Ann Mamma Thai kitchen by 張秀玲

約朋友食飯泰國菜係不二之選，早前就同兩位前同事到訪隱藏於荃灣香車街街市旁嘅 Ann Mamma。呢間泰菜一向有口碑，經常要排隊等候，而且週末不設訂座，想試嘅話要留意吓 👀小店樓高兩層，地面座位相對逼狹，同隔籬檯距離有啲近，同整體嘅悠閒感覺頗有對比 🙈食物質素無得挑剔，青咖喱雜菜 ($68) 中有西蘭花、椰菜花、豆角同紅蘿蔔等 🥕 椰香中帶陣陣辣勁，咖喱汁雖然稀但味道一樣香濃，輕鬆撈晒一碗飯 🍛泰式燒豬頸肉飯 ($78) 焦脆爽口，配以酸辣醬汁同乾蔥酥，好好食 😋即使加配小食都好有心機，蝦餅 (+$28) 份量大大件，咬落脆卜卜超彈牙，帶粒粒蝦肉口感，絕對唔係雪藏行貨❣️芝士醬薯條 (+$15) 俾佢份量嚇親 🍟 多到就嚟瀉出嚟，鋪滿厚厚芝士醬同沙律醬，極邪惡！🤤最後有少少批評 😮‍💨 本身揀泰國菜係為咗方便大家 Share，遺憾嘅係當時店內只提供午市套餐，而且不斷有店員大嗌「賣晒」，9 款 Item 入面有 3 款都售罄，選擇十分有限 😥 仲要返到屋企先發現，店員十萬火急話仲有最後一份海南雞飯，叫我哋要埋，結果無上到檯但收咗錢 🥺 亦都好認同網上 Review 話態度一般，場內其他客人 Keep 住被催落單仲要漏單，需要改善 ❌📍 Ann Mamma Thai kitchen by 張秀玲荃灣曹公坊 11 號地舖…查看更多

以前細個係荃灣生活左2X年，當時香車街街市都無咁多餐廳🚶🏻‍♀️到呢家有不少人氣美食，eg街市3樓的老闆娘街市😌今次介紹對面的泰菜，門口有超靚打卡位的Anna Mamma泰國菜𝐒𝐞𝐭 𝐋𝐮𝐧𝐜𝐡🕑平日提供 （週一至五，公眾假期除外）🥘+ ☕️=$68UP ！份量超大，男仔食都一定勁飽，連野飲價錢真係輸唔到，加配小食$28UP，加配芒果糯米飯都係$25😭-第一眼以為得堆雜菜😂其實d雞件係底到，我估同海南雞d雞件係一樣的，咬落好滑😍無骨泰國米線同普通有咩分別就唔知，但米線吸哂青咖哩好夠入味！餐牌一條🌶可以無視，係唔辣的肉片好大塊又juicy，重蒜香味又炒得幾有火喉，配埋蒜粒食好香濃芝士醬薯條（+$15）·正正常常，我估薯條本身炸定，多醬夠滿足串燒兩串 - 雞/豬肉（+$28）·正常水準，大大串配埋沙嗲醬都唔錯後記·當時2:30pm左右，本身想試芒果糯米飯，但得番椰子雪糕🥥~無試到了·店員幾好人！大熱天時流哂汗，未齊人都比我哋入去先，加哂分💯見到不少人叫1️⃣烤雞青木瓜沙律及8️⃣泰式無骨鹵水豬手飯👈🏻👈🏻推介大家一戰·Lunch都咁唔錯，下次想試埋dinner利申：夏天坐門口有少少熱，街市好近餐廳的，坐門口有時聞到少少味👀過一陣又唔太覺 💰⭐️⭐️⭐️⭐️⭐️真心lunch set價錢無得頂！好抵食又大份 🗺⭐️⭐️⭐️⭐️⭐️交通亦方便，附近有MTR及巴士總站 🍽⭐️⭐️⭐️⭐️⭐️CP值高，食物水準又好！…查看更多

