅鑼灣調查呢間泰國菜，一出𨋢見餐廳門口等候區好似間spa咁，環境好chill，好適合打卡，經過走廊有藤枝座同藤器吊燈，充滿泰式元素，店員全部都係地道泰國人，親切嘅笑容加上賓至如歸嘅服務，簡直好似置身喺泰國咁，好relax🦐冬蔭功 $92🙋🏻‍♂️表示個冬蔭功入面有大蝦，蘑菇，草菇，香茅，紫洋蔥等配料，個湯味道鮮甜帶香辣，辣味慢慢滲出嚟，個after taste好正🐖燒豬頸肉 $96🙋🏻‍♂️表示個豬頸肉有兩大塊，每塊已厚切成一片片，豬頸肉燒到焦香，肉質爽滑，味道juicy又香口，點埋個醬汁更加惹味，同喺泰國食到嘅燒豬頸肉一樣，夠晒地道🥬馬拉盞炒椰菜苗 $125🙋🏻‍♂️表示個椰菜苗用咗馬拉盞嚟炒，椰菜苗口感鮮嫩爽脆，食落辣辣地又有蒜香味，好惹味🍍菠蘿炒飯 $128🙋🏻‍♂️表示個菠蘿炒飯份量超多，用咗大蝦，魷魚，雞肉，菠蘿，紅蘿蔔粒等配料嚟炒，面頭有好多肉鬆，非常足料，飯粒分明，食落有啖啖咖喱香味，由於有多種配料，味道層次感好豐富🍋鮮青檸梳打 $45🫚暖意洋洋 $45🙋🏻‍♂️表示杯青檸梳打飲落酸酸甜甜，味道清新，杯暖意洋洋係香茅南薑茶，飲落有淡淡嘅香茅味，薑味唔算重，好

今日帶媽媽食泰國嘢 之前朋友食過呢間 佢覺得環境食物都唔錯 而且冇限時間 可以慢慢食🤣 餐廳廚師同埋侍應都係泰國人 好似帶左呀媽去泰國旅行嘅感覺 好地道🤭 有室內同埋室外 就算係平日都幾多人 ～ 環境好舒服，chill chill 地，仲可以揀室外坐，適合打卡，兩個人叫左4樣菜 食到好飽！ 馬拉盞炒通菜 $105 好香蝦醬嘅味道 炒得好入味 通菜口感爽脆帶點微辣 👍菠蘿炒飯 $128 飯炒到粒粒分明， 份量都幾多，兩大碗飯左右，上面有肉鬆，內裏有唔同海鮮，有鮮魷、蝦球、蜆肉等等，當然唔少得仲有酸甜嘅菠蘿、提子乾，下次黎會想再食！燒豬頸肉$96豬頸肉燒得剛剛好，外層微微香脆，咬落去非常煙韌，又保持到肉汁，又可以點上旁邊嘅泰式甜酸醬，另一番風味。椰汁雞湯 $75 椰汁雞湯味道非常香甜，食到好濃郁同埋香滑嘅椰奶，椰汁嘅奶香同埋雞肉嘅鮮嫩融合，配合車厘茄香菇同埋泰式香料。 另外叫咗嘢飲，叫咗一杯鮮榨石榴汁同埋一個椰青，食完重口味嘅嘢，飲番一啲鮮榨飲品，額外清爽🤣個椰青，仲要好大個，入邊白色嘅椰青肉都好新鮮爽甜。如果你想叫酒同埋cocktail 都有，下次同朋友嚟再試🤣

