農場鮮奶有限公司

星期六夏日炎炎不特止，仲有一號風球熱死辣辣，但見天氣陽光太好，所以冒住曬黑既危機決定勇闖效外，晏就未食lunch就渣車入場黎農場鮮奶喂羊仔同試下好出名既「鮮奶」，先講下喂羊仔可以買$3一束長草去喂羊。 跟住就買左兩盒500毫升既全脂鮮奶（正常），同埋叫左個芒果布甸食。芒果布甸好滑而且果肉好多，真係媲美唔少甜品店。估唔到去到郊外都可以食到咁好味嘅甜品係驚喜嘅一點鮮奶真係我試過人生以來最好味嘅鮮奶，非常鮮味，好飲過維記同十字牌好多，但500毫升飲飲下真係好飽，飲到有啲想嘔😂 喂羊仔好好玩 平時香港好少有呢啲地方俾我地親親大自然同動物，最緊要仲有咁好味出名嘅牛奶飲，值得推薦大家一定要來試一試！…查看更多

一直都好想餵羊，適逢今個假期都得閒，就去左想去好耐農場鮮奶。 雖然羊唔多，不過餵過程好近距離同羊接觸，$3 一扎蔥都餵到好耐。玩完之後，就去左買想試好耐芒果布甸同牛奶。真心覺得牛奶好新鮮好好味，芒果布甸都好出色。如果行開元朗都建議週末入去玩下…查看更多

揸車先會黎嘅大帽山農場牛奶公司。佢嘅芒果布甸真係又香又滑，唔駛加鮮奶呀！因為佢個布甸底已經係有香濃牛奶味。布甸粉完全溶掉混和，所以先做到個布甸底咁滑。加上芒果當做，果味香濃。初夏食呢個甜品，真係好消暑。…查看更多

情人節同男朋友仔去完嘉道理農場，見又有渣車就諗住睇下附近有冇咩特別地方去，發現農場鮮奶有限公司只係十多分鐘車程就決定去試下佢回想起上次去都係幾年前既事了，還是渣車比較方便！但入去的車路不易行，因為係單程路，有對頭車就要係避車處避避。但好在去到係有免費車位既上次都黎過真係一試難忘！今日再黎試試 先黎一個薑汁撞奶同鮮奶- 可惜細盒裝鮮奶賣晒，大盒裝一公升又飲唔晒所以叫左一杯鮮奶share. 鮮奶非常香滑但又冇奶羶味，飲得出係全脂奶！薑汁撞奶熱辣辣，非常重的薑味！係即叫即撞既果然新鮮滾熱辣，而且非常滑，texture剛好望落似豆花 芒果布甸一望就望到好足料，粒粒鮮芒果，唔係用布甸粉整既布甸，加上花奶更滋味 到我既飛佛雪菜肉絲撈烏冬！雪菜肉絲非常多而且雪菜唔會太鹹，配上肉碎及蝦米好惹味，蝦米有畫龍點睛之用,出面茶餐廳食唔到呢個配搭！烏冬也非等閒普通貨，好彈牙有咬勁，份量都唔少，食完一碗夠晒飽喇雖然遠但keep住咁多人黎總有原因！食完仲可以餵下山羊添，有得玩又有得食，正！…查看更多

