鮨文

廚師發板給人的印象一定是比較貴所以一直都1516不知去邊一間食今次家姐之前食過 介紹這間 所以今次襯生日就對自己好些 選了$880那個講番進場流程先，這兒午市主要有兩個時段，12點 同2點 但建議早少少到場。因為師傅係一次過準備比同一席客人，人未齊…有時會等埋遲到既你先開始食，平均90分鐘左右一餐。這兒坐位不多，坐得比較舒服，燈光及冷氣充足。當坐低咗之後侍應就會給你一個餐牌點菜。枱面上沒有什麼調味料只有簡簡單單的一雙筷子及一隻碟以便師傅放壽司用的。一開始的蟹肉茶碗蒸味道簡簡單單有金箔做裝飾清清地的開頭之後上的那一盤有𩶘羽，處女生蠔，醬汁八爪魚。師傅很體貼地介紹我們由𩶘羽開始清清地的開始食亦有介紹做法如何配搭等等資料。 魚配這香葉很出色。 而生蠔鮮味有口感，無乜海水味，八爪魚醬汁醃製得很好。之後還有鯛魚，中拖羅，䱜青魚，三文魚子軍艦，每一款壽司師傅都會特別烹調亦會一一介紹做法。茶壺湯入面有很多海鮮蟹腳飯立貝嘅湯入落去很龍尾很新鮮之後有事日重點的海膽飯，海膽的份量超級多差不多有半版，而師傅亦發現今天是我生日特別在海膽上加了花及蠟燭很貼心最後今日有芝麻雪糕筒海鹽雪糕兩種口味。我的是海鹽雪糕 沒有想像中的鹹咁好味而Larry 師傅亦很健談有善介紹了很多日本料理嘅知識。 下次再有特別節日 也會再考慮來多次。…查看更多

吃鮨文不須去元朗，因為黃埔也有分店了。不過這兩家分店給我的感覺很不一樣。餐廳面積不算小，分為幾處用餐空間，當晚我們坐在板前，便有三檯客人，有一位師傅負責，環境氣氛都比較輕鬆熱鬧。晚餐有兩款廚師發板可以選擇，分別是$1380和$1980一位，我們選擇了後者。⭐️茶碗蒸茶碗蒸上面鋪滿了飽滿的三文魚籽，粒粒晶瑩，入口鮮甜，配搭蛋味濃郁茶碗蒸，還有元貝調味，口感豐富。⭐️4點先付分別是蝦膏瀨尿蝦、甜煮玉筋魚，即小女子、北海道厚岸真蠔。瀨尿蝦的蝦膏味道突出，小女子味道惹味，還有真蠔入口幼滑清爽，加上醋果凍味道更鮮。炸帆立貝，帆立貝比我們一般見的要大，口感彈牙。紫菜是日本百年老店丸山紫菜，加上自製塔塔醬，紫菜又薄又香脆，咬起來塔塔醬令帆立貝更香嫩，外脆內軟。🔸稻草煙燻鰹魚 鰹魚經過稻草煙燻，入口有陣焦香，萬能蔥配搭白蔥，一掃鰹魚的腥味，吃起來更加清香。🔸吞拿魚多士多士兩面都烘過，夾著吞拿魚肉和海膽，味道有新鮮感，海膽甜味夾雜著吞拿魚的鮮味，口感豐富。⭐️三點刺身🔸清酒煮黑飽這個就是傳說中的黑飽，尺寸也是我見過最大的，以波紋切，淋上鮑魚肝醬，原來令鮑魚掛著醬汁一起吃。嚐一口，黑飽十分軟嫩，吃起來不費勁。🔸伯方汁煮響螺平時很少吃響螺，對響螺的印象也一般，這份響螺肉質脆嫩，味道鮮美。🔸沙甸魚小卷裡面加上芝麻、紫蘇葉、姜和青瓜，入口很爽脆。⭐️8貫壽司平政魚肉身有斜紋，加上青柚子皮，入口魚味香淡，口感比較清爽。深海池魚經過網燒，入口有陣焦香，魚肉雙脆，魚香濃郁。石桓貝體積小小，師傅清理後肉身仍在蠕動，師傅拍打肉身，肉質即時收縮，吃起來厚肉紮實，質感很清爽。小肌魚魚皮閃閃發光，經過醋醃，魚味更鮮明清爽。吞拿魚大腩入口魚脂充沛，肉質柔美。海鰻加上醬汁，魚肉柔嫩得入口即溶，又香又甜，令人回味。牡丹蝦加上牡丹蝦醬油，吃起來爽脆美味。海膽用上了日本少有的大極上海膽，師傅手兩下功夫，已經加了很多瓣海膽。味道甘香鮮甜。⭐️手卷手卷的魚肉經過炙燒，魚味更加突出，鰈魚肉質細嫩柔軟，吃下有點點清甜味，魚油在口腔散發，回味無窮。⭐️湯以白身魚熬成的魚湯，入口啖啖鮮味，魚味十分突出！⭐️果物最後甜品是靜岡縣蜜瓜和晴王葡萄，噴上威士忌的蜜瓜味道豐富，不會一味甜。晴王提子大顆皮薄爽甜，不俗。…查看更多

今日和朋友慶生，選了一間非常高級日本料理。位於黃埔鮨文，很多朋友都推薦食材新鮮，真的日本貨，吃完超幸福感覺。餐牌只有2個選擇，都是廚師發辦，時令食物，相信師傅就可以豪食當然選$1980 這樣才顯出我對生死之交重視每度菜師傅都有講解，吃次序也是有順序。先來第1個 茶碗蒸三文魚魚籽和其他店不同，不會太咸，帶點甜味。師傅介紹自己醃魚籽，要1天時間浸自己調醬汁，不是現成買醃好的，真的很認真。魚籽甜甜味道好夾滑蛋，內有本菇，元貝，正!跟著開胃菜來了(〃'▽'〃) 左起開始吃，海葡萄和水雲(海澡)以紫穌醋調味，很香紫穌香味，酸酸甜甜喜歡靜崗梅汁蕃茄，完全梅味道，好清新好好味白粟米生食，很爽脆鮮甜，原味道……沖繩黑梅貝，帶辣味，肉質爽口入味刺身 :鮫鰈魚 只在日本有， 油份鰈魚中最多，所以口感柔軟火灸幼鱈配玫瑰花第1次吃刺身的銀鱈魚很爽，油脂很重，口內魚味滿滿很美味拖羅海膽配多士，西日合拼很得意喎♡吉列帆立貝 配他他醬很大件的帆立，外脆內嫩，紫菜包很特別清酒煮黑鮑魚，原來要炆5小時鮑魚口感非常軟臥，配上鮑魚原來肝製成鮑魚醬，味道提升。師傅很喜歡自己製醬喎手握壽司來了，由淡開始♡鱸魚壽司(爽爽爽口!)喉黑壽司 (關西魚王，名不虛傳油份滿滿) ;火灸沙甸魚壽司(另眼相看，不腥的);赤座蝦壽司(柚子皮加蝦豉油)味道很清新柚子皮香味好特別; 大拖羅壽司(用蒜香豉油)，穴子壽司(鰻魚汁)所有壽司味道特別到難以形容，完全是我人生中在香港，食到最鮮日本味道Ｏ(≧▽≦)Ｏ 開始有點飽感覺，但眼前又一亮起再來出現的極上海膽 師傅說和剛剛不同級數，原盒在我們面前，看到由日本出口師傅還指出盒上原產地俄羅斯水域，近年最靚海膽都在俄羅斯和日本間水域，經由日本加工出售，壽司上放了2層海膽，非常足料師傅建議完全不用豉油，直接吃!味道真係鮮甜到嚇到，一點腥都沒有，就像新鮮開出來味道活生生毛蟹見過我們就要bye bye 準備蒸了。蒸好後見師傅手拆蟹肉蟹膏，相機食先拍了很多照片，但因為手機上載只可以選12張。紫穌葉花好漂亮，配上毛蟹的蟹膏，蟹肉真的完全無法形容，另外生炸蟹仔配搭，賣相精緻藝術一樣 花都可以吃的，全吃了驚喜一浪接一浪，一試難忘拖羅蓉蟹膏三文魚籽卷味道咸香濃濃大海感覺最後一度是生果，生果噴上威士忌，令提子甜味不同了，很驚喜!蜜瓜非常甜，甜而不膩味道真的日本來師傅對食材一番堅持，就算只是一片葉一個蘿蔔也要日本運來，我深深的吃到真誠味道，每道菜我亦全嚐了吃了，這樣才對得住食物和師傅，這個價錢去日本都唔夠，但可以吃到真日本的植物，海鮮，魚……很滿足…查看更多

