憶食尚臘味煲仔飯

營業中

休息中

雖然天氣仲係好熱，但係都突然間想食下煲仔飯，搵到間服務同餐廳環境都好好嘅煲仔飯。煲仔飯都有好多種類，今次試廣式臘味煲仔飯。入面有臘肉、臘腸、臘鴨三樣嘢，一上枱就見到排得好整齊好靚，未食都已經覺得好正臘肉超好食喎，真心好高質。見到臘肉咁多肥肉但係真係食落口一啲都唔油膩，唔會好明顯咁覺得自己咬到嚿肥肉，係會突然間成個口充滿油香，超正！臘腸正常，臘鴨嘅鹹香都好正，一咬臘鴨就送到好多啖飯，個飯亦好有水準，煲到粒粒分明架飯焦上埋個芥菜排骨煲，都算好濃味喎，排骨大大嚿、菜都煲得啱啱好，我哋成煲食晒連湯都飲晒

平時食煲仔飯第一時間都係諗起廟街 估唔到佐敦呢一間賣相靚味道好 仲要廣式煲仔飯少見夠特別❣️川椒麻辣雞煲 $158用秘製醬汁炒到啲雞入味 加上洋蔥香蔥蒜粒一齊爆香 味道更多層次🥘熱辣辣加上川味十足嘅麻口感 十分惹味❣️芥菜排骨煲 $137用上湯煮嘅排骨煲鮮甜非常 排骨幼嫩唔鞋口 有骨嘅部位都被篩走 雖然話係排骨煲但係都冇乜骨頭 主廚手法相當貼心❣️廣式臘味煲仔飯 $177餐廳整咗個'尋味地圖' 對挑選食材相當謹慎 由臘肉臘腸板鴨 細微到大米食用油同醬油都有講究 先做出嚟自唔同產地食材組合而成嘅招牌臘味煲仔飯🫕廣式臘味煲仔飯採用港式臘肉 港式鮮肉臘腸 南安板鴨 同黑龍江嘅五常大米🍚臘味香而不油 唔似出邊嗰啲有浸油益味燻香過嘅臘肉透明發亮 一啲油膩感都冇 令人回味無窮 而閃閃發亮嘅臘腸肥瘦適中 濃而不膩 至於醬香入味的板鴨爽香可口 呢種組合真係絕配

蓄勢待發的閨蜜以增磅為藉口嚷着要外食，煲仔飯便是閨蜜的心頭好，多番挑選便到此餐廳，因為地點相對近便，正面食評也多。餐廳是冰室格局，但擺枱還是非常闊落，裝修亦比一般茶餐廳時尚。四季豆和雞髀菇煸得香中帶嫩，整體是不錯的，但食材非貴價貨色，碟頭也不大，索價有點偏高。黃立鯧是平價魚種，但經鹹鮮處理廉價魚也變得不一樣，魚肉實中帶軟，魚味濃郁，是很好的米飯殺手。煲仔飯上枱時臘味香味撲鼻，職員建議先慢嚼臘腸味嚐其茅台香味，以顯其優勝之處，其餘的臘鴨和臘肉也是香味獨到，油脂滲入飯中令每一口飯都充滿臘味香。芥菜煲份量大可供4-5人食用，煲內有很多排骨從切痕便知是冷凍肉類，可幸味道不差，美中不足是芥菜比較粗硬因為葉多芯莖少。桃膠糖水是凍品較適合夏日進食，清爽微甜蠻合口味，如有需要職員也可以為客人稍微加熱。

