竜匠燒物料理

同friend食lunch特登揀咗間喺灣仔嘅黃店，一入到嚟就見到啲好高質嘅文宣🤤Lunch set個茶碗蒸好足料，大大碗魚生飯加埋蘋果醋同埋麵豉湯，性價比極高！可惜服務態度一般😕呢點有啲令人失望…查看更多

每年聖誕同新年都係最忙嘅時間，出街搵食真係諗到頭痛。好彩最近發掘倒一個令我難忘嘅餐廳，試過幾次，覺得唔錯。呢間餐廳地方唔算大，怕嘈想傾吓偈，絕對係首選。環境舒適，裝修睇落幾有格調，由其牆上面條龍，行到入餐廳係會俾佢吸引咗。😄食物方面，茶碗蒸入面好足料，蛋夠滑，呢幾日凍凍哋，食佢最啱。我個人比較鐘意食豚腩露筍卷，肉質鮮嫩，仲好juicy，卷住d baby asparagus, 好鮮甜，一d都唔漏。不得不讚佢哋嘅刺身，好新鮮，可以媲美日本當地食嘅正。😋 琴晚同朋友又去幫襯，老闆介紹咗個聖誕火鍋餐。餐入面有刺身，仲有我鐘意嘅茶碗蒸😍。食完個火鍋，師父仲好生鬼咁出嚟一路講解，一路整個雜坎我哋食。本來凍凍哋，食完暖笠笠咁走。 呢間餐廳，有意思，即得一試再試。😉…查看更多

最近經過灣仔果頭發現有一間新開的餐廳, 主打日本料理, 今日特登過黎嘗嘗鮮。餐廳裝修幾精緻, 同埋樓底高, 令空間感大左。不過餐廳的木趟門好重, 好難開… 😖午市套餐有十幾款選擇, 都算幾多! 最後我揀左豐洲角切魚生丼($88), 而餐飲就係鮮橙汁。茶碗蒸無預計到原來除左主菜之外, 仲有前菜 (因為餐牌無寫)。呢個茶碗蒸煮得好好, 又滑又軟熟。裡面的香菇味道好突出, 菇味好香, 唔似出面果D無味菇。另外除了蛋的味道之外, 我仲食到有海鮮的味道。我估計應該係製作茶碗蒸的高湯加左海鮮, 所以食落去有陣鮮味。加埋上面有大大粒的魚籽, 整體黎講呢個前菜好正!味噌湯第二道前菜就係味噌湯, 亦都係餐牌無寫的。有前面的茶碗蒸做對比, 呢個味噌湯就有少少被比下去。雖然都好味的, 但味道唔算好突出, 只屬一般。豐洲角切魚生丼黎到主菜啦, 一上枱就見到呢個魚生丼材料好豐富, 好足料! 魚生方面有三文魚、油金魚、吞拿魚、八爪魚🐙等等切成粒狀，另外再拌上青瓜🥒、蕃茄仔🍅同埋三文魚籽。色彩繽紛又有多重口感, 好正! 不過我略縑飯比較硬同比較實, 可能因為我個人比較中意比較淋身的飯🤪餐廳的食物有質素的, 不過上菜時間比較耐, 我等左多過半個鐘先上主菜, 呢點需要改善下。不過整體黎講都算唔錯的, 會考慮再encore, 不過下次就要試下佢既燒物 (始終佢個名都係寫”燒物料理” 😂)…查看更多