芝麻開門甜品專門店

營業中

休息中

上次堂食覺得好食，今次試吓外賣，有點失望，不知是否包裝有問題，或是外賣太心急，倒瀉了一平的糖水，立刻影響食甜品的心情。拿破崙很大舊，得飽肚，而且還鬆化。榴槤配芒果就有啲唔慣😅，芒果有啲酸，影響食榴槤嘅口味。其他的質數保持著，不過有點細碗😅。下次還是到地鋪食好了。（是次沒有收取任何利潤和廣告費用）

今日食完韓式午餐，同男朋友行到太子，見這間甜品店都幾多客人食，就來幫襯下。環境明亮、牆上面貼滿不同甜品的圖畫，好吸引喔！老闆娘好友善，熱心落單又同客人溝通原來下午茶時間2:30-6:00 更有加$1送桃膠，又養顏又有豐富膠原補充。男朋友點了推介的芒果盛世，我就想補下又暖胃點了熱芝麻糊。芒果盛世這個好豐盛好足料，有不同口感：香滑軟軟甜甜的芒果布甸、彈牙煙韌的果凍、冰凍清涼的芒冰、得意爆趣的芒爆珠、香甜健康芒果肉，不會太甜又美味，愛芒果者必點！古法芝麻糊喜歡中式甜品的我，芝麻糊又補血又健髮又對皮膚好，熱熱的溫度好暖身，芝麻味香滑又稀稠剛好，唔會太甜！