時新快餐店 (已結業)

作為一個香港人 居然一直都未黎食過 真係慚愧 好彩朋友帶我黎試下朋友一直都話佢平，抵食，望一望個餐牌um..漢堡價錢係抵，但薯條就偏貴我地叫左一個芝士蛋漢堡，芝士漢堡，炸薯條同炸雞脾芝士漢堡係朋友，無試。薯條: 新鮮炸出，脆卜卜，外脆內軟但落得太多鹽，食果陣要撥番走啲鹽，而且價錢真係貴左啲雞脾: 炸得好脆，但調味太醎…都係少食多滋味我自己要左個芝士蛋漢堡值得讚既係，個秘製沙律醬真係好多又好好味邊食邊流出黎漢堡扒夠厚，juice 又好味為個包加左唔少分數個包都唔求其，有烘過架唯一係個蛋出問題…個蛋係凍架

紅磡美食地標 時新應該走唔甩！去黃埔睇戲前黎個速食即煎嘅漢堡扒真係無得輸勁juicy同勁香牛肉味 配埋少少沙津醬 正！友人叫左芝士蛋漢堡 同樣出色價錢勁抵食 不過抽風系統真係差左少少

某人三番四次說起紅磡這家港式漢堡店(其實是港式快餐店，也有炒飯麵)，聽聞很多poly人會來，所以這晚我也襯著空檔時間就黎朝聖 舖頭其實面積不大，座位也不算多，格局很像工廈/學生食堂，那些膠櫈、啡色膠tray....... 不過不要看舖頭咁港式，居然是有英文menu的啊，看來朝聖的人也不乏外國人~~同行友人叫的芝士蛋漢堡($20)、檸樂 ($1x)因為我本身食左下午茶，所以叫少塊蛋...芝士蛋漢堡($18)重中之重的漢堡扒煎得很香，完完全全鎖住了肉汁，吃下去有juicy的感覺~~手製的漢堡跟機械做的味道果然很不同，而調味方面亦能引出肉本身的鮮味。但我最喜歡的是他們的秘製沙律汁~~~~~~~~~~~~漢堡扒本身已有很濃的味道，想不到配上沙律汁後更美味。沙律汁把漢堡包各部份(包、菜、肉)緊緊連接起來，令包和肉也沒有dry的感覺，更易入口沙律汁的調味也很特別，比平常的沙律醬多了一些別的味道(可惜我不知道秘方)，而且更加「流質」，不會有黏口的感覺。之前一直不相信港式漢堡包可以有幾好食.....但食過時新之後，我認命了，真係意想不到的好食實際的口感恕我真的不能用言語完全形容出來....建議大家

以前在紅磡區工作，時常會幫襯呢間快餐，佢地出名是漢堡包，對上一次幫襯，以兩三年了，以前有雙層漢堡，今次專程去回味，但己沒有了，希望是暫時性，叫了一個芝士蛋漢堡，如果唔要求，是比原味，其實佢地有咖哩同黑椒可選，基本上味道仍是沒變，肉質仍嫩有肉汁，但明顯比以前細件了，包有煎過，少少脆，配合蛋，芝士溶化後，味道很夾，已合格，但沒有了以前雙層牛肉口感，希望下次再來會有返雙層漢堡!

今日去左紅磡試下開左近50年既香港人漢堡飽, 咁咩係香港人既漢堡飽呢? 就係尼間時新開既時候,香港係未有快餐店賣漢堡飽架. 果時老闆就引入左外國既漢堡飽,加上自己既整發,就變成左港式漢堡飽啦.聽就聽得多,但係今日終於可以試一試.入到去就覺得有D懷舊feel,唔似連鎖快餐店,佢冇特別既裝修,就好似以前D冰室咁.好啦,我就叫左個芝士蛋漢堡黎試下.時新計錢就好得意既,一開始就個飽既錢,之後一層就加$2.由於我唔係幾餓,所以就加層蛋同芝士試下.之後要簡汁,我就緊係試佢特製既沙拉汁啦.食一啖,同M記既飽真係好唔同,首先,個飽好脆,真係好脆,平日食果D飽都放係counter到一段時間,咩口感都冇晒,但係時新個飽底係你叫先整,所以好脆.之後就係層漢堡,又同其他快餐店好唔同,因為有好多洋蔥,仲有D肉根,所以咬落好好口感.再加上蛋味同芝士味,真係好好食.食完一個會有慾求不滿想食多個既感覺.香港人平時食外來貨都食得多啦 所以我覺得係要試下D香港味道既!~~

