新泰東南亞餐廳 (太子集團中心)

就到月底岀糧，同事話不如岀去食餐好嘅，大家都ok就約咗其中一日放工去食泰國嘢。前菜嗌咗兩款菜式，首先係「越南烤蔗蝦」同「泰式街邊豬肉串」，明明係泰國餐廳，點解會有越南菜式？我都唔知，我淨係知個蔗蝦好食，入口啖啖蝦肉，再加埋啲辣醬仲正。串燒半肥瘦啱啱好，點埋個秘製醬汁另到佢更加好味。我哋每次食泰國嘢都一定會叫個炒花蛤，見餐牌有「泰式炒花蛤」諗都冇諗就嗌咗，另外好似冇菜食差咁啲所以嗌咗個「飛天通菜」。花蛤炒得好香口，對我嚟講都幾辣。咁食泰國嘢點可以唔嗌咖哩同冬蔭公，所以點咗個「泰式青咖哩豬肉」同個細嘅「冬蔭公湯」。咖哩我哋冇叫到飯，反而係叫個蒜蓉包，一樣咁夾，冬蔭公好鮮甜但係對我嚟講好辣。重點介紹最後兩款主菜，分別係「泰式明爐魚」同埋「泰式蝦炒金邊粉」。金邊粉賣相好吸引，而且好足料，有幾隻大蝦仲要蝦肉爽口彈牙。烏頭魚肉好鮮甜，熟得啱啱好，味道酸酸甜甜好開胃。最後要埋個甜品「芒果糯米飯」，糯米有兩種，芒果清甜，加埋啲椰漿食飽好滿足。另外因爲我唔係好食得辣，叫咗杯芒果沙冰解辣。整體而言，新泰可以話係尖沙咀top3泰國餐廳，反正冇得岀境去泰國，就嚟新泰止下痕先。…查看更多

由於公司搵食兵團其中一位成員要另謀高就，今晚放工就大家一齊食餐飯，希望之後仲有機會周圍食野啦！今日黎到位於尖沙咀北京道商業大廈嘅新泰食泰國菜。食泰國菜最好就係可以叫好多小食可以一齊share，食到好多種類。餐廳環境舒適，燈光暗暗地，枱與枱之間距離唔會太迫，見到幾枱客都係約埋三五知己一定食泰菜傾下計，不亦樂乎～我地一行四人今晚都叫左好野食！============================== 冬蔭功 (小) $78先黎嘅係冬蔭功湯，我地叫左細碗，不過細碗原來大約係二人份，冬蔭功湯有隻大蝦同蜆，配埋其他香料，酸酸辣辣夠哂開胃！  飛天通菜 $75飛天通菜有啲辣椒係面賣相好好，新鮮爽口，唔似坊間炒得好油膩冇左通菜本身該有嘅爽口感，正！越南烤蔗蝦 $78除左泰式小食，連越式小食都有，同事睇餐牌時講左幾次想食蔗蝦，就試試！食落有d似食緊炸蟹鉗嘅蝦肉版，蝦肉夠彈牙泰式青咖哩豬 $88 配蒜蓉包 $32青咖哩擺盤好吸引，味道偏辣，豬肉肥瘦適中配埋啱啱焗好嘅蒜蓉包脆卜卜咁食，一絕泰式蝦炒金邊粉 $108估唔到金邊炒賣相可以咁靚，廚師用蛋網將炒好嘅金邊粉包住，好似個鳥巢咁，金邊粉大蝦新鮮彈牙，金邊粉條條分明！  泰式炒花蛤 $108去到泰國餐廳特別鐘意點花蛤食，新泰嘅泰式辣膏將花蛤嘅鮮味提升到另一個層次，辣得好過癮！  泰式明爐魚 $188同事鐘意食爐魚期待左好耐，爐魚係個魚形狀嘅鍋度一路煲住餐廳都好細心地俾多碗汁我地加落去驚痴底，抵讚泰國街邊豬肉串 $68豬肉串有四串啱啱好夠分，豬肉串燒得啱啱好有少少燶邊配埋秘製嘅泰式辣汁，正!泰式凍奶茶 $25芒果糯米飯 $68已經食飽哂都要再叫個熱辣辣芒果糯米飯，餐廳用左糯米同黑糯米兩種米加上椰漿，配上甜甜嘅芒果，為呢餐美味嘅泰國菜帶黎完美嘅句號。 新泰東南亞餐廳📍尖沙咀北京道12A號太子集團中心8樓…查看更多

