福岡漢堡扒 (鴻威大廈) (已結業)

去左旺角行街街、係網上搵到個韓國燒烤、都幾特別下、係自己燒同埋自己獨立煙囪！做型好特別叫左兩款一雞蛋和牛漢堡扒同埋芝士蛋蔥和牛漢堡扒、想食生d,熟d自己決定、我中意食6成左右、入口即化、而且仲有少少紅先好食😋…查看更多

每次想食和牛漢堡扒嘅時候，我就會諗起呢間«福岡漢堡扒»🤤呢間韓國過江龍石燒漢堡扒專門店喺香港一共有3間分店，分別喺深水埗、旺角同埋尖沙咀，佢哋喺韓國有超過30間分店咁多㗎！店內漢堡扒選用100%澳洲和牛，並加入特製調味料，即叫即製搓成波波，佢哋嘅漢堡扒煎出嚟真係勁香和牛味🤤 呢度嘅漢堡扒可以揀大/中/細size，每個套餐都包含沙律、泡菜、麵豉湯。我最愛芝士蛋呢個配搭！芝左包住漢堡扒真係勁邪惡！🤤一人一石燒+抽油煙囪嘅方式，自己動手煎小漢堡扒，好玩又好味！店員會周不時留醫舊熱石夠唔夠熱，食一個餐幫我哋換咗幾次👍🏻好抵讚😆另外抵讚嘅係抽油煙囪非常強勁，走嘅時候完全冇油煙味👍🏻❀兩人套餐(Ver.2) $355✰墨西哥辣椒和牛漢堡扒✰芝士蛋蒜和牛漢堡扒✰和牛乒乒乓拌飯✰罐裝飲品兩個💵人均$200…查看更多

📍福岡漢堡扒好多朋友都介紹呢間漢堡扒，主打係自己放係石板到燒，自助式系列，有得玩又有得食😙兩人套餐好抵食，已經包兩塊漢堡扒、丼飯同飲品🥤仲有成5個set可以揀！🤩🍔 兩人套餐(Ver.3) $359🧀芝士蛋蒜和牛漢堡扒 （中）和牛漢堡扒有成個拳頭咁大個👊蒜片同芝士鋪滿係鐵板上面，望落已經好吸引！店員一開始好細心講解同示範點食，提醒我地每隔幾秒反一反⏰漢堡扒一放上石板就有滋滋聲，輕輕壓扁然後隔幾秒翻轉，見到燒至焦脆既表面就可以食架啦🤣芝士慢慢熱溶，有做到拉絲嘅效果✨視覺同味覺👅既滿足🈵️和牛漢堡扒既肉質細緻，牛肉味濃，口感較軟嫩，食落仲好juicy💦另外，燒到中段既時候，石板🪨開始冇咁熱，店員就會好主動咁過黎更換塊新既，成餐飯石板都換左2次，確保石燒夠熱🔥🥚月見味噌牛丼 牛肉、金菇同蔥花鋪滿曬成個飯面，配埋個流心蛋好正！配菜仲有菇類～將所有野食攪拌撈埋一齊食一流，食落好有層次感🤓而珍珠米既口感都好煙靭👍🏻配埋和牛漢堡扒食幾好餸飯😆份量都幾多，兩個人食都未必食得晒😖🍹金橘檸檬特飲& 百香果特飲 （套餐加$18）檸檬同百香果都酸酸甜甜，幾開胃～味道都較fresh;夠曬解渴😙飲品都好大杯，幾抵飲！消暑之選✌️⭐️好味指數：8/10📍 福岡漢堡扒 (鴻威大廈) (旺角)旺角花園街3-5號鴻威大廈地下7號舖#旺角 #旺角美食 #福岡漢堡扒 #和牛 #和牛漢堡扒 #芝士 #丼飯 …查看更多