終於的起心肝打電話去𝗯𝗼𝗼𝗸呢間超多好評高質泰菜😍一定要預早𝗯𝗼𝗼𝗸 佢地分𝟮個𝘀𝗲𝘀𝘀𝗶𝗼𝗻𝘀食大愛佢地嘅沙嗲串燒𝟮串豬𝟮串雞🍢好大串啖啖肉仲用咗蜜糖燒加上秘製沙嗲醬汁好惹味🤤另外青咖喱牛腩同🥔炆得超級入味同淋咖喱唔算辣亦都好香椰味可以都撈好多白飯食😍見到好多人都叫芝士醬薯條炸得好香脆一啲都唔油膩😈份量超大仲有好多醬汁好適合一大班人分享金邊粉亦都係我嘅最愛真係好鬼大碟炒得好有鑊氣酸甜都控制得非常好仲有好多爽口嘅大蝦🦐最後西柚梳打聽落冇乜特別但係飲得出佢用椰青去調 讚呀🌟仲好想試佢其他嘢食一定會回頭🤍…查看更多

今 日(24-4-2021 Sat)晏晝,同老公送膠前食個晏,我記起男友人NT介紹嘅呢間,呢間係我哋成日經過時,都甩到佢哋派飯俾老人家,咁有善心,梗係要支持吓.我哋去到有人等位,大約等咗10分鐘左右就有位喇.雖然係一張圓形嘅二人枱,但空間都夠,睇完menu,我哋要咗:1. $78.00嘅黃咖哩牛腩配白飯擺上嚟嗅到好香咖哩味,食落唔辣,有椰奶味;牛腩夠腍;不過白飯就略嫌硬咗啲.味道: 4分2,加$18.00嘅粉紅番石榴特飲嚟到,見到上面嘅青檸已被唧,即係已經幫客人唧咗青檸汁入杯嘢喥,我飲吓先,唔知係味我冇攪勻嚟飲,我只飲到青檸味,但老公話好飲.味道: 3分3. 加$28.00要串燒雞豬各一串呢個嚟到,見到兩樣都幾厚,先食豬肉,好鬆軟同juicy;雞肉都鬆軟但比豬肉乾啲,可能豬肉油脂較多啦.而唔辣咖哩醬帶有花生香,正.味道: 4.5分4. 後加$15.00嘅芝士醬薯條都幾大碟,邪惡嘅醬唔止芝士醬,而係重有沙律醬.薯條係鮮炸重要好脆,係真係外脆內軟,好正好邪惡呀!味道: 5分5. 再後加$28.00嘅凍泰式奶茶最後忍唔住要多杯奶茶,不過都明知泰式同港式係唔同,泰式係奶味重,但都係滑嘅.味道: 3分環境:好舒適.服務:好有禮貌.價錢應該係$167.00,但埋單係$159.00,原來menu上已夾咗$8.00優惠劵.2.64分…查看更多

新年果陣行山行到黎荃灣已經想食，可惜當時未開市，結果係附近食左間麻麻地既餐廳☹️。今次黎荃灣，終於可以試到呢間人氣店😀。餐廳名「張秀鈴」三隻字雖然細粒，唔起眼，但佢別樹一格既門面設計同外面個街市已經形成強烈對比，加上白色既外牆，令佢更顯眼😃。星期六下午1點黎到，無需等位可以直入🙊。不過，始終都係週尾，大家都瞓得比較晏，過多半個鐘門外就有人等位。餐廳樓底好高，有閣樓，但唔似有座位，唔知係咪貨倉呢?!店內café 式裝修，淺色系既配搭，木系玻璃摺門，增加店內透光度，加上當日陽光普照，令我同友人有一種身處異國既感覺。午市套餐選擇雖然唔多，只有9款，但貴精不貴多，就如今次試既兩個餐，質素相當高，無論係份量、賣相、味道、價錢、上菜既速度等都值回票價，加上而家做緊午餐每人減$8優惠，即使有人龍都要等!!黎之前已經睇過食評，有關烤雞飯既食評好少，但自己想食木瓜沙律，所以無點大熱食物。好彩食物出乎預料既好，完全無令我失望😋。烤雞青木瓜沙津配飯 $68本以為沙律只係伴碟，無諗過居然係主菜，份量同雞扒一樣多!! 老實講，我個人覺得唔配白飯都得，因為根本食唔哂!!烤雞扒雖然稱唔上嫩滑，但調味剛好，有香茅味；沙律偏甜、少辣、少少酸，內有脆花生添加口感；連普通既白飯都煮到粒粒分明，濕度剛好，根本無野可以挑剔!!泰式無骨滷水豬手飯 $88呢個飯量非常多，連好”臭米氣”既碳水朋友都表示多。滷水豬手係我食過最好味，豬手炆到又淋又入味，滷水汁帶有五香粉、八角香，點埋個酸汁，完全無油膩感。蝦餅 $28大大件又厚身，熱辣辣，脆卜卜，蝦肉彈牙，唯一缺點係鯨油時間唔夠，入口比較油。串燒 $28 (一豬一雞)兩款都比較乾身，但可以接受，個人覺得豬比雞略勝少少，乾得黎帶點咬口。芝士醬薯條 $15見到價錢唔貴，所以忍唔住點左一份，估唔到份量咁多!! 仲要係我地中意既波浪粗薯，雖然未炸到金黃色，但外層已經好脆。不過個醬就無芝士味，個人覺得似沙律醬多。每個套餐都包一杯餐飲，飲品選擇好多，重點係唔駛加錢就可以飲到出面舖頭既特飲。朋友點左青檸梳打，而自己就點左蝶豆花蜂蜜茶，後者係特別既紫色，影相幾靚。當日用餐體驗好好，期待下次黎荃灣。…查看更多