晏就想食漢堡包,於是簡左紅磡好出名既時新漢堡包快餐店，叫左一個漢堡同埋薯條，佢個漢堡同我地平時所認知既漢堡好唔一樣，佢有一塊排同埋可以配上一隻蛋，加埋沙律醬，絕配！！！想試下其他種類既漢堡就要黎時新啦！！

我係理工讀書個陣都未試過去時新食，聽人講就聽左好耐話好好食。上星期終於都同男朋友去左試嗱。係poly Y core行過去爭D熱死我，大佬30幾度行過去真係要鼓起好大勇氣先得。小妹都好好彩，因為去到唔洗等位立即買好快有得食，我叫左雙層芝士，無蛋個款。嘩，唔係講笑，個漢堡扒真係幾juicy，加埋沙律汁，正正。其實個包都幾大個，所以好飽，加上行到過去已經身水身汗，所以都係要男朋友執手尾哈哈。食得漢堡包緊係食埋最愛既薯條，係我最愛既條紋薯候，新鮮炸起幾好味。但講真，好多小食店都可以做瓊咁既效果。一份薯條跟兩包茄汁，fair enough。Overall價錢唔貴，個包夠juice，薯條新鮮，唔錯。

一直都想吃時新，因身邊太多人都說好吃。今天順路要找好友，便和友人一起到此吃個下午茶。五點多到達。幸好，還有很多空位可坐。全店都以自助形式，自購自取。最曉食點了芝士蛋漢堡，友人則點了芝士漢堡。最曉食拿了回座位後，看見兩個被內裏材料擠得厚厚的漢堡，加上醬汁多得瀉了出來，實是唾涎三尺。漢堡肉是有別於一般快餐店，全自家製，很有港式的味道。漢堡肉面積雖小，但小小的吃起來也足夠。配合上蛋，芝士和秘製醬汁，感覺實在有點不一樣，那一種‥‥小時候吃的小正方型芝士，充滿"鑊氣"的煎蛋，那一種自家製的漢堡肉，小時候嚷著要在家弄漢堡包故此媽媽到超市買一包裝的漢堡麵包‥‥四樣加起來，使最曉食勾起兒時的回憶和幸福的感覺。走的時候已開始多人，有很多人在外面等位和外賣了。最曉食有機會一定會再來。

這是我在open rice的第一個食評！ 之前有好幾次都想動筆了，可是就是衝動不夠... 懶阿... 今天接連收到幾個朋友回應說我推薦了好東西給他們... 讓我再次燃起這個衝動～！不廢話了，去～食～評～紅磡是出了名多平、靚、正食物的地方，時新的漢堡更是出了名的，不過平時很少出入此區，難得來到當然要一試 聽過時新的服務跟環境很一般，不過此等價錢跟知名度也不太奢求了... 也如大部份人所言，收銀阿姐是蠻COOL唔憂做的樣子，不過還算是有問必答，廚房的叔叔還有提醒我妹妹要拿包 = =" 我去的時候剛好是下午一時午飯時間，倒是不用等位而且蠻安靜的。我點了個雙層芝士蛋漢堡，我這個汁怪當然是少不了的加汁囉 XDD 可能人不多的關係，五分鐘不到我的包已經到了。老實說我也很好奇這個包看上去普通得不能再普通，裡面夾著的芝士看上去也是卡夫芝士，為什麼這個包可以這麼紅把時新推到八百多個讚呢？一口咬下去，嘩！平時已經覺得麥記的麥芝蛋包很好吃的我，可以說這是麥芝蛋的進階版！明明是最普通的材料，卻是意想不到的美味～！最欣賞的是那個包皮，很難得我一面玩電話一面吃長達十多分鐘，但它一直都是脆脆的～醬汁我選了我最愛的沙

雖然店的面積不大 但都好多人去食今次食左芝士蛋漢堡包塊漢堡扒整得好入味 芝士溶溶地 好好味啊!!睇個包好似細細地 但食哂真係好飽炸薯條~~~炸得好熱好脆啊 正!!!!價錢方面都算合理的一定要試啊!!!