上次去日本冇機會食漢堡扒 喺香港補翻數🤣早幾日去咗旺角一間都幾出名嘅漢堡扒店見到佢個二人set都幾多嘢食咁就嗌嚟試下啦😆-♡ 二人套餐(ver.3) $359嚟到嘅時候仲震驚 超大份😳有兩份漢堡扒set同超大碗丼飯仲送兩杯嘢飲完全唔似二人份😂.👍🏿芝士蛋蒜和牛漢堡扒(中)牛肉成個波咁好搞笑🤣切少少然後放喺舊石頭上面煎啲滋滋聲真心好正 史努比覺得好好玩😂煎香底面之後外脆內嫩食落牛脂瞬間溶入口😳真系超重油香🤭撈咗啲mozzarella cheese帶出少少芝士嘅鹹香仲做到啲拉絲嘅效果即使唔點任何醬汁都好夠惹味不過史努比就覺得有啲太heavy😂食晒成份嘅話都幾漏鐵板上面仲有邊爐蛋可惜佢吸油吸得太勁搞到啲蛋比較油但燶邊蛋幾香口 唔錯～整體幾好食🤭🤭味道: 8/10.👍🏿月見味噌牛丼飯 唔系講笑碗飯真系勁大碗😳完全系XXL嘅份量滿滿嘅牛肉鋪喺面頭雖然唔系嗰啲好靚嘅肥牛 但質素絕對唔差牛味濃郁 油脂豐富 唔會好鞋口👍🏿同大量雜菌一齊炒香食落鹹中帶甜非常惹味🤤但又唔會話過鹹～有啲似sukiyaki嘅味道😝配上呈橙黃色嘅蛋黃 蛋汁滲入個飯度 牛肉汁嘅甜味同濃郁嘅蛋黃 送飯一流🤤我哋都覺得個丼飯比漢堡扒更出色🤭味道: 9/10.另外套餐仲包一個小沙律同麵豉湯餐飲可以揀罐裝飲品 亦可以加錢轉特飲.👍🏿西柚特飲 +$18嚟到嘅時候真系比佢嚇親😂大大個玻璃樽 唔講以為系裝蜜糖嗰啲樽超級大杯😳唔知系咪心理作用真系飲到有少少蜜糖嘅甜味🤣散發出淡淡嘅西柚味唔系一尾死甜嗰種飲落系清甜嘅好refresh食漢堡扒呢啲咁greasy嘅嘢配呢杯嘢飲真系一流😚味道: 8/10.👍🏿巨峰提子特飲 +$18同樣都系非常之大杯😎濃郁巨峰提子嘅香甜 配上淡淡嘅檸檬味清爽唔會過甜連平時唔飲甜嘢嘅史努比都覺得好飲🤭媽媽👩🏻更加系大推呀🤣🤣味道: 9/10.成個set嘅份量超足 飯多肉多乜都多真心appreciate連嘢飲都系大大杯😆食鐵板燒呢啲嘢都會口乾唔會食到最後嘅時候冇嘢飲呢個份量足夠三個人食😎性價比: 9/10-唯一令史努比唔滿意嘅系店員嘅服務態度講嘢唔太友善🥲雖然食物有水準但有時候服務態度唔好都好影響成餐飯嘅體驗😌唔知去第二間分店會唔會好啲🤣.整體評分：味道: 8.5/10環境: 7.5/10服務: 4/10衛生: 7/10抵食: 9/10回頭率: 5/10-想睇更多關於史努比嘅food diary 歡迎follow IG😚♥️👉🏿 @snoopy._.eating 🙌🏿🙌🏿 …查看更多

唔知大家燒肉嗰陣聽到滋滋聲會唔會覺得好治癒呢🥰呢間韓式石燒和牛漢堡專門店，有得食仲有得玩😆同朋友一齊去食，叫左個兩人套餐 ($366)⟐ 菠蘿煙肉和牛漢堡扒⟐ 芝士蛋蒜和牛漢堡扒⟐ 芝士泡豚丼飯⟐ 飲品x2⟐ 麵豉湯、胡麻醬沙律、泡菜小食🍍菠蘿煙肉和牛漢堡扒餐點會先用鐵板及熱石送上，每張枱都會放置一個抽氣嘅系統，係燒嘅過程中確保盡量減少油煙，幾貼心👍🏻和牛漢堡扒肉質鮮嫩，擺落熱石大概1-2分鐘就可以食得，記住每3秒就要反一反佢，如果唔係好易燒焦🤣呢款漢堡扒加咗菠蘿同煙肉，令口感多啲層次變化，而且菠蘿中和漢堡扒嘅膩，整體感覺多了份清新～每個餐都會附上煎好嘅蛋，只要翻熱一下就可以同漢堡扒一齊食🔥🍳芝士蛋蒜和牛漢堡扒呢款漢堡扒就比較邪惡，混合芝士蛋同大量蒜片😍和牛漢堡扒混合蒜片，香味會再突出啲，不過相對上會比較膩，如果偏重口味嘅朋友都不妨可以一試😆🧀芝士泡豚丼飯呢碗飯份量十足，完全唔怕食唔飽🤣大量芝士碎鋪喺面，配搭泡菜及豚肉，係一款正宗嘅韓式飯，配埋漢堡扒一齊食更添風味😆泡菜唔會太辣，芝士熱溶後仲可以拉絲添！🍹百香果特飲｜巨峰提子特飲 (+$18)特大size嘅飲品，見到都有小嚇親🤣不過最後竟然都飲得哂，非常清新完美解膩😆百香果酸酸甜甜，巨峰提子唔會太甜～燒到熱熱地再飲返凍飲超爽！總結：二人餐份量超級多，食到捧住個肚走😋…查看更多

