稚

營業中

休息中

入元朗搵朋友，佢帶左我去一間日系小店食定食，覺得都幾唔錯，抵食又大份。門口附近幅畫勁靚😍有好多動漫人物⛩招牌蒲燒鰻魚🐟（半條）$72加定食$30 轉貓飯$10鰻魚偏多汁，同飯分開唔洗俾啲汁整到啲飯濕晒，味道夠，鰻魚汁偏甜，半條份量都夠食。定食好豐富，包左兩個前菜，一個係胡麻醬玉子豆腐，另一個係帶子裙邊。另外仲有幾款漬物放係旁邊，酸酸地好開胃。開頭唔知咩係貓飯🤣見到個名幾得意就叫左。貓飯入面有紫菜、木魚花、日本醬油、牛油，淨係撈勻食已經好入味⛩和風紫菜吉列豬扒🐷$62 加定食 $30 轉茶漬飯 $10豬扒唔算厚肉勝在炸得脆，配埋紫菜都幾夾。茶漬飯建議食快啲，浸太耐會脹晒。上面加左茶漬飯素，有口感。另外要讚嘅係佢地個味增湯，非常足料，有蜆有豚肉係入面，唔同平時果啲咁單調⛩芝麻雞翼🐥（3件） $42炸得勁香脆，咬落去食到粒粒芝麻香🤤⛩流心芝士年糕 🧀（2件）$28芝士年糕真係有流心效果🤩皮皮脆脆地，入面軟糯，芝士味濃郁，趁熱食好正呢到係朗屏站隔黎，去開附近黎呢到食都唔錯，夠方便

今日山長水遠入黎元朗搵個朋友，佢話帶我食一間食物唔錯，價錢又親民嘅日式料理🙈當然要跟住佢去搵食啦，如果唔係朋友都幾容易錯過左，因為附近多數都港式茶餐廳多入到去俾佢幅壁畫同埋啲掛畫吸引左，完全啱晒動漫迷🙈座位唔算多，不過都唔會感覺逼嘅✨芝麻雞翼 $42外皮撒左芝麻再拎去炸，炸得好香口，外脆內嫩，一啲雪味都無呀，好味👍🏻✨原隻汁燒魷魚筒 $68啱啱燒起熱辣辣，好香，一啲都唔韌，同個醬汁好夾✨燒菠蘿 $38個燒菠蘿燒得好好味呀，菠蘿本身都甜，上面再加左薄薄一層焦糖，一咬落去脆脆再爆汁，口感豐富😆👍🏻✨鰻魚炒飯 $88加左鰻魚汁炒，好香呀，鰻魚份量都算多，每啖都食到有鰻魚，啲飯炒到粒粒分明👍🏻✨綠茶可樂 $22普通可樂飲得多，間唔中都要飲下唔同嘅，味道幾特別，有淡淡茶味，又唔錯喎

今日又入左元朗探個朋友，基本上我地已經有左共識一定會黎呢間日式小店食晚飯😂 原因無他既，製作用心又抵食👏🏻今次我地叫左全條招牌蒲燒鰻魚定食加溏心蛋，蟹膏蜆肉炒飯，蒜香牛油雜菌炒椰菜同埋芝麻雞翼share😙鰻魚燒得好靚，食落勁香，肉質肥美，鰻魚汁送飯真係一流！🤤溏心蛋恰到好處，中間蛋白同蛋黃位置勁滑😍跟餐細細杯既味噌湯啲料多到嚇親我地😂伴碟玉子燒好濃郁蛋香味👍炒飯蜆肉唔腥，飯粒夠乾身，而且係用珍珠米特別有咬口，如果蟹膏味再濃郁啲就仲正🙊芝麻雞翼熱辣辣勁香脆🤤雜菌炒椰菜相對清淡，牛油味唔算濃郁，不過我成日覺得主食通常偏濃味所以蔬菜類清淡啲會好啲，所以我幾中意👍我地8點幾先食算夜但keep住有客人入黎，睇黎呢間小店真係好受呢附近街坊歡迎👏😊

“蟹膏蜆肉炒飯”($98)“芝麻雞翼(3隻)”($42)“章魚小丸子(6粒)”($42)“厚燒玉子(4件)”($30)出開元朗去咗呢間口碑唔錯嘅日式餐廳食嘢☺Menu選擇分成小食,燒物,主食同料理4大類價錢仲相當親民好抵食😍今次叫咗1款料理同3款小食😝首先係蟹膏蜆肉炒飯🦀蟹膏同飯粒炒到好均勻,食落鹹鮮味十足☺蜆肉真係超多,仲要大大粒幾鮮甜😚而且碗飯份量超大😆2個人share就岩哂🤣3款小食分別係芝麻雞翼🐔,章魚丸🦑同玉子燒芝麻雞翼夠大隻,皮脆肉嫩🤤加上芝麻真係超香口惹味😋章魚丸食落唔會一pat粉咁☺面頭加上大量蛋黃醬,燒汁,紫菜同木魚碎🤩正😝厚燒玉子食落蛋香十足😍表面仲加咗啲芝士🧀火炙完特別香🤤呢間餐廳啲嘢食cp值幾高🤩如果下次再嚟一定要試埋佢啲定食先😝

今日響元朗附近收工，附近都係茶餐廳，但突然見到有間日本餐廳，俾佢吸引左，於是入去食晚餐😊🌟 芝麻雞翼 x 流心芝士年糕 ($42 & $28)芝麻雞翼即叫即炸，外層炸得香脆，肉質嫩滑，而且無雪藏嘅味道，調味剛剛好，唔會太咸😋芝士年糕都係即叫即炸，芝士香濃，而且流心，做到拉絲既效果，外層皮軟熟，必點😋😋🌟 蟹膏蜆肉炒飯 （$98）即叫即炒，好有鑊氣，炒飯唔會太咸，而且粒粒分明，加上用海鮮炒，好香嘅海鮮味，加上蟹膏濃郁，蜆肉新鮮，而且無沙，加埋蔥花同醬油炒，香味十足，價錢亦都唔貴😋😋🌟 大阪燒 （$78）好耐無去日本🇯🇵，見到大阪燒於是即刻點，果然無令我失望，醬汁，紫菜，木魚鋪滿全個大阪燒，而且大份，粉漿調教得岩岩好😋😋