辛辛苦苦行完甲龍林徑之後, 最最最最開心的莫過於在終點完成之後, 在你正前方出現的就是農場鮮奶有限公司。只有幾步之遙, 是不是令人興奮莫名呢! 講多無謂, 馬上入去坐下舒展一下小腿, 也要買點好吃的來填填肚子!人家的名字叫做 農場鮮奶有限公司, 不可能不買盒牛奶飲的。雖然小妹本來都有點擔心全脂牛奶不知道會不會很騷臭, 結果証明我是多慮了。入口香滑不濃不杰, 香滑順喉, 倒也容易接受。味道也沒有一般超市品牌來得甜, 更覺得天然呢。全脂牛奶有500ml 紙盒裝和1000ml 紙盒裝。若還是嫌多, 堂食還是可以揀杯裝的。但少了這個紅白紙盒, 感覺就是風味大減對不對? 包裝果然是很重要呀! 如果想要低脂甚至是脫脂牛奶的話, 就只有買1000ml 裝囉。飢腸轆轆, 當然不是一盒牛奶就可以解決。來一碗人人讚口不絕的餐蛋麵吧! 本來以為餐蛋麵是普通不過的食物, 不會有太大的驚喜, 事實証明這裡的餐蛋麵真的是不hea貨! 單單看那兩片餐肉吧, 煎得極是香脆可口, 不花點心思可是煎不出的。雖然不算厚切, 但也做得到外脆內軟的。底下的蛋煎得比較熟, 不過不要緊, 因為它很有蛋味! 難道是真正的農場雞蛋嗎? 如此好品質的雞蛋拿去做egg Benedict 一定棒極了。而麵條是真正的出前一丁, 最愛它不會煮得過熟, 帶點微硬的口感是我最中意的。更驚喜的是湯, 極端燙熱! 在這冷冷的冬天, 可是一寶呢。風捲雲殘吃了個乾淨, 暢快淋漓, 幾乎有衝動去再買一碗!不過, 其實我們已經買了一碗雪菜肉絲撈鳥冬。比起餐蛋麵來說就有一點點的失色囉, 也是理所當然的, 香味已經不可能和餐肉及出前一丁比較。而且雪菜肉絲撈起烏冬來口感會有點沾沾滑滑的, 似是打了茨汁那種口感, 就未必人人中意。雖然味道不錯, 也算是清宜可口也沒有體重的負擔, 但我下次再來之時, 必定還是會吃餐蛋麵的。結尾少不了要來點甜的, 在薑汁撞奶和芒果布甸之間掙扎了一小下, 最後還是芒果布甸勝利。雖然芒果全部浮面, 也是頗足料的了。用農場牛奶製作, 味道比以花奶作材料更加清甜, 也算是幾好吃的。如果不想吃麵的話, 也有小食如茶葉蛋可揀。當然, 也不一定要像我一般翻山越嶺才可以來到這裡啦。大家可以選擇在元朗或者錦上路搭72號小巴(請司機提醒你下車吧), 下車走十多分鐘就到。只是我覺得, 辛辛苦苦走一回, 吃起來更見滋味呢。…查看更多

夏日炎炎正好眠,但一早已經約了友人遠足由荃灣出發,過了中午才到這歇腳點,大家都很累,點了燉奶,薑汁撞奶和芒果布甸互相分享燉奶口感幼滑,女士們多吃應能達美容之效薑汁撞奶,即叫即撞,店員叮囑要待兩分鐘後,薑汁撞奶就會凝固,果真過了兩分鐘後就完成, 吃進口中薑味濃郁但薑的辣味令我們在炎夏中熱上加熱最後是芒果布甸,雖然我們三人分享了這小小的布甸但每人皆有不少芒果肉,用料充足,而且更充滿芒果香味…查看更多

芒果布甸好好味仲好滑呀薑汁撞奶記住等2分鐘先好食呀燉奶，正本來唸住好難先搵到個入口，原來係咁容易，而且條路俾想像中好行！果度空氣清新，經常在污染中的城市人，如果想吸下清新空氣可以去呢個地方感受下！如果唔想有咁多對頭車就平日去啦…查看更多

難得有假期又好天氣..就去d大自然既地方la...由天水圍搭西鐵出發往錦上路站去..去到再搭72小巴. 大約2個字車程入到去. 不過去到就行得幾遠....好彩好天氣都幾好行..大約行左3個字就見到la~去到...好多架車泊左係到....地方唔算話好大得7-8張枱...好彩都仲有2張枱冇人坐...初時話冇芒果布甸ga...個時大約1:30pm ...好彩之後又話有...可能雪唔切la.. 餐蛋麵($22). 我同相公一人一碗..食得出係出前一丁麵...有2塊午餐肉..重點係佢d午餐肉係煎過ga...外脆內軟真係有心思呀~~另一個重點係隻蛋係漏黃ga~~~~~~~~~~~~~ 芒果布甸($15) 入面有好多芒果...好滑呀唔同出面d布甸ga..可惜係芒果帶點點酸..因為唔係時候呀~茶葉蛋($8) 比較失望la~~藥味重左d服務幾好...問我地d野食齊未...環境真係好舒服呀..可能加上天氣又好la..空氣真係新鮮d ga..如果假期去有可能會預到冇lee樣冇個樣..例如今日咁就冇哂一盒盒既奶賣la...芒果布甸都冇..不過之後有番...食完仲可以買草比羊咩咩食ga~~哈…查看更多