近排可以收早， 今晚一於出黄埔食餐好，鮨文系香港數一數二的高級日式料理， 廚師亦肯花心思喺菜式上創新及嘗試， 所以每次嚟鮨文食廚師發板 (OMAKASE) 都有新嘢， 佢哋嘅食材全部從日本新鮮空運抵港， 不時不食，想食好野，不二之選!餐廳日式裝潢，一張bar，2張四人枱及一間獨立细房， 到訪前務必訂位，bar 枱一早比人book晒，今次遲左book位，要坐小枱，冇得坐bar同師父吹水及八掛日本食界新行程。鮨文嘅餐牌非常簡單，只有兩個OMAKASE供選擇， 另有一個 drink menu ，日本酒當然少不了。今日我跟為食友吃 $1,980的廚師發板OMAKASE茶碗蒸四點先付三點刺身八貫壽司手捲湯果物最鍾意食日式過場物 ， 製作認真，味道各有特色。酸子薑 ~ 酸甜爽脆芥末淮山 ~ 芥未清而微辣，爽口又健康的小食。鹽水牛蒡 ~ 高纖有營黑松露金箔蒸蛋首先出埸係黑松露金箔蒸蛋，蛋蒸得水漾滑溜，充滿黑松露優香，還有瑤柱的咸鮮調味。四點先付1. 新鮮水雲、海葡萄配紫蘇醋 ~ 完全唔知咩叫水雲， 細問之下原來水雲類似我哋嘅發菜， 不過水雲係新鮮的， 配紫蘇醋食， 酸酸甜甜又爽口， 好開胃。2. 靜岡縣梅酒漬蕃茄 ~ 番茄用梅酒浸泡過， 入口爆汁有梅酒香。3. 北海道白粟米 ~ 北海道粟米糖分很高 ，清甜又多汁。4. 黑梅貝配日式辣汁 ~ 貝肉爽彈，味道带微辣。新鮮水雲、海葡萄配紫蘇醋太刀魚天婦羅 太刀魚系日本人叫法， 中國人叫牙带， 野生太刀魚矜貴在用人手釣，只有用人手釣才不會極場魚身，太刀魚炸漿好簿，炸得香脆， 魚肉嫩滑肥美，幸好個紫菜芡比較清淡， 更能食出魚的原味道。仲有個鮫鰈刺身, 急不及待比我食左, 忘了影相, 鮫鰈魚火炙過，帶有微微的煙燻香味，口感細嫩帶點微彈爽口，充滿魚鮮。拖羅馬糞海膽三文治拖羅煙薰過， 肉質帶點結實 ， 上面鋪滿北海道馬糞海膽， 底面再用煙燻過的麵包夾住， 我鍾意食海膽，馬糞海膽先食為敬， 馬糞海膽那陣入口即溶的鮮甜味道， 令人無法抗拒， 跟住先至一口將餘下馬糞海膽及拖羅三文治一口吃落肚， 呢件好味又矜貴嘅三文治日日吃都不會厭倦呢!池魚杯池魚切條配上日本茗荷， 芝麻蔥花及紫蘇碎，池魚結實爽口，清新微辣，茗荷究竟係乜東東? 其實佢係日本嘅一種薑科植物，味道清辣。鮑魚配鮑魚肝醬鮑魚来自日本大分縣， 洗淨後用清酒浸熟，鮑魚味濃郁， 帶微微的清酒香， 再將鮑魚拈少許鮑魚肝醬一齊食，鮑魚肝醬甘香味濃， 有點蓋了鮑魚的鮮，之後先食晒啲鮑魚粒，之後才將鮑魚肝醬用黎拈滿壽司飯黎食，超正，鮑魚肝醬甘香得黎冇鵝肝咁油膩。八貫壽司1. BB鯛壽司 ~ 鯛BB肉質零舍嫩口軟滑，魚味較清。2. 鱸魚壽司 ~ 肉質軟棉带絲質口感，配酸汁啫喱帶出魚鮮。3. 烏賊壽司 ~ 出奇腍滑，師父用了少胡椒醬油調味 ， 除咗可以辟腥 ，微微的辣令烏賊更惹味。4. 喉黑魚壽司 ~ 喉黑魚有關西魚王之稱 ， 魚肉油脂豐富 ，加上煙燻过後的效果，油份更顯突出 ，肉質油滑肥美，件魚肝同樣煙燻過， 甘香美味。5. 赤貝壽司 ~ 只係簡單掃少許醬油提鮮， 鮮甜脆口。6. 拖羅壽司 ~ 香軟型，油份不高，魚味比大拖濃郁，配蒜香醬油提香。7. 鳗魚BB 壽司 ~ 掃上香甜鰻魚醬，經過火炙迫出魚油，油滑肥美。8. 海膽壽司 ~ 海膽出自北海道，入口即溶，非常creamy, 又甜又滑, 我就先食曬啲海膽， 回味完才食件壽司飯鮨文用赤壽司飯煙韌有咬口，微微的香醋酸香， 全部都細細粒容易食， 食完八件壽司都冇頂胃嘅感覺。有認証的北海道毛蟹，唔好意蟹蟹，師父要攞你去清蒸拆肉畀我哋食‚另外個箱生猛的小蟹是沢蟹，會做天婦羅。毛蟹肉、沢蟹配蟹膏毛蟹原隻蒸熟拆肉， 配上粉紫色的紫蘇花漂亮出場用快子大啖大啖送入口， 咁食蟹真梳肝，蟹鮮甜爽口，蟹膏甘香幼滑，完全沒有苦味，夠晒新鮮，沢蟹炸到脆卜卜但就無乜味道。蟹肉甜蝦海膽手卷 天仙配组合，鮮美带爽口的蟹肉，香甜滑溜的甜蝦及creamy 甜美的海膽用丸山出品的脆口紫菜包住，咬一口，口感味道都非常豐富有層次魚湯 用白魚骨及魚頭淆製的魚湯， 湯頭呈奶白色， 入口鮮甜暖胃。時令果物山形縣櫻桃甜度不高，但爆汁及新香。靜岡縣蜜瓜夠熟，腍甜多汁。宮崎縣太平之子芒果， 香甜多汁， 超濃的芒果香。喜愛鮨文除咗佢哋出品好之外， 就系佢哋嘅服務都非常貼心， 令人食完餐飯有幸福滿足的感覺。…查看更多

適逢好友生日, 緊係要比d 驚喜佢啦, 預早book好左佢返工附近而佢又鍾意食既omakase, 就揀左鮨文然後喺佢公司樓下等埋佢一齊過去👍門面絕對係高級omakase 既格局茶碗蒸個蒸蛋放左大量三文魚籽, 全部都係師傅喺店內自家製加入醬油漬, 完全冇魚籽既腥味, 帶點咸更能提鮮👍先食左上角晶瑩剔透既鰻魚苗, 因為要等過左日本既休苗期, 所以喺春季既時候先有, 佢地係3-4個月大架咋, 所以未有魚骨, 食落口感極佳👍右上角係鯛魚白子, 配埋七味粉, 食開白子既人都知佢質感係比較為creamy最後就食個味道較重既瑩光魷魚, 沾少少蛋黃醋更加惹味😋日本島根縣隱岐產 『春香』岩牡蠣呢款蠔來頭唔細, 因為佢係每年3-5月先有, 喺距離日本本島約50公里處的中ノ島先搵到佢(行船要用4個鐘!!), 但就係因為咁, 所以果片海域乾淨無污染, 處理工序非常嚴謹, 出貨前要用殺菌海水減菌48小時先至可以合格出貨通常食外國既蠔會配檸檬汁, 茄汁等較酸既醬汁一齊食, 用以去除較重既金屬味日本呢款岩蠔, 偏清甜唔會太咸, 所以師傅調製左酸汁啫喱, 唔會蓋過左蠔本身既鮮甜味😍煙燻鰹魚呢道菜極吸睛, 一上枱既時候師傅會叫你用45度角度慢慢揭開個蓋, 等日本蘋果木既香味緩緩散發開去👍配埋牙蔥, 明河同有dd 辣既四季紅, 唔洗點豉油同wasabi 都能夠中和到鰹魚本身較濃味既特質👍清酒蒸鮑魚鮑魚用料夠新鮮, 淨係用清酒蒸已經非常爽口美味😋配以較濃味既鮑魚肝醬, 更能帶出鮮甜鮑魚味全部壽司均用上赤醋飯, 係用左江戶前赤醋, 味道較柔和唔會搶味, 同埋有dd酒香, 而且全部都已經由師傅根據自己既經驗同對魚類既認識去調味, 自己完全唔需要另外再點豉油, 同埋最好用手食, 因為壽司飯做到有空氣感就會較為鬆軟, 唔單止咁呀, 佢個新鮮即磨wasabi塊磨板係出自京都縣老字號, 有成200幾年歷史, 全部都係用鱷魚皮 手工制, 可見師傅對廚具係幾咁執著👍👍天然真鯛魚用左炭火網燒, 散發住炭火香氣😍針魚得11月-4月先有, 肉質透明食落口感較爽白蝦捕獲自富士灣, 係富山獨有既品種, 味道極為鮮甜, 凍比熱食較好和歌山藍鰭吞拿魚中腩呢款中腩更加為人接受, 因為冇大腩咁肥膩, 口感較為柔軟蜜柑鯖魚都係用炭火網燒帶點炭火香, 因為係用蜜柑飼養既鯖魚, 魚肉帶有蜜柑香, 有效將將腥味降低北海道大溝貝象拔蚌類, 食落會較為濃味吞拿魚面頰肉呢個利害了, 100kg吞拿魚咁大條咁有份量先切到10片面頰, 矜貴至極, 配埋蒜味豉油一流👍 大極上馬糞海膽來自北海道東邊既根室, 鮮甜冇腥味, 而且海膽份量充足, 有成3層咁多😍😍手卷方面用左即場切碎左既拖羅, 右口魚邊同埋鰈魚撈均, 師傅純熟既刀功令人非常治癒☺最後食埋時令水果, 有宮崎既桔, 連皮食先係正確, 因為桔皮吸收晒桔味, 極香濃😍, 仲有熊本既士多啤梨, 同埋極度重甜juicy靜岡既蜜瓜…查看更多