之前尖沙咀見過,原來旺角都有分店!🔥門口光猛乾淨👍🏻依加仲好方便用QRcode落單就得!店入面有分四人枱同面向牆嘅單人座位,一家人黎食又得,自己一個燒亦都唔需要怕尷尬👍🏻牆上同枱上張紙都有教點食,唔使擔心唔識食😆另外雖然係燒肉,但係一啲都唔覺大油煙👍🏻我地叫左個二人套餐,都幾抵食!包麵豉湯同沙津🥗我哋分別都加錢叫咗特飲,冇諗過巨峰提子特飲咁大杯🤣飲極都仲有,好味得黎好解渴👍🏻飯好快就黎左,好香麻油味😋肉碎唔算好多但配埋漢堡扒食夠唒,撈埋蛋一齊食更加香滑❤️主食漢堡扒只需要用鏟切開到細細份壓扁放上石上面燒,每三秒反一反就食得😍過程好有趣,石板燒到唔夠熱員工仲好主動幫我地換~呢隻口味酸酸辣辣好惹味🌶️中意食辣必點!另外漢堡扒份量都幾大份,食落好重牛味,正!超級無敵多炸蒜片!蒜片脆卜卜增添唔少口感!而且仲有好多芝士,個蛋好香🤤真心唔錯.溫馨提示🩷舊石板真係好熱,小朋友或者大人都要小心呀😂…查看更多

今日同朋友約咗去信和買玩具，買完玩具之後佢就帶咗我黎佢摯愛嘅福岡漢堡扒～入到去就聽到播緊韓劇ost，勁有韓國feel🇰🇷*兩人套餐 （Ver.4) $366-菠蘿煙肉和牛漢堡扒上菜嘅時候就已經感覺到鐵板熱辣辣，冒曬煙咁，迫不及待想自己煎漢堡扒🤤一將肉餅放落塊石到，牛肉嘅牛脂已經湧曬出黎，肉汁滿滿，好食又好玩💗而且呢個配上菠蘿同煙肉，超級清爽解膩～-芝士蛋蒜和牛漢堡扒比起前一個，呢份漢堡扒就邪惡好多😈漢堡扒上面有好多芝士，燒熱咗之後仲會拉絲添～配上炸蒜片，口感豐富咗之餘又香口咗😋-芝士泡豚丼飯份量超多嘅丼飯～上面好多芝士、泡菜同豚肉，食落微辣，好開胃🤤-百香果特飲&紅棗蜂蜜茶百香果特飲超清甜消暑，好適合夏天☀️紅棗蜂蜜茶女性養生首選～底部仲有好多粒紅棗，真材實料🫶🏻…查看更多

旺角/油麻地嘅呢度一向都好多人，今次見到有一間漢堡扒嘅餐廳見幾得意就行入去試吓。佢哋嘅漢堡扒幾特別，係俾一舊大嘅生漢堡扒同埋一塊燒熱咗嘅石你，自己燒。職員亦都好體貼，見到塊石開始變凍就會主動過嚟幫我哋換。位置亦都幾寛闊，坐得幾舒服。兩人套餐(ver. 2)墨西哥辣椒和牛漢堡扒墨西哥辣椒再加上漢堡扒令人一試難忘，想一路食落去。小小嘅辣味好惹味，打成一粒粒喺個漢堡扒入面好夾，但係又唔會冇咗啲肉味，依然係好濃味，而且側邊仲有少少蛋可以食，一個人食絕對食得飽。芝士蛋蒜和牛漢堡扒一上枱就聞到啲蒜香味，牛肉煎完之後都仲好有蒜味，啲芝士蛋份量都好足，鋪滿晒成個鐵板，份量好足。和牛乒乒乓拌飯仲有一個好大份嘅撈飯，加上醬汁撈嚟食好滋味。牛肉份量都好足，呢個餐好適合比較大食嘅人叫！…查看更多