之前屋企聚會嚟過新泰，大家都覺得性價比幾高，所以今次帶好鍾意食泰國嘢嘅大同再嚟食~二訪質素仍然保持，適合一大班人嚟叫多幾款菜式share🙌🏻 好多店員都係泰國人，有種好正宗嘅感覺，而且服務態度亦唔錯！=========================🐥 泰式青咖喱雞 $88 + 蒜蓉包 $32青咖喱微辣，唔食辣嘅朋友都完全接受到，除咗雞肉，仲有白圓茄、青椒、洋蔥。蒜蓉包牛油味濃郁，烘至外脆內軟，咖喱汁真係太惹味，嗌一份蒜蓉包唔夠喉😋🦐 越南烤蔗蝦 $78蝦餅食得多，今次試吓蔗蝦~外皮香脆，蝦肉肉膠彈牙，不過我覺得同蝦餅差唔多😂🌶 冬陰功 $78叫咗小份因為想留肚嗌多啲餸🤣 店員離遠攞過嚟嘅時候已經聞到好香，酸辣度適中，有大大隻蝦之外，仲有魷魚、雜菌等🐟 泰式明爐魚 $188用個小火爐㷫住，烏頭上檯時已經全熟可以食得，另外會上一碗湯， 食嘅時候可以加多啲湯底唔怕滾乾👌🏼魚肉嫩滑，仲有不少香料，香茅、檸檬葉、芹菜等令到味道更豐富，略嫌湯汁味道唔夠濃郁，酸啲會更突出🤌🏼🍢 泰國街邊豬肉串 $68豬肉串紮實但唔鞋，中間仍然keep到肉汁，旁邊嘅醬汁係重點❗️微辣帶少少甜好惹味，大家用嚟點其他嘢食😹🍜 泰式蝦炒金邊粉 $108Pad Thai微酸好醒胃，炒得乾爽味道唔錯，略嫌蛋漿造嘅網有啲乾🤌🏼🥭 芒果糯米飯 $68幾飽都要叫芒果糯米飯~賣相幾好，有兩球黑白糯米飯，黑糯米煙韌有咬口，白糯米軟糯~上枱時仲係暖嘅，好食過泰國街邊嘅檔仔🙊=========================新泰東南亞餐廳📍 尖沙咀北京道12A號太子集團中心8樓…查看更多

今日突然好想食泰國嘢，就嚟咗尖沙咀呢間餐廳試吓佢嘅泰國菜。佢喺北京道其中一間大廈嘅上面，同一棟大廈都有其他嘢食。一出獵就見到好友泰國風情嘅裝修同擺設，燈光比較昏暗，但係有好多卡位係落地玻璃隔離，可以望到尖沙咀嘅景色，而且卡位好闊落，應該可以坐到六個人。我就叫咗必食嘅生蝦刺身做前菜，刺身新鮮，配埋佢個汁同埋蒜頭一齊食，有啲辣但係好好食！另外我又唔想食咖喱或者飯呢啲咁heavy嘅嘢食，所以今次就試吓佢推薦嘅鴨肉生菜包，平時喺出邊好少有鴨肉配生菜包食，嚟到嘅時候配料充足，拎咗幾羹鴨肉落個生菜度包埋食，除咗食到泰國香料嘅味道之外，都有淡淡的鴨肉香，都幾特別嘅配搭。因為呢兩碟嘢食都係比較辣，所以我就帶咗一杯番石榴沙冰，解辣之餘又可以有種清新嘅感覺，而且超級大杯好抵飲，番石榴嘅味道都好出，不過可以少啲甜味。最後當然唔少得食泰國最出名嘅芒果糯米飯啦！佢個芒果糯米飯係有普通糯米同紫糯米，仲要大大碟，一個人食嘅話都真係會太多，椰漿配糯米仲有鮮甜嘅芒果，一齊食落口真係好滿足，不過如果怕甜嘅話就可能未必鍾意，整體價錢係呢個環境下算係幾抵食，如果想約朋友係一個清幽小小嘅環境，又可以望到靚景嘅話，呢間餐廳值得推介！…查看更多

