玖子茶 (如心廣場二期)

營業中

休息中

朋友上班附近有一間名為「玖子茶」的星馬餐廳，定價相當抵食。今晚筆者就過來試試，順便也和朋友聚一聚舊。 筆者所到的是「玖子茶」在如心廣場2期的分店。餐廳裝潢幾特別，有如身處新加坡唐人街般。每日都會有優惠套餐，今晚就是麻辣口水雞飯餐。跟餐有椰子雞湯，味精感未算很重。口水雞肉質嫩滑，入口有一股麻香辣感，味道層次豐富。配上油飯，飯粒間帶黏感，油香味令人不知不覺吃很多。蝦多士有5大件！多士片塗上蝦膠，然後炸香。多士麵包鬆軟，帶有少許芝麻香味，蝦膠層則彈牙香口。整體不會過於油膩，還附有千島醬蘸點佐送。花枝丸炸香，中間混入了花枝粒粒，彈牙有口感。再點上泰式雞醬，酸辣味道為這道小食畫龍點睛。無骨鳳爪進食起上來非常方便。可惜鳳爪做得不太入味，無論酸或辣味都未夠到位，有一點可惜。他們的飲品都是大大杯！筆者點的是柑仔話梅水，雖然甜度固定，但不會過份甜膩。

呢晚嚟咗呢間喺荃灣如心廣場嘅星馬餐廳 餐廳嘅裝修好有特色 好似一秒去咗新加坡嘅牛車水咁😎菠蘿蝦頭膏海鮮炒珍珠飯雖然個樣望落平平無奇 但係食落口海鮮嘅香味非常濃郁 入面有蝦仁 蜆肉 魷魚 翠玉瓜 菠蘿🍍 材料豐富 份量充足 啲米仲要係珍珠米添呀 口感特別煎封海鱸魚呢個係晚市套餐嘅其中一款🐟 亦都係比較受歡迎嘅一款 聽到隔籬枱話已經冇得嗌呢一條魚喇 呢條海鱸魚size都幾大 而且賣相好吸引🫢 炸粉唔算好厚 入面嘅魚肉都幾嫩滑 連啲魚骨都炸到好酥脆 配埋香噴噴嘅珍珠米🍚 又飽肚 又豐富芝麻蝦多士呢一個小食都幾抵食 蝦多士同坊間嘅蝦多士有啲分別🍤 底下嘅麵包並唔係薄身嘅方包 而係較厚身嘅法包🥖 上面嘅蝦膠好彈牙 整件蝦多士 炸完好香脆 又唔會好淋油 一份仲有五件咁大件嘅添啊飲品馬來西亞拉茶 因為印象中馬來西亞嘅奶茶係比較甜㗎 所以我哋今次嗌咗少甜🫖 味道就比較適合我哋啦 亦都好有奶香味 另一杯嗌咗百香果綠茶 呢杯酸酸甜甜 幾開胃🍵餐廳有唔少套餐優惠 價錢幾親民 幾抵食 所以都見到好多街坊嚟幫襯💛

呢間係如心2期既玖子茶主打星馬菜，成間鋪頭既裝修都有種好懷舊既feel，好有特色😯掛滿紅黃既燈籠🏮餐牌價錢都真係幾抵，午市套餐唔洗加一，平均五六十蚊可以埋到單，唔怪之得去到果陣成間餐廳都坐滿曬人。  1️⃣砂煲肉骨茶配白飯（$68） 肉骨茶原個砂煲上🤤見到仲滾緊。飲落藥材味濃，飲落帶少少甜味，配料除左幾舊熬得夠淋既排骨之外仲有豆卜、菇等等。  2⃣️海鮮蝦叻沙（$63） 叻沙少見地有得揀油麵、米粉、檬粉、銀針粉。叻沙湯底都幾失望😢湯底椰香味欠奉，而且偏稀。配料算幾豐富，但係每一樣都係極度平凡🫢有蝦、魚肉、魷魚、豆卜、芽菜，但係魚肉好淋一夾就散，然後魷魚都係完全冇味既😬  3⃣️牛車水芝士炸雲吞（午餐+$18） 呢個幾好食wor！炸得好脆！同埋中間餡料位真係成個比芝士fill曬🧀️  4⃣️芝麻蝦多士（$45） 賣相好靚🤩有五件。蝦多士既多士唔係脆卜卜既果種，食落口係鬆軟啲既，配上他他醬好夾～  5⃣️檸檬薏米水（午餐）  6⃣️馬來西亞拉茶（午餐） 飲落幾正宗，而且唔會太甜。  