年尾又到最興奮既時間，就係老公出花紅喇！真係等到頸都長埋，出左花紅梗係要去豪食返餐先啦，老公book左期待已久既鮨文，好興奮呀！講得係豪食，梗係要食最貴果個啦！呢度以Omaskase 為主，由廚師發版，我地只需要等食，爽呀！茶碗蒸打頭陣有茶碗蒸，粒粒三文魚子都好大粒好飽滿，而且師父已經自家醃製過，帶點酒香味，幾特別！蒸蛋整得好滑，三魚子卜卜脆帶上濃厚既鹹香味，再配上超滑既蒸蛋，口感好得意又好味，茶碗蒸內仲有元貝可以增加口感食完茶碗蒸，就開始五點刺身一點：赤穗蠔兵庫縣的赤穗蠔非常有名，雖然唔算好大隻，但肉厚鮮甜，口感creamy，配上師父自製既酸汁，帶點柚子味，又估唔到咁夾喎，好肥美呀～～ 二點：水八爪魚之後係由神奈川黎既水八爪魚！嘩～隻八爪魚隻腳超長，我地睇住師父將佢切片，師父真係好刀工，切到好薄，晶凝通透，勁呀！講返水八爪魚，口感非常爽口又滑，滑度可以直入口腔，而且味道濃郁！三點：白子白子其實係魚既睪丸，師父話呢個係鱈魚既白子，對女士特別有益，有美白功效，又有豐富既維生素D。白子口感就好似豆腐一樣，又滑又軟綿，好creamy，一放入口，已經直接滑入口腔，口感非常特別！師父配以酸汁，加上紫蘇醋、黑魚籽等，令白子味道更為提升，有清幽雅致既感覺！四點：香湘蟹一睇就知師傅用左好多時間心機去整呢個香湘蟹！蟹蓋內有蟹肉、蟹膏、蟹籽切碎混合而成，每一啖都食到濃濃既蟹鮮味，真係超高級享受！而上面仲要加左由蟹製成既湯，再整成既蟹湯啫喱，全部精華既所在，真係鮮味到唔知點形容呀～～～ 五點：鞍康魚肝鞍康魚肝入口有濃厚既魚香味，口感好creamy，呢種口感都係第一次食到，好特別！配上酸汁、蘿蔔蓉，令整個味雷好fresh，一啲都唔會覺得膩，好味道啊！八貫壽司一貫：橘鰤魚來自熊本縣既橘鰤魚，真係好特別既名字，原來名既由來，係因為佢地食橘子長大，所以就叫做橘鰤，食落去仲帶點橘既香味呀，好特別！二貫：金目雕金目雕係我食omakase 其中一款期待既食物之一！金目雕外表帶粉橙色，色澤漂亮，仲要係魚腩位置，肉質好滑，魚油豐盛又肥美，果陣魚油在口腔內迴旋，師父仲加左釀sake 既酒糟，帶出淡淡米酒香味，好特別既味道啊！三貫：赤海老來自九州既赤海老，睇下佢條彩虹尾幾靚，真係第一次見，大開眼界！隻蝦非常生猛，就算俾師父拆殻後都仲係度彈緊，真係超級新鮮！至於口感呢？非常爽口，非常鮮甜，蝦味濃郁，很棒！四貫：金華鯖第一次食呢個金華鯖，魚肉呈紅色，味帶甘香，師父話金華鯖既魚味好濃，所以在上面加左啲日本薑蔥，可以癖走腥味，所以食落去完全唔會覺得腥！五貫：赤海老天婦羅正當我諗緊頭先隻赤海老我只係食左個身，點解唔見左個頭既？原來師父拎左去做天婦羅嘩～呢個天婦羅，個皮超薄，咬落去脆卜卜，勁呀！六貫：燒銀雪魚bb肉質非常非常肥美而且鮮嫩，超多魚油，師父仲將表面燒過，令魚身更加之香口，放入口內，成個口腔都充滿魚油，真係不得之了，超級驚喜，好幸福啊七貫：文蛤文蛤亦係第一次食，味帶貝類果隻鮮甜，師父在上面搽上醬油，甜甜地帶酒香，幾得意！八貫：中拖羅終於等到喇～拖羅係我既至愛師父話俾我地試下新食法，就係在中拖上面搽醃左半年既白蒜汁，又真係好特別喎，可以食到好香既蒜味，又唔會遮左拖羅本身陣鮮味，口感好肥美，味帶甘甜，魚油豐富，超正呀！馬糞海膽杯嘩！呢個馬糞海膽杯真係唔惹少，滿瀉既馬糞海膽真係超級吸晴，見住師父用左1/3 板做呢個海膽杯，真係嘩然！上面仲有隻大大既牡丹蝦，好豐富喔！牡丹蝦口感爽口鮮甜，配上馬糞海膽簡直係最高享受！馬糞海膽呢？口感creamy仲非常鮮甜tim當我地以為馬糞海膽杯已經將我哋帶到最高峰嘅時候，點知驚喜一浪接一浪，見師父刮晒啲魚肉出黎，又拎塊魚皮出黎用火槍燒?原來佢係迫緊啲魚油出黎滴落去啲魚肉度之後再用紫菜包住俾我地食！拖羅魚油手卷呢個拖羅碎魚肉配埋魚油非常之滑，咬落去超級脆，索索聲好鬼爽！原來師父話佢地係用佐賀丸山紫菜，所以先咁脆卜卜，又學多樣野喇！食完所有刺身壽司後，飲返碗熱湯先當我諗住通常都係麵鼓湯既時候，師父竟黎左碗魚湯，未飲已經聞到超香魚味！飲落去更加唔駛講啦，魚味極濃，完全感受到所有魚既精華都在這一少碗內，超級鮮甜呀！靜江蜜瓜+長崎士多啤梨今日既omakase 終於到尾聲，最後仲有靜江蜜瓜+長崎士多啤梨，師父仲加左少少whiskey，令我地又試到個新食法，好幸福啊！第一次黎食鮨文，實在非常之滿意，無論在食物、服務、細節方面，餐廳都做到滿分，今晚可謂享受到最高享受，一試難忘，下次一定會再黎！…查看更多

今晚與另一半慶祝生日, 一於食好啲去了一間有名氣的日本餐廳去食Omakase。 這間食肆出名食材新鮮，師傅刀工一流；心思精細地在每一位顧客面前炮製和講解，務必令客人感受到大廚的功架和創意。茶碗蒸三文魚子大大粒好飽滿，D蛋蒸得很滑；蛋味濃。混合些卽磨wasabi一齊食感覺良好。刺身 (五款 )金華鯖大廚採用背和腩位置，貪佢特別肥美；食時加上柚子蓉，味道清新甘香。秋刀魚 魚骨偏幼所以師傅處理時格外留神。先食右边嚐它原汁原味(只落醬油)；後食左邊魚刺生，因經燒過故有煤炭味(配羗蓉和南瓜味)。白子(魚精子)初嘗白子感覺好奇。食落像豆腐，配上紫鬚醋和黑魚籽令口感豐富不少。磯煮八爪魚 經過三天慢煮所以特別淋滑。廚師特別推介首食八爪魚鬚，嚐嚐它的鮮味；再食肚部位加些特製 wasabi, 感覺不一樣。白酒煮青鮑鮑魚新鮮只用白酒煮更能帶出其鮮味。接下來便是八款壽司出場，故服務員替每位客人奉上指布(食壽司用)；更能突顯他們的專業和細心。針魚肉質結實，口感十足。金目鵰肉質較軟滑，配以鹽麴令味道提升。白蝦產源於富山。由十幾隻嫩滑鮮甜的白蝦組合而成 配柚子容和岩監更能突顯蝦的味道。網燒梳子魚經燒過後去了油脂，並帶有炭燒香味；再配埋煙燻蘿蔔蓉，惹味十足。吞拿魚以山葵自製醬油能令吞拿魚食得鮮甜而不肥膩。火炙沙甸魚沙甸魚採取火炙處理手法混合橘子汁令味道更覺清新。拖罗新鮮淮山磨成蓉加在原身已肥美非常的拖罗一齊吃，更能感覺其肉質嫩滑非常。海膽餐廳選用的海膽全是拍買回來的北海道馬糞，故非常珍貴；入口卽溶，甘香鮮甜。魚湯以魚頭和魚骨煲成奶白色的魚湯，鮮甜美味。罗白漬手卷以吞拿魚碎和甜蝦做成手卷，口感豐富。Hearing提子是日本新品種，皮薄清甜；雪凍來吃一流。…查看更多

幾經辛苦，終於去完西藏，仲要無高山症，當然要熱烈地彈琴熱烈地唱，嚟鮨文又食omakase！茶碗蒸一打開個蓋，入面充滿自家製三文魚籽，每粒都晶瑩剔透非常飽滿，同外面嗰啲完全冇得比，係清甜帶柚子香㗎！至於個蛋真係好滑溜，帶少少鹹香嘅茶碗蒸真係無得頂！刺身5款1. 平靜魚切咗絲嘅平靜魚，加入芝麻、蔥花及薑蓉，入口先食到芝麻味，但千祈唔好放棄，要繼續咬，啲魚味先會出㗎，記住唔好咬幾吓即刻吞呀！2. 天婦羅帆立貝帆立貝炸到半熟，上幾次食都係開邊後釀入海膽，但今次轉做微辣嘅明太子，再加上一片紫蘇葉，外面再包紫菜，外層好薄，一咬開入面一絲絲嘅帆立貝肉顯現易見，口感好之餘呢個配搭又好新鮮3. 櫻煮八爪魚之前幾次喺元朗店都未試過，原來係黃埔店限定！要花上3日去烹調，第一日同八爪魚做massage後用低温煮；第二日先用明火慢煮，期間每10分鐘檢查一次check吓個煙韌度；第三日先加入自家製醬油浸一晚，慢煮出嚟嘅八爪魚肉身依然係粉紅色，就好以櫻花咁，所以佢就叫櫻花喇。不嬲怕咬唔開而唔鍾意食八爪魚嘅我，完全係被震懾住！軟綿程度非筆墨可形容，簡直一咬即開，仲非常入味，又帶少少八爪魚鮮味！係非常花心機嘅一款菜色！4. 酒蒸鮑魚用清酒及慢火，慢慢煮用來自九州嘅鮑魚，足足7個鐘！入口煙韌彈牙，點少少用鮑魚肝製成嘅醬，鮮味更加濃郁；最後將大廚俾嘅小飯糰撈埋啲醬食，鮮味大爆發，完全忘記咗自己係食緊鮑魚肝！5. 花咲蟹估唔到今晚有機會試只限夏季捕撈嘅北海道四大名蟹之一，大廚用一塊大昆布包住隻蟹蒸45分鐘，拆開昆布嗰吓真係覺得好震撼，估唔到咁矜貴嘅蟹都唔係特別靚，成身佈滿棘刺！之後再拆肉，加返啲蟹膏，蟹肉滲出鮮甜汁，蟹膏軟綿綿，回味無窮壽司8款1. 真鯛顏色較淺，味道清淡，肉質結實，加上檸檬醬油，同樣地記住咬多幾啖，否則只會食到檸檬味而失去魚味2. 幼鰤係我最愛嘅BB鰤魚，油脂夠多！壽司飯入面加咗安岡蔥，帶蔥香好特別3. 目一鯛賣相好有趣嘅壽司，共有兩層，下層係一大片加咗岩鹽嘅刺身，上層係一小片燒過嘅魚背，魚油必晒出嚟，好有油香，下層吸收晒上層嘅魚油，食起上嚟非常特別4. 石垣貝食食吓突然見到隻貝伸出殼外，好似打招呼咁！之後大廚就將佢切開，上碟前仲拍一吓等佢收縮。真係從來未食過咁新鮮仲郁緊嘅貝，雖然放入口嗰吓有啲唔敢食，但嗰種海水鮮味真係前所未有，口感極度爽口，真係一食會上癮！5. 真鯖喺閃閃吓好明亮嘅魚皮上放咗一片好薄嘅醋漬白昆布，不過白昆布薄到食咗都唔覺！6. 喉黑魚被稱為關西魚王及白身魚Toro，網燒後啲魚油及鮮味出晒嚟，肉質肥美嫩滑，仲有少少炭燒味7. 子持蝦蛄日文名聽都未聽過，但叫佢瀨尿蝦，就即刻哦一聲！原來有分蝦公及蝦乸，今日我哋食蝦乸，超多膏！！！！8. 大拖羅一向食大拖羅都覺得成口油，但今次試吓網燒，上面加咗連蒜豉油嘅日本蔥茸，反而去除咗嗰種油膩感，入口即溶，仲有我最愛嘅蒜香，又幾特別喎！雲丹盛即係呢度最著名嘅海膽杯，大到不得了，上面仲有一隻鮮甜大牡丹蝦，海膽非常creamy甘香手卷話咁快就食到最尾了，輕輕燒過嘅右口魚邊再加上一堆拖羅，哈哈哈！一食啲魚油由紫菜滲出，正正正！魚湯奶白色，一飲就忍唔住將全晚食過嘅魚再回味多一次！靜岡提子係餐廳直接喺日本訂返嚟，香港冇得買嘅巨峰Mix黑提，食落好得意，巨峰味較淡，但又比黑提大粒好多嚟呢度食omakase作為慶祝活動，真係冇揀錯…查看更多

