擂台

營業中

休息中

放工與同事們到諾士佛臺放輕鬆，這間店裡面設計走電競風格，有不少火粉有關遊戲酒吧空間寬敞，男店員較多，設施種類多，有電玩遊戲、鏢機、有2桌電子Beer Pong投杯球，幾好玩的喔，比較容易上手的Slap Cup疊杯子都有，當然傳統老爺鏢機都有唔少人喜愛的。「芝麻雞翼」新鮮炸起來，熱燙燙的，外皮又香脆非常，肉質嫩滑，真的不錯。「麻辣雞腎」麻辣雞腎麻辣香味厲害，口感爽口彈牙，是佐酒佳品。「別問我是誰」神神秘秘的，它就是黑椒牛柳意粉，意粉爽身有口感，黑椒味道很香。「阿拉丁」外型很特別，不喜歡飲酒的都會對它感到興趣，直接從神燈中倒出酒，很有趣，把 Southern Comfort Whiskey Liquor 倒入埃及洋甘菊茶、阿薩姆紅茶和橙皮，容易入口，又香醇。「般若波羅物」整個造形是黃金菠蘿，打開菠蘿頭，就看到裡面的飲品，把青檸汁與菠蘿汁撞在一起，再加入芒果肉和熱情果肉，味道酸甜帶水果味，感覺清新舒服。服務非常好，店員們隨傳隨到，落單又快，重點是他們很帥喔，女士們心心眼。

孤陋寡聞，一直唔知原來諾士佛臺咁多酒吧。今次同朋友嚟左呢間樓上嘅酒吧，時間尚早店內客人未算好多，竟然可以安安靜靜咁食左餐飯，傾左好耐計。擂台嘅店鋪面積超大，入面有好多設施玩，可以掟下飛鏢🎯，又有乒乓波檯🏓，唔想玩都可以好似我地兩條無聊友咁，吹下水又得💦唯獨是店內冷氣好勁，如果唔玩game就記得著多件衫唔好凍親❄️講翻個Menu，飲品選擇豐富搭配都有趣，好多特色cocktail都好想試，依家諗翻始終念念不忘冇飲到Just A Mocha【有朋友飲過記得話翻我知好唔好飲🥺】朋友飲左Summer Paradise，其實係源自俄羅斯嘅雞尾酒Moscow Mule, 用銅杯盛載，Vodka加入Gingerbeer同青檸🍋，味道濃而不過烈，酸甜之間又微帶薑的和暖，充滿俄羅斯的狂野滋味。呢杯係我自己點嘅阿拉丁，被佢嘅外形吸引左。除左外形，連配方亦係充滿阿拉伯風情。Southern Comfort Whiskey Liquor入面加入埃及洋甘菊茶、阿薩姆紅茶同橙皮，飲落淡淡地又充滿柑橘的清新，酒味唔太重唔怕醉，好啱女仔🍊飲得酒嘅可以試下八陣圖，用各種中國酒混合而成，用個青銅酒杯裝住，打卡必備📸呢碟別問我

最近完成公司嘅大型活動，終於可以放鬆下，放工就同左同事去公司附近間的酒吧「擂台」happy hour～環境非常闊落、舒適、空間感好大，座位之間有一定嘅距離，可以傾吓心事～仲有好多table game、掟飛鏢、打機等遊戲，一班人上嚟玩都可以～呢度既cocktails 光賣相已經非常吸引，我地點左阿拉丁、八陣圖，女士用嚟打卡一流～阿拉丁係神燈造型，以多種甜酒調製而成，味道甘甜，容易入口～八陣圖古代朝廷器皿既造型，氣勢逼人，以多種中國酒加埋玫瑰露、洛神花，酒味比較香濃～酒量可以斟6至8杯芝麻雞翼新鮮即炸，香口又脆卜卜仲有必食推介嘅擂台多士，裏面有芝士、Parma ham、仲有香濃嘅黑松露，外面烘得香脆可口，十分惹味～忌廉芝士蟹籽象拔蚌意粉，意粉煮到乾濕啱啱好，象拔蚌爽口，我諗個酒吧嘅食物都有唔錯嘅水準～一邊飲酒一邊品嚐美食一邊傾心事，身心都覺得放鬆～