鳳雛燉雞

營業中

休息中

韓國菜除咗炸雞之外，唔想咁熱氣嘅話仲可以揀燉雞🥰 呢間由韓國人打理嘅燉雞鋪味道正宗，餐廳員工同音樂都係韓文，好有氣氛😍✨ 芝士燉雞(無骨) ($278)燉雞面頭有一大片芝士，份量又非常足，絕對夠2-3人食！濃濃嘅醬汁好香好重口味，每一舊雞都掛晒啲味！雞每件都好大舊，唔算好嫩，但又唔柴。將芝士捲埋雞一齊食，芝士仲有奶香味，夠晒邪惡🤩入面仲有大量配菜，薯仔、冬粉等。全部掛晒汁，好入味👍🏻✨ 芝士雞蛋卷($88)滑溜溜嘅雞蛋卷入面包住拉絲芝士，係濃濃嘅蛋香再配芝士真係冇得輸🧀️ 熱辣辣食落口感受到蛋卷嘅鬆軟！再配埋面頭沙律醬同茄汁，味道更昇華🤤✨ 煙肉泡菜煎餅 ($98)煎餅充滿滿滿嘅泡菜，泡菜酸酸辣辣每一塊都好大塊！外皮煎得好香，而且外脆內軟😚 夾埋面頭嘅煙肉一齊食令口感更豐富🔥可惜嘅係可能煙肉關係，覺得成塊煎餅都好油🥲✨ 青提梳打 ($32)青提配搭唔常見，綠色漸變效果好吸引🤩 入面仲有少量青提。撈埋一齊估唔到又幾新奇，飲到清新嘅感覺😋✨ 士多啤梨米酒 ($58)飲品顏色深紅，似士多啤梨原色調，好吸睛👀 入面有大量士多啤梨🍓 飲落充滿士多啤梨的甜味，同時又有啖啖嘅米香味，清涼可口，幾有驚喜

其實之前已經食過呢間好多次，每次都會黎點燉雞😂餐廳嘅裝修令人如同置身於韓國，食物亦到好正宗。呢到環境都好舒服，適合一班朋友黎聚會😌-芝士燉雞（無骨）今次揀咗唔辣，基本上食唔到辣椒就唔辣！一份真係好大，已經夠曬兩個人食😆 燉雞嘅配料有豐富，例如有薯仔、紅蘿蔔、洋蔥等。冬粉吸曬湯嘅精華真係好正，兩人嘅話建議追加一份😙 芝士亦有拉絲效果，一定要連埋啲雞一齊食🥰-炒年糕 小編鍾意呢個比較濃郁同埋杰嘅泡菜汁，而年糕咬落去都好煙韌😆-藍檸梳打呢杯飲品打卡一流😆😆 食燉雞食到好飽，不妨可以點杯飲品解膩😗😗

已知呢座商廈有勁多餐廳揀 咁啱見到呢間韓國菜唔係炸雞配啤酒 而係有醬汁嘅燉雞菜式幾有趣 加上標榜醬汁韓國直送 於是同朋友嚟試下 一入座 見到隔黎枱嘅燉雞size超級大我係呆咗😱 所以今次主力試個招牌燉雞先😌📌芝士燉雞（無骨）首先真係要講好大碟呀！！除左無骨雞髀肉 仲有紅蘿蔔 洋蔥之類 蔬菜類都好甜無揸怕辣嘅話可以叫少辣 惹味啲之餘又可以暖胃如果怕唔夠食 可以on top加年糕/魚糕/飯之類 點都一定食得飽🤣🤣 呢款除左芝士配雞好正之外 冬粉索晒汁好惹味 會想一口接一口食😘🤤🤤📌百香果梳打配埋燉雞係一個清爽嘅選擇 非酒精嚟講佢最夾😍