為慶祝能克服高山症，成功到達相信會係我一生能到達嘅最高地 – 珠峰大本營，去咗試鮨文嘅黃埔店，去鮨文當然係omakase，今之試了不起1850嘅，有好多嘢食，分別有茶碗蒸、刺生5款、壽司8款、雲丹盛、手卷、湯同果物食日本嘢，當然唔少得漬物，比平時嘅大碟，有子薑、黃瓜、淮山、牛蒡同紅酒橋頭茶碗蒸一上碟只見到三文魚籽，真係好多，先試一口三文魚籽甜甜哋，一問之下，原來係自家制，用醬油浸過，仲有酒香，再試下蛋，好滑，入面仲有帶子同菇刺生5款平靜魚切咗絲，加入由芝麻、蔥花同薑蓉，入口先感受到芝麻味，再咬多幾口，魚味出晒，一絲絲慢慢食，送酒一流天婦羅帆立貝帆立貝炸至半生熟，開邊，釀入明太子，配上一片紫蘇葉，再包上紫菜，入口外脆內軟，帆立貝仲係一絲絲的櫻煮八爪魚呢個係黃埔店限定的，烹調時間要三日，第一日要先同爪魚按摩，再用低温熟成，第二日就開始用明火進行慢煮，仲要每10 分鐘檢查一次，到咗第三日就加入自家製醬油浸一晚，之所以叫櫻煮係因為煮完之後爪魚係粉紅色的，好以櫻花咁，同平時食嘅八爪魚好唔同，淋到難以形容，仲要好入味，喜歡辣嘅朋友，可以試吓點柚子胡椒醬酒蒸鮑魚係來自九州嘅鮑魚，用清酒慢火煮7小時，清甜煙韌，仲可以貼吓由鮑魚肝製成嘅醬味，層次再提升，食完鮑魚，廚師放底一粒小飯糰，可以撈鮑魚肝汁食，完全無浪費花咲蟹北海道四大名蟹之一，仲只限夏季捕撈，用一塊大昆布包住蒸45分鐘，再拆肉，配上蟹膏，肉味鮮甜濃郁，亦清甜開始食壽司，餐廳好有心思，預備咗一塊壽司布，比我哋用手食完壽司可以清潔一吓壽司8款真鯛少年鯛魚，配上檸檬醬油，入口先係酸味再來魚味，爽口，魚肉結實幼鰤BB鰤魚，壽司飯仲加咗安岡蔥，先有魚味，再食到蔥香目一鯛共有兩層，下層係一大片魚生加上岩鹽，上層係一小片燒過嘅魚背，上層嘅魚背燒過後魚油出晒，好香，下層嘅魚生油片吸收了一些魚油，大大提升了魚香石垣貝好新鮮，食時仲郁緊，上碟時廚師拍了石垣見一下，等佢收縮一吓，之後仲叫我哋唔好等，立刻食，好爽口，好鮮甜，有貝味，仲有少少海水味添真鯖一大片連皮，仲好光亮，好閃，上面仲加咗一片醋漬白昆布，薄薄的，唔腥仲有有魚味喉黑魚係關西魚王，經過網燒後，魚油出晒，仲有炭燒味，而且肉質細嫰子持蝦蛄子持蝦即係瀨尿蝦，係蝦乸，好多膏，清甜大toro大toro經過網燒，上面仲有加咗蒜豉油嘅日本蔥茸，我一向覺得食大toro時只感到一口油，今次加咗蒜豉油嘅日本蔥茸就無呢種感覺，toro入口即溶，仲有蒜香同蔥香雲丹盛即係海膽杯，好大杯，上面仲有一隻大牡丹蝦，好鮮甜，海膽都好creamy 甘香又鮮甜手卷燒過嘅右口魚邊，加上一碎toro，千滿漬，一件手卷，有唔同嘅層次，燒過嘅右口魚邊油份慢慢滲出，廚師包手卷時放了一小片响底，咁魚油就唔會一手都係食飽飽再來一碗熬至奶白色嘅魚湯，飲落去係滿滿魚既鮮甜，之後再以來自靜岡嘅提子為今晚畫上完美句號，呢款提子係餐廳直接响日本訂回來，只次一家，係巨峰Mix黑提，甜度剛剛好…查看更多

難得與好姊妹聚會，當然要食得豪氣一點，偶爾吃個Ｏmakase都對得起荷包～　記得要預先book位，識食當然要選$1750的Omakase 啦～　茶碗蒸，幼滑的蒸蛋面層，鋪上粒粒魚籽，令口感更添鮮明對比沒有想過「鰻魚ＢＢ」都可以刺身，配上冷麵汁，滑嘟嘟的口感，又幾新奇！鯛魚白子（應該是男士恩物。。。），個人感覺有點像爽口一點的蟹膏口感，加上酸汁和辣蘿蔔蓉，惹味開胃。螢光魷魚，以三杯醋加薑調味，帶點煙韌青酒鮑魚，香濃清酒醃製的鮑魚，酒香撲鼻，鮑魚肉質鮮嫩，讓人吃得陶醉！深海池魚伴上幼細芽蔥，為新鮮池魚添上莫名滋味魴鮄魚，不是常見的刺身，呈淡粉紅色的魚肉，肉質爽嫩新鮮不易捕獲的鰆魚，在鮨文卻吃得到，以網燒炙香的魚肉，伴上辣蘿蔔蓉入口，煙薰半熟的魚肉，肉質鮮美！中吞拿魚朒，超滑漏的吞拿魚朒，入口立即溶化，大愛！靜岡蜜瓜，甜得有如蜜糖的蜜瓜，可選擇淋上威士忌，令蜜瓜的甜味昇華，一試難忘…查看更多

之前係元朗食過已經覺得好正, 但元朗對九龍人黎講的確係有D偏遠, 早前好開心聽到鮨文係黃埔開分店, 今日終於又搵到籍口奬勵自己黎食多次!! 黎到黃埔分店鮨文大門前, 真係唔係朋友上網睇過確實係呢個門口, 都唔敢推門內進, 因為門前完全沒有店名, 充滿神秘感呀~~入面裝修同元朗店大致一樣, 但就大左好多,仲有一間房仔提供比客人BOOK, 甘私隱度就更高, 啱晒自己人一齊黎高興下時都唔怕嘈到隔離, 房間最低消費係一萬蚊, 最多可以容納七個人, 整體店面大左, 可以坐到四十幾個人, 甘就易BOOK左好多了...我地揀左每位HK$1750+10% 既廚師發辦套餐, 其他一切就交比梓健師傅你啦~~茶碗蒸先黎一個茶碗蒸, 上面係鰻魚, 下面係蒸蛋, 入面仲有細細粒既元貝同菇菌, 食落非常鮮甜...愛媛縣鰻魚BB呢碗鰻魚BB賣相有D似白飯魚, 但細心睇清楚佢係扁而且闊身, 肉身透明, 口感好滑溜, 一食就直落喉嚨...鱈魚白子我唔知今晚有安排白子, 師傅雖然之前有問過有乜野唔食, 但我無答到唔食白子, 我本人幾怕呢個賣相, 但尊重師傅既安排, 我一口吞左落肚! 我以後都會記得講ga la...櫻煮八爪魚其實櫻煮係指慢煮既意思, 第一日要幫八爪魚做按摩, 第二日就係要慢煮, 而第三日就要攞去浸, 經過多重功夫, 慢煮出黎既八爪魚既肉質何其軟身, 比傳統烹調韌實既口感截然不同, 食落非常鮮嫩, 配埋少少柚子胡椒同食, 令鮮味更突出呀~~螢光魷魚+沖繩水蕓一邊係黎自日本富山灣既螢光魷魚, 魚身柔韌多汁, 入面飽滿魷魚子, 師傅話而家係熟食, 遲D到螢光魷魚既季節, 貨源穩定時就可以刺身食了!! 而另一邊就係自沖繩既水蕓, 賣相類似髮菜, 係一種藻類植物, 入口好滑, 味道清淡...淮山+蘿蔔 為左係等食既時候有d野食下, 師傅比左d 淮山同煙燻過既蘿蔔比我地食, 我好喜歡淮山個種獨特既口感同味道呀~~太刀魚昆布卷昆布卷入面係太刀魚, 而太刀魚係屬於貴價魚之一, 係因為呢種魚係需要人手一條一條釣上黎的, 食落味道獨特, 層次豐富~~大分縣青鮑魚青鮑魚肉質非常爽彈, 沾上少少鮑魚肝醬令味道更提鮮, 之後師傅比左一細舊飯比我地, 沾埋剩餘既鮑魚肝醬, 又好食又唔浪費, 正~~金目鯛壽司金目鯛既魚脂同肉既比例均衡, 肉質細嫩肥美, 味道鮮甜, 口感爽滑, 幾乎入口即溶甘濟...鱈魚BB壽司鱈魚BB太約重1-2kg, 肉質好鮮嫩, 配以白麵豉醬食味道更佳~~三文魚籽壽司超大粒既三文魚籽, 粒粒晶瑩剔透非常之飽滿, 食落係口中爆開, 唔單止無腥既味道而且仲好鮮甜~~青柳壽司青柳屬貝類食材, 睇住師傅現場花左好多功夫將肉從貝殼除出及清洗乾脆, 配以橘子汁同食, 味道好爽脆及鮮甜, 正~~關鯖魚壽司關鯖魚冬天係最肥美的, 肉質爽脆, 以及油脂帶黎更加濃厚既鮮味, 令我一食就愛上~~縞蝦壽司黎自北海道既縞蝦可算是蝦中比較矜貴既一種,比牡丹蝦既產量仲要少, 入口肉質緊實, 之後細緻鮮甜, 最後攞埋個蝦頭去炸, 食落好香脆可口~~大拖羅壽司大拖羅係吞拿魚腩位, 油脂含量非常之高, 一入口油香已經席捲入味蕾呀!! 好想追食落去呀...櫻葉白飯魚壽司櫻葉白飯魚可能櫻葉味太重, 我本人就唔係太喜歡食...北海道海膽杯我全晚最最最期待既就係呢杯北海道海膽杯啦~~用上白雲丹同赤雲丹北海道海膽一層一層堆砌成的, 上面加上牡丹蝦, 下面就係壽司飯, 賣相澎湃, 海膽食落幼滑鮮甜而且味道濃郁, 食完非常之有滿足感~~右口魚(鰈魚)手卷右口魚好嫩滑呀! 食埋真係飽到上心口呀~~魚湯最後飲埋碗魚湯, 味道非常之濃郁又唔腥, 真係無得輪呀~~果物食到最後緊係要返件飯後果啦!! 係青肉蜜瓜上噴上少少Whisky, 令蜜瓜既甜度提升, 好好食呀~~唔知下次又幾時可以黎食過呢!? 偶然比籍口自己黎豪一次, 其實真係幾開心同滿足!! …查看更多

