清原

營業中

休息中

店舖乾淨企理，坐得幾舒服。店員好 nice，落單同出嘢食都好快手，成個過程好順暢，食得好開心！🥣芋見幸福 (紅豆 芋圓 芋頭球 珍珠 西米露)呢碗真係芋頭控必點！沙冰嘅芋頭球好大塊，食落去超粉超綿，芋頭味好香濃，又唔會死甜，好正！芋圓煙煙韌韌有咬口。珍珠同西米露煮得啱啱好，夠Q彈。成碗料多到差啲瀉，食落好豐富，味道又夾，大滿足！🥤芋見泥珍好 (小芋圓 珍珠 紅豆 西米露)呢杯飲品嘅精髓係佢嘅 「芋泥」！啲芋泥打得超級幼滑，飲入口即化，芋香十足，完全唔膩。啲珍珠煙韌有嚼勁。紅豆同西米露都好好味，小芋圓都好足秤。🧋小芋圓熟成奶茶鍾意飲台式奶茶嘅朋友可以試下呢杯！奶茶底好香濃，可以自選茶底。我揀咗烏龍茶底，茶味同奶味 balance 得好好。小芋圓係驚喜位，細細粒但係煙韌軟糯，咬開有芋頭香。三款嘢食都有水準，特別係佢哋嘅芋頭系列真係做得好出色，料足又新鮮。見到佢哋係用明治鮮奶，用料上乘真心推介俾鍾意食芋頭嘅朋友。

台灣芋頭甜品過江龍🍠，首入芋頭冰出色香甜👅，大推仙草凍&紫薯珍珠💜！・・・・・・・・・・・・・・・・・・・・🍠 芋見幸福 HK$62＞ 紅豆、芋圓、芋頭球、珍珠、西米露・味道：個基底係出色嗰part，將芋頭打入個冰底度，第一次喺香港食芋頭冰🧊！融咗都係芋頭唔係冰水👍。紅豆煮熟哂變成半蓉狀入口香甜🫘，芋圓煙韌有咬口冇加額外糖份，食返芋頭地瓜嘅天然甜味！芋頭球都係big boss級好食嘅(*´∀`)~♥，純用芋頭打到好綿密，冇加任何creamer或鮮奶打smooth佢，出色喎😋！珍珠同西米露都係煙韌，出色的一手呀師傅🫡・口感：冰有小碎粒但因為同芋頭一齊打埋，所以更firm了🤭配料們各師其職，perfect池！​​🍠 雙芋冰嫩仙草凍 HK$49＞ 芋頭球、芋圓、紅豆・味道：仙草有燒香香氣，而且冇乜藥材味（唔知典解出面啲仙草多數有），好消暑0負擔感😋配料同上，有feel(⁎⁍̴̛ᴗ⁍̴̛⁎)‼・口感：仙草凍水嫩又動L動L的，瀡入喉嚨咁滑🛝，勁爽！🧋 芋見泥珍好 HK$62＞ 小芋圓、珍珠、紅豆、西米露・味道：大滿貫咁乜都有，問咗店員原來係杯裝甜品嚟，個base係芋頭冰嚟，好濃郁creamy！配料名煙韌

芋見幸福賣相：🐧🐧🐧🐧🐧味道：🐧🐧🐧🐧🐧芋頭冰擺盤用心精美，五款特選配料包括紅豆、芋圓、芋頭球、珍珠和西米露各佔一方，感觀齊整又悅目，色彩繽紛打卡一流。芋頭冰自身不會過份甜膩，芋香十足，冰涼又爽口，配搭甜美的紅豆和綿滑的芋頭球一齊食，滋味超理想。煙韌Q 彈的芋圓、珍珠和西米則為甜點更添嚼感，整體味道口感層次豐富，大滿足推薦👍雪藏宇治金時賣相：🐧🐧🐧🐧🐧味道：🐧🐧🐧🐧🐧綠茶冰堆得山一樣高，份量極多，足夠二人分享有餘。頂端蓋有一球雪呢拿雪糕，一旁附有一滿瓢芋圓粒粒，客人逐步加添至綠茶冰一起吃，十分貼心。綠茶冰清爽怡人，散發著沈穩的綠茶芬芳，冰內藏有滿滿的芋泥和紅豆，頗具驚喜感。芋泥軟滑綿密，紅豆甜美香口，與綠茶冰配搭食用，甜絲絲的滋味令人無限迷戀。芋見泥珍好賣相：🐧🐧🐧🐧🐧味道：🐧🐧🐧🐧🐧飲品採用店舖自家設計透明杯裝載，在外已清晰可見，飲料杯內填滿小芋圓、珍珠、紅豆、西米露等配料，底部更佈滿厚厚一層芋泥，非常足料。飲料入口充滿芋泥的香氣，甜度恰到好處，不會過份甜漏。小芋圓、珍珠等口感彈牙又煙韌，嚼感一流。環境：🐧🐧🐧🐧🐧店舖以迷人的粉紫作主色調，感覺夢幻少女心滿滿。牆上掛有店舖招牌甜品相片