云手工火鍋店

營業中

休息中

同朋友聚會，想搵個坐得舒服又可以慢慢傾偈的地方。呢間餐廳在尖沙咀鬧市，坐落在酒店中間，旺中帶靜。火焰沙白蟹鍋（$348）：推薦湯底！足料多沙白，大大隻沙白肉，蟹好肥美，多蟹膏，待應會用酒辣一辣海鮮，加火，再加湯。湯頭好清甜，加上胡椒，好暖胃，我同朋友飲左大半煲湯。招牌酥炸惹味茄子（$68）：推薦小食！非常熱辣香脆，面頭有脆脆似避風塘的風味，食落真係惹味，而且外脆內軟！花雕醉滑牛（$128）：牛肉好嫩滑，食得出好新鮮，沾上花雕，帶上幾分酒香，令滑牛更加分！手打鹹蛋黃蝦丸（$52）：彈彈蝦丸之餘，入面真係粒粒鹹蛋黃，食落好香。燒廣島蠔（$48）：燒得好香脆，又唔會乾，肥美燒蠔。總括來講，食物質素高質，坐得舒服，服務都唔錯，同朋友聚會值得一去！

出街邊爐都係放題多，貪佢任食，選擇多。不過有時都想試下啲高質精緻嘅食料，好似手打丸，蝦滑，手工餃，醉牛...而家仲有串燒添。呢度近The One，係酒店3樓，私隱度高，仲有VIP房，啱晒一大班朋友聚餐，仲有K唱，好似去左私房菜咁。枱好大張，枱與枱之間都好寬敞，就算叫到成枱都係都夠位放。🍢荔枝豚肉串真係有荔枝肉㗎，外面燒得香脆，入面荔枝肉甜絲絲，呢個配搭好好食😍。🍢牛舌心好淋，好juicy，燒得香脆，好食👍🏻。🍲火焰三椰雞鍋 名堂就冇乜特別，特別在係席前炒雞，贊酒搶火，跟住將兩大個椰青倒入鍋中，最後加入上湯。滾起，店員細心撇走啲油，就可以飲湯先。椰青清甜，湯頭濃郁，我飲左兩大碗先落料打邊爐。🍥手打鹹蛋黃蝦丸(半份)彈牙，食到粒粒蝦肉，中間鹹蛋黃好香，手打係唔同，完全另一回事，勁好食。🍥手打之心牛丸(半份)爽彈牛味濃，無筋又無肥，一咬開芝士就流出嚟，真係無得輸👍🏻。🐮花雕醉滑牛擺盤靚，中間有個小杯裝住花雕，先沾一下花雕，再落鍋滾幾下食得。平時食開肥牛，呢個無油花滑牛又唔韌播。想酒香濃啲，可以浸多陣🤤。🐮秘製蝴蝶腩真係好少邊爐食蝴蝶腩，好奇試下，店員話要滾耐啲先淋。相比醉牛，呢個普通啲😅。🥗

放工同幾個好友去咗間裝修得有氣派嘅火鍋店，店内座位寬敞，燈光柔和，而且仲有幾間VIP房，私隱度真係好高，適合聚會。火焰三椰雞鍋店員先用乾鍋炒香雞肉、椰子肉和紅蘿蔔，加入酒用火槍點燃，視覺上非常震撼，倒入新鮮椰青水同埋濃湯做湯底，仲會隔走湯面上油份。湯底清甜而香濃，雞肉鮮嫩。手打芝心牛丸口感彈牙，咬落去肉汁豐富，芝士內餡帶來一種獨特嘅醇香滑順感。手打鹹蛋黃蝦丸創意十足配搭，蝦肉鮮美，同鹹蛋黃嘅鹹香完美結合。自家製黑松露蟹肉餃餃子嘅皮超薄，黑松露嘅深邃香味同蟹肉嘅細膩口感在口中綻放，必試之選。花雕醉滑牛牛肉經過花雕酒浸泡，肉質變得更加柔軟，花雕酒嘅香氣細膩，提升咗牛肉嘅風味，牛肉入口滑嫩。串燒今次試咗日本鱈魚干同埋廣島蠔，鱈魚干入口香脆，點少少蛋黃醬食好滋味；廣島蠔肉質鮮嫩，入口juicy，串燒都好高質。

#MC帶你去尖沙咀.最近天氣又開始凍凍地，最啱約埋班friend打邊爐😝！.✨ 云手工火鍋店餐廳裝潢走現代中菜廳路線，精緻時尚，而且設有5間獨立VIP房，環境舒適。.🥢 火焰沙白蟹鍋 $328店鋪設有海鮮缸，所有海鮮即點即撈即割，所以非常新鮮‼️鍋底先以沙白🥠、肉蟹🦀、紅蘿蔔🥕、唐芹快炒，再放入芫荽炒勻，加入米酒點火🔥，令湯底充滿酒香🤤，火焰效果100分💯！最後加湯蓋上鍋蓋焗一陣，湯滾後即可品嚐原汁原味嘅沙白蟹湯，湯底超清甜👍🏻！沙白數量都幾足料，大大粒冇沙帶酒香。沙白一開口就食得，煮耐咗就會韌嫁啦，所以要盡快食😉！肉蟹煮耐啲都無所謂，邊煮邊食，蟹味愈熬愈濃厚🥰。.🥢 招牌新鮮鵝腸（瘦） $118鵝腸都有得揀肥定瘦，真係比較少見‼️粘喺鵝腸上白色就係肥膏，瘦鵝腸就係少啲肥膏，食落鵝腸更加爽脆☺️，而且每條鵝腸都闊度及長度十足👍🏻，吸收曬海鮮湯底，味道更加直接，鮮甜濃郁😋。.🥢 花雕醉滑牛 $128滑牛色澤紅潤，十分新鮮😎。上枱前已經有花雕拌勻醃過，如果鐘意酒香味重啲🍶，仲可以臨煮之前，將滑牛片放入中間杯花雕酒道，浸一浸然後再煮熟。大大片滑牛片食落嫩滑無根🤤，仲帶有少少酒香，同海鮮湯底都幾夾。