🇸🇬🥣🇲🇾超足料抵食大份星馬菜▫️QR code落單☑️煲仔肉骨茶 （午市）- $68肉骨茶用煲仔上好保暖，藥材味唔算好濃，但調味都唔錯，而且配料好多，有四舊骨，d肉已經浸到淋晒，好易扯到出黎食，另有豆卜、枝竹、冬菇片、秀珍菇、杞子，十分足料。午市套餐仲配白飯（+$3可轉油飯），油飯散發着微微的油香，吾會好肥，用肉骨茶撈好味。☑️ 蝦頭糕塔香牛肉炒粿條 -$58超大碟！2個人食都冇問題，炒得乾身均勻，而且好有鑊氣。粿條係幼身d嘅河粉，配上肥牛、三色椒絲，蛋同九層塔，醬料特別，似泰式，微辣，好惹味。☑️芝麻蝦多士 - $45一份有五件，麵包整得香脆，唔係法式好硬嗰隻，似係一啲厚切嘅方包，面包咬落都軟熟，配上蝦膠及附上嘅他他醬，口感豐富，味道好夾。☑️冬瓜龍眼茶（少甜）-套餐+$10可以熱飲凍飲及少甜，少甜都有d甜，冬瓜味好出，但就唔係幾飲到龍眼味。☑️鴛鴦檸檬水 - 套餐+$10用上青檸同檸檬片，無糖，啱晒健康人士。

淨係係個門口已經俾佢啲裝修吸引左入黎，入到黎簡直大開眼界🤩滿天燈籠🏮加上舊式情懷嘅裝修，相機已經不停工作📸算係荃灣少有嘅星馬菜🥢砂煲肉骨茶🍲$68湯底唔算太重藥材味，帶甘甜味，砂煲煮得夠熱。排骨半肥瘦，炆得好淋，冬天飲就最啱，滋補👍🏻👍🏻🥢馬沙拉蟹肉海鮮炒飯🦀$78食落都幾有鑊氣，蝦肉偏多，蟹肉絕對係真蟹肉，炒飯粒粒分明🥢芝麻蝦多士🍞$45 多士厚切，蝦滑彈牙，如果芝麻多啲鋪滿整個表面就完美😚🥢菠蘿青檸🍍$20 唔太甜，青檸味道較重，清新🥢百香果烏龍茶🍹$20 百香果冇搶到烏龍茶味，果汁感重，解膩😊普遍價錢唔算太貴，比較親民

如心新開玖子茶，係新加坡🇸🇬同馬來西亞🇲🇾菜，第一☝️次行過老婆話食越北，點知收到$100減$20 coupon,老婆就話返完教會一家四口👨‍👩‍👧‍👧去試。門面都好搶眼，門口同經理話4個，坐喺門口度等咗5分鐘就有枱坐咗入去第一☝️張枱係12人枱搭枱但好大冷氣，驚小朋友凍親，就自己舉手🙋🏻‍♂️手換咗張4人枱可放BB車QR code落單，叫咗海鮮蝦🦐喇沙摻摻、招牌去骨星馬雞飯（油飯）、鮮油咖咉多士、沙爹串燒雞肉（3串）、芝麻蝦多士，正餐加普通嘢飲加$10，叫咗街頭白咖啡☕️（熱）同冬瓜龍眼茶（凍）海鮮蝦🦐喇沙摻摻，喇沙湯底冇乜味，海鮮一般招牌去骨星馬雞飯（油飯），雞一般，甜豉油太稀鮮油咖咉多士，真心好食😋，咖咉同鮮油正，多士夠薄夠脆，上菜容器係個竹兜，有特式沙爹串燒雞肉（3串），沙爹係酸，食咗半串就退咗芝麻蝦多士，多士太厚唔夠脆街頭白咖啡☕️（熱），主食加普通野飲$10，落練奶正冬瓜龍眼茶（凍），主食加普通野飲$10，我囡狂飲飲到急尿攞碗要自己出去攞，埋單只可俾現金，扣咗沙爹同$20 coupon後$200。最好食係鮮油咖咉多，其他野一般，下次想試油餅