冇得去旅行但係又想食泰國嘢可以點做?緊係去搵啲高質嘅泰國餐廳食下。趁疫情放緩，一行四人好耐冇見就決定搵個地方坐低慢慢吹下水。新泰東南亞餐廳位於北京道，好近地鐵站，樓上店既好處係，有幸坐在窗邊位置的話是可以飽覽尖沙咀的美麗夜景。餐廳座位非常闊落，座位與座位間有足夠的空間，喺疫情下可以話係食得非常之放心。椒鹽軟殼蟹，香脆可口，不油，份量都幾夠!原隻燒魷魚，肉幾爽，同醬汁好MATCH!豬牛雞串燒，肉質又鮮嫩，醬汁惹味，非常之抵食!cp值好高!小拼盤就有炸蝦餅同炸魚餅，我個人鍾意食炸蝦餅多啲，因為比較爽口，食得出用料十足，魚餅嘅調味就比較濃。馬拉盞炒通菜，夠惹味，唔油!泰式蝦炒金邊粉，好少見到啲餐廳會用一個咁靚嘅蛋網將啲金邊粉包住，淨係視覺上都100分啦!而且用料都好足夠，蝦爽口彈牙，金邊粉炒得條條分明!芒果糯米飯簡係必嗌㗎喇，分量剛剛好，椰汁夠香，糯米飯夠軟熟，雖然係甜品但唔會過甜，芒果食得出新鮮高質!原隻椰青沙冰真的非常少見!份量非常十足，冰凍清甜，沒有過假過甜，非常解渴!特別值得稱讚的是侍應專業的態度，落單非常專業，反應又夠快，將MENU上的所有細項都記得非常清楚，又會自動問甜品需唔需要後上，服務非常之貼心!用餐過程中又會不時幫我地收走食完的碗碟! 好的餐廳，好員工是不可或缺的重要一環!…查看更多

（1）奶油大蝦🍤 168原本想重尋在沙巴食奶油蝦的感覺🐵 但在香港暫時都未搵到。新泰嘅奶油蝦微信有好濃烈嘅奶油味道，但醬汁非常出色。我以後係食完再撈飯嘅級數。（2）蒜蓉越南牛油雞翼如果你期望會喺肯德基牛油炸雞嘅味道，咁應該會有啲失望。外表好香脆，蒜蓉嘅味道都足夠，但是就沒有牛油味～（3）炸軟殼蟹麵包🥯如果叫咗呢道菜、大概都唔需要特別食其他碳水化合物嘅嘢食。一大個農夫包，夠三個人食飽。咖喱中椰汁味10分香濃，惹味可口😍 記得要搜尋清楚，打撈沉咗底嘅蟹腳蟹肉！（4）越式蟹肉炒粉絲 98比起想像中，粉絲更加容易咬開、爽口，不算黐牙。配料10分足夠，蟹肉雖然似係罐頭開出嚟🙃 但係最緊要足料😍 三色嘅份量多，夠晒纖維（5）芒果糯米飯 68輕輕一提，其實已經冇晒雪糕版本嘅糯米飯🥺 芒果糯米飯暖笠笠，翻開之後裏面將會冒出水蒸氣😍 夠哂溫度。芒果唔酸、夠甜！（6）香芒軟殼蟹米紙卷 88算係好咁多間食過嘅泰國餐廳之中，值一得推薦嘅級數。米紙卷真係好薄之餘，吾散，吾黐牙或太「un」最尾爭住食嘅餸（7）蔓越苺汁味道有少少似利賓納，但有更加香嘅苺味。非常之精緻，分量不大唔多，200ml左右。…查看更多

一段時間無食泰國野.朋友講起都幾想食.發現尖沙咀都幾多選擇.而哩間見到有幾間分店裝修都幾靚.所以就即刻同朋友一齊去試吓🙌🏻食物方面:⚪️燒西冷牛扒份量都幾多有成14件幾抵食.肉質都幾嫩滑多汁.唔會好乾同埋過熟☺️⚪️麵包焗咖哩軟殼蟹賣相真係好吸引好靚.好大碟部分麵包係焗脆過的.排哂係碟邊.食晒焗脆嘅麵包之後可以切開成個麵包一齊食🍴用麵包點咖哩配埋啖啖肉既軟殼蟹好正🦀咖喱好惹味.椰香味好重.但係一啲都唔辣驚辣既朋友都可以食🙌🏻⚪️泰式炒雜菜有椰菜花.芥蘭.紅蘿蔔.草菇.粟米芯用左蒜蓉炒.好香.炒得岩岩好.菜吾會太淋🙌🏻⚪️芒果糯米飯芒果配熱辣辣既黑白糯米🔅椰汁好香甜.芒果都好甜無渣🥭⚪️蕃石榴沙冰.沙冰係用純正番石榴去整冇加糖水.好清甜解渴😻⚪️綠豆沙冰感覺好似綠豆沙咁但係唔會好甜.有驚喜第一次飲綠豆沙冰🤗整體方面:成間舖頭裝修都好泰式.門口都好靚.餐廳食物質素好好.種類都好多.而且價錢都好合理.正👍🏻無論拍拖約朋友食飯聚會都好適合.推介🙌🏻…查看更多