上星期六專程到這裡一遊~ 地點對無車一族來說是有點偏遠，還好我曾住在元朗，要找小巴站也沒難度~小巴站就在榮華大酒樓附近，找找投注站在哪兒便成了，皆因72號小巴站剛好在投注站對出~ 等了大約10-15mins吧，便有車~ 車費$5.5~ 原來此輛小巴會繞很多路，由元朗出發，經錦上路西鐵站後再往石崗方向行駛，我差點便睡著了~ 於總站下車時有點呆了，真的有點摸不著頭腦該往哪裡走... 想起這裡有人提及沿著引水道行，雖看見引水道只有車路，且相當窄，但也膽粗粗地試著往下走~沿途的景色很美，經過3個燒烤場地後，便差不多到了~ 向前多走兩步便會到「生態園」的路牌，那表示5mins內便可到達喔！剛到門口時，感覺好像很華麗般，差點被騙了~ 進去後才發現原來地方很原始，有地方泊車，但必需要惠顧才能泊~ 入門口右手邊是羊群的居所及泊車地方，右邊則是小食亭~來這裡的主要目的是與羊群拍照，故第一時間便去看看~ 羊的數目比我想像中少，而且很多也不在圍欄這附近~ 想不到只要拿著食物，牠們便會老遠的跑過來！ 第一次餵羊吃羊，原來牠們很大力喔！終於坐下來吃人氣的餐蛋麵，麵的質地很彈牙，不會過林或硬，餐肉圓圓厚厚的很香及很有口感，我最欣賞的是那片煎蛋，竟是溏心蛋！ 才$20/碗便有這種質素，難怪是這裡的人氣食品！ 這個推介~ 再吃芒果布甸，很有homemade的味道，個人來說略嫌奶味過重，掩蓋了芒果的香味~ $14由於對奶敏感，沒膽量試鮮奶及燉奶~ 這裡的服務態度很有人情味，很舒服，有時間會再來喔~ …查看更多

在 openrice 發現了這店後，一直想邀約朋友前往；不過也未能成事，最近終於因緣合和成行；我們三個大男孩、一個女孩子，由沙田駕車到此地也不過 2~30分鐘。由於該日是閒日，因此人流零落，我們一坐便幾小時，有傾有講。先談食物，我跟朋友分別點了餐蛋麵、牛奶、芒果布甸。餐蛋麵：這裡其他師兄說得沒有錯，只是嗅到阿姐煎煮時的香味，已令人唾涎三呎，本人當時不太肚餓，因此還是先拍照，後來不想阻礙朋友嘗美食，自己也叫了一碗再拍一番朋友都嚷著：快吃吧，快乾水了。拍好之後，便馬上起筷；公仔麵是一丁底，所以浸久也不會太腍，餐肉也是，還有少許鬆脆，相信剛煮好時，味道會更好！雞蛋也煎得恰到好處，應該用了兩只雞蛋，看看照片中其佔了碗多少面積就知道，$20 的價錢，我相信很多茶餐廳也沒有這個水準，說它是香港數一數二好吃的餐蛋麵，一點也沒有誇張。牛奶：朋友買了一盒來分享，我也試了一杯，味道跟一般盒裝鮮奶不一樣，較淡味，很特別；問我好喝與否，我覺得跟一般的是各有千秋，都很好喝。芒果布甸：也是必吃甜品之一，很多芒果肉，我建議加上該店的牛奶代替花奶來吃的話，會覺得別有一番風味。 $14/碗下次定把其他馳名食物都嚐試一番！吃完東西，可以跟向阿姐買草紮，每紮 $1。態度方面，可能今日人流不多，阿姐態度不錯，我們的攝影器材、手提電腦放在旮旯的桌上，打開腳架玩無線閃燈、隨意拍照也沒有問題。環境方面，這裡麻雀雖小，五臟俱全，環境優美，空氣又好，是拍照(尤其人像，想睇可問我)，一家大細，情侶也適合到此店。…查看更多