好多朋友推介依間餐廳，經開銅鑼灣即管試試，的確幾好味，簡單卻充滿了地道的風味。我發現，這家餐廳的服務員都是泰國人，這讓我更加確信這裡的菜肴是真正的泰式風味。餐廳環境好有泰國風格，而且美食好多選擇，每樣都非常美味。冬䕃功湯(細）$92揀了細份量二人合適，湯夠熱好飲，味道非常濃郁，酸辣開胃，好易入口，湯裡還有大蝦、秀珍菇和洋蔥等配料，好有泰式味道。醃鳳爪 $80泰式風味小吃，無骨鳳爪口感爽脆，酸酸甜甜帶點辣入曬味，前菜令人非常開胃.  馬拉盞炒椰菜苗 $95椰菜苗鮮嫩爽脆，炒得好有鑊氣，加上馬拉盞味道鹹中帶辣，能夠帶出椰菜的甜味。鹹香惹味令人百吃不厭。菠蘿炒飯 $128半邊菠蘿盛載黃金炒飯，飯粒粒分明，用新鮮菠蘿肉炒，散發發果肉清香和香甜的味道。加入肉鬆、蝦仁、魷魚、洋蔥粒、提子乾等配料，豐富了口感和味道，非常美味。柚香鮮提子冰 $48柚子味道清香可口，加上提子清甜。心有靈犀 $48用雜果、蘭香子、石榴汁加上梳打調製，味道甜中帶酸，非常清爽，能夠潤喉解渴。

多年前來過啲間泰國餐廳，今次來到品質依舊，保持水準！啲間「泰簡單」嘅食物殊不簡單，以正宗嘅泰國菜而聞名。餐廳裝潢以木為主，充滿泰國度假風情，而且餐廳侍應大部分都是泰國人，好有泰國風味！先來點個🥙肉碎生菜包 $95作前菜，還有🥗鹹魚炒芥蘭 $98和🥘冬蔭功 $92。生菜包選擇了豬肉，加上了酸酸的醬汁好開胃，以生菜包著食好滿足口感。炒芥蘭加了不少鹹魚增加風味。而冬蔭公好正宗，酸辣都好平衡，而且味道層次好豐富，大蝦亦好鮮鮮！主菜則點了🐟泰式古法魚 $178 和 🫕金枕頭 $158 古法魚其實是香炸鱸魚，大大條魚起骨切件，肉厚而且香脆，配上秘製酸汁，味道層次豐富，喜愛香口食物會好喜愛啲道菜。金枕頭是餐廳嘅signature dish，其實是黃咖喱蜆肉配法包，黃咖喱味道香濃而不會過咸，加上了大量新鮮蜆肉，增加味道層次，再配上青紅椒洋蔥等配菜，整體非常配合，果然是鎮店之寶，必點推介👍🏻．最後仲點了🍍🍚菠蘿炒飯 $128，外相吸引而味道亦非常好。用上了新鮮波蘿盛載，啲個炒飯加入了糯米，飯比較黏並非傳統粒粒分明嘅炒飯，除咗加入大量新鮮波蘿，還有雞絲、各種海鮮，上面還鋪滿肉鬆，整體都算出色。另外亦點了🥥

餐廳：泰簡單地點：銅鑼灣謝斐道（入口喺內街地下，有𨋢上。）菜式：泰國菜餐牌：小食，沙律，咖喱，湯，主菜，海鮮，蔬菜，粉麵，飯，甜品，特飲，熱飲，酒類，飲品。木瓜絲蝦沙律 $94 另加一先黎一客沙律。木瓜絲蝦沙律有兩隻去殼蝦仁，主體爽脆木瓜絲伴有番茄，豆角，青瓜，個汁酸酸甜甜，完全唔辣，仲有脆口花生米加添口感。配有4片新鮮生菜，可以自製生菜包。鮮炸蝦餅拼香辣炸魚餅 $92 另加一小食叫左鮮炸蝦餅拼香辣炸魚餅。鮮炸蝦餅同香辣炸魚餅各兩件，每件再一開二易入口。鮮炸蝦餅熱辣辣，炸得皮脆肉質非常彈牙，味道唔錯。炸魚餅就散少少，不過入面好滑，食到又聞到超香香茅味，仲加左蔥花，味道好特別，其他餐廳少有呢個味，味道唔算辣。下底墊有一片生菜。點伴碟既甜酸醬更好味。泰式明爐烏頭魚 $268 另加一泰式明爐烏頭魚果然係明爐，滾到熱辣辣先食。烏頭魚超大條，肉質唔錯，好多肉食，吸左個湯味道更好。配料有好多肉碎，椰菜，草菇，蔥，辣椒，配料吸湯之後味道剛好。個湯仲有一粒梅子，好多薑片同香茅，所以酸酸辣辣，好醒胃。另跟個湯，味道就較濃同較酸，帶好香香茅味，配料都有肉碎，秀珍菇，燈籠椒，蔥。菠蘿炒飯 $128 另加一菠