在香港，要食高級壽司，第一時間想起來的必然是銅鑼灣、尖沙咀或者中環，原因簡單，這三個地區要不是高級購物區 / 遊客區，就是高級寫字樓集中地，有足高消費能力支持高級鮨店。早四年幾，這個情況卻有一點變化，一個出身於某間本地著名（曾經）壽司店的師傅，老遠走到元朗區插旗開了一間屬於自己的小鮨店，走的卻並非大眾化壽司 / 和食路線，而是銅鑼灣及尖沙咀的高級鮨店級數，意想不到地取得成功，甚至吸引不少外區人士蒞臨元朗一嚐味道。之後，這間鮨店的其中一名大師傅又自立門戶，在元朗區開了另一間高級鮨店，同樣取得成功，甚至有超越前者的勢頭。礙於實在太遠了，始終不能下起決心、為了食壽司而走入元朗一探究竟；直到今年初，後者終於衝出元朗，在紅磡區開設分店。今晚終於來到紅磡的【鮨文】一探虛實。商場外牆正在裝修，【鮨文】的招牌也被迫暫時拆了下來，如果不是外圍的仿木門和式裝修風格，差點找不到門口。推門入內，眼前是一條短短的甬道。左邊是一個清酒酒櫃，雖然對日本酒的認識有限，但似乎並不是什麼貴價清酒或日本燒酎。右邊則是兩間各自可容納 6 至 8 人的私人包廂。甬道盡頭就是一個可以容納 12、13 人的廚師發板壽司吧。正宗高級壽司店，刺身食材都不會擺放在展示於客人眼前的雪櫃內。正規的處理方法是貯藏在木盒、並將整個木盒放進雪櫃，這樣才能保證魚鮮不會直接暴露於冰凍的雪櫃內而引致水份流失、或吸收了其他食材的氣味。平時同太太去食壽司，一定唔會開酒，因為酒量唔深、唔想浪費；今夜一班朋友享受廚師發板（$1850），當然另作別論。共開了兩瓶酒，其中一枝為《獺祭 純米大吟釀 48》，以非常有限的日本酒知識，屬於普通貨色吧。真是大鄉里出城，平時甚少與朋友分享一整支日本酒，更加未見過這個特色盛酒器皿。這個有點似滴漏咖啡壺的盛酒器皿包藏了一個玻璃內膽，用來放置冰塊鎮凍日本酒；器皿下端有一個玻璃活塞，用小木盒向上輕輕托高，冰凍的日本酒即可滴瀉而下。《獺祭 純米大吟釀 48》辛辣度低、甜度高，極易入口，飲多幾杯都不會覺得醉醺醺。茶碗蒸。一向見慣的茶碗蒸即使有餡料，份量也不會多，而且絕大多數混入蛋漿內。這個茶碗蒸一反常規，蒸蛋表面鋪滿鮭魚籽，用料絕不吝嗇。鮭魚籽一貫的鹹鮮、下面的蒸蛋也夠滑溜，兩者皆好味，但合在一起有啲奇怪。略為冰涼的鮭魚籽影響了本應溫熱的茶碗蒸，味濃的鮭魚籽也蓋過了蒸蛋的木魚昆布湯底；反而更加欣賞茶碗蒸內的兩小粒貝柱肉，份量恰當、味鮮、軟腍煙韌，又不會蓋過茶碗蒸的主角蒸蛋。今晚共有六款刺身。第一碟是橘鰤。師傳介紹橘鰤雖然是養殖魚類，但每年產量只有 5000～6000 條在右，同樣罕有，名字源自飼料中混入了橘子。一般來說，養殖魚的油份偏高，很多時候會掩蓋了魚本身的鮮味，而橘子正可以控制鰤的油份。雖然油香稍為及不上平時食開的鰤，但肉質更軟腍、入口清爽。本來一客兩片，但賣相實在太吸引，影相之前已經吃了一片。下一道是火炙秋刀。青皮魚味道一向濃烈獨特，並非人人皆能接受，但正正是這種濃郁魚味才是值得品嚐的原因。有別於部份青皮魚如鯖，為了延長保鮮時間而採用鹽漬或醋浸泡，秋刀則只會作鹽燒或刺身。師傅將一條條已經起骨的秋刀魚肉，再仔細地挑出細骨、並切走兩邊近魚鮨位置，本來以為就快有得食，但之後又拿了出去不知進行什麼處理 ⋯⋯ 期間又取了一碗食材出來，準備下一道刺身。過了不久出去取回秋刀，之後再細緻地𠝹上格仔花紋、每條切成四件，終於有得食。一如其名，盛產於秋天的季節魚種秋刀，今季已是尾聲，今晚之後，又要等下年秋天才能品嘗。始終魚味很重，最適宜配搭一點薑蓉或蔥花同吃。今晚的秋刀魚味夠濃、只略嫌魚脂不夠香，師傅也同意今季的秋刀不夠肥美。雖然魚皮表面看不出來，但有一點點輕微的火炙焦香，師傅話係刻意處理方法，因為並非人人皆能接受秋刀的天然魚脂 ⋯⋯ 可以揀的話，還是更喜歡未經火炙的天然肥美秋刀。櫻花八爪魚配胡椒柚子蓉。用甜醬油浸漬及慢火炆煮兩個程序輪流處理了總共三天，目的保持八爪魚表面的那一層紫色骨膠原薄膜，另一方面八爪魚又可以完全入味及煮至腍滑軟糯。整個程序聽落去就好似廣東菜的烄煮鮑魚，覺得應該會幾好食。本來一客兩片，一片是八爪魚觸鬚、另一片是八爪魚身體；但聽師傅介紹完之後實在忍不住口，影相之前已吃了一片。與曾經食過的又硬、又韌、又有渣的八爪魚壽司完全不同，櫻花八爪魚完全唔韌、唔硬，肉質腍滑軟糯，有帶甜的日式醬油味之餘，又保留了八爪魚原味；是直到目前為止所光顧過的日式料理中最好食的八爪魚。第二件刻意蘸一點胡椒柚子蓉，微微辛辣的胡椒混合帶酸的柚子清香幾特別，但還是喜歡浸漬原味多一點。還記得多年前首次接觸日本料理（其實即係平價迴轉壽司），那些漬物實在難睇又難食，這個壞印象直到近年在高級鮨店接觸過品質高的漬物後才開始改觀。今晚就有四款相當好吃的漬物。一向最喜歡的酸薑 ⋯⋯ 如果切條會更爽口；非常爽脆的醋蘿蔔；有微微山葵味、但全不嗆喉的新鮮山芋，爽口中帶腍、兼有新鮮山芋的天然少少黏滑。最喜歡是海帶，用了3:2:1 的水、糖、醋混合而成的調味液浸漬，爽脆、入味，海帶的腥味除去得相當徹底。第四道是銀鱈魚白子配銀鱈魚，用了網燒方式處理，但只是極為輕微的燒炙，表面見不到明顯的焦香。用了細條的銀鱈魚及直切，所以有腩有背，可以試齊兩個不同部位。背部肉質較為結實、腹部較嫰滑；但銀鱈魚始終油份高，無論背部及腹部皆油香嫰滑。魚皮燒烤得甘香脆身，如果魚肉可以多一點焦香會更加好食。未食白子前，師傅帶著古古怪怪的眼神：「你們應該知道甚麼是白子吧？」無人答。我插了一句：「冇理由唔知掛！」。不過，始終冇人講出口 ⋯⋯ 白子只是在表面輕輕燒炙，中心仍然接近全生，同刺身沒有太大分別；入口黏滑、creamy、膩，有一點點魚內臟的膻腥，但非常鮮甜。之前曾經食過煎得甘香、有七成熟的白子，加上少少海鹽調味，個人口味較為喜歡。炸帆立貝。包廂房內既沒有網燒烤爐、也沒有炸鍋，帆立貝是廚房炸好後拿入來。講真話，賣相麻麻地，只是普通日式揚物，而且沒有瀝油，墊底吸油紙又差不多已穿透。師傅只用紫菜簡單包起就遞到眼前，用手接過後大啖咬落去。哇！好食！可以不用理會賣相！首先，紫菜尚未因帆立貝的熱力而吸收了空氣中的水氣，非常鬆脆。重點帆立貝起碼是 LL 大小級數，而且是冰鮮貨；見到一絲絲的肉柱；鮮甜、爽口、軟腍中又有少少煙韌，接近活帆立貝刺身水平，一般急凍帆立貝刺身不能嫓美。再來就是清酒昆布蘿蔔浸蒸鮑魚。鮑魚產自日本東北，經過 3小時的文火蒸煮，蘿蔔的天然酵素及清酒有助將鮑魚的緊緻肉質變得綿實、軟身、彈牙、有咬口，比爽脆的鮑魚刺身更好食、也更能帶出鮑魚的鮮甜，難怪日式料理雖然以刺身海鮮馳名，但多數用浜燒或醬油磯煮方法烹調鮑魚。日本出產的鮑魚的確勝人一籌，鮮味無窮；烹調技巧又好，咬落彈牙、細味咀嚼綿韌柔軟，甚至有一點溏心效果。其中一塊蘸一點用鮮鮑魚肝磨爛調制而成的純天然醬料，香濃、味重，如果鹹一點更完美。以為就此完結，衝口而出：「豈不浪費了美好的鮑魚肝醬？」師傅笑説：「不會！」從盛載壽司飯粒的小木盤揑起一個小飯團，放在濃稠的鮑魚肝醬上。急不及待用盡方法將剩餘的鮮鮑魚肝醬蘸得乾淨徹底。今晚共有七件壽司。鱸魚屬於標準白身魚，味清淡，油脂極少；入口清爽結實、肉質綿密，配上酸汁啫哩及辣蘿蔔蓉增添味道理想不過。縞鰺（深海池魚）。曾幾何時，野生縞鰺是貴價魚，自從可以養殖之後，現在已非常普遍了。入口質感爽脆、結實，油脂香氣雖然比不上鰤、とろ般濃郁，但魚油透着甘醇芳香、綿密悠長；加上養殖因素，油脂較多，經過輕微火炙帶出油份，更添甘甜肥腴。師傅捧出一盤活車海老，每隻最少六寸長，其中兩三隻甚至乎仍在跳動。欣賞完後，就拿了出去將其蒸熟，準備炮制活車海老壽司。活車海老來自日本，身形巨大，實在已經急不及待想盡快吞入口中，偏偏這一道壽司要席前炮制，所需時間也是最長。車海老蒸熟後，先除頭去殻。巨大的蝦身開邊去除蝦腸。車海老頭當然不是就此浪費，搾取內裡所有蝦膏，再用刀背刴爛，席前製作新鮮蝦膏醬。之後就用這碟蝦膏醬代替山葵末，炮製巨型車海老壽司。車海老完全覆蓋整個壽司飯糰，巨大程度可想而知，表面又掃上一層薄醬油，柔潤光澤更加吸引 ⋯⋯ 實在太大件了，竟然無法一啖而盡！非常鮮甜，又充分表現出車海老的結實肉質；唯一小小美中不足之處，就是蝦膏分量未夠多，而且有點意料之外、這一小碟新鮮蝦膏醬反而沒有採用火炙處理，未能進一步帶出蝦膏香氣。其中一名友人對車海老敏感，筆者食了兩件。小肌。以前食青皮魚只接受未經鹽醃或醋漬的生鯖、秋刀、針魚等，皆因曾經多次食過很難食的醃漬刺身或壽司。由於很少品嚐，這件小肌是否高質素無法肯定，只能夠說入口完全沒有過分的鹽醃醋漬以致掩蓋了魚味、但也沒有重重魚腥；魚味濃郁得來很少油脂，魚肉也較乾身。比較起以往所食過的鹽醃醋漬魚種，這件小肌好吃。吞拿面脥較大とろ更罕有，既有大とろ的濃厚魚油香氣及重油份，又兼有吞拿魚肉的軟糯咬口。雖然缺少了大とろ的入口即溶、魚油滿腔，但卻增加了味道的複雜性；尤其吞拿面脥首先經過醬油漬處理，揑成壽司之前又輕微火炙以引出油香，味道更添層次感！之後送上一杯熱辣辣的魚湯。炮製魚湯一定會用白身魚，取其油份適中、味道濃淡適宜；如果改用赤身魚，很難想像過度的魚油脂肪所炮製出來的魚湯是什麼情況。魚骨、魚肉先分開炒香，引出魚脂；倒入滾水後即時變成奶白色，熬煮一段短時間，再隔渣即成。奶白色程度未夠明顯、湯頭也未見濃稠，賣相一般；但魚味出乎意料地濃郁，很快就一飲而盡。未夠喉，好想飲多碗。最後就是期待已久的海膽。本來有點失望，因為沒有【鮨文】賴以成名的海膽杯；不過，也有兩款不同字號的海膽軍艦以作補償，分別是家保及小川，兩間字號都是馬糞海膽。雖然馬糞海膽一向以味道濃厚而著名，但原來不同字號出品的味道也有濃淡分別。小川味較濃、更甜膩；家保較淡、但有餘韻。吃完七件壽司，原來還有最後高潮右口魚邊蟹肉手卷。左鮃右鰈，兩款都是好吃的白身魚，油份皆不多；偏偏鮃鰈的魚鰭邊緣位油脂極度豐富，從外表根本睇不出來。將右口魚邊切成一段段，今次師傅終於在席前用火槍燒炙，不再拿出去找人代為處理。隨著紅紅火火，已經聞到油香四射；火炙至表面金黃的右口魚邊已經非常吸引。師傅又拿出一樽完全沒有品牌名字的蟹みそ（即是蟹膏味噌），搯出一大匙放入右口魚邊，再加入鮮蟹肉，拌成餡料。搯起兩大湯匙放在紫菜上面，包成手卷。一口咬落去，油香、蟹肉鮮甜、蟹みそ的濃郁鹹香，三種非常濃烈的味道互相輝影、但彼此又沒有互相掩蓋，反而強化了各自的味道 ⋯⋯ 實在係好食到難以形容！非常非常非常想食多一件！最後以日本溫室蜜瓜總結這一頓晚飯，而且不是簡單的果物，還有一個噱頭：在溫室蜜瓜表面噴上威士忌。青肉蜜瓜稍嫌太熟，肉質非常軟腍、欠缺一點爽口，開始變成半透明。有點過熟的蜜瓜雖然更加甜蜜、更加多汁，這個程度尚可接受，再熟一些則過度了。雖然噴了威士忌，但只有淡淡酒香，並沒有掩蓋蜜瓜的甜度。【鮨文】的師傅十分喜愛與客人交流，並詳細介紹每款食材的特性；不似某些高級鮨店師傅的拘謹、甚至比一些健談的壽司師傅更健談。除了品嚐壽司、欣賞師傅手藝之外，也多了一叢娛樂；這一頓飯足足吃了三個多小時，實在只能以「盡興而歸」來形容。…查看更多