今日好想食泰國嘢，突登同個fd黎左呢間泰國餐廳到食。之前食過lunch覺得好高質，所以夜晚再黎幫襯由於好口渴嘅關係，首先就叫咗兩杯嘢飲。泰式奶茶唔算好甜，味道啱啱好，但啲冰融左之後就淡左啲，應該嗌少冰另外叫咗個椰青，好Fresh好甜馬拉盞通菜炒得好香，好惹味我哋都好鍾意食軟殼蟹，呢個米紙卷整得好好食，軟殼蟹同啲芒果好夾如果啲軟殼蟹可以脆啲就好啦冬陰功嘅酸同辣平衡得好好，而且好足料，好好味串燒有齊雞牛豬，最好食係個雞，啲肉好嫩滑，一啲都唔老最後仲叫咗個甜品，黑白糯米有齊，啲芒果仲好甜，凍凍地既天氣食熱辣辣既甜品真係好滿足…查看更多

同朋友久違嘅一聚，決定去尖沙咀睇下有咩好野食～結果經過新泰餐廳，就被佢門口嘅tuktuk吸引左😆📸入到去發現地方幾大，裝修幾靚，好有泰國特色，而最重要係，座位十分舒適，卡位仲有放置cushion👍🏻我地嗌左好多野食～✨香芒軟殼蟹米紙卷米紙好煙韌，芒果酸酸甜甜，中和咗軟殼蟹嘅油膩，食落幾開胃😋✨泰式生蝦蝦肉爽口鮮甜，每一隻都好大隻，配埋酸辣汁好惹味！✨鴨肉生菜包第一次用鴨肉肉碎做餡，感覺幾特別，但略為辣左啲，加埋新鮮生菜食就岩岩好。✨馬拉盞通菜一上枱已經香噴噴，調味得宜，有陣陣鹹香味！✨麵包焗咖哩軟殼蟹軟殼蟹炸得好香脆，外層麵包亦都外脆內軟，點咗香濃嘅咖喱汁，非常入味😋✨蜜糖燒肋骨肋骨燒到脆邊，但又唔會好乾身，表面嘅蜜糖甜甜地，肉質好嫩滑，有豐富油脂同肉香味！✨冬蔭功湯（小）湯底非常濃郁，材料十足，有兩隻半邊蝦、新鮮草菇、唔同香料，酸酸辣辣，正！✨芒果糯米飯有黑糯米同白糯米，上枱時仍然保持微暖，椰漿非常香甜，芒果亦清甜爽口，三種口味一齊食，真係超級夾！整體黎講，十分滿意哩餐晚餐！值得推介！…查看更多