今日同班朋友去銅鑼灣聚餐，有人提議黎呢間係總統戲院頂樓既泰簡單食野鮮炸蝦餅，蝦肉餅好厚，又彈牙，蝦🦐味好濃郁，又新鮮熱辣，正👍🏻👍🏻皇宮大蝦蛋網炒金邊粉，今次既一大亮點，炒金邊粉平時就食得多，但咁好食就唔係間間都有，好惹味，蛋網又整得好靚，唔會散曬咁，黎到唔食唔得菠蘿炒飯，菠蘿味好重，炒飯又夠干身，其中亮點係平時菠蘿炒飯都係好細碟（因為要放係菠蘿入面），但呢間呢個真係好大碟😂😂咖哩魚，呢個相對就普通左少少，但咖哩味都好香，魚又夠嫩滑最後叫完第一輪之後唔多夠飽，叫多兩個粉麵，泰特色炒粉絲，泰式炒粉絲係我近期鍾意食既野，粉絲吸曬味，好食👍🏻👍🏻👍🏻蟹肉炒飯，蟹肉同蟹籽分別都好多，有驚喜😱😱整體都好入味，正👍🏻👍🏻

有朋自遠方來，韓國人喜歡辣，友人要求食泰國菜，就完全合他味道。由於朋友酒店在港島，第二日又要去機場，所以近近也揀了銅鑼灣。首先喜歡這裡有室外和室內，隨個人喜好。食物份量十分足料，每碟也大大碟，好抵食。海鮮冬陰公：今次有少少失準，太濃太多棷奶，只有酸味欠缺辣味。辣味鳯瓜：辣度十足，做餐前小食令胃口大開小食拼盤：一點也不小，最好味是蝦餅和春卷，熱騰騰，十分脆。但那香腸沙律有點格格不入，不似泰國菜。菠蘿炒飯：蝦十分大隻，差不多有5、6隻，飯炒得很爽。泰式炒菜苗：餸飯一流。

係銅鑼灣要食泰國嘢，呢間係其中一間比較經典嘅餐廳，相信好似銅鑼灣之友都嚟過，好耐無食，琴晚路經就走上去。1）等位：當年係勁難訂枱，不過而家walk in都有位，如果係食煙嘅朋友，佢哋設有露天位，都唔錯，唔食煙就可以坐室內2）環境：始終好多年，佢哋又無裝修，枱都搖搖吓，感覺些少殘，而且廁所勁殘同污糟3）食物：還可以，水準中上但唔及當年好食，而且唔知係咪泰國嘢多香料，終之返到屋企成晚好口喝4）價錢：坦白講，以咁嘅裝修同環境，仲有成行成市嘅泰國菜館，大家都頂爛市，兩個人食咗$520，我覺得可以有更好嘅選擇，可以係咁，所以當年8-9點門口仲排緊隊，而家7點walk-in 都有位

知道旺場一早已訂位，到埗即可入去坐了。有得揀indoor or outdooro既情況下當然indoor ，太熱了選了冬蔭公、菠蘿炒飯、蝦沙律、串燒同泰式燒魚~~ 每人一個椰青。 沙律同串燒味道倒沒有特別。但菠蘿炒飯好好食，一d 都唔油，飯粒粒分明，同原隻菠蘿d 清甜o既汁融合埋一齊，連唔多有米氣o既朋友都食左2 碗。冬蔭公夠酸但不夠辣，燒魚連火上慢慢滾，肉味好鮮，魚應該o係放湯前先煎鎖住肉汁，湯底好濃郁!!!雖然小店多人，但不至於讓客人久等，而且waitress 態度良好，比九龍城的泰店好吃~~