聽聞呢個農場嘅雙皮奶同芒果布甸都好味都不得了, 於是山長水遠都要嚟試試! 哈! 原來好方便架咋, 喺元朗大榮華隔離條街搭往雷公田嘅專線小巴就到, 落咗車就行一陣, 呢D涼涼地嘅天氣, 咪當遠足囉, 吸收吓D新鮮空氣對身體都好D呀!行吓傾吓, 好快就到! 咦! 呢度打理得好乾淨喎! 原來可以餵羊咩咩呀! 真係好玩!一坐底見到隔離食緊碗餐蛋麵, 好似好好味咁喎, 一於叫碗試吓先! 嘩! 兩大塊煎到香噴噴嘅午餐肉, D麵煮到時間啱啱好, 真係唔錯, 由於太肚餓, 一口氣就食完, 所以唔記得影相!到主打甜品, 我叫咗芒果布甸, 一入口, 超多芒果, 超甜, 超滑, 超好味! 正! 雖然, 呢度遠就係遠咗D, 不過如果邊位朋友有興趣, 我可以做領隊, 帶佢地嚟試吓架! 有得食, 有得玩, 一樂也!…查看更多

To be very honest，我無去過北海道，不過看得多旅遊書介紹，印象中她是美好的，起碼食物新鮮、獨特，地方乾淨夠郊外feel，間中仲會見到牛牛+羊仔四圍走，氛圍寫意。唔知呢，來到農場鮮奶第一個感覺便是這樣。因工作關係，是日到了這地遊走。感覺別有洞天，仲有個小草地養了幾隻黑色羊仔，我看著同遊的model好開心咁跑去餵佢食草，令本來思緒沉重的我樂得開懷。知道農場鮮奶的奶品出色，一口氣叫來全脂和脫脂，另外柯打了芒果布甸、燉奶。我是愛奶之人，所以全脂牛奶最o岩，入口濃稠，奶味香而不羶，喝後滿口香味，好喝！脫脂相對地稠度、奶味遜色，但也奶滑不俗。燉奶...... 不吃！我從不吃熱奶品~ 但model說滑到不得了~芒果布甸就一流！記得小時住香港仔，常去金滿樓飲茶+吃她的芒果布甸，那裡的果肉很多，果味甜味自然，是現在很難吃到的。在農場鮮奶就讓我尋回昔日滋味~ 啖啖果肉，味道清甜，不加奶也好吃。有機會去開/ 行完山，記得去一轉咯~~ (仲可以睇埋附近的駐港解放軍營tim~ ^^)…查看更多

星期日的中午,,搭巴士搭左好耐先入到石崗..跟住條路行終於俾我搵到呢度XD1入到去見唔算好多人的時侯即叫了芒果布甸同埋凍燉奶//-芒果布甸味道唔錯..甜度剛剛好口感欠缺~不過芒果數量超多,,真係夠份量!-凍燉奶的味道都好有奶味..仲好滑~食完之後見到有山羊..好懶洋洋咁XD服務唔錯,,佢仲幫我枝牛奶入左袋先..等我食完先拎~臨走前買枝牛奶番屋企XD…查看更多

星期天的下午，主人與奴隸獸想不到光顧的人著實不少，真是有一點兒驚訝呢！1. 芒果布甸（HK$13）：口感頗滑，芒果粒亦不少，味道 OK。2. 薑汁撞奶（HK$13）：質感夠滑，清淡的薑味，加上濃郁的奶味，主人話好好味。3. 半公升全脂牛奶（HK$12.5）嘩！！顧客越來越多，還出現幫襯的車龍，真誇張。幸好我們已經食飽飽，去餵『羊咩咩』囉！…查看更多