尖沙咀這間精緻火鍋店隱藏在酒店裡，不但卡位坐得舒適，還有獨立VIP房方便大伙兒暢歡，湯底高質、食材講究又新鮮，在平日Dinner Time的熱鬧程度，口碑應該不錯。火焰沙白蟹鍋 $328差不多每一桌都Order火焰系列的鍋底，由於今晚與友人走健康少肉路線，Order海鮮鍋就最適合不過了。沙白大大隻又飽滿，蟹已預先拆件，還有芫茜和蔥絲，材料簡單又新鮮。店員即場加熱快炒再加酒點火，好一種視覺享受。湯底鮮甜之餘，也飄來陣陣酒香，未開餐就先喝2碗湯，滿足。花雕醉滑牛 $128雖然牛肉拼盤好吸引，但這個便宜一點、又少油的花雕醉滑牛也屬超水準！倒進一小杯花雕酒、與大大件、厚切的滑牛肉拌勻即可。本來以為經過湯底的洗禮後，應該只剩下淡淡的花雕酒味，但結果卻是喜出望外，酒醉味不但突出，還與滑牛肉味道很搭，雖然沒有完美雪花，但肉質依然嫩滑、啖啖肉，牛魔王表示很滿意！手打鹹蛋黃蝦丸(半份) $52 | 牛骨牛汁丸(半份) $52半份有4粒，人少少2人Share很方便。鹹蛋黃蝦丸不只Gimmick，而是有紮實的鹹蛋黃餡料，彈牙又惹味，牛丸也是濃牛味佳作。極茜豚肉餃 $48芫茜黨黨員表示，這個「極茜」的確達標，

係尖沙咀想打邊爐，唔想迫同限時趕住食一完，又想食啲特色野，就諗起云手工火鍋☁️坐位闊又舒服，好多VIP房，高質食材😍超級多款式選擇，由於好肚餓既關係，開始滾之前叫左個風沙粟米🌽未上枱已經超香炒左既咸蛋黃味，賣相都流晒口水，咸蛋黃掛晒係粟米上面，加埋粟米既清甜好正好味😋配埋生啤爽一爽，未打邊爐已經覺得好享受😎火鍋時間，揀左火焰沙白蟹鍋，先上鍋，入面係生既花蟹同沙白，加埋牛油係你面前炒香半熟，加入白酒點火🔥好震撼👀香到周圍啲人都望晒過黎，之後就加入白滑鯽魚湯，個湯都好鮮好濃😺沙白幾肥美，花蟹吸左魚湯同炒過都好正，好多肉好甜👍🏻👍🏻牛魔王發功🐄本地手切封門柳(中)，雖然係中但都幾大碟，唔碎幾完整無扼你，仙氣盤上，即刻試下，牛味超濃😇腍但唔梅，好好味下既封門柳，食唔停😗花雕醉滑牛，花雕係中間好香，浸完快淥，滑牛好滑帶住陣陣花雕味，正😘牛骨牛汁丸，幾有咬口嘅牛丸，算多汁既💥仲有冰菜食，唔係度度有！自家製黑松露蟹肉餃，黑松露味重，口感幾特別，一粒粒好滑咁😌整體黎講好高質，果然係手工火鍋🍲好值得食既邊爐！💓

雖然話火鍋係要趁凍打，不過想食起嚟，咩季節都會想食尖沙咀呢間樓上火鍋店，可以食到好精緻嘅火鍋冬瓜盅可以用嚟打邊爐，仲要整到鬼咁靚，真係賞心悅目會有專人幫手處理火鍋，大可以坐住打卡唔使騰雞。煲裡面仲有雞肉、松茸、雜菌同翅，夠晒滋補煲滾咗之後，馬上飲一兩碗湯，好滾好清香，飲完等啲雞肉熟，食落好嫩滑。松茸亦都好香口，仲有啲翅增加湯底質感齋食個煲都夠飽，不過點都嗌啲嘢淥吓先有mood花雕滑牛牛如其名，滑不溜口，淥熟再淋啲花雕，酒香濃郁大胃同胃弟都好鍾意牛胸爽，呢間嘅牛胸爽好靚仔，雪白爽身點埋醬汁食，肉香更出墨魚丸係好平凡嘅食材，但加埋鵝肝喺裡面，油香加魚香加上肉質彈牙，平凡之中帶點不凡黑松露蟹肉餃未淥之前平平無奇，但淥完都冇縮水而且裡面爆餡，爆香黑松露味