👨🏻‍🍳憶食尚臘味煲仔飯 (佐敦)📍佐敦文匯街22-24號地下2-4號舖 「暫時食過最好食既煲仔飯👍🏻」 想食小菜，見到呢間仲有煲仔飯，去試試😋柯甸站出會近D，嘉多娜隔離😝有兩層‼️星期五夜晚下層好快full哂，我地去左上層。 員工好貼心，見到我地行到身水身汗，比左杯冰我地🙈👍🏻🫖鐵觀音本身茶香氣濃，加埋，極爽！！好茶🥹 👍🏻🍽️廣式臘味煲仔飯必食‼️暫時食過最好食既煲仔飯佢地用既系古法瓦缸頭抽，蔥香，五常大米，粒粒飽和煙韌，員工會幫手撈匀😝頭抽加得剛好，香、夠味，且不會太咸！！佢地用既廣式臘味都系惹味不咸！！廣式臘肉、廣式鮮肉臘腸、南安板鴨，好好味😋😋就咁食都吾會太咸👍🏻最後既飯焦，脆卜卜吾痴牙！！少有飯焦做到吾痴牙🥹大推👍🏻👍🏻👍🏻👍🏻👍🏻 👍🏻🍽️芥菜排骨煲芥菜少有煮到熟仲保持到翠綠，仲要吾苦🤤排骨夠味吾腥！！湯加左胡椒，味道好似胡椒豬肚湯😻好飲！！😆 👍🏻🍽️甜蜜咕嚕肉配菜全部都好甜，紅黃椒、菠蘿，咕嚕肉炸粉吾算多，每粒都啖啖肉，好開胃😆 👍🏻🍹菠蘿特飲👍🏻🍹水果特飲天氣太熱，一坐低就黎2杯野飲先😆調味一流，梳打爽，fruit punch🤤好爽喉，吾算太甜，但系好解渴同解熱😆 呢到D服務

約朋友去油尖旺區食飯，多數會諗旺角、尖沙咀/油麻地，經常性忽略左佐敦既美食。今次執到寶，遇見一間乾淨企理、而且裏面設計幾靚既中式餐廳，仲要有兩層。人頭湧湧，lunchtime要等大約15分鐘先有位。每個座位隔離都有中國古色既屏風做遮擋，幾有自己私人空間👍🏻秋風起了，最適合食暖笠笠既煲仔飯，而呢到都有😍我recommend ⭐️。廣式臘味煲仔飯 ($177) ⭐️成個煲仔飯好大，大約兩人份量。未開始加入醬油既時候，打開嗅已經覺得好香，當職員幫我地撈勻煲仔飯之後，更加色香味俱全。上面既材料廣式鮮肉臘腸充滿油脂，臘肉有住濃郁既鹹香味，南安板鴨肉質非常實，但會越嚼越香。而飯底有飯焦，食落粒粒分明之外，更加好脆口，因為白飯吸收了臘腸臘肉香味和油分，一濃一淡，好滋味可口。。芥菜排骨煲 ($137) 湯飲落有少少甘甜之外，有少少辣口。排骨煮得好淋身，而且有唔少芥菜係湯裏面，飲完成個人好暖身之外，更加可以減低返頭先食煲仔飯既油膩感覺。。甜蜜咕嚕肉 ($127) 甜酸味好足夠，而且每粒咕嚕肉都好掛汁，直頭係啖啖肉，份量都好多，口感好有層次。。茶芥 ($15/位) 回頭指數: ⭐️⭐️⭐️⭐️食物質素: 🌮🌮🌮🌮服

上次同老細拍拖拖去西九，路經文成街見到一間高檔煲仔飯，老細已經好有興趣試下。今日難得收早，就同佢食個early dinner啦！！睇佢門面同裝修真係唔似一間食煲仔飯嘅舖頭～但係原來佢真係主打自家製臘味🥰🤭全部臘味都係自家工場炮製，用咗醬香茅台同土豬鮮肉整㗎！我哋叫咗個廣東臘味煲仔飯、咕嚕肉同埋芥菜排骨煲。煲仔飯上枱一開蓋已經聞到好香，豉油同芫茜葱就自己落，一落豉油…好似啫啫煲咁“啫…啫…”聲，即刻香氣四溢～❤️👍🏻原來佢提供嘅煲仔飯豉油係頭抽，唔怪之得咁香啦！🥰😍個芥菜排骨煲又係正！！👍🏻啲芥菜軟硬適中，但仲保持到翠綠，排骨淋而不爛，最正係個湯底，有陣陣胡椒香味，好似飲緊胡叔豬肚湯咁～店員話因爲芥菜比較寒涼，所以用咗胡椒嚟驅寒，中國飲食文化真係博大精深，色香味同埋膳食健康兼備！🥰👏🏻👍🏻咕嚕肉不嬲唔係我杯茶（不過係老細至愛～🤭），但呢個咕嚕肉我都真係覺得唔錯，唔會炸得太硬，但又保留到少少酥脆，個糖醋汁仲可以拉絲～🤤😅忍唔住食咗幾舊～整體嚟講佢每一樣嘢都非常有水準，而且服務一流，配得上佢嘅高檔次格調！🥰🥰