憑海膽杯走紅的一間鮨店，而衝出租平的地方開分店，一定是日本不會見到的神奇事。鮨店傳統來說不會有浮誇吸睛的出品，更不會貿然開分店，這無疑是本地人在港開鮨店的特色了。鮨店的名聲，多從掌舵人而來，有點像髮型屋的師傅，去向影響客人的去或留。現在鮨文有分店了，文師傅總不能一分為二，能否碰上他還看你運氣，當然在訂位時可以探聽一下。今次來黃埔店一趟，純粹方便經常OT 的友人能盡快趕到，沒特別問是否由文師傅發板。遇到的三位年輕師傅（不老，但年紀可能比文師傅大），介紹食材和食法時談笑風生，有別於傳統鮨店的肅穆。想呀想，自己到日本幾趟，都訂不到好的omakase，但就算吃過了，因言語不通而了解有限，那倒不如不要吃。操共同的語言，閒適的氛圍，是在海膽杯外的留人處。就在聚寶坊燈牌下方，交通極其便捷，出地鐵後不消一分鐘就到，方便得有點過分，總覺得鮨店該帶點隱秘，就是網媒常用的詞語「隱世」。店面比傳統的鮨店大，相信這裡舖租較元朗貴，但面積大得多，真令人摸不著頭腦。幾級樓梯之下，幾步走完小通道，來到三位師傅「站崗」的吧枱位置。雖是平日晚上，我們應該是訂七點而最遲來的客人，吧枱只欠我們便坐滿了。吧枱以外還有坐得上十人的桌，初時沒人坐，但到九時左右竟來了兩位同樣是吃omakase 的客人。壽司和刺身都是幾件幾件的捧過去，同樣新鮮但稍缺逐件講解逐件吃的獨特體驗吧。友人未嘗過海膽杯，又沒理由一平一貴辛苦自己，索性兩個都選$1750 的omakase，有茶碗蒸、6客刺身、6貫壽司、海膽杯/壽司、手卷、湯和甜品。你可能會想，平時在壽司店、超市買的一盤10貫壽司都吃得下，吃上6客刺身和6貫壽司應該是閒事？這裡的用料不是坊間常吃到的，加上一客刺身不是區區一兩片，因此份量上不用擔心不夠；加上師傅可能會送上餐單以外的小食，你只需怕你胃納不夠放好了。擦過了手，快速送上的是茶碗蒸。有別於一般會看到海鮮粒冒面的澄黃表面，混入食用金箔的黑松露醬添上一襲神秘感。一舀之下，依然是滑溜沒蜂窩狀的蒸蛋，蛋和水的比例剛好，有一定的張力但軟滑得隨咽而下。蛋裡沒有普遍的銀杏、白肉魚，反只有瑤柱粒。也許因黑松露的突出芳香，搭配適宜的沒有加入雜亂的海鮮來搶味，況且蛋裡還有雞湯的清香，單是瑤柱粒的乾貨鹹香已提味不少。味道不談紛陳，只談恰宜。接著是刺身，首為春香岩蠔，是長崎以西的五島列島的野生蠔，每隻都像碗般大，蠔肉飽滿得不用探頭都看到。工序不多，但對進食體驗最尤關的，就是把那「瑤柱位」連蠔肉刮出，到客人手上就是夾起蠔肉便是，不用拼命的用不尖銳的食具刮呀刮。蠔肉大得足以填滿口腔，但絕不是「大而無當」的，贏在體積之餘，味道相當細膩。野生的蠔比養的爽脆，大概是70%爽加上30%的creamy；海水味強但不會過鹹，creamy 的質感有助帶出奶滑度，混入海水的鹹鮮為之平衡，回甘味濃。一小塊的青檸，顯畫龍點睛之效；不放也可，但放了帶來微酸也不錯。跟著是意想不到能吃到的白子，愚人如我以為只是秋冬當造，才有白子吃。如果你知道白子是什麼，那其實有其他魚都需要繁殖，都有著這部分吧，這是我沒細緻研究的。夏季白身魚當造，所以這白子是來自鯛魚白子。樣子跟我在冬季吃過的鱈魚白子沒太大分別（那其實不是吃了很多次，印象不深刻），不過味道上有少許不同。入口依然滑如凝脂，不過口感較冬天的爽脆，沒那種停在舌上塌下繼而融化的軟綿極致。有些人會怕白子腥臭，我看可以從夏季的嚐一下，感覺上沒冬天那麼難接受。調味方面，除了醬油提鮮，些少青柚皮碎帶來甘香，清鮮不膩。刺身和寡味和平庸放不上等號，吃下去愈見惹味甘香。跟著是野生油甘魚，在六款中已是較普通的了。微炙過帶出油脂香，配合非嗆辣的山葵漬，油香剛好不過火。兩片油甘魚色澤不同，一塊偏白的是特肥的腩位，另一塊偏紅色當然少點脂紋，屬普通一點的腩位。有比較之下，更顯得油脂的作用。兩者都把表皮微炙，特腩的當然油香較濃，但我反而喜歡偏紅、少點油香的那塊。不是把油香極大化便是最好，合自己口味就行。特腩位就像告訴你什麼是大拖羅，普通腩位就像中拖羅吧，有分別但不是那麼大，普通的已令我感知足了。味漸濃，得吃些漬物間場，分別有鮮淮山、薑片、紅酒蕎頭和以麻油芝麻和紫蘇醃的黃蘿蔔。前兩者較常見，後兩者的味道挺有新意，特別是麻油味甚重但同時有醒胃酸甜的黃蘿蔔。不只是味道，我認為漬物有口感上的中和作用，魚類多是綿滑，而這些漬物多是爽脆的，正好來個對比。下一道是芝麻鯖，是這陣子當造的一款鯖魚，較平時吃的鯖魚清新。鯖魚很難保鮮，很少會吃到全生的，不是平時的全燒而是半生熟而不錯。網燒過，帶出甚濃的焦烤味。跟鮮磨山葵吃，鮮味富鹹香，比平時全熟的清淡，肉質較全熟的滑溜細緻。忽然間場的是烤梭子魚春，是師傅送的小食。鹹鹹的很香口，是很討我歡心的微粒舌感。最尾兩客「刺身」其實是弄熟了的，不明所以但別有一番風味，不是獨沽一味的吃著生冷食材。首先是和歌山青鮑魚，清蒸過後待至微暖，切成厚厚的兩塊，嚼感不錯。鮮甜醇香，但重點是後上的鮑魚肝醬。師傅建議一塊赤裸裸的吃、一塊蘸肝醬吃，把鮑魚吃完後，他再給我們一個小飯糰，把所有肝醬沾上每顆渾圓的米飯，有殺錯沒放過。肝醬的鮮甜，濃郁芳香得把鮮味推到極致。本為甜糯的米飯，都不敵這墨綠色的肝醬，甜味給比下去了。這個食法還是第一次碰到，味道層次的鋪陳，可見細密的心思。引頸的等這北海道毛蟹奉桌，用餐速度因而稍為緩慢下來。無他也，在吃茶碗蒸時見牠被拿去蒸，再看著蒸好後被拆肉；任師傅的手勢多快多狠準，把極具斤兩的毛蟹拿掉肉需要一定的時間，只是當你期待著、望著食物的準備過程，咽下早已溢出的垂涎，時間會過得特別慢。不知道旁邊的食客是否跟我們點同價位的餐，但毛蟹是所有人都能享用的，因此這蟹拆出來的肉就由十二人瓜分了。置於碗中，把蟹膏放上，即成各人的懷中物。不能用「大而無當」來形容牠，因為毛蟹體積愈大，肉質愈甜。有幸地於坐無虛席的晚上光臨，人夠多才能挑隻大的出來用吧？這龐然大物，更為珍貴在於不能人工繁殖，可見成本價值不菲。很多動物若果體型大，肉質反而不討喜，所以我們會喜歡燒春雞和乳鴿，貪其特別鮮嫩的肉質；這毛蟹的肉質細緻非常，緊緊鎖著海水的鮮味，足以推翻這常理。加入蟹膏，是可想而知的鮮甜甘腴，在蟹肉的清香上添上一抹脂香。吃完六客刺身，進入我期待已久的壽司部分，不是完全在於吃，還有可觀性。由握飯到火灸，處處都是師傅的表演空間，亦是顯功架的時間。作壽司基石的赤醋飯，鬆軟度和酸度都要恰到好處；飯要煮得軟熟而不糊，調味要中庸得不過酸不偏甜，捏的時候要不鬆散不黏立，處處見真章。這幾貫壽司的飯都做得不錯，沒有明顯能挑剔的，溫度與食材相差不；觀感滿分，師傅的魔術手快得不把相機調至快門優先和調至1/250 是拍不到。第一件是帆立貝壽司，把一顆超厚肉的開邊後依然厚肉不失口感，肉質細嫩；綴以喜馬拉雅山岩鹽和少許青檸汁，在淡雅的鮮甜上添上一抹鹹香和酸甜。還好飯的甜度不太高，不與帆立貝的清甜拼過死活。第二件是三文魚籽軍艦，印象最深刻的是超脆的紫菜。由圍好紫菜，到灌滿三文魚籽，只是不到十秒間發生的事；師傅輕捏著而遞上，紫菜還未及吸收飯的濕度，因而乾脆依然。師傅著我們作揖狀的以雙手拿起，喝乾掉一杯酒的一口吃掉。一乾而下，狀甚豪邁的說，配得上三文魚籽在口中一迸爆發的澎湃。喜歡三文魚籽的鹹甜平衡，有些鹹得像喝著一口海水；喜歡咬破三文魚籽的清脆感，膜的韌度十足，跟紫菜一起是雙重的脆，口感特別。第三件是喉黑魚壽司，這正是跟喜知次的脂香不相伯仲的。談脂香你可會說拖羅是必然之選，但喉黑魚卻勝在油感中帶爽脆。網燒後帶著灸燒的焦香，發揮其油香的優勢；肉質嫩軟爽甜，不像拖羅般濃味，更見清新不膩。 接著是金目鯛壽司，魚肉同樣以網燒方法帶出油香，另綴以柚皮碎帶出甘香，這比喉黑魚更為爽脆甜美。網燒之後，用上火灸，加長灸燒的時間和強度，使焦香昇華至另一層次，從赤牡丹蝦壽司上可見威力；可是，灸的不是蝦肉，而是醬汁，這做法是我前所未見的。醬料以蝦膏和海膽混拌而成，本為濃鮮得無懈可擊的醬汁，經火一燻，熟度提升，濃鮮更突出之餘，還有點煙燻的香。赤牡丹蝦甜得清淡高雅，放上濃味的火炙醬後，煥然一新，再加上魚子和以蝦熬的醬油，完全脫離普通蝦壽司的平凡。快要到尾昇，是演唱會的話必是要站起來大嚷大跳的時候，怎能沒拖羅的份兒？這客拖羅壽司用上中至大拖羅的部分，油脂豐富得不在話下。未至於入口即溶，但肉質細膩，綿滑無筋，甘香滿溢。自從年多前第一次吃omakase 遇上大拖羅，在坊間吃刺身都會特別留意供應吞拿魚用上的部位，大拖羅的油香更不見陌生了。確是好吃，但由於遇過不少同等的貨色，驚喜和驚艷度未及其他壽司了，有點像演唱會必然會有encore 部分一樣，其存在就像指定動作。見師傅拿出海膽，引頸以待的時候來了，但不說不知，原來不一定選海膽杯，可以選壽司，看你選量還是質。不是說有量的無質、有質的無量，但總不能魚與熊掌，取捨是必然的。兩板海膽，從顏色已能看出分別，這兩板正是分別用來刨製「杯」和「壽司」。帶橙調的是岩手縣赤馬糞，味道較清甜，較適合以量取勝的海膽「杯」。師傅小心翼翼、一瓣瓣的堆砌出海膽山，還好海膽夠軟身，堆疊著不易跌出。最後放上牡丹蝦，像鯨魚入水時尾部指天，頓時令山丘變得不單調。份量可真不少，與同行的人有些選杯有些選壽司就剛好，happiness is doubled when shared。舀第一下要小心翼翼的，但總是滿勺海膽，直至開展了第一勺，才會連底下的飯一併舀出。海膽清甜得很，沒有明礬味，顆粒新鮮飽滿。軟滑黏稠的淹沒並每顆米飯，軟綿香甜，滑溜得捨不得嚥下，在口中繚繞著。帶黃調的那板是白海膽，鮮味比海膽杯的濃，質感更細緻，用來弄壽司。 沒有花巧奪目的賣相，但不乏細膩度；上下兩瓣海膽有著不同的濃度，師傅著我們先吃上方較淡味的大切，然後把餘下的一口吃下，下方的那塊才是精要所在。白海膽矜貴非常，怪不得要重質不重量。能在同一食材上嚐到兩個品種的不同，味蕾又長了不少見識。若我只能選一款，我還是會選海膽杯，清甜的不代表遜色，只是較合口味而已。還在回味著口中的甜，職員奉上以杯盛載的魚湯。以每朝運來的白身魚（特別是鯛魚）熬製，那片奶白色不用造假，濃香十足，鮮甜不腥。還以後已吃完，怎料還有蔥吞拿魚蓉手卷。這手卷反而比拖羅壽司來得驚喜，手卷內裹著一整條搓成條狀的魚蓉，飯粒薄薄的一層，連同香脆的紫菜咬下，綿糯中見清甜。雖不至重油香，但帶蔥香的魚蓉在口感上贏得不少分數。真的是飽上加飽，吃完手卷就真的跟魚鮮道別了。甜品方面，有噴上威士忌的蜜瓜或雪葩，二擇其一。這陣子有朋友從靜崗回來帶了蜜瓜給我，那就選雪葩好了。有多種口味選擇，我選的豆腐味是稱心的清新；冰感適中，奶味不著跡，更見豆腐的香。「學然後知不足」，那吃和寫一頓omakase 後，就更知不足了。日本的魚鮮品種之繁，吃不完、記不著；生吃的講求新鮮度，而生吃之外的刨製手法層出不窮，可媲美中菜的高深。來鮨文跟其他鮨店感到最大的分別，莫過於友善親切的氛圍，不需要你開口發問，師傅都會主動跟你介紹食材，使氣氛不會嚴肅得要思量幾遍才敢開口說話。貼地有貼地的好，至少你會清楚知道在吃的是什麼珍品，不是人家說稀有就冠以自己不解其因的光芒。這夜沒有「文」的鮨文，同樣稱心，同樣是留人處。…查看更多

