星星 Pho Cha

營業中

休息中

食韓國嘢好多時第一時間會諗起香港小韓國金巴利道，但最近就發現咗多一個選擇喇！ 同樣都係油尖旺，但今次係去佐敦嘅文英街，呢到橫街窄巷間間都有自己特色，其中麻辣火鍋更成行成市。今次要食嘅係韓國地道小店星星。門外有兩張小枱，一踏入舖內，就立即好似去咗韓國咁，舖內牆身貼滿韓星演員們嘅相片同新聞，電視亦播緊飲食有關嘅節目。 呢到 Menu 大大本而且圖文並荗，要食嘅野應有盡有，應該總有一樣滿足到你嘅需要。 同其他韓式食店一樣，佢地都有提供前菜，但唔同嘅係佢d前菜款款都有咁上下份量，仲款款有少少唔會淨係得一款泡菜應酬你。 食得韓國嘢第一樣又點少得炒年糕呀！紅卜卜煙煙韌嘅年糕，仲有熱辣辣拉絲芝士，食到唔停口，裡面仲收埋咗韓式拉麵，成日都覺得韓式公仔麵都總係好食d嘅，可能因為彈牙d掛！ 另外重叫咗大家睇咩韓國節目都會睇到嘅紫菜包飯。 今次都揀咗飛魚子紫菜包飯，賣相色彩繽紛都幾吸引，份量好足，都有成十舊。雖然飛魚子唔算多，但配埋其他有咬口嘅材料，味道平凡得嚟好滿足，食完濃味煙韌嘅年糕再食呢個有更加強烈嘅對比！ 最後，就梗係揀多個湯，濕濕地中和下啦！食咗個辣辣哋嘅年糕，所以湯嘅部分就揀咗海鮮大醬湯。多啲蔬

本來同男朋友plan好嚟緊11月去韓國睇紅葉，點知佢公司突然出announcement話唔比11月攞假，真係嬲到震！男朋友為左氹返我，應承成個月都同我成韓國菜補返數，同埋任我買韓國護膚品，咁就算佢啦，今晚佢就揀左呢間喺佐敦嘅餐廳同我開餐！首先歎下免費豐富前菜，總共有7款，好味，好正，好開胃，食下食下心情都即刻變返好。作為一名韓粉加職業吃貨，次次食韓菜必點芝士炒年糕，最鍾意佢一上到檯，熱辣辣既煙氣帶著香辣味散出黎，將d芝士同年糕mix埋黎食，煙煙韌韌口感一流，最正係入面仲有埋韓國拉面，粗粗地既麵質索晒d辣汁，兩個人share分量剛剛好。今晚既主角係韓國國民美食一：土豆豬骨湯！土豆即係馬鈴薯，d薯仔慢慢熬到成泥狀，冒著燙口既風險都等唔切放入口，勁鬆軟，而d豬骨就燉到好嫩，直接用手攞住食先夠過癮，咬落軟軟嫩嫩，其實輕輕一撥d骨同肉就會分離，熱辣辣由頭暖到腳，而家有少少涼既天氣食係唔錯。辣辣地既湯頭配飯一流，好濃郁好好味。呢道既食物味道夠正宗地道，加少少幻想就當自己喺韓國囉！

又是Girls night聚會, 愛oppa的朋友介紹呢間餐廳我地試.店子小小, 但食物製作非常有誠意!前菜好好食, 味道好正宗醬油蟹好抵食, 好好味又不會太鹹, 把飯加進蟹蓋和羔一起吃! 好正星星兩拼炸雞, 好滑好juicy! 沒有油膩感 (好邪惡)星星蛋卷, 好滑好味芝士炒年糕, 好好食, 吃得很飽都把它KO了!海鮮蔥餅, 普普通通燒酒加啤酒, 好飲, 不會太濃, 女生都可以接受

今日上韓文堂，老師剛好教到韓國料理的講法，於是落堂後就跟同學仔來這裡實習兼開餐。芝士炒年糕：韓式辣醬的色澤鮮亮，看起來就令人食慾大增，年糕口感軟糯彈牙，配上香辣的醬汁及味道濃郁的芝士，好搶手。烤熏製鴨肉：烤出帶陣陣獨特煙熏木香味，皮薄脆，鴨肉脂肪均勻、嫩滑鮮味，夾生菜食即可平衡油膩感。韓式粉絲雞煲：近年香港人都紛紛迷上雞煲，韓式做法你又試過未？汁底甜甜辣辣，粉絲索盡所有汁的精華，雞件大大塊，入口又香又辣，配埋薯仔、蘿蔔、洋葱等配菜，非常豐富和惹味，佐飯也會相當不錯。