小野人

隱藏於將軍澳海濱長廊附近的MONTEREY Place，是一間又一間的美食餐廳！當中主打夜市風味串燒的「小野人」，除了各款肉類、海鮮及菜類串燒外，亦有麵類主食選擇；桌上更有小爐一直為串燒保溫，十分適合與朋友聚會！🦪蒜蓉烤生蠔 ($38)：生蠔大隻肥美，配上蒜蓉極之惹味！🍆芝士蒜蓉烤茄子 ($48)：芝士與蒜蓉的配搭挺特別，茄子口感軟腍！🍢烤牛舌 ($28@2)：牛舌烤得偏熟，口感有點硬身！🍢Q彈小豬頸肉 ($42@6)：豬頸肉薄切，烤得較熟，口感同樣偏硬！🍢烤雞肉 ($28@2)：雞肉熟成度掌握得比較好，肉嫩入味！🍢烤娃娃菜 ($18)：調味粉較多，味道微辣，食完會有渴的感覺！🍢烤台灣小香腸 ($18)：不會出錯的台灣腸，十分美味！🍢烤雞翼 ($28)：烤得剛剛好，入味十分！🍢烤洋芋片 ($18@2)：烤得香脆可口，有食薯片的感覺！🍜重慶酸辣粉 ($45)：不算太辣，份量足夠2人分享！

同朋友喺調景嶺體育館打完羽毛球，朋友話想食燒烤，咁我就諗起呢間小野人，如果喺調景嶺行過去就大約15分鐘，舖頭位置有啲遠，但係為咗食好嘢，行遠少少冇乜所謂，其實之前都食過，今次朋友話想食咁就帶佢試吓啦，落單方面，佢哋就係用自助落單，所以唔使怕落錯，同埋佢哋上嘅速度都好快，食物質素方面呢，食物嘅溫度都仲係保持得好高水準，佢哋最細心嘅地方就係會用一個熱嘅爐，幫你暖住啲串燒，唔駛怕啲串燒凍咗唔好食，同埋呢度抽風都做得唔太差，唔會好大煙.鋪頭主打川式串燒，串燒真係燒得唔錯，而每串份量都唔算太多，而我自己就推介金針菇牛五花卷和香蔥豚肉卷。香蔥豚肉卷就喺將香蔥和嫩豚肉卷放埋一齊烤到外酥內嫩，口感豐富，而金針菇牛五花卷就喺將金針菇同埋嫩牛五花肉卷放埋一齊，經過烤製後呢，肉質鮮嫩多汁，而金針菇同肉質的鮮美完美組合.同埋店舖嘅擺位，都令到人坐得幾舒服，唔會好大擠迫，但係就要早啲去攞位，如果唔係晏咗就會好多人.

想食串燒，真係點都唔會諗起將軍澳，但嗰度又真係有間幾是正嘅串燒店，價錢唔算貴，搞到嗌咗好多，食到勁飽佢地會開著個爐幫串燒保溫，嗌到成檯都係都唔會攤凍晒。羊肉串好嫩唔太羶，啲調味粉幾香口。牛脷估唔到咁平，仲幾彈牙黑豚五花好爽好香，肥瘦層次分明。雞皮燒到勁脆，一啲肥肉都冇蔬菜同樣都唔錯，翠肉瓜好爽口多汁，咬到嗦嗦聲。燒菠蘿都好多肉多汁，仲好juicyBB露筍質感都好爽，保持翠綠炸茄子加上蒜蓉同芝士，如此combo沒法擋燒粟米灑上芝士粉同蕃茄粉，南美風味得嚟又好開胃芝士燒蠔都好大隻吓，芝士完全覆蓋蠔肉，芝士之下有好大嚿肉魷魚花粉絲幾清甜，魷魚幾鮮，粉絲滑溜芝士撈丁係食串燒之中，最勁揪嘅澱粉，嗰陣燒香真係冇得頂，仲要加咗黑松露，撈起嚟真係勁rich麻吉年糕燒勁大嚿，就咁食好煙韌，點吓煉奶同糖粒食勁正。燒饅頭質感都燒得好好，點煉奶同芝麻都好得食咁多串燒，點都要啲嘢飲解渴解辣。Yogurt唔會好甜，飲落啱啱好爆檸梳打真係超大杯，檸味好刺激，夠大胃飲全程

同老婆行完Donki Donki，行到攰攰地，開始有啲餓，最好有杯啤酒食吓串燒，見到呢間餐廳又有串燒食又有酸辣粉食，所以走入。首先來一個前菜～涼拌海帶絲：爽口海帶絲加入微酸辣汁，每條海帶絲掛晒汁，十分開胃KOKA椒鹽薯條：曲型炸到脆卜卜，加入椒鹽同香辣粉，送酒一流芝士蒜蓉烤茄子：茄子烤得十分軟林林，加上芝士拉斯同特濃蒜蓉香味食前菜，就開始食串燒烤新鮮臭豆腐-個臭豆腐夠晒臭，外脆內軟，加入香辣粉，野味十足烤脆雞皮：十分甘脆烤洋芋片：十分爽口又辣味十足，香辣味入晒洋芋片裏面烤虎皮尖椒:：柔軟又甜，加上外面嘅孜然粉和辣粉襯托，甜中帶辣。烤雞肉:咬入肉質十分林，一啲都唔乾。烤小牛肉：牛味十足，而入口牛肉內的脂肪入口即溶。烤台灣小香腸：烤十分脆烤花枝墨魚丸：除了外而烤到香脆外，裏面還有小墨魚粒，香蔥豚肉卷：內層香蔥吸收晒豚肉的油脂，食入口由內層的主食方面是酸辣粉：酸辣粉是我老婆最愛，每條薯粉都掛辣度十足的汁，加上爽口煙靭薯粉，大滿足😋最後來一個串燒甜品，麻吉年糕燒-配煉奶和粗砂糖一齊點，外層砂糖嘅脆和年糕脆皮，裏面十分煙靭，果然十分麻吉