HeySoNuts

營業中

休息中

最近好中意食窩夫同疏乎厘係疫情期間 對土瓜灣呢間餐廳總係念念不忘 已經係第二次encore今次係4月13號復活節公眾假期去 約朋友2個人食出面都要等四五張枱 因為行最令最多四人同枱 食肆規管限座一半 所以等左差唔多30分鐘先有得入席首先介紹吓食物其實我最主要係因為甜品而嚟但呢一間餐廳嘅自家製煙豬腩肉芥末籽醬意大利粉($133)真係食過返尋味 因為本人唔太鍾意太多醬嘅意大利粉 heysonuts呢個比較乾身嘅意粉真心超級好味10分香口 每一條意大利粉都癡住咗啲芥末籽 再加上每一塊煙豬腩肉 肥瘦各一半厚度適中 好有咬感 所以今次決定要再encore多一次第二樣主菜係慢煮手斯豬腩肉漢堡配柚子汁沙律($129)好大份 而且麻麻哋豬嘅我都好鍾意食呢個慢煮豬腩肉 多汁得嚟 份量都好多跟住介紹吓小食 本身係想食青口 但因為賣晒就叫咗呢個魷魚圈配自家製咖喱蛋黃醬($88)其實本人唔係太鍾意食魷魚圈 但呢個魷魚喜出望外的是 很厚很新鮮侍應好好 幫襯過3次都會係食甜品之前幫我哋換過甜品碟而且會提醒顧客甜品製作需時建議提早叫定 首先介紹吓窩夫 焦糖香蕉窩夫配香草雪糕  (全份)($80) 呢間餐廳嘅其中一

小弟之前對土瓜灣非常陌生，親身嚟過先知係美食集中地。以北帝街為例，開左三間咖啡店。Heysonut門面既餐牌有令所有女士瘋狂既梳乎厘（包括我女友在內），所以選擇入去Heysonut。裝潢同一般咖啡店無異，不過Heysonut偏向黃色既傢俬。餐牌設計充滿心思，排版像一本圖片集，食物相片非常吸引，希望真實既賣相都係差唔多🤣。餐牌亦記載餐廳既歷史，例如建築構思圖，令我看得非常著迷。- 自家製煙豬腩肉芥末籽醬意大利粉🍝意粉口感偏硬，芥末醬同意大利粉配搭相當新穎，但未算一試難忘。豬腩肉偏瘦幾香口。- 手打西冷牛肉原隻大蘑菇漢堡配薯條🍔麵包稍為烘過，有少少香脆。原隻大磨菇配上超厚牛肉扒，兩者同樣juicy，可謂雙重爆汁滋味。薯條香脆唔油膩。- 自家製髒髒比利時朱古力醬日式梳乎厘鬆餅配焦糖香蕉🥞餐廳五個月前先推出呢款梳乎厘，幾乎每晚都賣曬，我好好彩咁order到今晚最後一個。味道方面，梳乎厘一共有三層，有少少半熟既狀態，蛋味超香，朱古力醬非常香濃，焦糖香蕉亦好正。三款食物之中最喜歡漢堡，餐廳人流都幾多，比起旁邊兩間咖啡店更熱鬧，證明我一開始無揀錯😎。

今晚朋友約食飯，介紹去土瓜灣cafe食晚飯，餐廳不大，七點己經坐滿人。店員安排窗口bar 枱位置，望住街景食晚餐，感覺不錯。沙律菜新鮮，沙律面滿佈芝士碎，芝士味香濃，煙肉不會太乾，麵包碎及合桃香脆。芥末味濃但不辛口，芥末籽帶點酸醒胃得嚟味道特別。意大利粉彈牙比較乾身，自家製煙豬腩肉份量多。煙燻味濃，豬腩肉肥瘦均勻。梳乎厘蛋味香濃，空氣感十足，入口軟綿，配上咖啡酒，不論口感或味道同提拉米蘇都非常夾。咖啡味香濃，不酸不苦，焦糖味及甜味適中。咖啡味香濃但榛子味一般，微温唔夠熱。

比較少來土瓜灣，但因為記憶中這餐廳的食物質素不錯，所以相隔一年多再來光顧，但今次比較失望。店員介紹他們的聖誕節menu（係散叫的，不是set），看過文字後也覺得不錯，就毫不猶疑地點了聖誕menu的其中兩樣食物。一個係龍蝦湯，另一個係海膽海鮮意大利飯。但上菜後覺得中伏，份量少得可憐！明白這款濃湯通常也不會好大份量，但也不至於咁少吧！但味道都OK的！另一碟聖誕menu上的意大利飯，同樣是很少！味道普通。這個自家製煙豬腩肉芥末籽醬意大利粉份量就比較合理，起碼食得飽。個人覺得味道偏酸，但可以接受。

Heysonuts的大名早已如雷貫耳，今天終於有機會一試。食物款式多元化，有精品咖啡、西式餐飲及充滿特色的甜品。裝潢帶點工業風，佈置以深色為主，牆上掛了一幅幅的布袋牆飾，還有復古設計風格的吊燈，營造出簡約休閒的氛圍，讓人感覺輕鬆愝意。焦糖鮮奶咖啡 ($40)拉花精緻，口感順滑。白酒煮活黑青口配蒜蓉包 ($138)香氣撲鼻，叫人口水直流。青口creamy又鮮嫩，入口鮮味十足及帶有蒜香味，十分吸引，讓人一口接著一口。蒜蓉包香脆可口，味道與青口十分配合。自家製煙豬腩肉芥末籽醬意大利粉 ($133)自家製煙豬腩肉脂肪與肉層次分明，口感豐富。入口散發著濃厚肉香，鬆化香口，有嚼勁。自家製提拉米蘇 ($54)用小鴨子器皿裝載著，造型非常可愛吸睛。Mascarpone Cheese入口綿密軟滑，手指餅非常鬆化酥脆，一軟一脆的口感，讓人一吃傾心。