最近天氣涼涼地，就相約朋友去食暖身的臘味飯。我覺得呢度嘅環境，舒適優雅的氛圍，枱與枱之間有薄紗屏風，屏風上有精美藝術圖案，作間隔用，感覺私人度高，可以好好哋享用美食😊🥓🥘 川味臘味煲仔飯 (HK$167/2人份)．一打開蓋巳香氣四溢，店員即時灑上蔥花、芫荽和豉油，撈勻啲飯來做簡單調味，但啲飯嘅味道不簡單，有濃厚的臘味鹹香味，好惹味😍．臘味就有川味臘腸，臘肉和臘鴨．川味臘腸是用散養300天的土黑豬，豬符背和前腿肉有二肥八瘦的獨特比例，有少少麻辣味，惹味之餘，食咗也唔怕肥👍🏻 ．臘肉片，層次分明，零肥膩感．臘鴨的鹹香也剛剛好．食咗15分鐘左右，店員又來幫手鏟起啲飯焦。Wow，飯焦竟然剛剛好，一點燶味都沒有！口感非常乾脆！🐓🥘 黑松露雞煲 (HK$157)．一打開蓋先聞到好香嘅黑松露味，店員就幫我哋撈勻煲𥚃食材．雞肉嫩滑也滿有鑊氣．煲𥚃的三色椒和紫洋蔥，切片，炒得鮮甜又軟腍😋．唯一挑剔位係雞件切得細件，食起上嚟比較多骨🥬🥘 芥菜排骨煲 (HK$117)．3款煲之中賣相最平凡，不過估唔到新鮮嫩口的芥菜，靚排骨切粒煮至軟腍肉甜，再加埋黃豆，這個食材組合係非常之美味，湯底清甜，我哋當湯咁飲晒😋🍵

煲仔飯周圍都有，但要找一間好食的就不容易。今次專誠來到位於佐敦文匯街的「憶食尚臘味煲仔飯」，一嘗自家製的馳名臘味。這間餐廳的臘味非常出名，店家為臘味製造商，自設工場製作。臘味標榜不加防腐劑，並選用河源自家農場的走地新鮮士豬及重慶黑毛豬，再以純鲜肉特製。餐廳設有兩層，地下一層以Tiffinay Blue為主調顏色，裝潢別緻環境舒適，甚有格調，而樓上一層就以大枱為主，適合朋友或親人聚會。先點了個前菜「涼拌藕片」$78，好有川菜味道，藕片爽脆，麻辣醬油加上蒜蓉、芫荽碎，味道不會過辣，非常適合作為前菜。之後䵝了一個「芥菜排骨煲」$108，潮州家常菜，芥菜非常鮮甜，新鮮排骨軟淋肉甜，再加上大量黃豆，真材實料，湯底非常清甜，正好適合大熱天時用來下火去怯。主角當然是煲仔飯，今次點了「川味臘味煲仔飯」$158，份量都不少剛好適合2人。上枱的時候熱辣辣香噴噴，當中有份量不少的臘肉、臘鴨和臘腸，其臘味香氣撲鼻，齒頰留香令人再三回味。這些臘味和平常煲仔飯店食到的是完全不同，香而不過咸，沒有死咸的味道而且有層次，甚至空口食都冇問題。至於飯身口感帶煙韌，有米香而且飯蕉都做得不錯。整體上是一個非常高分的煲仔飯。而

餐廳環境好闊落 每張檯都有一個獨立既屏風去做間隔 令客人有更高既私隱度 同一般係廟街食煲仔飯嘅格局唔同 餐廳多數都係4-6人檯 我今日兩個人黎到 餐廳都安排我坐4人檯 呢間餐廳係行中餐館既路線 坐低後侍應會問你飲咩茶 呢到提供既茶葉既種類唔多 佢提供鐵觀音、菊花、玄米茶三款 我地就揀左玄米茶 玄米茶有助減肥 轉頭食多左都冇咁驚🤣🥢特色臘味煲仔飯（小份） $158煲仔飯拎上黎熱辣辣 一打開成個煲面都係臘味 侍應會問需唔需要芫茜蔥 要既話佢就會係撈飯時加埋比你 侍應會幫手淋上豉油同撈埋個飯 呢個位幾細心 因為個煲好熱 如果由食客去撈 有機會會辣親 加上煲仔飯拎到上檯既時候 瓦煲仍然用佢既餘溫加熱緊個飯 由侍應去撈就可以控制係呢段時間個飯焦既烹製時間 呢個煲仔飯有臘腸臘鴨臘肉 就咁食落d 臘味到會覺得幾鹹 但撈埋飯食就岩岩好 我覺得樣之中做得最好係臘肉 臘肉中間層油脂放左入口會有微微既溶化感 令到個飯又再增添一份油香 口質亦都唔會話好硬咬唔開 個煲仔飯都算十分有驚喜🥢芥菜排骨煲 $108叫左個煲仔飯之後當然都要叫個菜食下啦 呢個芥菜排骨煲 個湯有好香既胡椒同薑味 個感覺就好似胡椒豬肚湯既輕量