記得第一次食Omasake(廚師發辦)正是光顧鮨文，以Omasake來說價位算親民，但質素卻令人驚喜，不過始終位處元朗，對在居住在市區的我來說都比較遠，知道鮨文最近在黃埔開了分店，加上近日黃埔站又開通了，即時訂位去朝聖。＊＊＊＊＊＊＊＊＊＊＊＊＊＊＊＊＊＊鮨文黃埔分店距離黃埔站僅五分鐘步程，非常方便好找。門面和店內清一式用上淺木色，感覺非常光猛整潔。黃埔店比元朗總店寬敞，除了壽司吧枱，還有普通餐桌，全店約可容納約三十位食客。Omasake收費較貴，除了因為食材新鮮外，最大賣點就是可以邊食邊跟師傳交流，所以我們亦選擇了壽司吧枱。照例每個位子上都會備有熱毛巾和熱茶。鮨店有三款不同價位的Omasake套餐選擇，分別為$1,000、$1,500和$2,000。今次我們選了中間價位(1,500)的套餐，套餐包括茶碗蒸、四款刺身、七貫壽司、雲丹盛、手卷、湯和果物。茶碗蒸蒸蛋上面有大大塊鵝肝，鵝肝入口即融，脂香滿盈於口中，蒸蛋滑溜蛋味十足，蛋中原來還有帶子粒。櫻煮八爪魚起初聽到這個名字還好奇是否用櫻花來烹煮呢？據師傅所說，原來櫻煮八爪魚是一道功夫菜，因為要先將八爪魚全身按摩至柔軟，之後再放入高湯內煮，使八爪魚顏色如櫻花一樣，因而得名。櫻煮八爪魚口感明顯比同樣粗幼的八爪魚鬆軟，但軟腍中仍帶點微彈，旁邊綠色的是柚子胡椒，空口吃比較鹹和辣，但放在八爪魚上味道就剛剛好。毛蟹底層香色一絲絲的是毛蟹肉，上面放了一堆蟹膏。蟹膏味道濃郁，鮮味十足之餘不帶腥苦味，蟹肉味道比較清淡，建議和著蟹膏一起吃。燒深海池魚深海池魚屬於魚味較清淡的魚類，或許因為這個原因，師傅故意放上一小堆芥末在魚片上以提昇魚味，深海池魚口感不會過腍，最適合用作頭輪的刺身。白子今次是我第二次吃白子，第一次吃白子是在另一間鮨店，白子是冷食，今次的白子卻是熱食，沒有冷食那種入口即化，但那種乳化的口感令我覺得味道更突出，亦更合本人的脾胃。白子上的是蔥粒和辣蘿蔔蓉除可以僻腥外，亦令白子味道提昇了不少。原本在openrice黃埔店見到有Cupid師傅的蹤影，還想著能再次品嚐他的手藝，想不到緣慳一面，但黃埔店也有三位師傅坐陣。池魚池魚切至條狀堆成球形，上面放上紫蘇葉絲，師傅建議我們吃前先把兩者拌勻。池魚軟嫩得來帶點麻油香味，紫蘇葉味道剛剛好，不會過重蓋過池魚的味道。伴碟伴碟有子薑和漬蘿蔔，個人特別喜愛漬蘿蔔，因為有麻油香之餘，吃起來也有卜卜脆的口感，不覺之間就吃光光了。墨魚壽司壽司體形不算特別大，即使女士也可以一口一件。壽司飯預早加了醬油，所以基本上都不用再另蘸調味。針魚壽司針魚本身頗多幼骨，但只要細嚼就可以吞下，所以咀嚼時會嚐到一點幼骨碎，味道清爽得來帶點醋酸味，非常清新。竹籤魚壽司竹籤魚壽司經稍微灸過，味道略帶鹹味。白魚壽司白魚壽司用櫻花葉夾著來蒸煮，味道比較清淡，喜歡鮮味突出的我就不太懂欣賞。牡丹蝦壽司牡丹蝦壽司放上一堆蟹膏，令鮮甜爽彈的牡丹蝦多了一份膏香，非常滋味。蝶魚邊壽司蝶魚邊壽司我都是第一次吃，魚油非常豐富，入口帶點彈口，是整晚較為驚喜之作。三文魚籽壽司三文魚籽粒粒晶瑩剔透，鹹鮮味在口腥爆發，非常滿足。海膽杯海膽杯可謂鮨文的成名作，因為一杯滿滿的海膽而令其享負盛名，之後亦吸引不少日本餐館跟隨，記得之前介紹朋友到鮨文吃，有朋友因為不能吃到海膽杯而敗慶而回，不知是否因為太多食客吃不到海膽杯而失望，所以新餐單都把海膽杯納入新餐牌內。今次的海膽杯用上兩款不同海膽，頂層淡黃色的是白海膽，底層顏色故深的則是赤海膽。據師傅所說，白海膽是要投標才能買到，可見其矜貴。白海膽味道較清爽，有海水的微鹹味，而赤海膽味道則較濃郁甘甜，所以個人還是喜歡後者多一點。魚湯魚湯非常燙熱，建議先待一會再飲用。魚湯濃淡得宜，飲完整個人也暖和起來。白身魚手卷手卷貫切元朗總店做法，都是呈圓筒形而非錐形，這樣可令食客每一口都吃到餡料，而不會吃光面層的餡料後剩下一大堆香飯。白身魚本身味道比較清淡，所以手卷內還加入了漬蘿蔔，多了一點甜甜的味道。熊本哈蜜瓜之前吃過夕張和北海道的哈蜜瓜，味道都非常清甜，今次的熊本哈蜜瓜除了香甜外，口感還異常軟腍，非常可口。總結，雖然今次與Cupid師傅緣慳一面，但食物質素同樣令人滿意，新店地點亦更就腳，相信有機會定會再來。…查看更多