今次嚟到旺角區，一於同朋友去試吓呢間福岡漢堡扒嘅漢堡。重心推介：餐廳係選⽤100%澳洲和⽜，而佢哋嘅兩人套餐內容非常豐富！我哋最後揀咗ver2，套餐包含2份唔同口味嘅漢堡扒、飯、沙律、麵豉湯及泡菜，我哋仲升級咗做特飲！套餐 - 和牛漢堡扒墨西哥辣椒口味味道比較辛辣，而且辣得過癮。芝士蛋蒜和牛漢堡扒亦都好出色，啖啖蒜香味，仲有烤過嘅蒜片，會特別香脆，正！一嚟到就會見到冒煙嘅⾼溫熱⽯，跟著係上面放⼀⼩團漢堡扒肉輕烤兩⾯，⾁味飄香，可以自己煎到外脆内軟，仲可以沾醬一齊食，令⾁味更香濃，別有一番風味！＊當熱石用了一段時間，就會唔夠熱，記得有需要可以叫職員幫手換一塊熱石！＊和牛乒乒乓拌飯呢個飯令人有驚喜，上面有打碎嘅和牛同太陽蛋，拌飯入口非常香，有淡淡嘅麻油香，再配埋韓式辣醬，非常惹味！另外，配搭上漢堡扒一齊食，可以減低漢堡扒嘅油膩感！百香果特飲 & 巨峰提子特飲天氣炎熱，飲佢哋出品嘅百香果特飲 & 巨峰提子特飲超香甜又清涼，而且飲品都好大杯，個人比較喜愛百香果，味道相當出眾！讚！…查看更多

餐廳：福岡漢堡扒地點：旺角花園街菜式：來自韓國既石燒和牛漢堡扒餐牌：漢堡扒一共有6款口味揀，每款仲有3個size選擇，分三個價錢。除左漢堡扒，餐牌都有石燒牛扒、飯、沙律、意粉、小食同飲料，仲有多款兩人套餐。落單用QR code。今日揀左個$366另加一既兩人套餐，包菠蘿煙肉和牛漢堡扒（中），芝士蛋蒜和牛漢堡扒（中），芝士泡豚丼飯，同兩罐罐裝飲品。先黎每人一碗麻醬沙律同麵豉湯。仲有少量泡菜加鹽同醬油。菠蘿煙肉和牛漢堡扒 菠蘿煙肉和牛漢堡扒用鐵板上枱，有個大大個和牛漢堡肉球，加上雙色芝士碎同6塊煙肉，撒上蔥花。下底墊有加咗芝士既蛋同4件菠蘿。餐廳特別在於供應爐具比客人自己煎漢堡。塊鐵板係有一舊熱石係角落位置，自己馬上動手用鏟起生和牛漢堡就煎，每三秒就要反一反。我覺得外面燶燶地而入面生生地就最正，外脆內嫩，和牛係選用100%澳洲和牛，肉質好滑。到後期鐵板唔夠熱仲可以換塊熱既。煙肉唔會太鹹，都好鮮味。呢個蛋有芝士，滑溜好食又流汁。芝士加落漢堡扒一齊燒實在係太邪惡，芝士仲可以拉絲，真係好好食！菠蘿酸酸甜甜，又可以減輕油膩感。芝士蛋蒜和牛漢堡扒呢個芝士蛋蒜和牛漢堡扒就無咗菠蘿同煙肉，加咗勁多蒜片，芝士同蔥花。香蒜非常香口又脆口。芝士泡豚丼飯芝士泡豚丼飯大大碗，超多米飯上面有好多片豚肉同香辣泡菜，面頭一層厚厚芝士，好邪惡。個飯好多紅色辣汁，辣辣地令人好開胃！食完呢碗飯一定飽。金橘檸檬特飲 加$18 另加一金橘檸檬特飲超大杯，入面有兩塊檸檬同好多冰。甜度適中好好飲，好香金橘味，好解膩。蜂蜜柚子茶 加$13 另加一蜂蜜柚子茶都大杯，甜度適中，下底有好多柚子皮食。總括而言，自己動手燒漢堡扒的確好新奇，而味道唔錯，包熱辣辣，小心俾油彈親。枱面有紙教你烤肉方法，枱面有抽油煙吸走啲油煙，食完個身完全冇味。…查看更多