朋友今晚約咗我嚟呢度食煲仔飯，從來都冇諗過食煲仔飯竟然可以食到咁舒適咁高私隱度咁grand😂環境同服務真係一流👍👏🎉我地叫左個廣色臘味煲仔飯，芥菜排骨煲同埋小炒王～1. 廣式臘味煲仔飯有齊曬呢度主打既臘腸，臘肉同埋板鴨👍 肉味濃郁，鹹香味重，飯粒有咬口飯焦好香脆😆 配埋醬油食超香超正😋2. 芥菜排骨煲有啲黃豆係裡面，帶少許胡椒味，直頭可以當湯飲😯 (有啲似胡椒豬肚湯😂)排骨肥瘦均勻，肉質算嫰滑，芥菜亦唔會太淋，唔錯！3. 特式小炒王材料好豐富，有蝦乾，魚乾，魷魚，腰果同韭菜花等等，蒜味重，微辣，非常惹味！😋蝦乾好大粒，同腰果魚乾既口感都係脆卜卜，送飯一流👏我見附近每檯都有叫招牌既煲仔飯😁呢度廚師推介既小菜價錢都非常合理，真心特別推薦俾一家人或者聚舊既朋友黎👍因為中菜好大眾化，環境同野食都真係非常唔錯，價格唔貴私隱度高👍👍👍

呢度同外面食煲仔飯既地方好唔同。一般食煲仔飯既地方感覺上都係污糟麻甩小小，但呢度既裝修風格比較似fine dining，而且擺設同茶具都好別緻。呢度提供三種茶，包括玄米，菊花同鐵觀音，我同朋友揀左鐵觀音，茶香味濃，比外面酒樓既茶好得多，我哋夜晚去，茶介$15/位。臘味煲仔飯份量充足，二個人食中份絕對足夠。我最鍾意就係呢度飯焦脆香，粒粒飯都油潤煙韌，飯粒分明，再配上臘腸油香同，非常開胃。豉油係煲仔飯中都好重要，呢度既豉油帶有鮮甜既味道，好適合送飯食。另外值得一提既係，服務員會係你面前幫你撈飯，非常貼心。金銀絲伴銀針有各種配料同醬料，包括瑤柱、蛋黃、粉絲、芽菜、櫻花蝦，一齊食口感豐富有趙口，蛋黃味都較香濃，芽菜好爽口。芥菜排骨煲因為都想叫個菜食，咁職員就推介左呢個煲，芥菜本身係苦苦地，個湯就有好重既胡椒味。總結黎講，中等價位可以係呢個環境食到高質素既臘味，性價比👍🏻

呢間我之前見到有foodie推介 好似好靚咁 已經想去試🤤前幾日黎開呢邊有機會就終於去咗食 我覺得佢環境真係幾舒服 同埋佢煲仔飯個價錢係貴啲 但係其實一個真係可以夠兩個人食 所以除翻開都算OK😎·特色臘味煲仔飯 $148我覺得呢度個煲仔飯都幾值得試😍😍佢啲臘味係真係食得出用料好靚 佢個油脂真係好好🤤我最欣賞佢個臘肉 個調味岩岩好 而且個肉嘅質地都好好 之後個臘鴨 我自己都係第一次食 我就覺得佢好似有啲啲太咸同埋有啲啲un🙊不過我唔係好知臘鴨係咪本身係咁😂😂之後佢個臘腸都超特別 佢係有用茅台黎整 所以食落去真係會有酒香😈我食嘅時候話有酒味 我男朋友仲喺度覺得我亂吹 之後我哋一睇 發現真係有用酒醃🙄🙄·芥菜排骨煲 $98呢一個係個Staff推介我哋嘅 話我哋如果兩個人食一個煲仔飯加個菜就啱啱好 所以我地就嗌左😎我覺得佢個芥菜都整得幾好食 不過入邊啲排骨就肥左少少 好多肥膏🤭🤭個湯我自己幾鍾意 佢係有啲胡椒豬肚湯嘅感覺 超濃郁 我哋飲晒成煲🤤🤤不過又係飲到最底會有啲鹹 果然都係老師傅野😂·#rbyeat#rby港式#rby佐敦·📍佐敦文匯街22-24號地下2-4號舖