認識鮨文，已經是年半以前的事，當日遠赴元朗，為的就是親身見證傳說中的雲丹盛，當時在朋友圈中的  Instagram 上，真的被 like 爆！而當晚盡興地過了一夜，一伙人美酒佳餚，至今依然回味無窮！記得除了雲丹盛外，還首次認識鱈魚白子及黑鮑魚，這對一黑一白的當年新秀，現在已經成為時尚食力，尤其前者，在過往一年不同廚師發辦的餐桌上遇過數次，有理由相信鮨文是引入白子及黑鮑的先駒。上月看到朋友的 blog，得知鮨文在黃埔花園開了分店，對於居住港島的我確實是一大喜訊，於是思想言行合一，馬上致電留座。黃埔花園雖然聞名，但少到訪的我最後還是迷了路，尤其鮨文的大門疑似深鎖，外面又剛好在修路，結果兩過其門而不入，來來回回方才找到入口，找路本來就不是我的強項！但為了美食，尋幽探袐我亦從來沒有怨言。甫入店內，面積比元朗大了一倍，先遇上兩旁敞了門的私人房間，其中一間更內藏小型壽司桌。走到盡頭就是大型壽司桌，時間尚早，師傅們正在準備。晚市餐單就是這樣簡單，每位$1000/$1500/$2000 由你選擇，取中庸之價，我們試$1500的。建議大家看看菜單上的英文解說，得知用手吃壽司更能嚐到真味，這個我也聼過但少有實踐，因為不慣弄污手指！好奇看看午餐餐牌，廚師發辦可以更優惠價錢享用，而定食售三百多元一份。清酒佳餚怎可能缺酒，尤其來過的皆知道文師傅 Cupid 非常善酒，與他碰杯同飮絕對是樂事。這晚他的建議是出自新瀉県的純米吟釀越淡麗，精米步合55%，酒濃15度。味醇清香，以這個專業的冷清酒瓶侍候，確保冰涼之最佳狀態飮用，絕對是個好介紹。茶碗蒸先來一份暖胃的熱吃，正合我心意。三文魚籽海鮮茶壺蒸，如期望中，蒸蛋幼滑無暇，一點皺紋也沒有，三文魚籽粒粒晶瑩，新鮮卜脆，蒸蛋內含香菇及魚湯之香甜，味道豐富，鮮香可口的前菜，為寒冷天氣下吃生魚前先送暖，窩心溫暖。紫菜帶子天婦羅一開始便避不了用手，師傅以雙手送來一件紫菜帶子天婦羅，接過來，隔著乾脆的紫菜，手中依然感到炸帶子的熱溫。吃得要快，一口咬之，先嚐到紫菜及炸漿的雙重香脆，然後是剛熟帶子的鮮嫩甜美之味，延續暖意，味蕾享受。鰻魚BB刺身鮨文果然新意不缺，何處找來聞所未聞的鰻魚BB，我們首次相遇。幼而長的鰻魚BB刺身，晶瑩剔透，肉質非常滑溜有彈性，煙韌而不易咬斷，口感似魷魚刺身，味鮮但不怎樣甜，咀嚼要花點功夫，牙齒正好先來熱身，配合冷麵汁吃，清爽的感覺，別樹一格！ 金箔菊花汁太刀魚太刀魚是尖牙利嘴的惡傢伙，性情兇猛，絕不好惹，身形瘦長而扁，活像一把利刃，因此得名，其實就是我們的牙帶魚或白帶魚。屬於無鱗的淡水魚，所以比較清淡，但淡中見鮮甜，師傅以菊花汁煮是個好主意，厚切四方形的兩分，有層透明芡汁的晶亮，灑上金箔外型增分，芡汁下藏海帶，魚肉下有壽司飯。魚肉先炸過添了脆口，層次較為複雜，入口自然有層次，肉嫩亦香甜，口感實在亦豐富，心思之作。櫻煮八爪魚處理花時富心思，首先八爪魚需要經過特別處理打散弄至鬆軟，否則會韌如橡筋不討好，然後去除根部；繼而以自製醬汁醃味，包括砂糖、味醂、酒、水及日式鼓油等，醃足三日，再調以柚子胡椒；最後烹調時間亦要準繩，否則不能造出理想的軟熟度。最後成果，煮至櫻花色澤，表層亮麗，因而得名；入口果然非常腍嫩有汁，完全不韌，後來未有吃過軟熟如此的八爪魚，而軟熟中保持質感，相比魚肉結實，正是剛剛好的嚼頭，而且醃至非常入味，味道豐富，亦甜亦鹹，真的滋味！這個時候正好換換酒，貪玩地試完 VSOP，又要 Whisky，其實我並非酒鬼，只要天生有點酒量，貪玩而已！接下來的七款壽司，更見鮨文新店的風格，絕非平凡地奉上一些上乘刺身及隨意配上調味點綴這麼簡單，事前的準備功夫做了不少，不說不知道，這正是同一款刺身，在不同的店會吃出不一樣的味道之原因，鮮貨到達後之處理程序，就是高低手之別。今回鮨文的七款壽司，特色在所有魚片均𠝹花，而且各自採取了不同的處理方式，若然細意聆聽所傅的解說，有如上了一課魚的知識；第三點是皆配以輕輕的赤醋米，沒有搶過刺身的味道，之更能提鮮，詳述如下。昆布漬鱸魚壽司見到生魚片被𠝹過，原來有助吸汁，以昆布熬出來的醬汁正流入空隙內，因此，這壽司無需蘸豉油已經夠味。肉質鬆軟鮮美，昆布漬入味，味道討好。深海池魚壽司經過網燒，魚油逼出，豐膄口感雙倍昇華，肉質鮮美細膩。蟹麵鼓牡丹蝦壽司蟹麵鼓配牡丹蝦是新配搭，確又出奇的匹配，如蟹膏般的麵鼓醬豐膄味濃，正好提升牡丹蝦之鮮甜。梭子魚壽司梭子魚切成菱形，依照江戶前做法泡製，因為當時未有雪櫃，所以只好用鹽醃漬，水份被蒸發，魚味更集中濃郁，肉質更柔軟。黑睦魚壽司繼而是黑睦，這次用湯霜法處理，做法是把生魚片放在砧板上，表面淋上滾水燙過後立刻放進冰水內使肉質結實，亦可鎖住鮮香、魚肉更幼嫩。吞拿魚腩壽司近尾聲總少不了完美的拖羅，肥美得很，同樣𠝹了花，令鼓油滲入脂肪肌肉，味道更平均入味。小肌魚壽司最後是小肌魚，魚味最濃，處理得好，令小肌魚帶丁點兒酸香，而完全無腥味。雲丹盛經典依然，用上1/3板的份量的赤海膽，來自北海道最上乘的材料，甘香之最，令人有無比滿足之感，而海膽配牡丹蝦，鳳與凰之配塔，啖啖幸福，滿嘴快樂。手卷 最後送上鰻魚手卷，既滋味又飽肚，好不滿足！麵鼓湯及水果如一般的序幕，暖胃的麵鼓湯及超甜的日本蜜瓜，完美的結束。水準保持，經典依然，新意不缺，服務友善，環境更寬敞，價錢合理，後會有期！值得補充一下，枱下設置有手機充電線，相機可以無限先食，無後顧之憂！我剛開了個 Facebook 專頁，打算分享飲食、旅遊及生活心得，並無商業成份，但願得到大家支持，follow吓 或俾個like，為我平凡的生活添些色彩。…查看更多