福岡漢堡扒之前係尖沙咀食過，今日經過旺角，見到入面人人都燒緊漢堡扒，好吸引🤤我地又走入去食😂強烈推薦同fd 黎食2人餐🤩因為抵好多，又有多個丼飯同飲品👍🏻上菜速度好快👍🏻而且店員會好細心咁教你點煎，同埋點先可以冇咁易煎燶👍🏻好nice 我哋叫左3號餐，除左2份漢堡扒，仲有好大個牛肉丼飯😍 牛肉同香茹炒得好香🤤仲有蛋黃拌勻下面D珍珠米😋真係好味👍🏻主角係芝士蛋蒜和牛漢堡扒😍成個波波形真係好得意😍切開少少放上熱石到燒，每面燒3秒就翻一翻，直至變左色就食得。👍🏻蒜片極多極香🤩 仲有少少拉絲嘅芝士，味道好惹味自己燒到成品嘅滿足感好大🤩😂😂途中職員都好熱心留意塊石頭唔夠熱，就會幫你換過粒熱石👍🏻好細心！食得好飽好滿足👍🏻…查看更多

見個個都話好玩 一於試下🤣 二人套餐Ver.4 $366 (另加一)•味噌湯、麻醬椰菜沙律、泡菜味道正常 配漢堡扒好解膩🤤 •菠蘿煙肉和牛漢堡扒 (中)•芝士蛋蒜和牛漢堡扒 (中)如果平時鍾意食漢堡包走包 會好鍾意呢個🤣和牛漢堡扒嘅分量應該大概係雙層肉嘅分量好似玩cooking mama 煎3秒反一反🤣不過就算好似我反應慢 煎膿咗啲 都係好juicy😝比較推薦菠蘿嗰款 因為我基本上將芝士都變成碳😂 •芝士泡豚丼飯好 大 碗😂食量細嘅真係要嗌少飯(友人淨係食咗三分一 所以淨低嘅就去曬我個肚腩🤰)微辣 冇食開辣度都ok趁熱食好啲 芝士會拉芝😝 •飲品($18轉特飲)揀咗百香果、巨峰提子特飲又係好大杯 魚缸咁😂😂😂😂推薦百香果😍 咁heavy嘅嘢 加杯特飲 超正😈…查看更多

福岡漢堡扒🌸@hambageu.hk見到「福岡Fukuoka」呢個日本九州城市，諗住實係日本餐廳🇯🇵 點知入到去見到韓文字先驚覺係韓國菜😂 名字由來係10年前韓國籍店主去日本福岡旅行食過出色嘅漢堡扒，決定帶返家鄉🇰🇷 而家係韓國有超過30間分店，係名副其實嘅過江龍🌏選用100%澳洲和牛3個唔同部位，絞成肉碎，調好味就由韓國總店直送🛬 然後由香港店員再又拋又打，搓成圓轆轆🟤 有3個份量選擇🎶漢堡扒球上枱之後，大家就可以落手DIY燒漢堡🪚 因為鍾意香口啲，每隔3秒就要反一反，所以都幾忙架😂 一路聽住滋滋既烤肉聲，十分治癒💣不過我地第一次未係好掌握到個技巧，燒咗一次就搞到石頭上面好多焦，仲心虛地跟指示咁用鏟慢慢刮走嘅時候，店員已經好貼心咁拎咗舊新嘅石幫我地換🥹兩人套餐 Ver.4👍🏽漢堡扒餐包含主菜漢堡扒、沙律🥗、麵豉湯🥣 同配菜🧂菠蘿煙肉和牛漢堡扒🍍菠蘿煙肉呢個好pizza嘅組合🍕 漢堡扒牛味香濃，油香滿滿，所以加埋酸糖多汁嘅菠蘿，味道更balanced🤘🏻芝士蛋蒜和牛漢堡扒🧄舖係面嘅蒜片乾，香脆惹味，係重口味之選🤭 熱熔芝士仲非常拉絲🫕芝士泡豚丼🧀芝士、泡菜同豚肉邪惡嘅配搭😈 份量咁多真係二人份量咩😱 勁飽肚🤐西柚特飲🍊百香果特飲🍋食燒肉就一定要配飲品，仲要係酸酸甜甜咁，越飲越開胃😬 見咁大杯就知道餐廳好良心🥲 唔會話俾細細杯你，飲幾啖冇晒，唔夠喉要再嗌嚟賺錢😆食過燒肉就一定見過喺餐枱上邊嘅抽油煙管，但係枱面生出來嘅就未必見過🕳 個形狀令我諗起天線得得B個Voice Trumpet🎺 近400度高溫嘅火山石🌋 唔想咁大煙嘅話，記得要對準吸氣管同石頭嘅位置🪄…查看更多