平日經過已經俾佢既門口深深吸引(〃ω〃)(清新泥到好似去左東南亞旅行既感覺), 網上search過都話呢間食, 終於起行去book呢間食! 以泰國菜泥講, 款式算大路菜式, 例如冬蔭功, 咖喱雞等, 唔算特別多菜式~ 泰式無骨滷水豬手@$108泥到擺相唔錯啵! (*´∀｀*)不過豬手既醬料味道就似平時中式食開果啲, 口感都算嫩口~~青咖喱雞@$88泥到既時候少少嚇親, huh! 餸料好多喔!! (*⁰▿⁰*)雖然點的是青咖喱不過來的像是黃咖喱~ 除左主角雞之外, 蔬菜伴料都多! 味道方面, 頗辣但未去到麻辣方面; 主餡方面雞反而沒有太多, 但食落幾嫩口幾滑(´∀｀)!!冬蔭功@$108呢個不得不說真係好好好好正(*≧∀≦*)!!! 淨係望相都覺餡料足啦(´∀｀)~~~ 辣度似足泰式辣度, 鹹味剛好好入味~~~ 足料既程度去到有幾隻原隻大蝦~~~~~(´∀｀)整體泥講, 冬蔭功好出色!!!焗蒜蓉法包@$48作為小食既佢非常合格啦~~~ 雖然叫蒜蓉包但感覺似中東包款哈, 鬆軟鬆軟同幾好咬口~~~芝士醬薯條@$48先唔評論味道, 泥到既時候真係嚇一嚇(驚(*ﾟ▽ﾟ*)好~大~份~ 呀~ 無諗過作為小食勁佢似正餐既份量; 每一條薯條都占滿了芝士醬大蝦炒金邊粉@$108泥既時候大大份, 不過呢隻煮法就唔係茄汁果種煮法, 味道比較淡, 但整體味道還可以成碟最吸引感覺係那條葱呢嘻嘻整體泥講, 泰國餐泥講性價比高! 碟碟都大大份最鐘意係冬蔭功! (о´∀`о)…查看更多

久違了的二人約會，疫症之下真係好耐無見了，難得友人放紅日，一定要聚下，上網找了一間感覺舒適又有特色的店子，Ann Mamma Thai kitchen，主打泰國菜，見主菜及甜品都好吸引，午餐又幾抵食，又幾近南豐紗廠飯後去行下，一於去試下先。約1:40到去到，因為冇book位預左等，幸好剛有位，唔洗5分鐘有得入去了。 餐廳有兩層，面積頗大，不論門面及內堂都有小清新之感。 午市套餐，最有興趣海南雞，同見到好多人都食呢個，似乎係人氣之選，可惜當日甜品售罄><，無得食了。 食物有好多選擇。 青檸梳打，想試沙冰的當日售罄，即轉了呢個，夏天飲，爽! 凍泰式青檸茶，友人的。 海南雞配油飯，$78。 份量頗多，雞肉嫩滑，配上泰式酸辣汁及黑醬油更有風味，油飯粒粒分明，有陣陣油香，不俗。 泰式無骨滷水豬手飯，$78，豬皮有彈性，肉質口感鬆化，香濃好入味，滷水撈飯美味。 蝦餅(2件)，+$28，入口香脆彈牙。 芝士醬薯條，+$15，感覺比較hea，芝士醬太少，粗薯條夠熱，味道普通。食物味道不俗，價格合理，坐得舒適，服務幾好，下次有機再來要試下甜品。…查看更多