今日柯士甸收工，諗住係附近搵食之際，忽然被憶食尚煲仔飯餐廳吸引，因為好奇所以一試，呢間餐廳裝修好靚，優雅嘅枱櫈及窗簾好像西餐廳嘅格局，但這間餐廳係食煲仔飯中菜，所以感覺好新穎，未食都心情好好。我地呢排想食得清淡啲，所以唔食煲仔飯，叫左個芥菜黃豆排骨煲，三絲雞絲撈麵，油菜。芥菜黃豆排骨煲好濃烈嘅胡椒味加薑，啲湯可以飲，飲完成身暖哂。三絲雞絲撈麵上枱有驚喜，睇得出廚師手藝，撈得好靚，好似藝術品咁唔捨得食，啲麵係自家製，好清香唔覺膩，醬汁配合雞絲帶來清新嘅食法。

早排去開佐敦果面做嘢，無意中發現有間裝修好靚！成餐西餐廳咁但原來係食煲仔飯嘅餐廳😂望落價錢又唔貴，同班同事又想坐耐少少可以傾多陣，所以就揀咗呢間食Lunch🍽✨芥菜排骨煲✨食落有好香嘅胡亂味！排骨炆得好嫩👍🏻啲肉吸收哂湯汁嘅精華，食落啖啖肉☺️就算空口食都唔會覺得鹹，調味做得啱啱好🤤✨手工黃金麵✨好特別嘅一款小食！其實係將佢哋自家出品嘅空心麵炸起佢製作而成！新鮮即叫即炸，咬落暖暖哋！卜卜脆😋配埋個糖醋汁，酸酸甜甜真係超級開胃‼️✨煎海鯧魚✨呢款魚嘅菜式相信都係呢間餐廳嘅招牌菜之一👍🏻煎落好香口，魚肉嘅肉質十分嫩滑，不過個人就覺得最好都係配返啲飯或空心麵食會好啲，因為如果空口食會有點鹹☺️之後叫返個主食，佢哋嘅招牌菜式之一，✨鮑魚XO醬撈空心麵✨呢款撈麵個麵底真係好好好好食呀😍食落帶點煙韌，就咁望佢外表咁幼身嘅麵，估唔到煮出嚟係咁嘅口感👍🏻個XO醬真係好好食，鮮味十足，一啲都唔味精！食完唔會口乾，果然真材實料💕一餐又唔貴又好食又坐得舒服嘅中餐廳而家真係越嚟越買少見少！呢間本人覺得絕對係誠意推介🥰一定會再有下次‼️

朋友住渡般街，去探佢，佢話帶我去間煲仔飯專門店食晚飯坐低後，先送上前菜-醃菜，其實刀功很好芥菜排骨煲 - 芥菜湯濃味得嚟又帶清甜，是整個煲的精華，而且菜吸收湯的味道，肉又淋，正川味臘腸炒蛋 -滑蛋嫩滑，配上川味臘腸，些少麻辣味，開胃又惹味清蒸鮮腌海鯧魚-海鯧魚醃過夜，類似日本一夜干的方式，所以好入味，師傅加了些少蔥絲拿去蒸，簡單一蒸味到已經好好味，不會太鹹，很易入口，醃過後反而更帶出鯧魚的鮮味特色臘味煲仔飯 -有臘腸、臘肉、臘鴨，幾種蠟味令整煲飯香氣四溢蠟鴨鹹度適中，不用伴飯直接食用也非常可口，臘腸油香很重，而且鮮味；送上煲仔飯後，店員幫我們加豉油，再撈勻，食到最尾的時候，店員又會幫我們起飯焦，當然亦可自己動手起，服務真的是一流檸檬薏米水-清涼解渴又順喉，薏米吃落口感很好，健康又可口御髪膳粥 - 粥內有大量不同穀物，清甜而且有咬口，口感非常好，用來結束這一餐，可謂完美食物同服務也是極高質，有自家製煲仔飯售買，可以買返屋企試下自己煮