大將 (已結業)

呢間入到黎就覺得好舒服，環境明亮，位又闊落又好坐。叫左SRF和牛，同試下巨塔芫茜火山湯，點埋個大蟹捧。個湯黎到嗰陣，聞到芫茜味真係好勁😝😝😝鍾意食芫茜既應該會覺得好掂👍跟住聽到聲，原來係個送餐機械人😍😍個機械人專送盤裝食物👏👏個人覺得好得意，男人見到，應該會叫多幾次牛🤣🤣🤣大蟹捧真係好大條😱😱😱長過我手掌，呢32蚊真係抵👍👍其他配菜同醬汁就自己出去拎，配菜款式都唔少，比起我上次去嗰間沙田日式火鍋店，真係多唔止一倍。而且仲有關東煮，煮到入哂味，呢樣真係加哂分。最正既係，佢地有日本雞蛋無限量供應😍😍😍😍啲牛質素唔錯，夠新鮮，顏色幾靚，芫茜湯配和牛真係幾正，點埋雞蛋汁黎食，又滑又爽。我一個人咁就清左4盤😋😋另外有樣係我覺得好正既，就係佢地飲品竟然有玻璃樽可樂😱😱😱其他都只係汽水機或罐裝，佢地竟然有枝裝，仲要係玻璃樽款。你話咁樣邊飮邊食，夫復何求呢😋😋😋食完正餐食甜品，呢度有得自己整窩夫，好簡單，有埋沙漏比你計時，唔錯👍👍個窩夫可以加糖槳或雪糕，我就加糖槳食，食落又唔會太甜喎。成餐真係冇野不滿，冇野可以投訴，又好食又滿足，飽到上心口。唔係講笑，呢間真係掂👍👍下次一定再黎！！！

自從上年去沖繩食過石垣牛，一直念念不忘，最近比我搵到香港高質抵食石垣牛火鍋，仲要係和牛任食。一人一鍋感覺衞生，點選食物後，仲有送餐機械人走過黎送餐比你，好得意。另外，出面都有自助區，可以自己拎配料、飲品和甜品等，選擇都好多。石垣和牛果然冇令我失望，油脂紋理分明，味道濃郁，口感富有層次。另點左季節性食品松葉蟹腳，有四隻新鮮肥美，配上松葉蟹味噌湯好match。打完邊爐就去整DIY窩夫，揀左綠茶醬，焗一分半鐘就完成，加左d朱古力雪糕，即時味道昇華。

好耐之前喺日本食過火鍋，一直念念不忘，今日經過呢間火鍋店，見到有沖繩期間限定嘅火鍋，只係$198可以食到日本阿古豬放題(90分鐘）就試吓佢啦！結果係非常非常滿意，本身我都唔係十分喜歡食豬肉，因為好多時呢一類連鎖火鍋店嘅豬肉都淡而無味、或者又鞋又韌。不過大將嘅阿古豬真係令人驚喜，入口有好香濃嘅豬肉味，厚度適中，唔會太薄但又唔會太韌，同我上次喺日本食嘅阿古豬一樣，食得返日本風味，真係好正！火鍋湯底我地揀咗「松葉蟹味噌湯」及「山葵鹽骨膠原雞湯」，呢兩款湯底都係期間限定㗎！松葉蟹湯底仲會配埋一份松葉蟹腳、蟹味好濃好鮮味，雖然份量唔多不過都足夠吊吓癮。推介！值得一讚係原來非常乾淨，而且枱面設計非常細心。一坐低店員解釋木架上邊係放膠碗，膠碗係用嚟攞出面的配料，而木架下面就係擺肉類，咁就唔會放到成枱都係！好抵讚！嘢食方面除咗頭先大讚嘅阿古豬，五花肉同埋雞肉都好出色，五花肉嘅脂肪比較多，入口好重油香味，好香口。雞肉出奇地非常滑嫩，我以前係唔會食火鍋嘅雞肉，今次竟然食晒！出邊可以拎嘅配料選擇都好多，有火鍋配料，亦有熟食。我哋試咗個沖繩式木魚燒苦瓜，好有日本風味，好食。有一種返雞蛋亦都係非常抵讚，唔係咁多