Pizza Maru (希慎廣場)

營業中

休息中

正當一街都係星星的炸雞同埋韓燒之外, 原來仲有韓式pizza!呢間韓國🇰🇷嘢，聽佢個名就知佢主打係食 pizza🍕！Pizza 有成十幾款選擇, 而且有9吋和12吋揀！點咗個9吋嘅芝心maru大哥，另加$24轉咗雙芝邊。Pizza材料有Maru香雞、車厘茄、西蘭花、火腿、蘑菇、忌廉芝士慕絲、芝士條、alfredo醬、酸忌廉醬、烤肉醬、馬蘇里拉芝士，材料好豐富👍攞起塊pizza嘅時候，會見到拉絲效果非常誇張，唔係淨係得一兩條絲，而是係拉極都仲有嘅芝士絲，多到爆出黎，成個瀑布咁，見到都興奮。食落口啖啖芝士，好足料，口感非常豐富, 而且口感比一般嘅pizza更煙韌😍另外點咗6件蒜香甜辣秘製炸雞 (非辣)。每款炸雞都可以揀6件或者12件黎嗌，如果人少都唔怕食唔晒👏🏼 個炸雞🍗外皮炸得脆卜卜而且一啲都油膩，啲雞肉都算嫩滑多汁。另外叫咗個蜜糖忌廉炸薯條，個薯條🍟同樣都係炸得脆卜卜，味道就甜甜地咁, 其實我就覺得幾好味, 不過友人唔中意甜嘅薯條! 呢間餐廳我已經黎第4次喇! 成日都好掛住佢個芝士! cheese lover 千萬唔好錯過呀!

今晚約了朋友到希慎廣場食飯，位於13/F的Pizza Maru，我由地面先上2/F再轉Lift，都幾麻煩，幸好等Lift的人不多，由地面上去大既要5分鐘。Maru秘製青口鍋青口舖滿了整個鍋，份量十足，超過廿隻，每隻青口肉都脹卜卜，雖然是急凍貨，但忌廉醬汁帶點辣味，惹味香口，而且食落好creamy，配料有點菇及洋葱，剩餘的醬汁好適合用來醮麵包。芝心Maru大哥大Pizza共有八件，表面舖滿了芝士，還有些雞肉、車厘茄、蘑菇等，配料十分豐料，配上燒烤醬及酸忌廉，Pizza帶點微辣，非常惹味。韓牛肉丸意粉意粉外型美觀，共有5粒肉丸，意粉外圍有些炸脆絲伴碟，味道似肉醬意粉，番茄味濃郁，牛肉丸結實彈牙，而且裏面有肉汁，不會太乾身。意粉軟硬度適中，整體味道不錯。熱情芒果冰茶芒果味濃郁但不會太甜，有茶味但不會太濃。餐廳食物味質高質，價錢大眾化，一個Pizza都是百多元起，而且款式甚多，還有飯、意粉、炸雞及一些熱氣小食，在這一區來說是一個不錯的選擇，大件夾抵食。