沒想到真係咁好食喎...個飽雖然係細個, 但勝在可食兩款試下不同口味...超讚!!!!!魚柳大塊到跌左出黎, 又有魚味又淋滑, 完全沒有"梅"既感覺雞肶都唔錯, 但好多地方都可食到; 我覺少左D 鹽差少少, 唔合我口味沙律醬太好味了, 加埋牛肉蛋同芝士... 太完美了...真係想一食再食呀!!!!

我地唔太熟紅磡D路, 都係跟住個地舖號碼, 一間一間咁跟住行先搵到. 如果唔熟黃埔街D路, 真係幾難搵. 下午茶時段, 成間舖都好多人, 連外面都坐到FULL晒. 店內有D油煙味, 有電視睇.我地叫左招牌芝士漢堡同芝士蛋漢堡. 整個漢堡, 感覺係新鮮. 飽係用嘉X漢堡飽, 蛋係即煎. 最特別係秘制醬汁同漢堡扒, 漢堡扒好新鮮, 有肉汁, 有口感, 鬆軟適中. 配埋醬汁係無械可擊.個人喜歡有蛋的漢堡, 因為有蛋比無蛋的更有層次感.

我從來都無聽過時新呢間小食快餐店直到大概前年係OpenRice見到有咁多笑臉先知原來香港仲有呢類係小時候常見的港式快餐廳。我當然又被各位有心人的有心食評及照片所吸引，我諗係舊年的時候曾經拜訪過時新一次，點知撞著佢無開，激死。尋日要到紅磡接我阿媽見仲有少少時間，男朋友話不如去睇下時新有無開門，好彩我今次終於食到喇。我點左個芝士蛋漢堡拎走上車食，係鋪頭等的時候見到有對情侶叫左三個唔同的漢堡堂食，女的仲拎住部G9係度影，又再一次感受到OpenRice的厲害亦佩服夜晚8點可以連食三個漢堡做晚餐的男女。時新的職員好快手，我見阿姐密密煎漢堡，哥仔就快快手烘包，等左大若5分鐘就有喇，拎上手唔算好熱，不過佢個膠袋仔個設計同字款都好懷舊呀，攪笑。一啖咬落，塊漢堡都幾juicy而且幾脆，芝士同煎蛋好夾，可惜的係我覺得個白醬無咩味，如果換上幾濃味的醬汁一定會更錦上添花。「舊時」的感覺返晒黎呀﹗

2010-5 (weekend)晚餐終於試時新漢堡包喇, 芝士漢堡蛋包+曲炸薯條, 漢堡包其實並未如坊間捧得那樣驚為天人, 雖然牛肉厚厚地, 不過只得2" dia, 太少醬汁, 芝士及煎蛋都ok, 嘉頓包有煎過兼鬆軟啦, 真係好過M記好多, 有機會會繼續食. 10分鐘後食完包仍未叫取薯條, 追問無答我不過應該再炸翻俾我, 幾分鐘後終於聽到有人叫 '薯條攞得', 望住碟好靚好得嘅鮮炸曲薯條, 仲好似灑了些黑椒粉, 見其他的無黑椒粉無咁靚架, 可能補償我的苦等吧, 新鮮熱辣脆, 逐條密食點晒兩包Hinz茄汁.原來收9點所以員工開始走人不過無催促我, 阿姐收盤洗野等收工都係咁話, 鬼叫你老細走我單呀, 時新取我歡心係薯條.點解openrice 24/4仲係$10嘅薯條, 我食已$11架, 原來己加價啦, 基本漢堡包已是$10起, 每樣餸+$2, 好易計.

咁多好評緊係要食啦六點去到, 唔係太多人芝士蛋漢堡: 叫左黑椒汁, 好好食, 漢堡好多肉汁, 蛋煎得濃濃地岩岩好下次再去!!!!!!!!!!!