職員很友善，由於我們吃過，所以大概知道流程，可以自行燒漢堡扒。不然的話職員會講解教授如何燒漢堡扒。而石用了一段時間温度就會下降，需要叫職員幫忙更換一塊新的石，有時間的話他們更會主動幫忙更換呢👍♡兩人套餐Ver4前菜有泡菜、麻醬沙律和麵豉湯🥣另有鹽和醬汁提供，可以配漢堡扒吃。吃了開胃的泡菜，就更好胃口準備吃肉了～特別推介✨️麻醬沙律，麻醬十分好吃，配上清新的沙律很相襯呢！🍴食肉獸的話可以加$8把漢堡扒份量中轉大的啊～漢堡扒肉質軟腍，充滿肉汁，很juicy~肉的生熟程度可以自主隨個人口味自己下手調整呢！•菠蘿煙肉和牛漢堡扒(中)由煙肉、雞蛋、芝士和菠蘿組成的一款漢堡扒，酸甜的菠蘿加上煙肉，清新的配搭。•芝士蛋蒜和牛漢堡扒(中) 🥢必點🥢由和牛、雞蛋、芝士和大蒜組成的一款漢堡扒，個人比較喜歡這款，可以吃到有蒜香味。•芝士泡豚丼飯 🥢必點🥢嫩滑的豚肉片配以清新的泡菜，上面鋪上一層濃郁的芝士。表面的拉絲芝士非常邪惡啊😈我們把全部食材都攪拌一起再吃，每一口都吃到芝士和泡菜的味道，味道十分不錯。優惠價加$18轉做特飲♡西柚特飲超級大杯！表面放有檸檬片，很適合配肉類吃，有解膩的感覺。♡蜂蜜柚子茶濃郁蜂蜜柚子味道，感覺滋潤。✔️餐廳設加一服務費…查看更多

FD推薦咗一家可以即燒啲漢堡扒餐廳比我，話好有趣味，咁要試試啦。店鋪裝修得幾有型，晚市提供數款雙人套餐，今次揀咗ver.2雙人套餐。套餐都包埋唔少嘢，有椰菜絲沙律，味增湯，白飯同泡菜小食。椰菜絲切得好薄身，食漢堡扒搭配埋一齊食一流。套餐+18HKD仲可以叫埋特飲，今次叫咗巨峰提子特飲和金桔檸檬特飲。哩兩杯特飲見到都O晒嘴，勁大一杯，差唔多有500CC。飲落唔會覺得好甜，提子同金桔味都好重，好飲:)。墨西哥辣椒和牛漢堡扒，漢堡扒係成個生嘅送上來，第一次來食，侍應會過來教點樣食。用小鏟子和勺子鏟住一小塊漢堡扒放到熱石上面煎熟。漢堡扒可以根據自己喜好煎到幾成熟，真係好得意。墨西哥辣椒都算辣，不過同埋漢堡扒一齊食，好味。芝士蛋蒜和牛漢堡扒，落咗好多芝士同炸蒜片，芝士同漢堡扒好夾，每一啖都好香芝士，食到停唔落口。和牛乒乒乓拌飯，哩個名都幾得意，如果唔識日文，都唔知道乜意思，日文乒乒乓拌飯係韓國拌飯。韓式辣醬唔係好辣，仲有少少甜味，同沙律菜，和牛肉碎撈埋一齊，勁開胃，成碗飯都食晒！食得又玩得，哩間餐廳唔錯!…查看更多