泰式菠蘿炒飯 原個菠蘿🍍上既炒飯係必叫之一 非常有特色！表面有本人最愛 食落脆卜卜既腰果😙同埋肉鬆一齊炒 加埋菠蘿肉 酸甜開胃之餘飯既軟硬程度唔錯 一粒粒唔會過淋或太生 good😛泰式蝦炒金邊粉 呢個金邊粉一上枱就俾佢外表吸引😳相比平日食既金邊粉 呢個簡直高質 不單止好有心思🥰而且考功夫 表面係用雞蛋整成既蛋網絲交叉相疊 好似一個雀巢咁🕊包住啲金邊粉 粉唔會黏到一團團但又唔會油膩或過度乾身 蝦🦐爽口但略嫌份量太少😵整體非常推薦😗學周星馳話一個字記之曰 心！🤪椒鹽軟殼蟹一聽椒鹽就知有幾惹味 大量乾葱 蒜粒 椒鹽 辣椒🌶️調味既軟殻蟹 炸得唔差 乾身酥脆之餘保持到入面有口感 亦冇炸得差個種一咬成口油既情況😤👍🏻蜜糖燒豬肋骨 Ribs比較細碟 所以份量都好少 大概5 6舊😹唔係咁抵食蜜糖可以再多啲 但整體烤得唔差 食落唔會乾身 尚算juicy 一咬啲肉質好有質感🤓青咖哩雞配印度薄餅雞肉鮮嫩滑溜 唔會煮得過老過鞋 青咖哩既椰漿味好香濃 本人表示泰式咖哩一啲都唔辣😬而食任何咖哩都一定要配印度個種薄餅先可食到最正既感覺🥴 熱辣辣香噴噴既香酥薄餅 點咖哩 簡直perfect😽芒果糯米飯甜品本來係最期待既部分 糯米飯口感煙煙韌韌 椰汁味🥥好濃 芒果🥭唔太夠甜 但弊在有一邊原來係核黎lol🤯同個阿姐講 佢竟然唔理仲話係正常😭…查看更多

好多人食泰菜都會選擇去九龍城, 覺得夠正宗朋友同小妹講原來唔洗去到九龍城都食到正宗泰菜仲要係係尖沙咀, 夠哂方便 間餐廳係北京道, 上到8 樓, 一開門就比佢既泰色擺設吸引仲有成間餐廳都係泰國人既待應好似去左泰國 睇餐牌有好多野食, 常見既泰菜都一定會搵到 最後小妹揀左以下幾樣:生菜包(豬) $ 68:  味道係偏辣, 仲好夠香, 加埋洋蔥莞茜, 份量比例幾好, 肉碎好juice , 生菜都爽口新鮮青咖哩雞 + 薄餅 ($78 + $30) : 青咖哩唔算辣,  上枱係熱騰騰, 咖哩既濃度岩岩好! 雞肉都嫩滑, 沾薄餅, 薄餅鬆脆 , 完美既配合 鹽焗烏頭$128: 小妹一向好怕係街食魚, 因為好怕腥, 今次呢碟鹽焗烏頭令小妹好滿意 條魚既肉質好嫩滑，魚入面釀左好多香料, 經過鹽焗再加上醬汁, 同條魚好夾, 酸酸甜甜 芒果糯米飯 $62: 最後小妹仲encore左碟芒果糯米飯 , 有黑糯米同白糯米, 芒果甜 , 滿足哂兩種口感  下次小妹會約多幾個朋友, 食多幾款"泰"正宗既泰菜!…查看更多

我們一行四人在尖沙咀搵食。因為經常在尖沙咀行逛，這邊的中、西、日、韓餐廳已經吃到膩。今天晚上，我們找一間泰國餐廳嚐一嚐。走著走著便來到新泰東南亞餐廳。泰式生蝦: 量多，大大隻。 鮮甜爽口。酸甜汁很醒胃。木瓜沙律: 木瓜和沙律菜都很新鮮，清甜爽口。馬沙拉咖哩雞: 咖哩很香，微辣。 通配卜。我泰式薄餅和蒜蓉包，很好味。泰式薄餅和蒜蓉包都焗得很香。泰式炒椰菜仔: 椰菜仔很爽口，略帶鹹香。冬陰功海鮮金邊粉: 有大量海鮮，包括鮮蝦、青口和魚塊。燒生蠔: 生蠔大隻肥美， 鮮嫩多汁。燒黃鱔: 有點像日式的蒲燒鰻魚。 魚身很厚， 魚油豐富。芒果糯米飯: 黑白糯米飯煙韌，有口感。椰汁的香味跟芒香的清甜很答配。…查看更多

😋 一切都泰好味😍身處泰菜天堂！🇹🇭✅ 併盤（蝦餅、魚餅、春捲、肉碎生菜包）Appetizer platter (prawn cake, fish cake, spring rolls, minced pork salad) $196 : 蝦餅魚餅都勁厚肉，口感已經滿分！另外有檸檬醬同酸甜醬可以點，味道完美結合🤩春卷外皮香脆，內餡份量一啲都唔小氣。肉碎生菜飽肥肉甚少，終於遇上，好感動😭✅ 麵包焗咖哩軟殼蟹 Baked bread stuffed w/ curry & soft shell crab $208 : 全力推薦！脆口軟殼蟹與軟熟麵包這組合簡直係無法抗拒🤤點上濃香咖哩，美味到昏！✅ 南瓜焗咖哩海鮮 Assorted seafood in pumpkin w/ red curry paste $148 : 海鮮份量同肉質都無令人失望，只係咖哩似乎太濃厚，搶了海鮮的味。大大個南瓜盅好養眼，啲肉雖然好難刮，但吃到既都係非常香甜🎃 我地另外叫左兩籃印度薄餅，真係史上最英明既抉擇，沾滿咖哩既薄餅吃落係極致享受😍✅ 芒果糯米飯 Mango w/ sticky rice & coconut milk $62 : 好好味！😍 優質芒果非差清甜爽口，配合微溫既紫糯米，再沾上特別香甜既椰漿🥥 多種口感讓人欲罷不能，呢幾個元素果然屬於一家人！所謂最簡單反而最難掌握，常見既甜品整到咁出色真係難得🌟…查看更多

今日約左閨蜜交換手信，她推薦食泰國餐，原本唸住訂位，可惜這餐廳規定要兩人以上才能訂位，我地唯有walk in了！六點多便上到去，餐廳已座無虛席了，好彩我地等左大約半個鐘便有位了，還以為要等－個鐘呢！不過有用餐時限1.5小時，所以要落單快，但估不到上餐速度都好快！可以比美茶餐廳值得讚賞是碟碟餸都係熱辣辣上枱的。我地叫左:泰式生蝦其實對生蝦有些顧忌，但閨蜜喜歡食，所以就點吧！賣相不錯，生蝦新鮮，配以泰式酸辣汁，超惹味！啖啖爽脆蝦肉，再加上檸檬片－起食，感覺好清新！超好食有沖動想叫多碟呢！蜜糖燒肋骨燒得好香，肋骨有蜜糖甜香味，不會太乾身，蒜蓉炒貴妃苗蒜蓉味炒得好香，貴妃苗炒得爽口嫰身，不會太油過火泰式蝦炒金邊粉賣相吸引，餡料豐富！蝦大粒爽口，金邊粉炒得不會太乾身，也不會過於濃味，好食芒果糯米飯芒果雖甜，但黑白糯米飯過於太淋身，味道一般龍眼冰有好多龍眼肉，不過甜，好飲當我地食緊甜品時，便要迫埋單開始趕人走了！我地離開時，門口還有好多人等位呢！怪不得不容許他人閒聊！…查看更多

上次到訪尖沙咀太子集團中心，留意到8樓有一間叫新泰的東南亞餐廳，窩夫與蝦子餅一向喜歡吃東南亞菜，早前在尖沙咀找地方吃晚飯便去試試看。餐廳的裝飾和擺設以木為主，很有泰國特色，環境給人舒適的感覺。窗旁設有四至六人的卡位，亦有幾張大圓桌，適合一大班親朋戚友相約聚餐。餐牌上有兩款標記供食客點餐時參考，分別是廚師推介的大拇指標記，以及2016年最具人氣食品的筷子標記。很久沒有喝過椰青($42)，這個椰青不會雪得太凍，正合窩夫的心意，椰青肉白白滑滑，椰青水味道清甜，消暑解渴一流。小拼盤($98)有蝦餅和魚餅各兩個，每個一開二共8件。蝦餅爽口彈牙，略嫌外層炸得稍為硬了一點。窩夫近年愈來愈愛吃泰式魚餅，喜歡那些香茅和檸檬葉的香味，新泰的魚餅做得不錯，不會很辣。除了泰國菜，新泰還提供多款其他東南亞國家的菜式，如新加坡的叻沙和馬來西亞的肉骨茶等，窩夫與蝦子餅則點了來自越南的蒜蓉牛油雞翼($68)。跟平日吃的蒜蓉牛油雞翼有點不同，雞翼用大量蒜蓉和洋蔥炒過，上桌時香氣撲鼻，鑊氣十足。泰式蝦炒金邊粉($98)用蛋網包著，賣相吸引，個人認為味道偏淡，可以濃味一點。壓軸的是芒果糯米飯($62)，黑白糯米飯都很好吃，來自泰國的芒果有一種很特別的香味，但窩夫與蝦子餅還是比較喜歡呂宋芒的味道。…查看更多